radheef.info
ރަދީފު


މައް
ނއ (1) އެހެން އެއްޗަކާ އެކު ނުވާ )ހުރިގޮތަށްހުރި( މިސާލު: މައްދިވެހިބަހުން )ސާފުދިވެހިބަހުން( (2) އާދައިގެ މިސާލު: މައްމީހެއް
އުތުރު
ނ (1) އިރުމައްޗަށް އެނބުރިހުންނަމީހާގެ ވާތްފަރާތް (2) ގަހާފަރާތް
އުސް
ނއ (1) އުހުލިފައިވާ (2) މައްޗަށް އަރާފައިވާ (3) މަތި
އުސްކުރުން
މ (1) މައްޗަށް ނެގުން (2) އުފުލުން
އުސްފުމުން
މ (1) މައްޗަށް ފުމުން (2) އެއްޗެއްގެ މަތިން ފުމުން
އުޑުބޮމަ
ނ (1) ތިންރިޔަން އަށަނގޫ )8 އަނގޫ( (2) ބަވަ (3) މެދުމިނުގެ މީހަކު ކޮޅަށް ހުރެފައި މައްޗަށް އަތްދަމައިލީމާ ފައިތިލަ ޖެހިފައި ހުރި ހިސާބުން ފަށައިގެން ދަމައިލި އަތުގެ މެދު އިނގިލީގެކުރިއަށް ހުންނަމިން
އުޑުތެރެ
ނ މައްޗަށްގޮސް ލޮލުގެ ކޮޅަށް އޮބާލާ ހިސާބު
އެހުރިހައި
ނ ތަނެއްގައިވާ ހުރިހާ އެއްޗެއް ނުވަތަ ކަމެއްގެ މައްޗަށް އިޝާރާތްކޮށް ބުނާގޮތެއް
އެހެރިހައި
ނ ތަނެއްގައިވާ ހުރިހާ އެއްޗެއް ނުވަތަ ކަމެއްގެ މައްޗަށް އިޝާރާތްކޮށް ބުނާގޮތެއް
އެންއެރުން
މ ކަޅުބިލަމަސް ބާނާން އެމަށް ހިފައިއުޅޭ ބާވަތް ބާވަތުގެ މަސް ބޭރުމައްޗަށާއި ގިރި ފަޅުފަދަ ތަންތަނަށް އައިސް އެއްވުން
އެރުން
މ (1) އޮއްސުމުގެ އިދިކޮޅު (2) އުދަވުން (3) ތިރިން މައްޗަށް ދިއުން (4) މޫދުން އެއްގަމަށް އައުން (5) އެއްޗެއްގެ ތެރެއަށް އަނެކައްޗެއް ވަނުން (6) އަތިރިމައްޗަށް ފޭބުން (7) އަތިރިއަށް ދިއުން (8) އަތިރިމަތީން އެއްގަމަށް އައުން (9) މޫދަށް ނުވަތަ އެހެންވެސް ފެންގަނޑަކަށް ފޭބުން )01( ރަސްމީ ބައެއް ކަންތަކާއި އޮޅިމެދުގައިނަމަ އެކަމެއްގައިވުން
އެރުވުން
މ (1) ތިރީން މައްޗަށް އެއްޗެއް ފޮނުވުން. މިސާލު: ގުޑިއެރުވުން ބެލޫނު އެރުވުން (2) މޫދުގައި ނުވަތަ ގޮނޑުދޮށުގައި އޮތް އެއްޗެއް އެއްގަމަށް ގެނައުން (3) އެއްޗެއްގެ ތެރެޔަށް އެއްޗެއް ބާރުކޮށް ވެއްދުން (4) މީހަކަށް އެއްޗެއް ދިނުމަށް މާތްބަހުން ބުނާގޮތް (5) ދުއްވާ އެއްޗަކަށް މުދާލުން (6) ބައެއް ޒާތުގެ ކެޔޮޅުކަން ކުރާން ބަރެއްލާފައި ނަނުފެއްތުން (7) މީހެއްގެ ނުވަތަ އެހެންވެސް ދިރޭއެއްޗެއް ފެންގަނޑަކަށް ބޭލުން
އެކޮޅުކޮޅު
ނ (1) އެއްޗެއް އޮންނަންވީ ކޮޅުނޫން އަނެއްކޮޅު މިސާލު: ކޮޅަށް ހުންނަ އެއްޗެއްގެ މައްޗަށް ހުންނާންވީ ކޮޅު ތިރިއަށް ހުރުން (2) އިދިކޮޅު
އެކޮޅުކޮޅުންނެގުން
މ (1) ދެއަތް ޖައްސައިފައި ދެފައި މައްޗަށް ދަމައިލުން (2) ދެފައިގައި މީހަކު ހިފައިފައި ބޯކޮޅު ތިރިޔަށް ވާނޭހެން އުފުލައިލުން
އެކޮޅުކޮޅުންއެއްލުން
މ ކުރިމައްޗަށް ވާނޭހެން ފުންމައިގެން ބުރެއް އަޅައިފައި ކޮޅަށްޖެހުން
އެއްލުން
މ (1) އަތުން އެއްޗެއްގައި ހިފާ އެ ދުރަށްދާނޭހެން އަތުން ދޫކޮށްލުން. (2) ގުޑި ތެލަނގަ ފަދަ ތަކެތި ހިފައިގެން ހުރެފައި ނަނުގައި ހުންނަ މީހާ ބުނީމައި މައްޗަށް އަރައިގެން ދާނޭހެން ދޫކޮށްލުން. (3) މަސްބޭނުމަށްޓަކައި ނަނުގެ އެއްކޮޅު ހޫރާލުމާއެކު މޫދަށް ދޫކޮށްލުން. މިހެން ހަދަނީ ނަނުގެ ކޮޅުގައި އޮންނަ ބުޅީގައި އެން އަޅައިފައެވެ. )އެއްލި ނނކ އެއްލައިފި ނކ އެއްލަނީ ވވ އެއްލާނެ ވނ އެއްލާ! އމ
