radheef.info
ރަދީފު


އީ
ނ (1) މާކުދިކުދި ކަންތަކާ ރަކިވެގެން ޖެއްސޭ ވައްތަރެއް. މިގޮތް ގިނައިން ވަނީ އަންހެނުންނަށާއި ކުޑަކުދީންނަށެވެ. (2) އ. ކުރީގައިވާ އެއްޗެއް ނުވަތަ ކަމެއް ގަދަކުރުމަށް ބުނާ އަކުރެއް. މިސާލު: މިއީ އެއީ ތިޔައީ އައީ
ބަބުނަ
ނ ފޭރާންކުރާއިރު ދުޅަނަގާން ގެންގުޅޭ ފަލަލާއެއް މިއީ ހަލާ ދަނޑިޔާ ޖެހިގެން މަގަތަށް އޮންނަ ދަނޑިއެކެވެ
ބަބުރުހަނދި
ނ ފަނިހަނދީގެ ބާވަތެއް މިއީ މުޑަހަންޖާ ވައްތަރު ގަދައަޅިކުލައިގެ މަހެކެވެ މިމަހުގެ އަނގައިގެ މަތީ ތަލީގައި ދެބަރިއަކަށް ދަތްހުރެއެވެ އެއީ ކޮޅަށް އޫކޮށް ވަރުގަދައަށް އުފެދިފައި ހުންނަ ދަތްބަރިއަކާއި އޭގެ އެތެރޭން ހުންނަ ކުދި ދަތްބަރިއެކެވެ ތިރީބައިގައި ހުންނަނީ ގަދަފަދަ ދަތްބަރިއެއް އެކަންޏެވެ މިމަހަށް "ކަޅަހަނދި" ވެސް ކިޔާއުޅެއެވެ
ބަބުރުކަލޯ
ނ އިހުގައި ކިޔާ އުޅޭ ޚިޔާލީ ފުރޭތައެއް މިއީ ކިއްސަށްދެތްވާ އެއްބަޑު އެއްބަފާ އެއްޗެއް ކަމަށްވެސް ބުނެއުޅެއެވެ
ބަބުރުއަނބު
ނ އަނބުގެ ބާވަތެއް. މިއީ ނަރުހިމަ ދޮންވީމާވެސް ބޭރު ގަދަފެހި ކުލައިގައި ހުންނަ އަނބެކެވެ
ބަޅަވަޅި
ނ )ސ ( މިއީ އުނބުތެރެކަހައި އުނބުކަހާވަޅި ސާފުކުރުމަށް ގެންގުޅޭވަޅިއެކެވެ
ބަޅުވަޅި
ނ ރައިވެރިން ގެންގުޅޭވަޅިއެއް މިއީ ބަޅު ބޯވަޅީގެ ތިލައިގެސިފައިގައި ތިލައޮންނަ މުއްގަނޑު ގުދުވަޅިއެކެވެ
ބަކަރި
ނ ބަނޑުއަޅާވިހާ ޖަނަވާރެއް މިއީ ހަތަރު މޮށްގަނޑުޖެހި ޖަނަވާރެކެވެ މީގެ ކެހެރިތައް ހުންނާނީ ކުރުކޮށް ފަންކޮށެވެ މިއީ އޭގެކިރާއި މަހުގެ ބޭނުމުގައި ކާންދީ ބޮޑުކޮށްގެން ގެންގުޅޭ ޖަނަވާރެކެވެ މިޖަނަވާރުގެ ފިރިހެން ޖިންސުވަކިކުރަން ބޭނުންނަމަ ކިޔައިއުޅެނީ "ގިތެޔޮ" މިހެންނެވެ
ބަކަރިމުތް
ނ ވިހައިގެ ބޭހަށް ބޭނުންކުރާ ހިލަކޮޅެއް މިއީ ބަކަރީގެ ގޮހޮރުގެ ތެރޭގައި އޮންނަ ކަމަށް ބުނެވޭ އެއްޗެކެވެ
ބަކަމޫނު
ނ ފަޅުތަންތަނާއި ޖަންގަލިތަކުގައި ދިރިއުޅޭ ރޭގަނޑު ޝިކާރަކުރަން ނުކުންނަ މޫނާއި ލޯބޮޑު ދޫންޏެއް މިއީ ސުރުމުއްޗާ ވައްތަރު އެއްޗެކެވެ
