radheef.info
ރަދީފު


ކަށް
ނ (1) މަރުވެފައި އޮތް މީހާ (2) މުޅަ
ރަށްވެހިކުރުން
މ (1) ރަށުގެ އަހުލުވެރިޔަކަށް ހެދުން (2) މަދަނީގޮތުން ރަށްކުރިއެރުވުން
ރަށްވެހިވުން
މ (1) ރަށުގެ އަހުލުވެރިޔަކަށްވުން (2) މަދަނިއްޔަތާއި ތަހުޒީބު ލިބިގެންވުން
ރަންބިހެއްއެޅިގެން އުޅުން
މ މަޖާޒު: މީހަކަށް މުދަލެއް ނުވަތަ ޢިއްޒަތެއް ލިބުނީމާ އެކަށީގެންވާ ވަރަށްވުރެ ބޮޑަށް ދެއްކެން އުޅުން
ރަންބިންދުށުން
މ މަޖާޒު: (1) މީހަކަށް މުދާތަކެއް ލިބިގެން އުޅޭނެ ނޫޅޭނެ ގޮތެއް ނޭގިގެން އުޅެންފެށީމާ ބުނާގޮތް (2) ކުކުޅުހާ ތަންތާ ތިބެފައި ވީކަމެއް ނޭގި ކަރުދަމައިގެން ދުއްވައިގަތުމަށް ބުނެއުޅޭ ބަހެއް
ރަންކާޅު
ނ )މ.( ބާވަތެއްގެ ބޮއްޔެއް. މިހުންނާނީ ވަރަށްފަނޑު ކިސުޑި ވައްތަރެއްގެ ތިކިތަކެއް ޖަހައިފައި މަޑުމުށި ކުލައެއްގައެވެ ގާތްގަނޑަކަށް ދެ އިންޗިވަރު ވާނެއެވެ
ރަންކޮކާ
ނ (1) ރަންރީނދޫކުލައިގެ ވިދާކޮކާލެއް މަޖާޒު: (2) ބަނޑުހައިވެގެން ގޮސްމާބޮޑުވަރުވީމާ ލޮލަށް ފެންނަހެން ހީވާއެއްޗެއް ހަށިގަނޑު ދެރަވެފައި ހުންނައިރު ގިނައިރުވާންދެން އުޑަފައިން އިށީނދެ އިނދެފައި ކުއްލިއަކަށް ތެދުވީމާވެސް މިފެނެއެވެ (3) )ޅ ( ލޭކޮކާ
ރަންމަތީލުން
މ ދިރޭރަހަޔާއި އިބްރާހީމު ރަނުގެ ކުނޑިޔާ އޮޑިހަނަކަށް އަޅައިގެން 27 ގަޑިއިރުވަންދެން އެއްކުރުމަށްފަހު ރަންމަތީލާންވީ އެތި އަލިފާނުން ރަނގަޅަށް ދޮންކޮށް ތެޔޮކަނޑުވައިލައި ހިހޫވީމާ ލުނބޯހުތާ ސައިބޯނިއޮށުގެ ފެނުން ލޯނަރު ބުރުސް އަޅައި ރަނގަޅަށް ދޮވެސާފުކޮށްލައި އޭގެފަހުން ރަންމަތީލާއެތީގައި ރަނގަޅަށް އޮޑިހަނުގައި ގާނައިފައި ހުރި ކުނޑިތައް ކުޑަ ފިއްސަކުން ހާކައިލައި އެއްވަރުކޮށް ލުމަށްފަހު އަނެއްކާވެސް އަލިފާން މަތީބާއްވައިލައި ހޫނުކޮށް ލާނެއެވެ. އެއިރުން ދިރޭރަހައިގެ ބައި ދުމަށްވެގެން ހިނގައިދާނެއެވެ. އެއިރުން ރަންކުނޑި ހުންނާނީ އޭގައި ހަރުލައިފައެވެ. ދެންއޭގެމަތީގައި އޮފުއަރުވާކަށި ކާއްތާ އޮފުއަރުވާ ކުރެހުން ނުވަތަ ލިޔުން ގަނޑެއް ނަމަ އޭގެތެރޭގައި ކަށިކާއްތާ އޮފުއަރުވައި ހިކިކޮށް ހުރި އުއްތަން ހަދައިފައި ހުންނަ ބޭހުން އެތިފޮދެއް އޭގެ މަތީގައި ހާކައިލައި އަނެއްކާ އަލިފާނުން ހޫނުކޮށްލާނީއެވެ އޭރުން ހުންނާނީ އޭގެމައްޗަށް ރަންކުލަ އައިސްފައެވެ ދެން ފެންފޮދަކުން ދޮވެލައި ބުރުހުން ސާފުކޮށް ލުމުން ރަންމަތީލެވުނީއެވެ
ރަންފާނަ
ނ ފާނައިގެ ބާވަތެއް މީގެ ކުލައަކީ ރަންކުލައެވެ މަހުގެ ބޮލާއި ހަށިގަނޑުގައި ނާރިގު ކުލައަކަށްދާ ރީނދޫ ކުލައިގެ ކުދި ތިކިތަކެއް ހުރެއެވެ މަހުގެ ނިގޫފަތުގެ ކޮޅުގައި ނޫކުލައިގެ ހިމަ ފަށެއް ހުރެއެވެ
