radheef.info
ރަދީފު


އާ
ނއ (1) ބާކަމުގެ އިދިކޮޅު (2) އެއްފަހަރުވެސް ބޭނުންނުކުރާ (3) ގިނަދުވަސްނުވާ (4) ކުރީން އުފެދިފައިނެތް ނުވަތަ ފެނިފައިނުވާ
ބައިތުބާޒީ
ދެމީހެއްގެ ނުވަތަ ދެބައެއްގެ ދެމެދުގައި ވާދައަށް ޅެންބައިތު ކިއާކިއުން. އެކަން ކުރާ ގޮތަކީ އެއްކޮޅުން އެކަކު ޅެންބައިތެއް ކިއުމުން އެބައިތު ހުއްޓުނު އަކުރަކުން އަނެއްކޮޅުން އަނެކަކު ޅެންބައިތެއް ފަށައިގެން ކިޔަނީއެވެ
ބައުނި
ނ )ސ ( (1) ލަކުޑިގަނޑުގެ ބޭރުގައި ހުންނަ އާރަށް ނުވާބައި (2) އޮޅުފަށް (3) ބާނި
ބައެގަ
އމ )ހ ( އާދޭ
ބައްދާކުނޑި
ނ ރަންރިހީގެ ތަކެތި ބެއްދުމަށް ބޭނުންކުރާ ކުނޑިއެއް. މިއީ ރަނާއި ރިހީގެ ގަހަނާ ހަދާއިރު ދެއެއްޗެއް ނުވަތަ ބޮޅު ފަދަ ތަކެތި ބެއްދުމަށް ބޭނުންކުރާ ކުނޑިއެކެވެ. މީގެ ދެ ބާވަތެއް ހުރެއެވެ. އެއީ ރަން ބައްދާކުނޑި އާއި ރިހި ބައްދާކުނޑިއެވެ
ބަދަ
ނ (1) މައިކަށީގައި ވަކިވަކިން ވަށްކޮށް ހުންނަ ކަށިތައް (2) އިނގިލިތަކުގެ ހުޅުހުޅާއި ދެހުޅު ދޭތެރޭގައިވާތަން (3) އުއްދަނޑިއާއި އޮނުފަދަ ގަސްގަހުގެ ދެފަތްވަޅު ދޭތެރެ އާއި މިފަދަ ގަސްގަހުގެ ފަތްފެޅިތަން
ބަދުރާމަހުކޮލި
ނ )މ ( ކޮލީގެ ބާވަތެއް މިއީ ފަޅުފަޅުގެ ފުން ހިސާބުގައި ވިލުވިލުގައި މަދުމަދުން އުޅޭމަހެކެވެ މިމަހުގެ ބޭރުފަރާތް ހުންނާނީ ހުދުކުލައާއި ކަޅުކުލައިން އެކުލެވޭ މަންޒަރުތަކެއްގެ ސިފައިގައެވެ
ބަދުރުވާ
ނ (1) ފުރަބަދުރުވައާއި ފަސްބަދުރުވަ (2) ފުރަބަދުރުވައާއި ފަސްބަދުރުވައާއި އެދެނަކަތުގައި އަންނަ ކޮޅިގަނޑު (3) ބަދުރުވާމަތި (4) ބަދުރުވާ މޫސުން
ބަދެޅި
ނ ފަރުތޮޅީގެ ބާވަތެއް: މިއީ އާދައިގެ ތޮޅިއަށްވުރެ ކުދިކޮށޗ ފަތިކޮށް ހުންނަތޮޅިއެކެވެ މީގެ އަނގަތަންކޮޅެއް ކުޑަވާނެއެވެ ނަގޫފަތުގެ މަތީކޮޅު ކުރުވާނެއެވެ ތޮޅީގެ ކުލައަކީ ރިހިކުލައެވެ
ބަތާނަ
ނ (1) އެތެރޭފަށް (2) އުނުފޭރާމާއި ބާލީހާއި ގޮދަޑިއާއި ސަނދުވާފަދަ ތަކެތީގެ އެތެރޭގައި އޮންނަފަށް. (3) ކުލަ ނުވަތަ ދަވާދު މަތި މައްޗަށްލާއިރު އެންމެ ފުރަތަމަ ލާފަށް (4) މަޖާޒު: ގެޔަކަށް ވަދެ އުޅޭ މީހުންގެ ތެރެއިން އެގެއަކަށް އެންމެ ގަދަ މީހާ
ބަތާވިކަރަ
ނ އިންޑޮނޭޝިޔާގެ ބަތާވިއާ ހިސާބަށް އިހުގައި ކިޔައި އުޅުނުނަށް
ބަލާ
ނ (1) ބޮޑެތި އާފާތް. (2) އމ. ބެލުމަށްކުރާ އަމުރު. (3) ބެލުން މިބަހުގެ ވާކަން
ބަލިބަލާކަށިގަނޑު
ނ (1) ކަންފަތުގައި ޖަހައިގެން ބަލިމީހާ ހަށިގަނޑު އެތެރޭގެ އަޑުތައްއަހަން ދަކްތަރުން ގެންގުޅޭ އާލަތެއް (2) ބަލިބަލާއެތި
ބަލިމާނު
ނ ރާމާމަކުނު އާއިލާގެ އެއަށްވުރެ އިންސާނެއްގެ ސޫރައާ ވައްތަރު ބޮޑު ބަނޑެއް ހުންނަ ޙައިވާނެއް
