radheef.info
ރަދީފު


ކުރުން
މ (1) ކަމަކަށް ޢަމަލީ ސިފަގެނައުން (2) ކަމެއްހިންގުން
ބަރަހަނާކުރުން
މ (1) އޮރިޔާންކުރުން (2) މަޖާޒު: ފަޟީޙަތްކުރުން
ބަރަހުން
ނ )ސ ( ކުކުރުން
ބަރަހުން އެޑުން
މ )ސ ( ހަށިގަނޑަށް ލިބޭ ވޭނެއްގެ ސަބަބުން ކުކުރުން
ބަރާކުރުން
މ (1) ފުރާދުއްވާ ތަކެއްޗަށް މީހުން ނުވަތަ މުދާ ނުވަތަ މީހުންނާ މުދާ އަރުވައިގެން ބަރުކުރުން (2) ފުރާދުއްވާ ތަކެތި ދުއްވަން ހެޔޮވަރުވާ ވަރަށް ބަރު ކުރުން
ބަރާވުން
މ (1) ފުރާދުއްވާ ތަކެއްޗަށް މީހުން ނުވަތަ މުދާ ނުވަތަ މީހުންނާ މުދާ އެރުވުން (2) ފުރާ ދުއްވާ ތަކެތި ދުއްވަން ހެޔޮވަރަށް ބަރުކުރުން
ބަރާޖެހުން
މ ދޯނިފަހަރުގައި "ބަރާ" ހަރުކުރުން
ބަރިދިއްވުން
މ )ސ ( (1) ކުޑަކުއްޖަކު ކަމަކާމެދު ދެރަވެގެން ނުވަތަ ހިތުގައި ޖެހިގެން ރޮއިގަތުމަށް ތުންފަތް ހަރަކާތް ކުރުން (2) ބަރިއެޅުން
ބަރިލުން
މ ދަލުގެ ކުރެވީގައި ބަރިހަރުކުރުން
ބަރުބާދުކުރުން
މ (1) ވީރާނާކުރުން (2) ހަލާކު ކުރުން (3) ގެއްލުން ދިނުން
ބަރުކުރުން
މ (1) ވަޒަނުން އިތުރުކުރުން (2) ފުރާދުއްވާ ތަކެއްޗާއި ތަކެތި އަރުވާ ބަރާކުރުން (3) މީހަކަށް ނުއުފުލޭވަރަށް ގިނަ މަސައްކަތް ޖެއްސުން (4) ކިޔުމުގައި ބާރުލުން ބޮޑުކުރުން
ބަރުއަޑު
ނ (1) ލުއިއަޑުގެ އިދިކޮޅުއަޑު. (2) ތަޖުވީދު ޢިލްމުގެ ހަމައިގައި އަކުރެއްގެ އަޑު ނެރޭއިރު ދުލުގެ ފަހަތުކޮޅު މަތީތައްޔާއި ދިމާއަށް އުފުލައިގެން ކިޔާގޮތް. މިސާލަކަށް: ލަފްޒު ﷲގެ ލާމު ބަރުކުރުން (3) ބުންކަމެއް އެކުލެވޭ ފަލައަޑު
ބަރުދާސްކުރުން
މ ކެތްކުރުން
ބައިންޖެހުން
މ (1) ބައިން ހަރުކުރުން (2) ފޭލީގެ ކޮޅުމަތީގައި އަޅާ ޚާއްޞަ ދުޅައެއް އެޅުން
ބައިބައިކުރުން
މ ބައިކުރުން މިބަހުގެ ގިނަގޮތް
ބައިކުރުން
މ (1) ބައިބައިޔަށް ވަކިކުރުން (2) ބޯވަޅު އެޅި ލިބާހުގެ އަރިޔާއިއަތާއި ތޯޑުވައިގެން އެކަފާ ޤަވާޢިދުން ކެފުން
ބައިއެޅުން
މ އެއްޗެއްބަހާއިރު މީހަކަށް ނުވަތަ ކަމަކަށް ބައެއް ޚާއްސަ ކުރުން
ބައިއެއްކުރުން
މ (1) ވަކިކަމަކަށް ކަނޑައެޅިފައިވާ ބަޔަކު މީހުން އެއްތަނަކަށް ނެރުން (2) ބައިތައް އެއްކޮށްލުން (3) ތިމާއާ ތަބާވާ ބަޔަކު ވަކިތާކަށް ޖަމާކުރުން
ބައިތިއްބުން
މ (1) ބަޔަކު ތަނެއްގައި އިށީނދެ ނުވަތަ އޮށޯވެ ނުވަތަ ކޮޅަށްތިބޭނެގޮތް ހެދުން (2) ތަނެއްގައި ވަގުތީގޮތުން ބަޔަކަށް އުޅޭވޭ ގޮތަށް ހަމަޖައްސައި އެތަނަކަށް އެމީހުންގެންދިއުން (3) ތަޙްޤީޤަށްޓަކައި ރަށެއްގައި ނުވަތަ ތަނެއްގައި އެހެންތަނަކަށް ނުދެވޭ ގޮތަށް ވަގުތީ ގޮތުން ބަންދުކުރުން
ބައިޢަތު ހިފުން
މ (1) ތަބާވުން (2) މީހަކާ ނުވަތަ ބަޔަކާ ތަބާވުމަށް އަހުދުވުން (3) މީހެއްގެ ވެރިކަން ގަބޫލުކުރުން
ބައްކުރުން
މ (1) ހަމަނަހަމަ ނުބަލާ މުދައު އެއްކުރުން (2) އަތުލުމަށް ނުވަތަ އެއްކުރުމަށް ހިތާ ނުވެގެން ބުނާގޮތް