radheef.info
ރަދީފު


އޮޑި
ނ ދިވެހިރާއްޖޭގައި ގެންގުޅޭ ރިޔާ ނަގައިގެން ދުއްވާ އެއްޗެއް. މީގެ ކޮޅުފަސްކޮޅު މައްޔަލާއި ހުންގާނާއި ދޭތީގެ ބައްޓަން އެންމެ ވައްތަރުވާނީ އިށީނދެގެންއިން ބުޅަލެއްގެ ބުރަކަށީގައި އޮންނަގުދާއެވެ. އަދިދިރުނބަލުން ފެށިގެން ކުނބާހަމައަށް ފަޑިއެއް ކުނބުން ފެށިގެން ކޮޅުފަސްކޮޅު ފިލާގަނޑާ ހަމައަށް ފަށްގަނޑެއް މަތިކަނުގެ މަތީގައި ހުންނާނެއެވެ
ފެންމަތީކުނބު
ނ ތިން ކުނބު ހުންނަ އޮޑިފަހަރުގެ އެންމެ ދިރުނބާކޮޅު ކުނބު
ފެންފަށްގަނޑު
ނ އޮޑިދޯނިފަހަރުގެ ފަށްގަނޑުގެ މަތީގައި ނަގައި ޖެހޭގޮތަށް ޖަހާ ފިލާ
ފެންފާލެހިއްޕުން
މ )ސ.( އޮޑިދޯނި ފަހަރު ބަނުމުގައި ކަނޑަށް ގަދަވާގޮތަށް ކިއްސަރު ގެނައުން
ފެންފާލެހިފުން
މ )ސ ( އޮޑިދޯނިފަހަރު ކަނޑަށް ގަދަވުން
ފެންފިލާ
ނ (1) އޮޑިދޯނިފަހަރުގެ އެންމެ ދިރުނބާކޮޅުގެ މަޅު (2) ފަނާމަތި
ތޮށިޖެހުން
މ (1) އޮޑިދޯނިފަހަރު ބާލައި އެހެލާއިރު ފަށަންދަށަށް ރޯގަހުގެ ތޮށިލެއްވުން (2) ވަޅިއެއްގެ ބޭނުންކޮށްގެން ދަނޑިއަކުން ތޮށިފިލުވުން (3) މަޖާޒު: )ސ ( އަނެކަކާބެހޭ ޝަކުވާކުރުން
ފިރުކައިލުން
މ (1) ވާންވާގޮތަށް ތަނަކަށް އޮޅައިފައި ނުވަތަ ލައްވައިފައި ހުރި ބަރަންޏެއް ނަނެއް ނުވަތަ ވަލެއް ފަދަ އެއްޗަކަށް ދުލެއް ލިބޭނޭގޮތް ހެދުން. (2) އޮޑިދޯނިފަހަރުގެ ފަށަންދަށުގައި ނުވަތަ މިފަދަ ގޮތަކަށް މިނޫންވެސް ތަނެއްގައި ބާރުވެފައިވާ ލަކުޑިގަނޑެއް ނުވަތަ ކަނދުގަނޑެއް ފަދަ އެއްޗަކަށް ދުލެއް ލިބޭނޭގޮތް ހެދުމަށްޓަކައި އެލަކުޑިގަނޑު ނުވަތަ ކަނދުގަނޑު ހަލުވާލުން. (3) އޮޑިފޯނިފަހަރު ފަދަ ތަކެތި އެހެލައި ބާލައި ހަދާއިރު ދޯނީގެ ކޮޅުފަސްކޮޅު ނުވަތަ ދިރުނބާކޮޅު ފަރާތަކަށް ޖައްސައިލުން
ފިއަލަބޮލަށް އޮޑިދުއްވުން
މ )ސ ( މިޞްރާބެއްނެތި އޮޑި ދުއްވުން
ފިލާލެފުން
މ އޮޑިދޯނިފަހަރުގެ ބަނޑުފިލާގައި ފިލާޖެހުން
ފިޔަލަބޮލަށް ނާދުއްވުން