އެއްގަމުއަރުމާޒު
ނ އައްސުލްޠާންއަލްމުޡައްފަރު މުޙަންމަދު ޢިމާދުއްދީން އުތުރު އަރުމާޒަށް ވަޑައިގަންނަވާންވެގެން އެރަދުންގެ ދަރިކަލުންނަށް އެއްގަމުގައި ހައްދަވައިދެއްވި އަރުމާޒެއް. މިއަރުމާޒު ހެއްދެވިގޮތަކީ ފުރޮޅުލާފައި އެއްގަމުގައި ދުއްވޭނޭހެން އެގާރަ ގުރާބު ތައްޔާރުކުރައްވައި އެގުރާބު ދަމާ ކަލާސީންނާއި ދަންޑަހެލު ބޭކަލުން ލައްވައި އެމީހުންގެ ވެރިޔަކު ލައްވައި އެމީހަކަށް ރަނަހަމާންތި ކަމަށް ކޮލިލައްވައި ގުރާބުތަކަށް އެއްގަމު އަރުމާޒު ބަޑިލައްވައި އެގުރާބުތަކަށް ރަސްމީ އުޅަނދުތަކަށް ހުންނަހައި ކަމެއް ހަމަކުރެއްވިއެވެ. އަރުމާޒު ކަލާސީންނާއި ދަންޑަހެލުންނާއި ރަނަހަމައިދި ބޭކަލަކު އޭގެ ކުރިއަކު ނުތިއްބަވައެވެ. ރަދުންގެ އަރުމާޒު ފުރާވަޑައިގަތުމަށްފަހު އެއްގަމު އަރުމާޒު ފުރާވަޑައިގަތީ މެދުޒިޔާރަތް މަގުން އިރުމައްޗަށެވެ. މިހެން ގޮސް އެކިއެކި ތަންތާ ރޭކުރައްވައި ކުޅިވަރު ކުޅުއްވައި ހައްދަވައެވެ. ދުވާލު ކަލާސީން ލައްވައި ރަށުތެރެ ތާހިރުކުރައްވައި މިބާވަތުގެ ކަންތައް ކުރައްވަމުން ވަޑައިގެން ރަދުންގެ އަރުމާޒު މާލެ ވަޑައިގަތް ދުވަހު އެއްގަމު އަރުމާޒުވެސް ގަނޑުވަރަށް ވަޑައިގަތީއެވެ. އޭގެ ފަހުގައި ކަލާސީންނާއި ދަންޑަހެލުން ހަވަރަށް ބައިކުރައްވާ އެމީހުންގެ ޚާއްޞަ މަސައްކަތަކީ ބަނޑުދިނުންކަމުގައި ހައްދަވައި މިއަރުމާޒުގެ ބަނޑޭރިން މިނާ މީހުން ކަމުގައި ހެއްދެވީއެވެ ދެފޮއިގައި ބަނޑުދޭން ފެށީ މީގެ ފަހުގައެވެ ކުރީގައި ބަނޑުދޭ ގޮތަކީ މަހަކު އެއްފަހަރު ކޮށާރު ދޮށަށް ބަލައިދިޔައިމާ ދެއްވަނީއެވެ މިއަރުމާޒަށް ވަޑައިގަތް ބޭފުޅަކީ ތާރީޚުގައި މަޝްހޫރު އިބްރާހީމް ރަސްގެފާނެވެ
އެވެނިމިވެނި
ނއ ކަންތައްތަކެއްގެ ނުވަތަ އެއްޗެހިތަކެއްގެ މައްޗަށް އިޝާރާތްކޮށް ނަން ނުބުނެ އޭގެ ބަދަލުގައި ބުނާގޮތެއް. މިސާލަކަށް: އެވެނިމިވެނި ގޮތަށް އުޅޭ އެވެނިމިވެނި ކަންތައް ކުރޭ އެވެނިމިވެނި އެއްޗެހި ހޯދާ
އެފަކީރު
ނ އަނެކެއްގެ މައްޗަށް ރަޙުމްގެނައުމަށްޓަކާ ލޯބިން ބުނެއުޅޭގޮތެއް
އޮށިގަނޑު
ނ (1) މައްޔިތާ ސަންދޯކުނާޅާ ވަޅުލަންޏާ ޤަބުރުސްތާނަށް ގެނދާން އޮށީން ބަނދެގެން ގެންގުޅޭ އެއްޗެއް. (2) ބަލިމީހުން އެއްތަނުން އަނެއް ތަނަށް ގެންދާން ދެދަނޑީގައި ފޮތިޖަހައިގެން ނުވަތަ ފީތާ ފުރައިގެން ހަދައިފައި އޮންނައެއްޗެއް. (3) ބައިސްކަލު ފަހަތުގައި އެއްޗެތިބަހައްޓާން ހުންނަ ޖާލީގަނޑެއް. (4) ވެޔޮއެރުވުމާއި ތަވާބަންޑުން ޖެހުމާއި އަދި މިނޫނަސް އެކިއެކި ބޭނުމުގައި ޖާލީހެއް ބަނދެފައި ހުންނަ އެއްޗެތި
އޮށޯތުން
މ ތަނެއްގެ މައްޗަށް ހަށިގަނޑުގެ ބާރު ދޫކޮށްލައިގެން އޮތުން