radheef.info
ރަދީފު


ކުދިން
ނ (1) އުމުރުން ޅަމީހުން (2) ކުއްޖާ މިބަހުގެ ގިނަގޮތް (3) ދަރިން
ޒިޔާރަތްފުޅުލާރި
ނ (1) އިހުގައި ނަދުރު ބުނެގެން ޒިޔާރަތްފުޅަށް ހަދިޔާ ކުރާ ލާރި މިކަން ކުރާ ގޮތަކީ ރަބީޢުލް އައްވަލް މަހުގެ 21 ވަނަދުވަހު ގޭގޭގައި ޞަލަވާތް ކިޔަވާއިރު އެކި ޢަދަދަށް ބޮޑުލާރި ވަކިވަކިން ހުދުފޮތި ކޮޅަކަށްލައި އެލާރި ނުވެއްޓޭގޮތަށް ފޮތިކޮޅުގައި ގޮށެއް ޖަހައި އެލާރިތައް ޞަލަވާތް ކިޔަވާއިރު ބަހައްޓައިފައި ހުންނަ ފެންތައްޓަށް އަޅައި ސަލަވާތްކިޔަވާ ނިމުމުން އެތަށިން އެލާރިތައް ނަގައި ގޭގެ ކުދިންގެ އަތުގެ މުލައްދަނޑީގައި ބަންނަނީއެވެ. މިލާރި 3 ދުވަސް ފަހުން ކުދީންގެ އަތުން ނަގައި ގޭގެ ހުރަސް ނުވަތަ ތާވަކަރުގައި ބަނދެފައި ބެހެއްޓުމަށްފަހު ސަރުކާރު މެދުވެރިކޮށް ޒިޔާރާތްފުޅަށް ފޮނުވަނީއެވެ (2) ރަސްރަސްކަލުންނާއި އެފަދަ ބޭފުޅުން ނަދުރު ވިދާޅުވެގެން ޒިޔާރަތްފުޅަށް ފޮނުއްވަން ބަހައްޓަވާލާރި
ޒީލައެރުން
މ މަޖާޒު: ކުއްލިގަދަ ރުޅިގަނޑެއް އައިސްގެން އުޅުން މިބަސް ގިނައިން ބޭނުންކުރަނީ ކުޑަކުދިންނާއި އަންހެނުނަށް ނިސްބަތްކޮށެވެ
ޔަތީމުޚާނާ
ނ ޔަތީމުކުދިން ގެންގުޅެ ބޮޑުކުރާތަން
ޔުނިފޯރމް
ނ (1) ސިފައިންނާއި ފުލުހުންނާއި ސްކައުޓުން ފަދަ މީހުން ނުވަތަ ވަކިކަހަލަ ވަޒީފާތައް އަދާކުރާމީހުން އަޅާ ޚާއްޞަ ހެދުން (2) ސްކޫލްކުދިން އަޅާ ޚާއްޞަ ހެދުން
ޔޯޔޯ
ނ ކުޑަކުދިން ކުޅޭއެއްޗެއް މިއީ ވަށްކޮށް ފަތާކޮށްހުންނަ އެއްޗެއްކެވެ މީގެ އަރިމަތީގައި ވަށައިގެން ކަނޑައިފައި ހުންނަތަނަށް އޮޅައިލެވޭގޮތަށް އެތާނގައި ރޮދިފަށެއް ހަރުކޮށްފައި ހުރެއެވެ
ޕާކު
ނ (1) ކުޑަކުދިންނާއި ބޮޑެތިމީހުން މުނިފޫހިފުލުވުމަށްޓަކައި ގޮސް ތިބުމަށް ހަދައިފައިވާ ޚާއްޞަ ތަންތަން (2) ވިނަ ނުވަތަ ގަސް ނުވަތަ މިދެބައި ވަކިއުޞޫލަކުން ހައްދައިފައިވާ ބިން
ޖާގަ
ނ (1) ހުސްތަން (2) ފުރުސަތު (3) ތަން މިސާލު: )ހ( މި އޮޑީގައި މީހަކު ގެންދާނެ ޖާގައެބައޮތްތަ؟ )ށ( މިކިލާހުގައި ކުދިން ވައްދާނެ ޖާގައެބައޮތެވެ )ނ( ތިޔަކަމާ ވާހަކަދައްކާނެ ޖާގައެއްނެތެވެ
ޖީލު
ނ (1) ވިހިއަހަރުގެ މުއްދަތު (2) މީހަކު އުފަންވީއްސުރެ އެ މީހަކަށް ކުދިން ލިބުމާދެމެދުގެ މުއްދަތު (3) އުމުރުގެ ފުރައެއް
ޗީވުން
މ ކުޑަކުދިންގެ ބަހުރުވައިގައި ހަޑިވުން
ޗުއްކިޔުން
މ ކުޑަކުދިންގެ ބަހުރުވައިގައި ކުޅުޖެހުން
ޚިތާނުކުރުން
މ (1) ޒަކަރުގެ ކުރީގައި ދިގުކޮށް އޮންނަ ހަންކޮޅު ކަނޑައިލުން (2) އަންހެންކުދިންގެ ކުޅަދިލީގެ މަތީގައި ތޫނު ކަމެއް ޖައްސައިލައި ލޭ ދައްކައިލުން (3) ނަކަތްގެލެއްވުން (4) ގޭބޭންދުން (5) ކުރަފަތްޖެހުން (6) އިސްލާންކުރުން (7) ބޭންދުން (8) ބޭއްވުން (9) ހިތާނުގެލެއްވުން