radheef.info
ރަދީފު


މީ
އ )މިއީ( ކައިރީގައިވާ އެއްޗަކީ ކޮން އެއްޗެއްކަން ބުނެދިނުމުގެ ގޮތުން ބޭނުންކުރާ ބަހެއް މިސާލު: މީ އަހަރެންގެ ޤަލަމެކެވެ
ތާރު
ނ (1) ކަޅުމުށިކުލައިގެ ނުވަތަ ކަޅުކުލައިގައިހުންނަ ބޮލާކީންޏަށްވުރެ އޮލަ އެއްޗެއް މިއީ ހޫނުވީމާ ދިޔާވާ ފިނިވީމާ ހިކޭ އެއްޗެކެވެ މީގައިގަދަ ޒަވިވަހެއްހުރެއެވެ މިތައްޔާރުކުރަނީ ބޯޓް ދެއްޔާއި އެކިކަހަލަ ލަކުޑިއަންދައި ގެންނެވެ (2) ސާފުނުކުރާ ތެލުން އެކިބާވަތުގެ ތެލަށް ބޭނުންވާ ހުރިހާ ބާވަތްތަކެއް ނެގީމާ ހުންނަބައި
ތާޅަފިލިއެދުރު
ނ ތާޅަފިލިފުމޭ މީހުންގެ ތެރޭގައި ހުންނަ އިސްވެރިޔާ
ތާޅަފިލިވެރިން
ނ އިހުގައި ތާޅަފިލިފުމެން ސަރުކާރުން ލައްވައިފައިތިބޭ މީހުން
ތާއީދު
ނ އެހެން މީހަކު ބުނާބުނުމަކާ ނުވަތަ ކުރާކަމަކާ އެއްބައިވާ އެއްބައިވުން
ތާލަފިލިއޮޑީގެދުވެލި
)މިސާލުބަހެއް( ވާދަކުރާނެ އެހެން މީހަކުނެތް ތަންތާގައި ތިމާވަރުގެ މީހަކު ނެތްކަމަށް ހެދިގެންއުޅޭ ނަމަވެސް މީހަކާ ވާދަކޮށްފިނަމަ ދެރަވާ މީހުންނާމެދު ބުނެއުޅޭ ބަހެއް
ތިހެލާނެ
ނ )ގ ( މިތިބަމީހުން
ތިނޯސްހުއި
ނ )ގ.( (1) ދަނޑުމަތީގައި ހުންނަ ވަރަށް ފަތްކުދި ވިނައެއް. މީގެ ފަތްތައް ހުންނާނީ ހަރުކޮށް ތޫނުކޮށެވެ. ފައިން އެރުނީމާ ތަދުވާގޮތް ހުންނާނެއެވެ. (2) މޫދުގައިއުޅޭ ވަށްކޮށް ތިނޯސް ތަކެއްނުކުމެފައި ހުންނަގޮތަށް ހުންނަ އެއްޗެއް މިއަށް ފައިންއެރުނީމާ ފަޔަށް ހެރޭނެއެވެ ބިންދަ ބިންދައިގެންވެސް ދާނެއެވެ ހެރިފައި އެތިކޮޅެއް ހުރެއްޖެނަމަ ވަރަށް ރިއްސާނެއެވެ އެނެގުމަށްފަހު ކަމަކަށްނުވެ ރަނގަޅުވެއެވެ މިއަށް ތިނޯސް ބެރުވެސް ކިޔައެވެ
ތިނޯސްނާޅި
ނ )ލ ( ހިޔަމައިގެ ތޮށިގަނޑު މީގެ ކަށިތައް ދިއުމުން މާކަނާ ފޮއްޓޭ ކިޔައެވެ
ތިންރިޔަލާއި ފެހުރު ނަގައިފައި ދިއުން
)މިސާލުބަހެއް( މީހަކު މާބާރަށް ހިނގައިފައި ދާތަން ފެނުމުން ބުނެއުޅޭ ބަހެއް
ތިންއޮޅިމެދުހަނގުބޭކަލުން
ނ (1) ހަނގުކަމާއި ވަރުހަނގުކަމާއި އައްތާރަ ފަނިކަން ދެއްވައިފައިވާ މީހުން (2) އަސްކަރުކަމާއި އައްތާރަ ފަނިކަމާއި ހަނގުކަން ދެއްވައިފައިވާ ބޭކަލުން
