radheef.info
ރަދީފު


ވަރަ
ނ (1) އުދުހޭ އެއްޗެތީގެ ފިޔަ (2) ކެޔޮގަހު ބަނޑުފަތާއި ކަށިކެޔޮފަތް ފަދަ އެއްޗެތީގައި ހުންނަ ތުނިފަށްފަށް (3) މުއިރު (4) ދުނިދަނޑި ލަނބަންޖަހައިފައި ހުންނަ ފަށް (5) މަޑައިގައިޖަހާ އެތިފަށް (6) ފިޔަ
ކައްޅިކުއްޅިވުން
މ )ސ ( އެއްޗެއްގެ އެކިތަނުގައި އެކިވަރަށް ކުލަހުރުން މިސާލު: ފޮތިގަނޑެއްގައި ކުލަޖައްސާއިރު ކުލައެއްވަރު ނުވެ ތަފާތުވެފައި ހުރުން
ކައްޓަލަ
ނ ފަލަމަޑީގެ ބާވަތެއް މިއީ ބިމުގައި ދުވަމުން ހެދޭ ވެލެއްގެ ގޮނޑިއެކެވެ މިގޮނޑި ފައިބަނީ ފަތުބުޑުންނެވެ މީގެ ބާވަތްތައް ވަރަށް ގިނައެވެ
ކަމަރު
ނ (1) އުނަގަނޑުގައި އަޅާން ގެންގުޅޭ ބަކަލުގައި އެކި ވަރުވަރަށް ހަމަޖެއްސޭގޮތަށް ހަދައިފައި ހުންނަ ބަންދު (2) އެކިއެކި ބޭނުމަށްޓަކައި މޫނުމަތި އަޅުވައި ނެއްޓޭނޭހެން ހަދައިފައި ހުންނަ ބަންދު މިސާލު: )ހ( އަތުކުރީގަޑީކަމަރު )ށ( ތަންމަތިބަންނަކަމަރު
ކަމަކަށްވުން
މ މަޖާޒު: (1) ކަމެއް އެކަމެއްގެ ޒާތުގައި ވާނެއޭ ހީވާ ވަރަށް ވުރެ ބޮޑުވުން (2) މާކުޑަކަމެއް މާބޮޑުކަމެއްގެ ގޮތުގައި ނިމިގެން ދިއުން
ކަފަދިއްގާ
ނ ލަކުޑިދެރަ އާރުނުލައި ހުންނަދިއްގާ މިބާވަތުގެ ދިއްގަލުގެ ލަކުޑި ވަރަށް މަޑުވާނެއެވެ
ކަފާސްތޮޅި
ނ މޫދުގައި އުޅޭ ތޮޅީގެ ބާވަތެއް މިތޮޅި ހުންނަނީ ބޮނޑިބަތް ތޮޅިފާޑަށް ތުންގަނޑުގެ ދެފަޅި އެއްވަރަށެވެ މިއީ ތުންދިގު ތޮޅީގެ ކުދި އެއްޗެހި ކަމަށްވެސް ބުނެއެވެ
ކަތިވަރުވުން
މ ކަތިލާން ކަމުދާވަރަށް ބޮޑުވުން
ކަޑަނެބަތެ
ނ )ގ ( އަންހެނުން މާލޫދުގެ ފަށާ ކޭމަށް ގެންދާ ބޮނޑިބަތެއް މިބޮނޑިބަތް ހުންނާނީ ވަރަށް ރީތިކޮށް ފަތުން އޮމާން ކޮށްފައެވެ މިމާލޫދަށް ކިޔައިއުޅެނީ އަންހެނުން މާލޫދެވެ މިމާލޫދު ކިޔުއްވަނީ ރަށުގެ ހުރިހާ އަންހެނުން ބައިވެރިވެގެންނެވެ
ކާމަރަނގަ
ނ މޭވާގެ ބާވަތެއް މިއީ ފަސްއަރިއަށް ހުންނަ ވަރަށް ހުތް މީރު މޭވާއެކެވެ މިމޭވާ ހުރަހަށް ފޮތިޖެހުމުން ހުންނާނީ ފަސްފިޔަމަލެއް ހެންނެވެ މީގެއޮށަކީ ވަށްކޮށް ދިގުކޮށް ހުންނަ ކުޑައޮށެކެވެ
ކާފޫރު
ނ ކާފޫރުގަހުގެކިރުން އުފައްދާ ވަރަށް ގަދަ އާވިވަހެއް ހުންނަ އެއްޗެއް މިއީ ބޭހަށް ބޭނުންކުރާ އެއްޗެކެވެ
ކާޑުމަސްބައި
ނ ކާޑުގެޒަމާނުގައި )ދެވަނަބޮޑު ހަނގުރާމައިގެ ދުވަސްވަރު( ރަށްރަށުގެމީހުން ކާޑުގެއަށް އަޅައި އުޅުނު މަސްބައި މިއީ އިހުގައި ކޮންމެ ދޯންޏަކުންވެސް ފަޅުވެރިޔަކާ އެއްވަރަށް ނަގައިއުޅުނު މަސްބައެކެވެ. މި މަސްބައިނަގައި އުޅުނީ ރައްޔިތުގެއިން ކުރަންޖެހޭ ޚަރަދުތައް ކުރުމަށެވެ. މިސާލަކަށް: ރަށުގެރައްޔިތުން ދަރަންޏަށްގެންނަ ކާޑުގެބާވަތްތަކުގެ އަގުހަމަޖެއްސުމާއި މަދަރުސާ މަކްތަބު ފަދަ ތަންތަނަށް ޚަރަދުކުރުމާއި ބަންޑާރަދަތުރުގެ ކޮއްތުދިނުންފަދަ ކަންތައް ކުރުމަށެވެ
