radheef.info
ރަދީފު


އެ
ނ ދުރަށް އިޝާރަތްކުރާ ނަމެއް. މިސާލު: އެތަން އެގެ އެމީހާ
ކަންޑެވިރޮދި
ނ (1) ހުދު އުޅިޔަކާ ކަޅު އުޅިޔަކާ ދެއުޅިއެއްކޮށްގެން އަޅާރޮދި (2) ދެކުލަ އެއްކޮށްގެން އަޅާ ރޮދި
ކަންޒަށްލުން
މ ހަނގުބޭކަލުންނާއި އަވަށުމީހުންފަދަ މީހުންކުރެ މަސައްކަތަށް ކުށް ކުރާ މީހުނަށާއި މަސައްކަތަށް ނުނުކުންނަ މީހުންނަށް އަދަބު ދިނުމުގެ ގޮތުން ކޮންމެވެސް ގަނބާ ކިސަޑު ގަނޑަކަށް އެރުވުން ގަނޑުވަރުތެރެ ވަށާ މިކަންޒު އޮތް ޒަމާނުގައި އެފަދަ މީހުން އަރުވަނީ އެކަންޒަށެވެ
ކަންޒުހެދުން
މ (1) ތަނަކަށް ފެންއެޅި ކިސަޑުހެދިގެން ގަނބާގޮތްވުން (2) ޢަދާވާތްތެރިންނަށް ހުރަސްކޮށްފައި ނައުދެވޭގޮތަށް ކޯރުކެނޑުން
ކަންޒުކަހަބު
ނ އެއްގަމު ކަހަނބު
ކަންޒޫރި
ނ (1) ކަނޑުމައްޗާބެހޭ އެކިއެކި ކަންކަމުގައި ވަލީވެރިންގެ ޒިޔާރަތާއި މަޤާމަށް ފާތިޙާ ފަރިއްކޮޅުގެ ނަމުގައި ދީއުލުނު ތަކެތި (2) ކަންޒޫރީގެ ނަމުގައި ކިޔަވައި އުޅުނު ފާތިޙާ
ކަންޕައުންޑަރު
ނ ޑަކްޓަރުގެ ސިޓީއާއެއްގޮތަށް ބޭސްއެއްކުރާ މީހާ
ކަރަ
ނ (1) ރާއްޖެއިން ބޭރު ބޮޑެތި ބައެއް ޤައުމުގެ ޤައުމަށް ކިޔައި އުޅޭނަމެއް މިސާލު: )ހ ( އޮޅުދޫކަރަ )ށ ( އަސޭކަރަ )ނ ( އަރަބިކަރަ (2) ބޮޑުބިޔަރަށެއް
ކަރަންކާ
ނ ކަފުރުތޮޅި ގަސްހެން އެއްތަނޑިޔަށް ހެދޭގަހެއް. މިގަހުގެ ފަތް ހުންނާނީ ހިމަދިގުކޮށެވެ. މީގައި ނިކުންނާނީ މާގަނޑެކެވެ. މަލުގައި ހުންނާނީ 5 ފިޔަޔެވެ ތަނޑިދިގުވާނެއެވެ މިއީ ވަރަށް މީރުވަސްދުވާ ހުދު މަލެކެވެ މިގަސްހެދޭނީ ތެތް ބިމުގައެވެ މިގަހުގެ ބުޑުން ނިރުތައް ނިކުމެ ވަރަށް އަވަހަށް ގިނަވާނެއެވެ
ކަރަންފޫ
ނ މަތިކަރާބޭހުގެ ބާވަތެއް. މިއީ ދުފާއިރު ބޭނުންކުރާ އެއްޗެކެވެ. މީގެ ކުރީކޮޅުގައި ހަތަރު ތުނޑު ހުންނާނެއެވެ. މިއީ ކުޅި ރަހަލާ ކަޅުކުލައިގެ އެއްޗެކެވެ
ކަރަންޓީނު
ނ (1) ގައިންގަޔަށް އަރާ ނުރައްކާތެރި ބައްޔެއް އުޅޭ ރަށަކުން އަންނަ އުޅަނދު ފަހަރުގައި އެފަދަ ބައްޔެއްޖެހިފައި ހުރި މީހަކު ހުރިތޯބެލުމަށް އެ އުޅަނދަކަށް މީހުންއަރާ ފޭބިޔަނުދީ އެހެން އުޅަނދު ފަހަރާ ދުރުގައި ވަކިމުއްދަތެއް ވަންދެން ކުރާ ބަންދު (2) ބޭރު ރަށަކުން އަންނަ އުޅަނދެއްގައި ގައިން ގަޔަށް އަރާ ބައްޔެއް ޖެހިފައިވާ މީހަކު ހުރިނަމަ އެ އުޅަނދަކުން މީހުން އަރާ ފޭބިޔަނުދީއެހެން އުޅަނދު ފަހަރާ ދުރުގައި ވަކި މުއްދަތެއް ވަންދެން ކުރާ ބަންދު (3) ނުރައްކާތެރި ރޯގާއެއް އުޅޭ ރަށްރަށަށް މީހުންއަރާ ފޭބިޔަނުދީ ވަކިމުއްދަތެއް ވަންދެން އެރަށްރަށް ކުރާ ބަންދު
ކަރަންޓީނުކުރުން