ތިންވަނަ
ނއ (1) އެއްވަނައާއި ދެވަނައާ ޖެހިގެން އޮންނަ ދަރަޖަ (2) ކަމަކަށް އެންމެ މޮޅު ތިންމީހަކު ހޮވާއިރު އެންމެ ފަހަށްހޮވޭ (3) ތިނަކަށްވާ
ތިންމީހުންކުޅި
ނ ކުޅިޖަހާއިރު ތިންމީހުން ވެގެން ޖަހާކުޅިއެއް
ތިންމުގޯލި
ނ ވަކިދުރުމިނެއްގައި ތިންމުގޯލި އަޅައިގެން ފިލާގަނޑަކާއި ޓެނިސް ބޯޅައަކުން ކުޅޭ ކުޅިވަރެއް. މިކުޅިވަރު ކުޅޭއިރު ބައެއްގައިތިބޭ މީހުންގެ ވަކިޢަދަދެއް ކަނޑައެޅިފައެއްނޯވެއެވެ. ކުޅޭގޮތަކީ ބޯޅައެއްލީމާ ފިލާގަނޑުންޖަހައި ބޯޅަދުއްވައިލުމާއެކު އަރާ މުގޯއްޔަށް ނުވަތަ ކޮޅުމުގޯއްޔަށް ދުވެއަންނަނީއެވެ. މިގޮތަށް ދުވަނިކޮށް މުގޯއްޔަށް ނޭރެނީސް ކުޅުންތެރިޔާގައިގައި ނުވަތަ އަރަންދާ މުގޯލިތެރޭގައި ބޯޅައިން ޖަހައިފިނަމަ ކުޅުންތެރިޔާ ނުބައިވީއެވެ. ކުޅުންތެރިޔާ ޖަހާބޯޅަ ހިފައިފިނަމަ މުޅިބައި ނުބައިވީއެވެ
ތިންދަނޑިއާއެއްލުން
މ ސަމާގައި ކުޅިޖަހާއިރު ކުރާކަމެއް މިކަންކުރާގޮތަކީ ހަތަރުމީހުން ހަތަރު އޮނު ހިފައިގެން ތިބެ އޭގެތެރެއިން އެކަކު އަނެއްތިން މީހުނާ ހަމަލާދިނުމެވެ
ތިރާވުން
މ މީހަކު ނުވަތަ އެއްޗެއް ނުވަތަ ތަނެއް ވެއްޓި ބިންމައްޗަށްޖެހުން
ތިރިކުރުން
މ (1) މަތިކުރުމުގެ އިދިކޮޅު (2) ނަގައިފައި ހުރިއެއްޗެއް ބޭލުން މިސާލު: )ހ( ދިދަ ތިރިކުރުން )ށ( ރިޔާތިރިކުރުން (3) އުސްކަން ކުޑަކުރުން މިސާލު: ފާރުތިރިކުރުން (4) ސޭލާއަކުން އުފުލައިފައި ހިފަހައްޓައިފައިހުރި އެއްޗެއް ބިމަށް ނުވަތަ ބޯޓު ތެރެއަށް ގެނައުން (5) އުފުލަިއފައި ހުރި އެއްޗެއް ވައްޓައިލުން މިސާލު: ފަރުދާ ތިރިކުރުން (6) މަޖާޒު: މަތީ މަޤާމުގައި ހުރި މީހަކު ދަށަށް ޖެއްސުން
ތިރިވުން
މ (1) ހުރިއުސް މިނަކަށްވުރެ ބިމާ ގާތްވުން (2) އުސްމިނުންކުޑަވުން މަޖާޒު: (3) ހުރިމަޤާމުން ދަށަށް ދިއުން (4) ހިފިނުހުރެގެން އުޅޭމީހާ މަތަވުން
ތިރިފަހިމާލިމީކަން
ނއނ )ޏ ސ ( ފިލާނާޅާކުރާ މާލިމީކަން
ތިބާހުން
ނ ތިޔަބައިމީހުން
ތިބީން
ނ ތަނެއްގައި ތިބިމީހުން