radheef.info
ރަދީފު


ކޮޅު
ނ (1) އެއްޗެއް ނުވަތަ ކަމެއްގެ ނިމޭތަން ނޫނީ ފެށޭތަން (2) ކުޑަކަމާއި މަދުކަމުގެ މާނައިގައި ބޭނުންކުރާ ބަހެއް މިސާލު: )ހ( ގާކޮޅެއް )ށ( އެތިކޮޅެއް (3) ބައެއް އެއްޗިއްސަށް މާތްކުރުމަށްޓަކައި އެތަކެތީގެ ނަމުގެ ފަހަތަށް ގެންނަބަހެއް މިސާލު: )ހ( ހަށިކޮޅު )ށ( ގެކޮޅު )ނ( ފަތްކޮޅު
ބުރިއިންނަފަތް
ނ މަސްދޯނީގެ ތަލުގެކޮޅުގައި އޮންނަ އިންނަ ފަތްބުރި
ބުރުން
މ (1) އެއްޗެހިތަކަކުން އެތިއެތިކޮޅު ކުއްލިއަކަށް ވިހުރުވުން މިސާލު: )ހ( ކުނޑިބުރުން )ށ( ހިރަފުސްބުރުން (2) ވައިގެތެރެއަށް އެއްޗެއްގެ އަސަރު ފެތުރިގެންދިއުން މިސާލު: )ހ( ހިރަފުސްބުރުން )ށ( ދުންބުރުން (3) މެހިމާބުރުފަދަ ތަކެތި އެއްޗެއްގެ ވަށައިގެން ނުވަތަ އެއްޗެއްގެ ކައިރީގައި އުދުހުން މިސާލަކަށް: މެހިބުރުން
ބުރެކި
ނ އެމުގެ ބާވަތެއް މިއީ ހިމަ ދިގުކޮށް ބޯކޮޅަށް ވަށްކޮށް ހުންނަ މަހެކެވެ މަހުގެ ނަގޫ ވަރަށް ބޮޑަށް ކަފިވެފައި ހުރެއެވެ އަދި ނަގޫކޮޅު ހިމަވެގެން ގޮސް ނަރުވާޔަކަށް ބަދަލުވެފައިވެއެވެ މަހުގެ ކަންފަތްގަނޑު ބޮލަށްވުރެ ކުޑަތަންކޮޅެއް ކުރުވާނެއެވެ މަހުގެ ބުރަކަށި މަތީގެ ކުލައަކީ ފެހިކުލައަކަށްދާ ދަނބު ކުލައެކެވެ
ބުރެކިފާނަ
ނ ކަނޑުހާލުގެ ބާވަތެއް. މިއަށް ދޮންބުރެކި ފާނަވެސް ކިޔައިއުޅެއެވެ. މަހުގެ ކުލައަކީ ނާރިނގު ކުލައެވެ. މަހުގެ ބޮލާއި ދެއަރިމަތީގައި ފަނޑުނޫކުލައިގެ ތިކިތަކެއްހުރެއެވެ. ނިގޫފަތުގެ ކޮޅު ހުދު ކުލައިގައި ހުރުމާއެކު ނިގޫފަތް ހުންނަނީ ހަނދުފަޅި ބުރަށް ކަފިކޮންނެވެ
ބުރޮޅި
ނ އޮށްބޭހުގެ ފަސްބާވަތުގެ ތެރެއިން އެއްބާވަތެއް މިއީ ވަށްކޮށް އެއްކޮޅު ތަނޑެއްގެ ސިފައަށް ކުޑަކޮށް ދިގުވެލައިފައި ހުންނަ އެއްޗެކެވެ ބޭރު ހުންނާނީ އޮމާންކޮށެވެ މީގެ ކުލައަކީ މުށިކުލައަކަށްދާ އަޅި ކުލައެކެވެ ޢާއްމުކޮށް ބޭހަށް ބޭނުން ކުރަނީ ބުރޮޅިގެ ބޭރެވެ ބައެއްކަހަލަ ބޭހަށް މީގެ މަދުވެސް ބޭނުން ކުރެއެވެ
ބުޅި
ނ ކޮޅު ގުދުކޮށް އޮންނަ އޭގައި އެއްޗިހި އަޅުވަން ބޭނުންކުރާ އެއްޗެއް މިސާލު: މަސްބާނާބުޅި ފުރާޅުގެޓިނު ހިފަހައްޓާން އަޅުވާބުޅި
ބުޅިއިނގިލިރާކަނި
ނ ރާކަނީގެ ބާވަތެއް މިރާކަނީގެ އިނގިލިތަކުގެ ކޮޅުތައް ހުންނާނީ އެކިގޮތަށް އެކިއަތަށް ބުޅިވެފައެވެ
ބުޅިވުން
މ އެއްޗެއްގެ ކޮޅު ބޮޑަށް ލެނބުން
ބުޅިފަނި
