radheef.info
ރަދީފު


ބަލި
ނ (1) ހަށިގަނޑުގެ ހިނގުމަށް ބުރޫއަރާ ސަބަބު (2) ޞިއްޙަތަށް ގެއްލުން ލިބޭގޮތުން ހަށިގަނޑަށް ހުށަހެޅޭ ކަންތައް (3) ބާރުދެރަ (4) ވަރުދެރަ (5) ދުޅަހެއިކަމުގެ އިދިކޮޅު (6) ވަރުގަދަ ކަމުގެ އިދިކޮޅު (7) ވައިބާރުކަމުގެ އިދިކޮޅު
ގައިންގަޔަށްއަރާބަލި
ނ ބަލީގެ ވައިރަސްގެ ސަބަބުން ނުވަތަ ޖަރާސީމުގެ ސަބަބުން އެކެއްގެ ފަރާތުން އަނެކަކަށްޖެހޭ ބަލި
ގަދަކުރުން
މ (1) ފަރުވާދީ ފަސޭހަކުރުން (2) ބަލިތަނެއްގެ ބަލިކަން ކެނޑުވުން މިސާލު: ފުޅައް ބަލިވެފައިހުރީމާ ގަދަކުރަން މުޑިޖެހުން (3) މަޖާޒު: ބޭނުންވުމާއެކުވެސް ބޭނުންނުވާގޮތް ދެއްކުން (4) ތިމާގެބަސް އެހެން މީހުންގެ މައްޗަށް ހިންގުން (5) ތަނަކަށް ވެރިވެގަތުން (6) ވިއްސާރަވެ ވައިގަދަވުން
ގަދަވުން
މ (1) ބަލިން ސަލާމަތްވުން (2) ކުޅޭބައެއް ކުޅިވަރުން މޮޅުވުން (3) ވަރުގަދަވުން (4) ވައިބާރުވުން މިސާލު: ވައިގަދަވުން (5) ކަނޑުބޮޑުވެ ރާޅުތައް އުފުލުން މިސާލު: ކަނޑު ގަދަވުން (6) ބައެއްކަންތައް ހުންނަންވީ ވަރަށްވުރެ މައްޗަށް ދިއުން މިސާލު: )ހ( ރުޅިގަދަވުން )ށ( ހުންގަދަވުން
ގިލަން
ނ (1) ހިތާމަ (2) މުސީބަތް (3) އާފަތް (4) ޖެހޭބަލި
ގުނބުހިލުން
މ ވަރުބަލިވެގެންގޮސް މާނޭވާލެވުން
ގޮވާލަންދިއުން
މ ބަލިމީހަކުގެ ނުވަތަ ބަންދެއްގައި ހުރިމީހެއްގެ ޙާލު ދެކެލަން ދިއުން
ގޮގޮޑިބަޅި
ނ )ސ ( ގުރުޑުބަލި
ސަލާމުގައި ހުރުން
މ ވަޒީފާއަށް ނުނިކުމެ ބަލިވެ ގޭގައި ހުރުން
ސަޔަށްރިހުން
މ މަޖާޒު: ބަލިވެ އިންނަމީހާ ވިހެއުމުގެ ދުވަސްވަރު ކައިރިވެގެން އަންނައިރު ވިހެއުމުގެ ރަނގަޅު ރިހުމަކަށް ނުވެ އޭނާގެ ބަނޑުގައިރިއްސާ ރިއްސުން
ސާމަރާ
ނ (1) ސާމަރާ ދޫނީގެ ފަތުން ހަދައިފައި ހުންނަ ފަންކާއެއް މީގެ މުށްގަނޑު ހުންނާނީ ލަކުޑިން ލިޔެފައި އަތުތެރެއިން އެނބުރޭ ގޮތަށް ހަރުކޮށްފައެވެ (2) މކ މިޔަރާއި ބޮޑެތި މަސް މަހުގެ ބޮލުގައި ޖަހައި ބަލިކޮށްލަން މަސްދޯނިފަހަރުގައި ގެންގުޅޭ ލަކުޑި މުގުރު
ޓީބީ
ނ (1) ކެއްސުންބަލި (2) އިނގިރޭސި ލަފުޒެއް ކަމުގައިވާ ޓިއުބަރކިއުލޯސިސް މިބަސް ކުރުކޮށް ކިޔާގޮތް
ޖަރާސީމު
ނ ބަލިބަލީގެ ކުދިކުދިފަނި މިއީ ހަމަލޮލަށް ނުފެންނަ އެއްޗެކެވެ
ޖުޒާމުބަލި
ނ ހަށިގަނޑުގެ ހިއްސުތަކަށް ޙަމަލާދޭ މައިކޮބެކްޓީރިއަލް ލެޕްރާ ކިޔާ ފަންޏެއް ނުވަތަ ޖަރާސީމެއްގެ ސަބަބުން ޖެހޭ ބައްޔެއް މިއީ ގައިން ގަޔަށް އަރާ ބައްޔެކެވެ ގިނައިން މިބަލިފާޅުވަނީ މޫނާއި ނޭފަތާއި ކަންފަތް ފަދަ ތަންތަނުންނެވެ ޢާންމުކޮށް މިބަލީގެ އަސަރު ހުންނަ ތަންތާނގައި އިޙްސާސެއް ނުހުރެއެވެ
ޝައްކުބަލި
ނ (1) ވަސްވާސް ބަލި (2) ފިނި ބަލި
ޝިފާލިބުން
މ ބަލި ފަސޭހަވުން