radheef.info
ރަދީފު


ކުރަ
ނ (1) ދިރޭ އެއްޗެހީގެ ހަމުގައި ބޯކޮށް ރާޅުކޮށް ހެދިފައި ހުންނަ ތަންތަން (2) ބައެއް މޭވާއާއި ތަރުކާރީގެ ބޭރުގައި ބޯކޮށް ހަރުކޮށް ހުންނަ ތަންތަން (3) ގަސްގަހުގެ ތޮށީގައި ބޯކޮށް ހަރުކޮށް ހުންނަ ތަންތަން (4) )ސ( ވައްގަނޑުން އެއްޗެތި އޮއްސާން ހަދައިފައި ހުންނަ ބާވަތް ބާވަތުގެ ކަންވާރު (5) )ބދ ( ފުށަތް
އަރުމާދު
ނ ރަދުން ރާއްޖެތެރެއަށް ކުރައްވާ ދަތުރުފުޅު މިދަތުރުފުޅުގައި ދައުލަތުގެ ވަރަށް ގިނަ އުޅަނދުތަކާއި ދައުލަތުގެ ވަރަށް ގިނަ ބޮޑުން ބައިވެރިވެވަޑައިގަނެއެވެ
އަބާރަނަ
ނ (1) އަންހެނުންގެ ކަރުގައި އަޅާމޮޅުގަހަނާ (2) ދަނޑިބެރުގައި ޖަހާ ލަވައެއް (3) ދަނޑިބެރުގެ ބޮޑެތި ލަވަތަކުގެ ތެރެއިން ލަވައެއް މިލަވަ ޖަހައިއުޅެނީ ޢީދުދުވަހާއި ހުކުރުދުވަހު ރަދުން އަބާކޮޅު ތުރުކުރައްވާން އުތުރުގެކޮޅަށް ވެދެވަޑައިގަތުމުންނެވެ ބަންގި ބެރުޖަހަމުންގޮސް މުދިން ބޭކަލުން ފީކުމުއްޞަލާތި ގޮވައިފައި ގަނޑުވަރަށްދުރުވެ ސުއްޖާދުހިފައިގެން ނުކުމެއްޖެނަމަ ފުމޭނީ އަބާރަނައެވެ ސުއްޖާދުނުލައި ނިކުމެއްޖެނަމަ ބަންގިބެރުހުއްޓާނީއެވެ ދެންމިލަވަޖަހާނީ ސަމާކުޅިހުއްޓާރޭރެއަށް ރަނަހަމައިދިކޮށިން ތިންދަނޑިޔާއި އެއްލާން ނިކުތީމައެވެ މިއިންކޮންމެތާކުވެސް މިލަވަފުމޭނީ ރަދުން ނުކުމެވަށައިގެންނަވަންޏާއެވެ
އަޅަމެން
ނ އަޅުންގެ ގޮތުގައި ބަޔަކު ވާހަކަ ދައްކާއިރު އަހަރެމެންނޭ ބުނާބަސް މިބަސް ބޭނުންކުރަނީ ކަލާނގެ ކިބަޔަށް ދަންނަވާ އިރުގައެވެ
އަޅެ
އކ ނިކަން. މިބަސް ބޭނުންކުރަނީ އާދޭހުގެ ގޮތުންނާއި ރުޅިވެރި ކަމުގެ ގޮތުންނެވެ. މިސާލު: އަޅެދީބަލަ އަޅެޖަހާބަލަ
އަޅޯސާ
ނ ބޭސްހަދަން ގެންގުޅޭފަތެއް. މިފަތް ހުންނާނީ ދަތްކުރަނދު ފަތްހެން އެއަށްވުރެ ބޮޑެތި ކޮށެވެ މިއީ މޭގެ ބަލިބައްޔަށް ރަނގަޅު އެއްޗެކެވެ މީގެގަހަކީ މެދުމިނުގެ ގަހެކެވެ މިއަށް "އާޑައްތޮޑާ" ވެސް ކިޔައެވެ
އަމާންދިދަ
ނ (1) އިހުގައި ރަދުންނާއި ގަނޑުވަރުތެރޭ ހަތްކޮޅުނަގާ ބޭފުޅުން ޢިއްޒަތަށް ވަޑައިގަންނަވާއިރު ކުރީގައި ޖަޑިބު ހިފައިގެން ހުންނަ ބޮޑު ދިދަ މިހާރު އެދިދައިގެ ބަދަލުގައި ހުންނަނީ ޤައުމީ ދިދައެވެ މިހިފަނީ އެކަމަށް ޚާއްޞަ ކުރައްވައިފައި ހުންނަ މީހެކެވެ (2) އަމާން ދިންކަމުގެ ނިޝާން
އަމީރު ރަސްކަން
ނ (1) ވަލީޢަޙުދުކަން (2) ރަސްގެފާނުގެ ޤާއިމްމަޤާމްކަން (3) ރަސްކަމުގައި ހުންނެވި ބޭފުޅަކު އެރަސްކަން އެހެން ބޭފުޅަކާ ޙަވާލު ކުރައްވައިފައި ހުންނަވާ ދަރަޖަ
އަމުރުކުރުން
މ (1) ޙުކުމްކުރުން (2) ކަމެއްކުރަން އެންގުން
އަދާލާތުގަނޑުވަރު
ނ (1) ވެރިކަން ހިންގަވާގެ (2) ވާހަކައިގައި ރަސްކަލުން އަމުރު މަޢުރޫފު ކުރައްވާ ދަރުބާރު
އަތުރާކުރެހުން