ބައިކުޅަނދު
ނ ކުޅަނދެއްގެ ދެބއަިކުޅަ އެއްބައިގެ ބަރުދަން. މިއީ ރާތަލެއްގެ ސާޅީސްބައިކުޅަ އެއްބައެވެ
ބައިސިކަލު
ދެފުރޮޅުލީ ދުއްވާ އެއްޗެއް މިއީ އޭގެ މައްޗަށް އަރައިގެން ދުއްވާ އެއްޗެކެވެ މިދުއްވަނީ ފުރޮޅު އަނބުރަން ހަދައިފައި ހުންނަތަން ފައިން އަނބުރައިގެންނެވެ
ބައްދާކުނޑި
ނ ރަންރިހީގެ ތަކެތި ބެއްދުމަށް ބޭނުންކުރާ ކުނޑިއެއް. މިއީ ރަނާއި ރިހީގެ ގަހަނާ ހަދާއިރު ދެއެއްޗެއް ނުވަތަ ބޮޅު ފަދަ ތަކެތި ބެއްދުމަށް ބޭނުންކުރާ ކުނޑިއެކެވެ. މީގެ ދެ ބާވަތެއް ހުރެއެވެ. އެއީ ރަން ބައްދާކުނޑި އާއި ރިހި ބައްދާކުނޑިއެވެ
ބައްދުރުމާ
ނ ރަތް ކުލައިގެ ކުރެހުމެއް އަޅައިފައި ހުންނަ ރުމާލެއް މިއީ އިހުޒަމާނުގައި ބަދަވިން ބޮލުގައި އަޅައި އުޅުނު އެއްޗެކެވެ
ބައްތިކޮޅު އަނދިރި
ނ އަންހެނުންލައި އުޅުނު ފަށުވިއެޅި ލިބާހެއްގެނަން މިއީ އިހުގައި ބަންގާޅުން ގެނެސް އުޅުނު ފޮއްޗެކެވެ
ބަފައެކޭ ހަމަކުރުން
މ އަނބިމީހާ ފިރިމީހާޔާ ދިމާޔަށް "ތިޔައީ ތިމަންގެ ބަފައޭ" ނުވަތަ "ކަލޭ ތިމަންގެ ބަފައެކޭ އެއްފަދައޭ" ބުނުން
ބަފޯހިކާ
ނ ހިކާގެ ބާވަތެއް މިއީ އަނގަބޮޑު ހުޅުނބުގިނަ މަހެކެވެ މިމަހުގެ ތުން ކައިރީގައި ދެނަރުވާ ހުރެއެވެ
ބަދަނާކުރާ
ނ ކުރުފަލަކޮށް ހުންނަ ކުރައެއް މީގެ އަނގަބޮޑު ވާނެއެވެ މިއީ އިހުގައި ގެންގުޅުނު ކަންވާރެކެވެ
ބަދަލުވެރިޔާ
ނ ޝަރުއީގޮތުން މީހަކު ބަލާން ޖެހިފައިވާ މީހާ
ބަދުރާމަހުކޮލި
ނ )މ ( ކޮލީގެ ބާވަތެއް މިއީ ފަޅުފަޅުގެ ފުން ހިސާބުގައި ވިލުވިލުގައި މަދުމަދުން އުޅޭމަހެކެވެ މިމަހުގެ ބޭރުފަރާތް ހުންނާނީ ހުދުކުލައާއި ކަޅުކުލައިން އެކުލެވޭ މަންޒަރުތަކެއްގެ ސިފައިގައެވެ
ބަދެޅި
ނ ފަރުތޮޅީގެ ބާވަތެއް: މިއީ އާދައިގެ ތޮޅިއަށްވުރެ ކުދިކޮށޗ ފަތިކޮށް ހުންނަތޮޅިއެކެވެ މީގެ އަނގަތަންކޮޅެއް ކުޑަވާނެއެވެ ނަގޫފަތުގެ މަތީކޮޅު ކުރުވާނެއެވެ ތޮޅީގެ ކުލައަކީ ރިހިކުލައެވެ