ބަސްދާޖެހުން
މ )ސ ( ގުދަނެއްގައި ނުވަތަ އެހެންވެސް ތަނެއްގައި އެފަދަ ތަނެއްގައި އެއްބަސްތާ އަނެއްބަސްތާއާ ޖެހޭގޮތަށް ހުސްތަންކޮޅެއް ދޫނުކޮށް ބަސްތާތަކެއް ބެހެއްޓުން
ބަޑާދަނޑި
ނ )ސ ( ފަސޭހައިން އެއްއަޑާއެކު ބިންދާލެވޭ ކަހަލަ ދަނޑި އާންމުކޮށް މިނަން ކިޔަނީ ދިއްގާގަހުގެ އާރުނުލާ ބާވަތުގެ ދަނޑިއަށެވެ
ބަޑި
ނ (1) ބަޑިބޭހުގެ ބާރުން ވަޒަން ފޮނުވައިލާގޮތަށް ނުވަތަ ލޭޒަރުގެ އަލި ފޮނުވައިލާގޮތަށް ހަދައިފައި ހުންނަ ހަތިޔާރެއް. (2) އިސްފިރޭނެއްގެ ބާރުން ނުވަތަ ވައިގެބާރުން މަޑަ ނުވަތަ ވަޒަން ނުކުމެގެންދާގޮތަށް ހަދާފައި ހުންނައާލާތެއް (3) ތަވީދުލުމަށް އެތެރޭގައި ހޮއި އޮންނަގޮތަށް ވިރިކެކޭ އެއްޗެހިން ހަދައިފައި ހުންނަ އުރަ (4) އެތެރެއަށް ވައި ވަދެގެން ފުފިފައި ހުންނަ ދުލި (5) ފެނުގެ ތެރޭގައި ފޮތީގެ ތެރެއަށް ވައިވައްދައިގެން އުފެދޭ ބޮކި (6) ހަށިގަނޑުގެ ދޮރުދޮރުން ނުކުންނަ ބަލިމަޑުކަމެއް (7) ދިރޭ އެއްޗެއް ފެންގަނޑެއްގެ ތެރޭގައި އުޅޭ އުޅުމުގައި ހަދައިލާގޮތަކުން އިވޭ އަޑު (8) ބައެއް ބާވަތުގެ ރޯފަތް އަނދަމުންދާއިރު އެއިން އިވޭ އަޑު (9) ގުޅަ ތެލުލާއިރު ގުޅަ ފަޅައިގެންދާ އަޑު )01( ތަންތަނަށް ގިރިސްޖަހަން ގެންގުޅޭ އާލާތެއް (11) ގޭސް އުނދުން ރޯކުރުމަށް އަލިފާން ކެނޑޭގޮތަށް ހަދައިފައި އޮންނަ އާލަތެއް
ބަޑިހެލުން
މ އިހުގައި އިރުވައި މޫސުމަށް ފެށުމުން ބޭރުގެ ދުޝްމަނުންގެ ފަރާތުން ރާއްޖެ ސަލާމަތް ކުރުމަށްޓަކައި ދިފާޢީގޮތުން ތައްޔާރުވާން ފެށުމުގެ ގޮތުން ކުރާ ރަސްމީކަމެއް. މިކަންކުރާގޮތަކީ ކޮންމެ އަހަރަކު މުލަ ނަކަތް ލައިގަތުމުން ދެދޮރާށި ދޭތެރެއަށް ރަދުންގެ އަރިހުގައި ލަޝްކަރިން ހާޒިރުވެ ހެޔޮދުޢާކުރައްވައި ފުރޮޅުމަތީ ބާއްވައިފައި އޮންނަ ބަޑިޔެއް ހަލުވައި ލެއްވުމެވެ. މިބަޑިހަލުވައިލެއްވުމާއެކު ބޮޑުކޯއްޓޭ ބުރުޒުންނާއި ނާނޭ ބުރުޒުންނާއި އާބުރުޒުންނާ މިކޮންމެ ބުރުޒަކުން ބަޑިޔެއް ޖަހާނެއެވެ
ބަޑިދޮރު
ނ (1) ބަޑީގެ އުންޑަދާން ބުރުޒުގައްޔާއި މައިފާރުގައި ކަނޑައިފައި ހުންނަތަން (2) މަނަވަރާއި އާގުބޯޓުފަހަރުގެ ފެނުންމަތީގައި ކަނޑައިފައި ހުންނަ އާނގަވަޅު
ބަޓަރުތޮޅި
ނ ރިހަކައްކަން ބޭނުންކުރާ ފެހިކުލައިގެ ތޮޅިޔެއް. މިހުންނާނީ އާދައިގެ ހިމެރި ތޮޅިޔަށްވުރެ ބޮޑެތިކޮށް ބޯކޮށެވެ އޮށްތައް ހުންނާނީ ފޯލިކޮށް ހުންނަފާޑަށެވެ ހިމެރި ތޮޅީގެ އޮށަށްވުރެ ބޮޑެތިވާނެއެވެ މިއީ ބޭރުގައި ކެހެރި ހުންނަ ތޮޅިޔެކެވެ ގާތްގަނޑަކަށް ކައިވަތެއްހާ ދިގުމިން ހުންނާނެއެވެ
ބަޖަރާ
ނ އުފާކޮށްލާން ދުއްވާ ކުދި އާގުބޯޓު