ނ އެއްކޮޅުބުޅިޔެއްހެން ހުންނަ ފަންޏެއް މިއީ ވަރަށް ކުޑަކުޑަ ފަންޏެކެވެ މި އުޅެނީ ބިމުގެ ތެތްކޮށްހުންނަ ތަންތަނުގަ އެވެ ހަށިގަނޑަށް މިފަނި ވަންނަނީ ހަމުގެ ތެރޭންނެވެ ވަދެގެންގޮސް އުޅެނީ ގޮހޮރުގެ ތެރޭގައެވެ
ބުއްލަބުޑި
ނ އޮޑިފަހަރުގެ މަތީ ރިޔަލުގެ ބުންފަރުމާނުގެ ކޮޅުގައިޖަހައިފައި ހުންނަވާ އައްސައިފައި ހުންނައެތި މިއީ ހުންގާނުގޭ ގެދެފަރާތުގައި މައްޗަށް އުފުލިފައި ހުންނަގޮތަށް ހަރުކޮށްފައި ހުންނަ ދެގަނޑު ވަކަރެކެވެ
ބުމާ
ނ )ސ ( ނާފަހަރުގެ ކޮޅުފަސްކޮޅު ބުން
ބުޑު
ނ (1) ގަހުގެ ބިމާ ގުޅިފައިވާ ބައި. (2) ބިމަށްޖަހައިފައި ހުންނަ އެއްޗެއްގެ ބިމުގައި ޖެހިފައި ހުންނަ ހިސާބު. (3) ކައިރި. މިސާލު: ފާރުބުޑުގައި ބިތްބުޑުގައި ފުޅައްބުޑުގައި މުނިބުޑުގައި ފައިބުޑުގައި (4) ފިނދުމަސްގަނޑު (5) ދަނޑި ނުވަތަ ރިތްފަދަ އެއްޗެހީގެ ފަލަކޮޅު (6) އެއްޗެއް ބިމަށް ގަދަކުރުމަށް ކޮންކްރީޓުން ބިމުއަޑީގައި ހަދާބައި (7) ބިމަށްޖަހާ އެއްޗެއް ގަދަކުރަން ބިންމަތީގައި ހަދައިފައި ހުންނަބައި
ބުޑުކޮޅު
ނ (1) ފަހަތުކޮޅު (2) ގަސްގަހުގެ ބިމާ ގުޅިފައި ހުންނަ ކޮޅު (3) ފޫކޮޅު (4) ފިނދުމަސްގަނޑު
ބުޑުދަށް
ނ )ހ ( ކުނބުކަފީގެ ކޮޅު ފަހަށް އޮންނަ ތަން
ބުޑުދޮށް
ނ (1) ކޮޅަށްހުރި އެއްޗެއްގެ ތިރީކޮޅު (2) ބިމުން ފަޅައިފައިހުރި އެއްޗެއްނަމަ ބިމުގައި ޖެހޭތަން
ބެރު
ނ (1) މިއުޒިކުގެ އާލަތެއް މިއީ އޮނިގަނޑެއްގެ އެއްކޮޅުގައި ނުވަތަ ދެކޮޅުގައި ހަން ނުވަތަ އެފާޑުގެ އެހެން އެއްޗެއް އަޅައިގެން ހަދާ އެއްޗެކެވެ މީގެ އަޑު ނެރެނީ ޖަހައިގެންނެވެ (2) މިޔުޒިކުގެ ހަމަޔާ ގުޅޭގޮތަށް ވަކި ތަރުތީބަކުން ޖަހާ އަޑު (3) ކަރަންޓު ބޭނުންކޮށްގެން ނުވަތަ އެނޫންވެސް ގޮތަކުން ބެރުގެ އަޑު ނެރެން ހަދައިފައިވާ އެތި
ބެރުކޮޅުބޭލުން
މ އިހުގައި ގަޑުވަރުތެރޭ ބޭފުޅަކު ބެރުކޮޅު ޖައްސަވާން ވެގެން ނާބުސް ޚާނުން އެތަނަކަށް ބެރުގެންގޮސް ބެހެއްޓުން
ބެރުއެޅުން
މ ބެރުގެ އޮނިގަނޑު ދެކޮޅުގައި ހަންހަރުކުރުން
ބެރުގުޑުގުޑާ
ނ ގަނޑުވަރު ތެރޭގައި ނޮޅިކޮޅުން ހިއްޕަވާ ވަރުނޫން މީހުން ދުންބޯން ހުންނަ ގުޑުގުޑާ
ބެރުޖެހުން
މ (1) އޮނިގަނޑެއްގެ އެއްކޮޅުގައި ނުވަތަ ދެކޮޅުގައި ހަން ނުވަތަ އެފާޑުގެ އެހެން އެއްޗެއް އަޅައިގެން ހަދާ އެއްޗެއްގައި ޖެހުން (2) މިއުޒިކުގެ ހަމަޔާ ގުޅޭގޮތަށް ވަކިތަރުތީބަކުން އެއްޗެއްގައި ނުވަތަ ތަނެއްގައިޖެހުން (3) ކަރަންޓު ބޭނުންކޮށްގެން ނުވަތަ އެނޫން ވެސް ގޮތަކުން ބެރުގެ އަޑު ނެރެން ހަދައިފައިވާ އެއްޗަކުން އަޑުނެރުން