radheef.info
ރަދީފު


ރަސް
ނއ (1) ރަސްގެފާނަށް ނުވަތަ ރަސްކަމަށް ނިސްބަތްވާ (2) މޮޅު މިސާލު: ރަސްއައިން (3) އެންމެބޮޑު މިސާލު: ރަސްމަގު (4) އެންމެ ލޯބިވާ މިސާލު: މަގޭ ރަސްދަރިފުޅު (5) ނ ފަސްއޮށްކުޅޭއިރު ވިދިވިދިގެން ހަތްލަނޑުދިނީމާ ނުވަތަ ހުސްފުށަތުން ލާއިރު އޮށްބައި އެކަށް ހިފުނީމާ ކިޔާނަން
ފައިބަރުގުލާސް
ނ (1) ލޯންޗް ފަހަރާއި ބޮޑެތި ތާނގީ ފަދަ އެއްޗެހި ހެދުމަށް ބޭނުންކުރާ ޕްލާސްޓިކް ފަދަ އެއްޗެއް (2) ފައިބަރު ގުލާސް ތެރަސް މިއީ ފައިބަރުން ހަދައިފައި ހުންނަ ތަކެތި މަޑުކުރުމަށް ބޭނުން ކުރާ އެއްޗެކެވެ
ފަތަށްއެރުން
މ (1) ލިސްޓެއްގައި ނުވަތަ ރަޖިސްޓްރީއެއްގައި ނަން ލިޔެވުން. (2) ޅެން ކިޔާ މީހުންގެ ތެރެއަށް ނުވަތަ ޒިކުރު ކިޔާ މީހުންގެ ތެރެއަށް އާދައެއް ކަމަށް ދޭންވާ އެއްޗެއް ދީގެން ވަނުން މއިީ އިހުގައި ގަނޑުވަރު ތެރޭގައި ރަސްމީ ގޮތުން ކުރެވޭ ކަމެކެވެ
ފަތްކިޔުން
މ (1) އިހުގައި ނައިބުކަމަށް ހިނގާ ދުވަހު ކިޔުމަށް ރަސްމީގޮތުން ލިޔެފައި އޮންނަ ފަތްކޮޅު ރައްޔިތުންނަށް ކިޔަވައިދީ އިއްވުން (2) އިހުގައި އަތޮޅުވެރިކަމުގެ ފަތްކޮޅު ރައްޔިތުންނަށް އިއްވުން (3) ފޮތެއް ކިޔުން
ފަތްކޮޅު
ނ (1) ވަކިފެންވަރެއްގެ މަޤާމުތަކަށް އިސްކުރައްވާ ފަރާތްތަކަށް ވަޒީފާ ދެއްވިކަން އެންގެވުމުގެ ގޮތުން ދައުލަތުން ދެއްވާ ލިއުން. މިސާލު: އަތޮޅުވެރިކަމުގެ ފަތްކޮޅު. ވަޒީރުކަމުގެ ފަތްކޮޅު ސަފީރުކަމުގެ ފަތްކޮޅު (2) ޤައުމެއްގެ އިސްވެރިޔަކު އެދަރަޖައިގެ ވެރިޔަކަށް ނުވަތަ އެއަށްވުރެ ދަށުގެ މީހަކަށް ފޮނުއްވާ ރަސްމީ އެންގެވުން (3) ގަސްގަހުގެ ފަތުގެ މިންވަރެއް (4) މަޖާޒު: ބޮލުގައި މަދުން ހުންނަ އިސްތަށި
ފަތްކޮޅުބޭލުން
މ ކީރިތި މަހާރަދުން އޮޅުދޫކަރައިގެ ގަވަރުނަރަށް ފޮނުއްވާ ނުވަތަ ގަވަރުނަރު ކީރިތި މަހާރަދުންނަށް ފޮނުއްވާ ފަތްކޮޅު ރަސްމީ އިއްޒަތުގައި އެއްގަމަށް ބޭލުން
ފަތްފޮނުވުން
މ އިހުގައި ސަރުކާރުން އެކިއެކި މީހުންނަށާއި ތަންތަނަށް ފޮނުވާ ރަސްމީ ލިޔުން ފޮނުވުން
ފަތްދަނޑި
ނ އެކިއެކި މުނާސަބަތުގައި ރަސްމީގޮތުން ދިދަނެގުމަށްޓަކައި މަގުގެ ދެފަރާތުގައި ޖަހާދަނޑި
ފަސްފިޔަމާ
ނ (1) ރަސްމީ އިއްޒަތެއްގެ ނިޝާނެއްގެގޮތުން ފަސް ތުނޑަށް ހުންނަ ތަރިއެއް (2) ފަސްފިޔަ ހުންނަ މާ
ފަސްގަނޑަށްނުކުތުން
މ (1) ރަސްމީ ގޮތުން ކުޅިޖެހުމަށް ގުޅަކުޅޭ ފަސްގަނޑަށް ނުކުމެ ކުޅިޖެހުން (2) ކުޅިޖަހާ ފަސްގަނޑަކަށް ކުޅިޖަހާން ދަސްކުރަން ނުކުތުން (3) ގުޅަކުޅޭ ފަސްގަނޑަށް ހަވަރު އެއްވުން