ކިނބިހިނި
ނ ހިނީގެ ބާވަތެއް މިއީ ވަރަށް ވަސްގަދަ ކަޅުރަތްކުލައިގެ ހިންޏެކެވެ މިހިނި ވަރަށް ކުދިވާނެއެވެ
ކިނބޫ
ނ އެއްގަމާއި ފެނުގައި ދިރިއުޅޭ މިނިކާ އެއްޗެއް މިއީ ހަރުތޮއްޓެއް އޮންނަ ބިންމަތީގައި ބަނޑުޖަހައިގެން އުޅޭ ޖަނަވާރެކެވެ މީގެ އަނގަ ވަރަށް ބޮޑުވާނެއެވެ އަދި ނަގޫ ދިގުވެފައި ވަރުގަދަވާނެއެވެ
ކިރިޔަކިރިޔާ
ކއ (1) ނިކަން ކުޑަކޮށް (2) ވަރަށް ކުޑަކޮށް
ކިރުއައްޕަން
ނ )ހ.( ގޮދަންފުށް ނުވަތަ ހަނޑުލު ފުށް ކިރާއި ފެން އަޅައިގެން އޮލަކޮށް ގިރައިގެން ބޯކޮށް ހުންނަ ވަރަށް ތަވަޔަށް އަޅައިގެން ފިހާ ކާއެއްޗެއް
)މުސްކުޅިބަހެއް( ނުބައިމީހަކު ރަނގަޅޭ ކިޔައިގެން ކިތަންމެ ވަރަކަށް ވާހަކަދެއްކިޔަސް އެއީ ރަނގަޅު މީހެއް ނޫންކަން އޭނާ ރަނގަޅެއް ނުވާނެކަން އެންގުމުގެ ގޮތުން ބުނެއުޅޭ ބަހެއް ކިތަންމެވަރަކަށް ދޮންކުރިއަސް ދުނބުރިއެއް އަނބަކަށް ނުވާނެއެވެ
ކުނޑިޖެހުން
މ (1) އަތްކަންކުރާމީހުން ވިރިކެކޭ އެއްޗެހި ބައްދާއިރު އެބައްދަންވީތަނެއްގައި އެކަމަށް ތައްޔާރުކޮށްފައިހުންނަ ކުނޑީގެ އެތިކޮޅެއް ތަތްކޮށްލުން (2) ނީ ހަނޑުލާއި ބުރިހަނޑޫ ވަކިނުކޮށް ކުނޑިތައްދާވަރަށް ކިރިޔަ ކިރިޔާ ހަނޑޫ ފޮޅުން (3) ސ މޫނުގައި ފުށްޖެހުން
ކުނަހަނގާލި
ނ ބޭހަށް ބޭނުންކުރާ ފަތްޕިލާވެއްޔެއް މީގެފަތް ހުންނާނީ ހުސްނުހީނާ ގަހުގެ ފަތާ ވައްތަރުކޮށް އެކަމަކު ރޫޖެހިފައެވެ ގަސްގަނޑުގެ ފަލަމިން ތިންއިންޗި ވަރުވާނެއެވެ އުސްމިން ހުންނާނީ ގާތްގަޑަކަށް 6 ފޫޓު ވަރަށެވެ މިގަހުގެ އޮށްތައް ހުންނާނީ ބޮނޑި ބޮނޑިޔަށެވެ މިއަށް ނިތުބަޑި ކިޔައެވެ އެއީ ނިތުގައި ޖައްސައިގެން ފެޅޭއިރު އަޑު ގޮވާތީއެވެ އަދި ވަލުކުރަދިވެސް މިގަހަށް ކިޔައެވެ
ކުރިކިހާއްފިލާ
ނ ވެލަށްހެދޭ ފަތްޕިލާވެލީގެ ބާވަތެއް މިއީ ކުރިގޮބޮޅީގެ ރަހަ ކަހަލަ ރަހައެއްލާ ފަތެކެވެ ފަތުގެ ކުލައަކީ މަޑުފެހިކުލައެވެ މި ފަތް ހުންނަނީ ކޮޅަށް ހިމަކޮށް މެދަށް ފުޅާކޮށެވެ މިއީ ވަރަށް ތުނި ފަތެކެވެ މިވެލުގައި ވައިލެޓު ކުލައިގެ ކުދިކުދި މާތަކެއް އަޅައެވެ
ކުރުގެޅުން
ނ (1) ޖެހުނު ޖެހުމަކުން ނުވަތަ ފިތުނު ފިތުމަކުން އެއްޗެއް ހުންނަންވީ ވަރަށް ވުރެން ކުރުވުން (2) ޢިށީނދެ އިނުމުގައްޔާއި އޮށޯވެ އޮތުމުގައި ކުރުޖެހުން (3) މަޖާޒު: ދެރަވުން (4) ފިނޑިވުން (5) ކެވުނުލެއް ގިނަކަމުން ހިންދަމައި ނުލެވުން