މ (1) ގައިންގަޔަށް އަރާ ނުރައްކާތެރި ބައްޔެއް އުޅޭ ރަށަކުން އަންނަ އުޅަނދު ފަހަރުގައި އެފަދަ ބައްޔެއް ޖެހިފައި ހުރި މީހަކު ހުރިތޯ ބެލުމަށް އެ އުޅަނދަކަށް މީހުންއަރާ ފޭބިޔަނުދީ އެހެން އުޅަނދު ފަހަރާ ދުރުގައި ވަކި މުއްދަތެއް ވަންދެން ބަންދުކުރުން (2) ބޭރު ރަށަކުން އަންނަ އުޅަނދެއްގައި ގައިންގަޔަށް އަރާ ބައްޔެއް ޖެހިފައިވާ މީހަކު ހުރިނަމަ އެ އުޅަނދަކަށް މީހުން އަރާ ފޭބިޔަނުދީ އެހެން އުޅަނދުފަހަރާ ދުރުގައި ވަކިމުއްދަތެއް ވަންދެން ބަންދުކުރުން (3) ނުރައްކާތެރި ރޯގާއެއް އުޅޭ ރަށްރަށަށް މީހުން އަރާ ފޭބިޔަނުދީ ވަކި މުއްދަތެއް ވަންދެން އެރަށްރަށް ބަންދުކުރުން
ކަރަންޓީނުވުން
މ (1) ގައިންގަޔަށް އަރާ ނުރައްކާތެރި ބައްޔެއް އުޅޭ ރަށަކުން އަންނަ އުޅަނދު ފަހަރުގައި އެފަދަ ބައްޔެއް ޖެހިފައި ހުރި މީހަކު ހުރިތޯ ބެލުމަށް އެއުޅަނދަކަށް މީހުން އަރާ ފޭބިއަނުދީ އެހެން އުޅަނދު ފަހަރާ ދުރުގައި ވަކި މުއްދަތެއް ވަންދެން ބަންދުވުން (2) ބޭރު ރަށަކުން އަންނަ އުޅަނދެއްގައި ގައިން ގަޔަށް އަރާ ބައްޔެއް ޖެހިފައިވާ މީހަކު ހުރިނަމަ އެއުޅަނދަކުން މީހުން އަރާ ފޭބިޔަނުދީ އެހެން އުޅަނދުފަހަރާ ދުރުގައި ވަކި މުއްދަތެއް ނިމެންދެން ބަންދުވުން (3) ނުރައްކާތެރި ރޯގާއެއް އުޅޭ ރަށްރަށަށް މީހުންއަރައި ފޭބިޔަނުދީ ވަކި މުއްދަތެއް ވަންދެން އެރަށްރަށް ބަންދުވުން
ކަރަންޓީނުދިދަ
ނ ކަރަންޓީނުގައި ތިބޭއިރު އެއުޅަނދެއްގައި ނަގައިފައި ހުންނަ ޚާއްސަ ރީނދޫ ދިދަ
ކަރަންޓު
ނ އެލަކުޓަރިކު ހަކަތަ
ކަރުފަތުވިހަ
ނ (1) ކަރުގެ ބައްޔެއް މިއީކަރާއި ކަތުރު ކަށިގަނޑަށްވީ ހިސާބު ދުޅަވާ ބައްޔެކެވެ މި ބަލިޖެހުމުން ވަރަށް ގަދައަށް ކަރުގައި ރިއްސާނެއެވެ ބައެއް ފަހަރު ކަރުތެރެ ބެދޭގޮތްވެއެވެ (2) ތާފަތުވިހަ (3) ކަރުތާ ފަތުވިހަ (4) ކަށު ފަތުވިހަ
ކަރުފިލާ
ނ )ޅ ( ފިލާގަނޑުގެ އެންމެ ފަހަތުގައި މުލަށްގަނޑަށް ކަނޑައިފައި އޮންނަ ފިލާ
ކަރުދާސް
ނ (1) ގަސްގަހާއި ފައިބަރު ހުންނަ އެހެން ތަކެތިން ތައްޔާރުކޮށްފައި ހުންނަ ތުނިގަނޑު މިބޭނުން ކުރަނީ ލިޔާށާއި ކުރަހާށާއި ޗާޕުކުރާށެވެ (2) ސެމިނާ ފަދަ ބައްދަލުވުންތަކަށް ހުށަހެޅުމަށް ވަކި މައިގަނޑު ނަމެއްގެ މައްޗަށް ތައްޔާރުކޮށްފައިވާ ދިރާސާ
ކަރުދެމުން
މ (1) މާބޮޑަށް ބޭނުންވެފައިވާ އެއްޗަކާ ދިމާއަށް ހަރުކޮށް ހިނގައިފައި ނުވަތަ އުދުހިފައި ދިއުން (2) މަޖާޒު: މާބޮޑަށް ބޭނުންވެފައިވާ އެއްޗެއް ނުލިބިގެން އެ އެއްޗެއް ފެންނަ ހިސާބުގައި ބަލަ ބަލައިފައި އެނބުރުން
ކަރުތާފަތް
ނ ކަރުގެ އެތެރޭން ދެފަރާތުގައި ހުންނަ ފަށަލަތައް
ކަރުތާފަތްގަނޑު
ނ މަހުގެ ކަރުތާފަތުގެ ބޭރުން އޮންނަ ބޯހުޅުނބު ގަނޑެއް ކަހަލަ ފަށެއް ނޭވާލާއިރު އެފަށް ހުޅުވި ލެއްޕިވާނެއެވެ