މ )މިސާލުބަހެއް( ފިޔަލަ ބޮލަށް އޮޑިދުއްވުން
ފީސްހަންޖާ
ނ )ސ ( އޮޑިފަހަރުގެ މަތީ ރިޔަލުގެ ކުނބުން ފަރުމާނުގެ ކޮޅުގައި ހުންނަ ހަންޖާ
ފުށުހިޔާ
ނ އެހިލައިފައި ހުންނަ އޮޑި ދޯނިފަހަރުގައި ވަގުތީގޮތުން ކޮށްފައި ހުންނަ ހިޔާ
ފުށުހިޔާކުރުން
މ އެހިލައިފައި ހުންނަ އޮޑިދޯނިފަހަރުގައި ވަގުތީގޮތުން މަތި ހިޔާކޮށްލުން
ފުށުވާޖެހުން
މ އޮޑިދޯނިފަހަރު ހައްޔަރުކުރަން އެއްގަމަށް ވާހިފުން
ފުށުތިލޯށި
ނ އޮޑިދޯނިފަހަރުގެ ވާ އެއްސުމަށް އެއްގަމުގައި ޖަހައިފައި ހުންނަ އެތި
ފުށްބުރުފަންވަތް
ނ މަސް އޮޑި ފަހަރު އަލަށް ބާލާއިރު ނުވަތަ މަސްވެރިކަމަށް ދެރަވީމާ އެހެލައިފައި ބާލާއިރު ފަންޑިތަ ހަދައިފައި އެލުވާ ފަންވަތެއް މިފަންޑިތަ ހަދަނީ ބޮންތި ފަންވަތެއްގައި ލިޔެ ވެސްނުލުން ކަޅިކޮށް ދުން ބުރުވައިފައި އެފަންވަތް ދޯނީގެ ކޮޅުފަސް ކޮޅު މައްޔަލުގެ ފުށް ބުރުގައި އެލުވައިގެންނެވެ
ފުންކުރުން
މ (1) ތަނެއް ނުވަތަ އެއްޗެއް ކޮނެގެން ނުވަތަ ތޮރުފައިގެން ނުވަތަ މިނޫންވެސް ގޮތަކުން ހުރިވަރަށްވުރެ ބޮޑަށް އަޑިކުރުން. (2) އޮޑިދޯނިފަހަރު ބީހިފައި ހުއްޓައި ނުބީހޭ ވަރުގެ ދިޔަވަރު އޮތް ތާކަށް ގެންދިއުން. (3) ވާހަކަ ދައްކާ އާދައިގެ ބަހަށްވުރެ މާނަވީ ބަހުރުވައަށް ދައްކާ ވާހަކަ ބަދަލުކުރުން
ފުރާރުލޯ
ނ ނާފަހަރާއި ބަނޑުއޮޑިފަހަރު ފަދަތަކެތީގައި ޖަހައިފައިހުންނަ ލޯ
ފުރުވާލުން
މ (1) ދަތުރު އެރެހެއްޓުން (2) ތަނަކަށް ދިއުމަށް ދަތުރު ކުރަން ބޭނުންވާމީހާ އެތަނަކަށް ދެވޭނެމަގު ތަނަސްކޮށްދީ ދަތުރަށް ފަށްޓުވައި ދިނުން (3) ތަނަކަށް ދަތުރު ކުރަން އުޅޭ އުޅަނދުގެ ދަތުރަށް ބޭނުންވާ ހުރިހާކަމެއް ހަމަޖައްސުވައިދީ ދަތުރު ފައްޓުވައި ދިނުން (4) ބޮނބި އޮޑިއާއި ކަނދުދޯންޏާއި ބޮނބިގަނޑެއް ފަދައެއްޗެއް ދަތުރު ކޮށް ފައިދާން ދޫކޮށްލުން (5) ބައްސާލުން މިބަހުގެ 1 ވަނަ މާނަ ބަލާ!
ފުރެއްދެއޮޑި
ނ ބޭރު ދަތުރުކުރާ އޮޑި