ރަންދި
ނ (1) ރަސްކަލަކަށް ކޮލިލާފަހުން ފުރަތަމަ ލިބިވަޑައި ގަންނަވާ އަންހެން ބޭފުޅަކަށް ކިޔާ ރަސްމީ ނަމެއް (2) ކަޅުބިލަމަހަށް ކިޔާ ވަނަމެއް
ރަންގު
ނ (1) ކުލަޖައްސަން ގެންގުޅޭ ޚާއްޞައެއްޗެއް މި ހުންނަނީ ފުއްފުކަށް ނުވަތަ ގަނޑުގަނޑަށެވެ (2) )ހ ( ކައްޓަލަ (3) ރަންގުވެލުގައި އަޅާ އޮށް
ރަންގުވެޔޮ
ނ ރަންގުއޮށް އަޅާ ވެޔޮ މިވެޔޮހެދެނީ ގަސްގަހުގައި ހަކި ހިއްޕައިގެންނެވެ އޭގައި އަޅާ އޮށް ފިތައިލީމާ ނިކުންނާނީ ރަންގުކުލައެވެ މިވެލުގެ ފަތް ވަރަށް ކުދިވާނެއެވެ މިއީ ވަލުގައި ވަރަށް ގަދަޔަށް ހެދޭ ވެލެކެވެ މިވެޔޮ ރުކަކަށް އަރައިފިއްޔާ ރުއް މަރުވެސް ވެދާނެއެވެ
ރަންގުލޯބި
ނ (1) ކުޑަ ދުވަސްކޮޅަކަށްވާ ހިތާ (2) މަތިމަތީންވާ ލޯބި
ރަކަރަކަ
ނ (1) ގިނަ ބަޔަކު ތަނަކަށް އެއްވެގެން އުޅޭއިރު އެއުޅެވޭގޮތާ ދައްކާ ވާހައިން އިވޭ އަޑުތައް (2) އުދުހޭ ދޫންޏާއި މޫދުމަސް ފަދަ ތަކެތި އެއްތާކަށް އެއްވެ މާބޮޑަށް ބޮނޑިވެގެން އުޅޭއިރު އެއުޅެވޭގޮތް ނުވަތަ އިވޭ އަޑުތައް
ރަކަރަކަ އެޅުން
މ (1) ގިނަބަޔަކު ތަނަކަށް އެއްވެގެން އުޅޭއިރު އެއުޅެވޭގޮތާއި އަޑުތައް އުފެދުން (2) ދޫންޏާއި މަސްފަދަ ތަކެތި އެއްތާކަށް މާބޮޑަށް ބޮނޑިވެގަތީމާ އުޅެވޭ ގޮތާއި އަޑުތައް އުފެދުން
ރައިވަރުބައި
ނ ރައިވަރުގެ ހަމަޔާ ގާތްގޮތަކަށް ބަސްތަކަކުން އެކުލަވާ ލައިފައިހުންނަ ޅެން ބަހުރުވައެއް މިސާލު: ބުރުނީރައިވަރުބައި މާކެޔޮޅުކަމު ރައިވަރު
ރައިފަލު
ނ އަތްމަތީގައި ގެންގުޅެވޭ ގޮތަށް ހަދައިފައި ހުންނަ ބަޑީގެ ޚާއްޞަ ބާވަތެއް: މިބާވަތުގެ ބަޑީގެ ވަޒަން ނުކުމެގެން ދާހޮޅީގެ އެތެރެ ހަދައިފައި ހުންނަގޮތުން ބަޑިން ނުކުމެގެންދާ ވަޒަންދާނީ ވަކިގޮތަކަށް އެނބުރެމުންނެވެ. މިބާވަތުގެ ބަޑީގެ އޮޓޮމެޓިކް ވައްތަރުތަކާއި އޮޓޮމެޓިކްނޫން ވައްތަރުތައްވެސް ހުރެއެވެ
ރައްކާބައިން
ނ (1) ފަލީގެ ދުލުން މެއްކަށް އައްސައިފައި ހުންނަ މާރު (2) ހުންގާނުގައި އޮޅައިފައި ދެފަރާތުންގެނެސް އައްސައިފައި ހުންނަ މާރު (3) މީހަކު ގެއްލުމަކުން ސަލާމަތްކުރުމަށްޓަކައި ރައްކައުތެރިކުރުވުމުގެ ގޮތުންއަޅާ ކަމަރު (4) ގޮނޑީ ކަމަރު
ރައްދު
ނ (1) ފޯރާފޯރުން (2) މީހަކު މީހަކަށް ދޭންދިން އެއްޗެއް އެމީހަކަށް ދޭދިނުން
ރައްދުކުރުން
މ (1) ފޯރުކުރުން (2) މީހަކު މީހަކަށް ދޭން ހަވާލުކުރިއެއްޗެއް ލިބެންވީ މީހާ އަށް ދިނުން
ރައްދުވުން
މ (1) މީހަކު މީހަކަށް ދިންއެއްޗެއް އެ މީހަކަށް ލިބުން (2) މަޖާޒު: ޒިނޭކުރުން (3) )ސ ( އަތުންހެލުން