radheef.info
ރަދީފު


ހުނ
އ ނުރުހުމުގެ ގޮތުން ނުވަތަ ނުރުހިގެން އިއްވާލާ އަޑެއް. މިސާލު: ހުނ އެހެންތަހީކުރީ
އޮފުލާބޮލި
ނ (1) ބަނޑުދޮށުގައި ރިހާކުރު ކުލަހުންނަ މެދުވަރެއްގެ ބޮއްޔެއް (2) ކުނބޯބޮލި
އޮލި
ނ (1) އެއްފުރާޅަށް ހިޔާކޮށް ތޮށަލީން އަޅާފައިހުންނަގެ (2) ތޮށަލި
އޮގަރުކަލޭގެ
ނ ރަދުންނާއި ގަނޑުވަރުތެރޭ ބޭފުޅުންނަށް ރާފޮދު ބާލާން ރަސްމީގޮތުން ހުންނަމީހާ
އޮގަރުފޮދު
ނ ރަދުންނާއި ގަނޑުވަރުގެތޭ ބޭފުޅުންނަށް އޮގަރުގެއިން ރަސްމީގޮތުގައިގެންދާ ރާފޮދު މި ގެންދާމީހާ ހުންނާނީ އިހުގައި ހަނގުބޭކަލުން ދަމަށް ދުރުވާ ހެދުމުގައި އުނަގަނޑުމަތީ ކަޅުރުމާލެއް ބަނދެފައެވެ އޭނާގެ އުނަގަނޑުގައި އެއްނަރު ފައްޓަރުފަށެއް އޮންނާނެއެވެ މިގެންދާއުނބު ހުންނާނީ ދެފަށްލާ ޖަހައި ކުރަހައިފައި ރިހިކެވެލިފަށެއް ލައިފައެވެ
އޮގަރުފޮތިކޮޅު
ނ (1) އޮގަރުގޭ މީހުން ގަނޑުވަރުތެރޭ ބޭފުޅުން ތިއްބަވާ ތަންތަނަށް ގެންދާ ގަބުޅިއަޅާން ގެންގުޅޭ ތުންފިހި މިއޮންނަނީ ކިހައްޑިހަޖެހި ވަރަށް ހަޑިވެފައެވެ (2) މަޖާޒު: ލައްޖެހި ހަޑިވެފައި އޮންނަ ފޮތިގަނޑު
އޮގަރުތުންފިހި
ނ (1) އޮގަރުގޭ މީހުން ގަނޑުވަރުތެރޭ ބޭފުޅުން ތިއްބަވާތަންތަނަށް ގެންދާ ގަބުޅިއަޅާން ގެންގުޅޭ ތުންފިހި މިއޮންނަނީ ކިހައްޑިހަޖެހި ވަރަށް ހަޑިވެފައެވެ (2) މަޖާޒު: ލައްޖެހި ހަޑިވެފައި އޮންނަފޮތިގަނޑު
އޮގަރުގެ
ނ އޮގަރުކަލޭގެ ހުންނަގެ މިއީރަސްމީ ރާވެރިކަންތައް ކުރާގެއެވެ
އޮގަރުގޭމީހުން
ނ އޮގަރުގޭ މަސައްކަތްކުރާން ދައުލަތުން ލައްވައިފައިތިބޭ މީހުން މިމީހުންގެ މަސައްކަތަކީ ރާވެރިކަމުގެ ކަންތަކާއި ރުކުއެޅުމެވެ
އޮޑާ
ނ ވަޑާންކުރާން ގެންގުޅޭ އާލަތެއް. މިއީ އުދަލިހެން ދަނޑިއިންދަން ހަދައިފައި ހުންނަ އެއްޗެކެވެ. މީގެ ތިލަ ހުންނާނީ އުދަލި ތިލައަށްވުރެ ހިމަ ދިގުކޮށް ބޯކޮށް އެތެރެއަށް ގޮނިކޮށް އަދި މިޔަވެސް އަޅާފައެވެ. އޮޑައަކަށްވާނީ މިތިލައިގައި ދަނޑި އިންދީމާއެވެ
އޮޑާވަޅު
