radheef.info
ރަދީފު


ޅ
ނ ތާނައިގެ ހަވަނައަކުރު
މިންނެގުން
މ މީހެއްގައި ނުވަތަ އެއްޗެއްގައި ނުވަތަ ތަނެއްގައި ހުރިވަރެއް ބެލުމަށް މިންއެޅުން
މިންކެނޑުން
މ (1) އެއްޗެއްގައި ހުރި ދިޔާ ނުވަތަ އޮލަ އެއްޗެއްގެ މިންވަރު ބެލުމަށް ކުރާ ކަމެއް (2) އެއްޗެއް ވަކި ވަރަކަށް ބައިބައިކޮށްފައި ފާހަގަޖެހުން މިސާލު: ފުޅީގެ މިންކެނޑުން ތަށީގެ މިންކެނޑުން
މިންވަރު
ނ (1) ކަނޑައަޅުއްވާފައިވާ ވަރު (2) އިރާދައިގައި ކަނޑައަޅުއްވައި ފައިވާގޮތް
މިންވަރުފުޅު
ނ އިރާދަފުޅު
މިންގަނޑު
ނ (1) މިން އަޅަން ގެންގުޅޭ އެތި (2) މިންވަރު މިސާލު: އަސާސީ ތަޢުލީމަށް ކަނޑައަޅައިފައިވާ މިންވަރު ކަމުގެ ލަޔާޤަތު ހުންނަންވާ މިންވަރު މުޤައްރަރުގައިވާ މިންވަރު
ފަތަޙަކުރުން
މ (1) ޣައިރު މުސްލިމުންނާއި ދެމެދު ކުރެވޭ ދީނީ ހަނގުރާމައިގައި މުސްލިމުން ކާމިޔާބު ހޯދުން (2) ނަޞްރުހޯދުން (3) މަޖާޒު: ކާމިޔާބު ކުރުން (4) މޮޅުހޯދުން (5) ކަމަކުން ކުރިހޯދުން
ފަތަޙަލިބުން
މ (1) ޣައިރު މުސްލިމުންނާއި މުސްލިމުންނާއި ދެމެދު ކުރެވޭ ދީނީ ހަނގުރާމައިގައި މުސްލިމުންނަށް މޮޅުލިބުން (2) ނަޞްރުލިބުން (3) މަޖާޒު: ކާމިޔާބު ލިބުން (4) މޮޅުވުން (5) ކުރިލިބުން
ފަތާ
ނ (1) އެމުގެ ބާވަތެއް. (2) ނއ. ފަތިކޮށް ހުންނަ ނުވަތަ ތިލަކޮށް ހުންނަ ތަށި މިސާލު: ފަތާތަށި (3) "ފެތުން" މިބަހުގެ އަމުރު މިސާލު: ބާރަށް ފަތާ! (4) ފެތުން މިބަހުގެ ވޭވޭހުރިކަން މިސާލު: އޭނާ ކޮންމެ ދުވަހަކު ފަތާ (5) )ޏ ( ފެންފޯއްރުކުގެ ފާޅަ
ފަތާވުން
މ (1) ތަނެއް ނުވަތަ އެއްޗެއް ނުވަތަ މީހަކު ތިރާވުން. (2) ފުންޏަކަށް ހުންނަ އެއްޗެއްގެ މައްޗަށް އަރައި އުޅުމުގެ ސަބަބުން އެ ފުނިވަރު ފެތުރުން (3) ފަތިވުން
ފަތާމީހާ
ނ ފަތައި އުޅޭ މީހާ
ފަތާލި
ނ )ދ ( ކުޅަނދުރުހަތާ
ފަތި
ނއ (1) ތުނި. (2) )ނ.( ސަފު. (3) އެކައްޗާޖެހި އަނެކަތި އަމުނައި ފައި އޮންނަ އެތި. މިސާލު: މާފަތި މަސްފަތި (4) ދެފޮތިގަނޑެއް ގުޅުމަށް ނުވަތަ ފޮތިގަނޑުގެ ދެފަރާތް ހިފާލަން ޖަހާ ރޮދި (5) ވަކަރު ނުވަތަ ލަކުޑި ނުވަތަ އެނޫންވެސް އެއްޗެއްގެ ހަނިދިގުކޮށް ތުނިކޮށް ހުންނަ ބައިބައި
ފަތިވަޅު
ނ (1) ވިޔަން ފަށާއިރު ފުރަތަމަ ޖަހާ އުއިފަށް (2) ކަށިވަޅު
ފަތިވިނުން
މ (1) ފޭރާން ކުރާއިރު އާދައިގެ ދުޅަނޫން އެހެން ދުޅައެއް ނެގުން. (2) ފޭލި ިވިޔާއިރު ކޮޅުމަތި ޖަހަން ވުމުން އެކަމަށް އިތުރަށް ނަގާ ދުޅަތަކެއް ނެގުން
ފަތިގަނޑު
ނ (1) ލަކުޑިން ނުވަތަ މައުދަނަކުން ނުވަތަ އެނޫންވެސް އެއްޗަކުން ހަދައިފައިވާ ހަނިދިގު ފަތި (2) މުންޑު ނުވަތަ ފޭލި އަނުމުގައި ކުރިމައްޗަށް ފަށްފަށް ޖަހައިފައި ހުންނަބައި (3) ތެޔޮރުމާ އޮޅާއިރު ފަށްފަށް ޖަހައިފައި ހުންނަބައި
ފަތިގަނޑު ނެގުން
މ މުންޑާއި ފިރިހެނުން އަންނަ ފޭލީގެ ކޮޅުމަތި ވަކިގޮތަކަށް ފަށްފަށް ޖެހުން
ފަތިގަނޑުޖެހުން
މ ކުޅޭ ކުޅިވަރެއް. މިއީ ގާތްގަނޑަކަށް ކައިވަތެއްގެ ދިގު ދެއިންޗި ފުޅާ ހޮޅިކޮށް އޮންނަ ހަތަރުގަނޑު ފަތިން ކުރެ އަތެއްގެ ތެރެއަށް ދެގަނޑު ފަތިލައިގެން ދެގަނޑު ދެގަނޑަށް ވަކިހަމައަކަށް ޖަހަމުން ކުޅޭ ކުޅިވަރެކެވެ. މިހަދައިފައި ހުންނަނީ އޮނުން ނުވަތަ ލަކުޑީންނެވެ. މި ކުޅިވަރު ކުޅެނީ ބަނޑިޔާ ނުވަތަ ޑަބިޔާ ޖަހައި ލަވަކިޔައިފައެވެ އަދި ޑަބިޔަލާއި ބަނޑިޔަލާއި ދޭތި ޖަހައިފައިވެސް މި ކުޅިވަރު ކުޅެއެވެ
ފަތިސް
ނ (1) ފަޖުރު ތަރި އެރީއްސުރެ އިރުއަރަން ފެށުމާ ދެމެދު (2) މަޖާޒު: އުއްމީދު (3) ރަނގަޅު ހެޔޮ ފެށުމަކަށް ތައްޔާރުވާން ފަށާފެށުން
ފަތިސްދަންމަތިވުން
މ (1) ފަތިސްވަގުތު ވުން (2) ފަތިސްދަމަށް އެޅުން
ފަތިޖެހުން
މ ދެގަނޑުފޮތި އެއްކޮށްފައި ނުވަތަ ފޮތިގަނޑެއް މަޅައިލައިފައި ރޮދިޖެހުން