ފަސްގަނޑު ކަނޑައިގެންދިއުން
މ (1) ބިންގަނޑަށް އަންނަ ބަދަލަކުން ފަސްގަނޑު ކެނޑި ފޭވުން (2) ދެމިގެން އަންނަ ފެންގަނޑު ފެތުރިގެން ދިޔަ ނުދިނުމަށްޓަކައި ހަދާފައި ހުންނަ ވެލީގެ ހުރަސް ގިރާލުން
ފަޑި
ނ (1) އެނދާއި އުނދޯލި ފަދަ ތަކެތީގެ ދެކޮޅާއި ބިތްދޮށުގައި ހުރަސް ތޭރިމައްޗަށް ފަތިހަރުކޮށް ހަދައިފައިވާ ބައި (2) ފުރާދުއްވާ އުޅަނދު ފަހަރުގެ ދެއަރިމަތީގައްޔާއި އަރާފައިބަން ހަދާފައިވާ ސިޑި ފަދަތަންތާނގެ އަރިމަތީގައި ހިފޭ ގޮތަށް ހަދައިފައިވާ ބައި
ފާނޯ
ނ (1) ފާން (2) ރާއްޖެ އިސްލާމްވުމުގެ ކުރިން ރަސްކަމުގެ ކޮއިލުގެ ބޭރުގައި ހުރި ބޮޑު ދެބުދުން އެއްބުދުގެ ނަން
ފާރު
ނ (1) ރާނައިފައި ހުންނަ ބިތް ނުވަތަ ހުރަސް (2) ހަށިގަނޑުގައި ކެނޑި ހަލާކުވެފައި ހުންނަ ތަންތަން (3) ބދ ވަޅުގަނޑު
ފާލަން
ނ (1) ފުރާ ދުއްވާ އެއްޗެހި ގާތްކޮށް މީހުން އަރާ ފޭބުމަށާއި މުދައު އަރުވައި ބޭލުމަށް ގޮނޑުދޮށުގައި ތަނބުޖަހައިގެން ނުވަތަ ގަލާއި ވެލި އަޅައި ހިއްކައިގެން ހަދައިފައި އޮންނަތަން (2) ދެތަނެއް ގުޅުވުމަށް ކޯރުކޯރާއި ފެންފެންގަނޑު ފަދަ ތަންތަން ހުރަސްކޮށް މީހުން ހިނގުމަށާއި އެއްޗެހި ދުއްވުމަށް ތަނބުޖަހައިގެންނާއި ހިއްކައިގެން ނުވަތަ ފަތިތަކެއް ހަނިދިގުކޮށް ގަތައި އެލުވައިގެން ހަދައިފައި ހުންނަ މަގު
ފުޅަށް
ނ (1) އިންވަކި ކުރުމަށްޓަކައި ނުވަތަ ތަނެއް ނިވާކުރުމަށްޓަކައި ދަނޑިފަނުން ހަދައިފައި ހުންނަ ހުރަސް (2) އިން ވަކިކުރުމަށްޓަކައި ދަނޑިން ނުވަތަ އޮށިފަދަ އެއްޗަކުން ގަތާފައި ހުންނަ ހުރަސް
ފުޅާ
ނ (1) އެއްޗެއްގެ ހުރަސްމިން. (2) ހަނީގެ އިދިކޮޅު. (3) ފުރޮޅު ފަދަ އެއްޗެހީގައި ހުންނަ އޮރިކަން. (4) މަޖާޒު: ތަނަވަސް މިސާލު: މިއީ ވަރަށް ފުޅާ )ތަނަވަސް( ދާއިރާއެއްގައި ވާހަކަ ދެކެވިދާނެ މައިގަނޑު ނަމެކެވެ
ފޮތް
ނ (1) ޚަތިމުގެ ތިރީސް ފޮތުގެ ތެރެއިން ފޮތެއް (2) ލިޔެފައި ނުވަތަ ނުލިޔެ ހީރަސްޖަހާފައިވާ ކަރުދާހުގެ ފަތްފުށްތަކެއްގެ ބައެއް (3) ބާވައިލެއްވުނު ފޮތްފޮތް
ފޮތްހަދާމީހާ
ނ (1) ފޮތްލިޔެ އެކުލަވާލާ މީހާ. (2) ފޮތް މަރާމާތުކޮށް ބޭރުގަނޑުލައި ހީރަސް ޖަހައި ހަދާމީހާ
ފޮތްހެދުން
މ (1) ފޮތް އެކުލެވުން (2) ހަލާކުވެފައި ހުންނަ ފޮތް ހީރަސްޖަހައި އަލުން ހެދުން
ފޮތްތިއްބާދަތި
ނ ފޮތް ހީރަސްޖަހައި ބޭރުގަނޑު ހަދައި ތަތް ކުރުމަށްފަހު ހިކެންދެން ތިއްބައި ހަރުކުރާ ދަތި