ނ (1) ފައިގެ ކުޑަހުޅުގެ މަތީފަރާތް (2) އަޯޑާއަކުން ލަކުޑިގަނޑެއް ކޮށާއިރު ހުންނަ އަޑިކޮޅުކޮޅު
އޮޑާލުން
މ (1) އޮޑާއިން އެއްޗެއްމެށުން މަޖާޒު: (2) އޮޑާއިން އެއްޗެތި މަށާއިރު އޮޑާގެ ޙަރަކާތް ހުންނަގޮތަށް އަތްފައިން ޙަރަކާތްކޮށް ވައްތަރު ޖެއްސުން މިއީމީހުން ރުޅިއެރުވުމަށް ޖައްސާ ވައްތަރެކެވެ
އޮޑި
ނ ދިވެހިރާއްޖޭގައި ގެންގުޅޭ ރިޔާ ނަގައިގެން ދުއްވާ އެއްޗެއް. މީގެ ކޮޅުފަސްކޮޅު މައްޔަލާއި ހުންގާނާއި ދޭތީގެ ބައްޓަން އެންމެ ވައްތަރުވާނީ އިށީނދެގެންއިން ބުޅަލެއްގެ ބުރަކަށީގައި އޮންނަގުދާއެވެ. އަދިދިރުނބަލުން ފެށިގެން ކުނބާހަމައަށް ފަޑިއެއް ކުނބުން ފެށިގެން ކޮޅުފަސްކޮޅު ފިލާގަނޑާ ހަމައަށް ފަށްގަނޑެއް މަތިކަނުގެ މަތީގައި ހުންނާނެއެވެ
އޮޑިހަނު
ނ ބޭސްފަދަ އެއްޗެހި ގޭނުމަށްޓަކައި ކުރަދާއި ލާއިން އޮޑިބުރަށް ހަދައިފައި ހުންނަ ހަނެއް މިހަނު ވަށްކޮށްވެސް ހުރެއެވެ
އޮޑިހަރުގެ
ނ ފުރާދުއްވާ ތަކެތި އެހިލުމަށް އަޅައިފައި ހުންނަ ހަރުގެ
އޮޑިމަތީއޮޑި
ނ (1) އޮޑިކޮޅު ތަންތަނަށް ދާއިރު އެއާއެކު ދިއުމަށް އޮންނަ އޮޑި މަޖާޒު: (2) މީހެއްގެ ބަދަލުގައި ހުންނަމީހާ
އޮޑިމޯ
ނ (1) ވަޑާންކުރާއިރު ގެންގުޅޭ އާލާތެއް. މޮހޮރުނަގަން ބޭނުންކުރާ ތަނަކާއި މޮހޮރުޖަހަން ބޭނުންކުރާ ތަނަކާއި އެއްޗެތިފަޅަން ބޭނުންކުރާތަނެއް މީގައި ހުންނާނެއެވެ. މ. މަޖާޒު: (2) އެދުންވެރިކަމުގެގޮތުން ވަކިޖިންސަކަށް ބެލުމެއްނެތި ދެޖިންސާވެސް ގުޅުންބަހައްޓާ މީހުން
އޮޑިފަހަރު
ނ ރިޔާނަގަން ހަދައިފައި ހުންނަ ފުރާދުއްވާ އެއްޗެތި
އޮޑިފަތި
ނ ކުޑަކުދިން ކުޅެންގެންގުޅޭ އެއްޗެއް މިހުންނާނީ އެނބުރިއެނބުރި ހުންނަ އޮޑިތަކެއްހެނެވެ
އޮޑިދޮށް
ނ ފުރާދުއްވާ އެއްޗެތީގެ ކައިރި މިބަހުގެ ބަދަލުގައި ބައެއްމީހުން އޮޑިދަށްވެސް ކިޔައެވެ
އޮޑިތާންކަލޭގެ
ނ އިހުގައި އުޅުނުކަމަށް ބުނާމީހެއް. މީނާއަކީ ފަންޑިތަވެރިއެއްކަމަށާ ރައިވަރުހަދާ މީހެއްކަމަށް ބުނެއެވެ މީނާގެ ރައިވަރު ހުންނާނީ ބަނޑުވައް އަކުރުވެސް އަދި ނިމޭ އަކުރުވެސް ރައިވަރުގެ ޤަވާއިދުން އެއްގޮތް ނުވެއެވެ