radheef.info
ރަދީފު


ޔ
ނ ތާނައިގެ އެކާވީސް ވަނައަކުރު
އޮލަނބު
ނ އެއްޗެހީގެ ތެދުބަލާން ރޮއްޖެއްގައި ލާފައި ތިރިޔަށްދޫކުރާ ބަރު
އޮލި
ނ (1) އެއްފުރާޅަށް ހިޔާކޮށް ތޮށަލީން އަޅާފައިހުންނަގެ (2) ތޮށަލި
އޮލީ
ނ ބޭފުޅުން އަވަހާރަވެގެން ކިޔަވާ ރަސްމީ ކިޔެވުން
އޮލީކިއެވުން
މ ވަކިދަރަޖައެއްގެ ބަޔަކު ނިޔައުވީމާ ރަސްމީގޮތުން ޤުރުއާން ކިޔެވުން
އޮގަރު ފާތިޙާ
ނ (1) އޮގަރުމަސް ލިބޭމީހާ އަހަރަކު އެއްފަހަރު ކައްކައިގެން ކިޔަވާ ފާތިޙާ (2) ކަޑުމަތި ފާތިޙާ
އޮގަރުކިޔެވުން
މ (1) އޮގަރުމަސްލިބޭ މީހާ އަހަރަކު އެއްފަހަރު ކައްކައިގެން ޞަލަވާތް ފާތިޙާ ކިޔެވުން (2) މަސްދޯނި ފަހަރުން އޮގަރުމަސްދީގެން ކޮންމެ ދުވަހަކު މަސްދޯނި ލަފާއިރު އެތާ އިނދެގެން ޞަލަވާތްފުޅާއި ފާތިޙާ ފަރިއްކޮޅު ކިޔެވުން އޮގަރު ކިޔަވާއިރު ހުރިހާ ވަލީވެރިންނަށް ފާތިޙާ ފަރިއްކޮޅު ކިޔަވައިފައި ކަނޑުމަތި ފާތިޙާ ކިޔަވާނެއެވެ (3) ރާވެރީން ރާތަށްޓެއް ދީގެން މިފާތިޙާ ކިއުއްވުން
އޮގަރުމަސް
ނ (1) ޞަލަވާތްފުޅާއި ފާތިޙާފަރިއްކޮޅު ކިޔެވުމަށް މަސްދޯނިފަހަރުން ދޭމަސް (2) ފަންލީ މަސް
އޮޑަވެމެ
ނ )ގ ( ކިރުޅިޔަވެން
އޮޑާ
ނ ވަޑާންކުރާން ގެންގުޅޭ އާލަތެއް. މިއީ އުދަލިހެން ދަނޑިއިންދަން ހަދައިފައި ހުންނަ އެއްޗެކެވެ. މީގެ ތިލަ ހުންނާނީ އުދަލި ތިލައަށްވުރެ ހިމަ ދިގުކޮށް ބޯކޮށް އެތެރެއަށް ގޮނިކޮށް އަދި މިޔަވެސް އަޅާފައެވެ. އޮޑައަކަށްވާނީ މިތިލައިގައި ދަނޑި އިންދީމާއެވެ
އޮޑި
ނ ދިވެހިރާއްޖޭގައި ގެންގުޅޭ ރިޔާ ނަގައިގެން ދުއްވާ އެއްޗެއް. މީގެ ކޮޅުފަސްކޮޅު މައްޔަލާއި ހުންގާނާއި ދޭތީގެ ބައްޓަން އެންމެ ވައްތަރުވާނީ އިށީނދެގެންއިން ބުޅަލެއްގެ ބުރަކަށީގައި އޮންނަގުދާއެވެ. އަދިދިރުނބަލުން ފެށިގެން ކުނބާހަމައަށް ފަޑިއެއް ކުނބުން ފެށިގެން ކޮޅުފަސްކޮޅު ފިލާގަނޑާ ހަމައަށް ފަށްގަނޑެއް މަތިކަނުގެ މަތީގައި ހުންނާނެއެވެ
އޮޑިކަނޑައިގެންދިއުން
މ (1) އޮޑިކަނޑައިގެން ފުރައިގެން ދިއުމުން (2) އަޅާފައިއޮތް އޮޑިއެއް އަމިއްލައަށް ކެނޑިގެން ދިއުން )މިތަނުގައި އޮޑިއޭ ކިޔާފައި ވަނީ ފުރާދުއްވާ ހުރިހާ އެއްޗަކަށެވެ
އޮޑިކާ ބޮޑުމަސް
ނ (1) ބޭރުކަނޑުގައި އުޅޭ ބޮޑެތި ބިޔަމަސް (2) ހުއިފިލަނޑާގެ ބަނޑުންވިހާ ބިއްލޫރިކޮޅެއްހެން ހީވާ މަހެއް
އޮޑިކެނޑި
ނ މައިރިޔަލާއި ގެމަތިރިޔަލާ ދޭތެރޭގައި ނަގާރިޔާ
އޮޑިވަރުދުޅަ
ނ ހުޅުހުޅު ދުޅަވާ ބައްޔެއް
އޮޑިވަރުދޯނގި
ނ ހުޅުހުޅު ދުޅަވާ ބައްޔެއް. މިބަލީގައި ބައެއް ފަހަރަށްމޫނު ފޮއްސިވުން ހުޅުހުޅުގައި ކުރަހެދުން ފަދަ ގޮތްވެސް ވެދާނެއެވެ
އޮޑިވެރިޔާ
ނ ފުރާ ދުއްވާ އެއްޗެއްގެ ވެރިމީހާ މިބަސް ޢާއްމުކޮށް ބޭނުންކުރަނީ ރިޔާނަގައިގެން ދުއްވާ އެއްޗިއްސާގުޅޭ ގޮތުންނެވެ
އޮޑިފަހަރު
ނ ރިޔާނަގަން ހަދައިފައި ހުންނަ ފުރާދުއްވާ އެއްޗެތި
އޮޑިދޮށުންތިލަވުން
(1) މަސްއައިނެއް ނުވަތަ އެނޫންވެސް އެއްޗެއް އޮޑިކައިރިން ފެނުން މަޖާޒު: (2) ބޭނުންވެގެން އުޅޭ ކަމަކަށްޓަކައި މާބޮޑު މަސައްކަތެއްނުކޮށް ހުއްޓާ ކުއްލިއަކަށް އެކަންވާގޮތްވުން (3) ބޭނުންވެގެންއުޅޭ ކަމެއް ކުއްލިއަކަށް ކާމިޔާބުވާގޮތްވުން
އޮޑިދޮށުންޖަހާލުން
މ (1) އޮޑިއާއި ވަރަށް ކައިރިން މަސްފުމުން މަޖާޒު: (2) ބޭނުންވެގެން އުޅޭކަމެއް ކުއްލިއަކަށް ކާމިޔާބުވުން
އޮޑިދޮށް
ނ ފުރާދުއްވާ އެއްޗެތީގެ ކައިރި މިބަހުގެ ބަދަލުގައި ބައެއްމީހުން އޮޑިދަށްވެސް ކިޔައެވެ