radheef.info
ރަދީފު


ބޭރަށްލުން
މ (1) ތަނަކުން ނެރެލުން (2) ނޯކިރީކަމުން ވަކިކުރުން (3) ވިހައިގެން ހަތްދުވަސްވާ ދުވަހު އާދަކާދައިގެ މަތިން މައިމީހާޔާ ދަރިފުޅު ގޭތެރެއިން ބޭރަށް ނެރުން
ބޭރުންބޭރަށް
ކއ ދޮރުމައްޗަށް ހުއްޓިލައިފައި ނުވަދެ ދާ ދިއުމަށް ބުނެއުޅޭ ގޮތެއް
ބޭރުންދާ އޮޑިޔަކަށް ނިވަލެއް ނޯންނާނެ
(މުސްކުޅިބަހެއް) ގެއަށް ނުވަދެ ބޭރުގާ ހުންނަ މީހަކަށް ގެއިންދެވޭ ޚިދުމަތެއް ނުދެވޭނެޔޭ ބުނުމަށް ބުނެއުޅޭ ބަހެއް
ބޭރުންދާ އޮޑިޔަކަށް ނިވައެއް ނޯންނާނެއެވެ
(މުސްކުޅިބަހެއް) ބޭރުންދާ އޮޑިއަކަށް ނިމަލެއް ނޯންނާނެ
ބޭރުފުށް
ނ (1) އެތެރެނޫން ފުށް (2) ފާޅުގައި ފެންނަގޮތް
ބޭރުފުށް އޮމާންކުރުން
މ މަޖާޒު: މަތިއޮމާންކުރުން
ބޭސް އުށް
ނ މާމުއި ކުޅަނދުރުގެ ހަތައިން ނަގައިގެން ހަދާ އުށެއް މިހުންނަނީ މަޑުދޮން ކުލައެއްގައި އެތިއެތިގަނޑަށެވެ މިއީ ދިވެހިބޭހަށާއި ފާލީސްކުރުމަށް ބޭނުންކުރާ އެއްޗެކެވެ
ބޮނދުބުޑަށްސައިކިޔުން
(1) ރާޒުވާކުޅުމުގައި ބޮނދަށް ރައްކާނުވެވޭގޮތަށް ބޮނދާ އެންމެކައިރީގެ ޔަކަށް ސައިކިޔުން (2) މަޖާޒު: މީހަކަށް ސަލާމަތް ނުވެވޭވަރުގެ ބޮނޑިއެއްދިނުން
ބޮނޑުނަގުލަށްވުން
މ މަޖާޒު: ބޮނޑުނަގުލަށް ދިއުން
ބޮނޑުނަގުލަށްދިއުން
މ މަޖާޒު: ކަމެއް ފަށާ އިރަށްވުރެ ފަހަށް ދިޔަދިޔަހެން ހުލިވަމުން ދިއުން
ބޮކަށްއެރުވުން
މ އަތުންޖަހާބަޑި ގޮއްވައިލަންހުންނަތަން ފާލަށް އެރުވުން
ބޮއްކުރާދޮށަށް އޮޑިކެނބުން
މ މަޖާޒު: (1) ފިރިހެނުން ހޯދަން އަންހެނުން ދިއުން (2) ނޯކަރު މީހާގާތަށް ސާހިބުމީހާ ކަންތަކާ ދިއުން
ބޮލަށް އެރުން
މ މީހަކަށް ބަހައްޓާންވީ އަދަބު ނުބަހައްޓާ އުނދަގޫކުރުން
ބޮލަށްކޮށްޕި
ނ (1) ބޮލުގައި އަޅާން ކައިރީގައި ރޫޖައްސައިފައި ގޮނިކޮށް ފޮތިން ފަހައިފައި ހުންނަ އެއްޗެއް. (2) މޫނު ފިޔަވައި ބޮލާއި ކަނދުރާޔާއި ކަރާއެކު ނިވާވާނޭހެން ބޮލަށް ފައްތާން ވިޔެފައި ހުންނަ އެއްޗެއް
ބޮލަށްއުނބުވެރޭ ރުކެއް ކެނޑުން
ގބ މީހަކަށް އުނދަގޫ ވޭވޭހުރިކަމެއް ފިލައިގެންދިއުން
ބޮލަށްއުނދަގޫވުން
މ ސިކުނޑިއަށް ހާސްކަންލިބި ނުތަނަވަސްވުން
ބޮލަށްވަނުން
މ (1) ވިސްނުމަށް އައުން (2) ދޭހަވުން (3) ތިމާގެބަހަށް އަނެކަކު ހައްލައިލުން
ބޮލަށްވައިއެރުން
މ ވައިލެވޭގޮތްވެ ބޮލަށް އެނބުރުން އެރުން
ބޮލަށްތުރާވުން
މ ބޮލަށް އުނދަގޫވުން
ބޮލިމަލާފަތަށްނެށުން
މ ދިވެހިސަގާފީ ނެށުމެއް މިނެށުން ނަށާނީ ކުޑަލޯމަލާފަތަކަށް ބޮލި އަޅައިގެން ލަވަޔަކަށް ހަމަވާނޭހެން އެތަޅުވަމުންނެވެ މިނެށުން ނަށާނީ އަންހެނުންނެވެ ނުވަތަ ފިރިހެނުން އަންހެން ހެދުން އަޅައިގެންނެވެ