ނ އަތްކަންކުރާމީހުން ނަރުއަތުރައިގެން ކުރަހާ ކުރެހުން
އަތުފަތުނޭޅުން
މ (1) ހަލުއިކަމާއެކު ވޭވޭހުރުން (2) ކަމެއް ހުރަހެއްނެތި ހިނގުން މިބަސް ބޭނުންކުރަނީ އެއްޗެހިތަކެއް ލިބުން ނުވަތަ ވިއްކުން ފަދަ ކަމަކާ މެދުގައެވެ
އަތްކަންއެޅިލިބާސްކޮޅު
ނ ހަތްކޮޅުނަގާ ބޭފުޅުން ޢިއްޒަތުގައި ވަޑައިގަންނަވާއިރު ތުރުކުރައްވާ ޖަރީކުޅަ ލިބާސްކޮޅު
އަތްފޭރާ
ނ ކާށިހެހޭން ފޭހިފައި އޮންނަ ކުރަދިގަނޑު މިއިން ކާށިހެހެނީ އަތުން ހިފަހައްޓައިގެންނެވެ
އަތްދަށުންދިއުން
މ (1) ކުރަންވީކަމެއް ހަނދާންނެތިގެން ދިއުން (2) ނަނުގައި މަސް ބާނާއިރުގަނެގެން ދަމަނިކޮށް އަތްދަށު ނަނުކަނޑައިގެންދިއުން (3) ތިމާގެ އިޚްތިޔާރަށް ލިބިފައިވާ އެއްޗެއް ނުވަތަ ކަމެއްނެއްޓިގެންދިއުން
އަލާކެނޑުން
މ (1) ބޭނުން ފުދުން (2) "އަލާ" ބަލާ! (3) މަޖާޒު: މީހަކު ކަމެއްކުރަން އުޅެގެން އެކަމުން ދެރައެއް ލިބުނީމާ ބުނާގޮތެއް މިސާލު: މިހާރު ހުންނާނީ އަލާކެނޑިފައެވެ
އަލިފާންލުން
މ (1) އެއްޗެއްގައި އަލިފާން ރޯކުރުމަށް ނުވަތަ އެއްޗަކަށް ހޫނުކުރުމަށްޓަކައި އެތަނެއްގައި އަލިފާން ބެހެއްޓުން މިސާލު އުނދުނުގައި އަލިފާން ބެހެއްޓުން :(2) ދުންކިބަލަކަށް ނުވަތަ ތަވަޔަކަށް އަޅައިގެން އެހޫނުކުރަންވީ އެއްޗެއްގެ ދަށުގައި ބަހައްޓައިގެން ހޫނުކުރުން މިސާލު: އެނދުތަންދޮށަށް އަލިފާންލުން
އަސާ
ނ (1) ދޮށިމޭނާ ވެލާނާ ހަކުރާ ފާމުދޭރި މާފަތް ދަހަރާ މިބޭބޭކަލުންނާއި ފަނޑިޔާރުކަމާއި މީރުބަޙުރުކަމާއި ރަނަހަމާންތިކަމާއި ފުރަމާލޭގެ ދެޚަޠީބުކަމާއި މިކަންކަން ޙަވާލުކުރައްވާ ބޭބޭކަލުންނަށް ދެއްވާދަނޑި މިހުންނަނީ ކުރަހައި ލާފެންކޮށްފައެވެ (2) ހިފައިގެން ހިނގާ ލަޓިގަނޑު
އަސާރަ
ނ އަނބު ބިލަމަގު ކަދުރު ފަދަ އެއްޗެހީގައި ބައެއްހަވާދުލައިގެން ހުތް ނުވަތަ ތެޔޮއަޅައިގެން ތައްޔާރުކުރާ ކާނާއެއް ގިނައިން މިތައްޔާރުކުރަނީ ނުކައްކައެވެ
އަސްކަރު
ނ އައްސުލްޠާނުލް ޣާޒީ މުޙައްމަދު ތަކުރުފާނުލް އަޢުޒަމް ސިރީސަވާދީއްތަ މަހާރަދުން ރާއްޖެ އިސްލާމު ކުރެއްވުމަށްފަހު ބައެއް ރަށްރަށު މީހުން ނުކިޔަމަންތެރިވެގެން އެކަން ހަމަޖައްސަވާން ހަވަރުގެ ތެރެއިން އެކިބައިމީހުން އެކިރަށްރަށް ފޮނުއްވިއިރު އުތުރުގެ ރަށްރަށަށް ފޮނުއްވި މީހުންެ. އެމީހުން ދިޔަ ރަށްރަށް އެމީހުންނަށް ދެއްވީއެވެ. އަސްކަރުންގެ އޮންނަނީ ދޮށިމޭނާގެ ހަކުރާގެ މާފަތްގެ ވެލާނާގެ ދަހަރާގެ މިފަސްގެއެވެ ފަސްގެ އެކުގައިނަމަ ކިޔަނީ "ފަހޮޅި" އެވެ ވަކިވަކީންނަމަ "ގެ" އެވެ އެހެނިހެން އޮޅިމެދެކޭ އެއްފަދައިން އަސްކަރުންނަށްވެސް މާލޭގައި ކުރަންޖެހޭ ވަކިވަކި ކަންތައްތައް ހުރެއެވެ
އަސްތަވުން
މ )ބދ ( އޮއްސުން މިބަސް ބޭނުންކުރަނީ އިރުހަނދާއި ތަރިތަކަށް ނިސްބަތްކޮށެވެ