radheef.info
ރަދީފު


ހުނ
އ ނުރުހުމުގެ ގޮތުން ނުވަތަ ނުރުހިގެން އިއްވާލާ އަޑެއް. މިސާލު: ހުނ އެހެންތަހީކުރީ
އޮށްކެޔޮ
ނ ގަސްދޮށަށް ވެރިފަހުންނަ މިދިލިއޮށް
އޮށްވަޅު
ނ ފަރާތެއްގައި އަށްވަޅު ދެފަރާތުގައި ސޯޅަވަޅު ދެކޮޅުގައި ފިހާރައޭ ކިޔާ ބޮޑު ދެވަޅުހުންނަ ގޮނޑިއަކަށް ބޮލިއަޅައިގެން ކުޅޭ ކުޅިވަރެއް ބިންމަތީ މިގޮތަށް ވަޅުކޮނެގެން އެއަށް އޮށް އަޅައިގެންވެސް މިކުޅިވަރު ކުޅެއެވެ އާދައިގައި މިކުޅެނީ ވަޅަކަށް އަށްފުށް އަޅައިގެންނެވެ
އޮށްވަޅުގޮނޑި
ނ އޮށްވަޅު ކުޅޭން ހަދާފައި ހުންނަގޮނޑި މިހުންނަނީ ހަތަރުފަސް ހިންޗީގެ ފުޅައުމިނުގައި ގާތްގަނޑަކަށް ދެތިންފޫޓެއްގެ ދިގުމިނުގައެވެ
އޮށްދައު
ނ މީހުންގެ ގައިން ތިކިތިއްކަށް ނުކުމެފައި ހުންނަދައު
އޮނޓާ
ނ )ގ ( މޫދުގައި ހުންނަ އިތާ
އޮނު
ނ (1) ބަދަޖަހަމުން އެއްތަނޑަށް ވަރަށް މައްޗަށް ހެދޭ ފިނިވާ އެތެރޭ ގައި ހޮއިއޮންނަގަހެއް މީގެ ގޮފި ޤަލަން ޖަހާން ބޭނުންކުރެއެވެ (2) މީގެ އެތިކޮޅެއް (3) އުނދުނަށް ފުމޭން ފޯލިކޮށް ހަދައިފައިހުންނަ ހޮޅިބުރި (4) ސަފުސާންއޮނު (5) ފުންމާއޮނު (6) އެތެރޭގައި ހޮއި އޮންނަ ބައެއްތަކެތި މިސާލު: ފަޅޯއޮނު ހިތްތަލަތަނޑު (7) އުންފާޑަށް ގައިން ނުކުންނަ ކަޅުކުލައިގެ ހަމުގެ ބައްޔެއް މީގެ އެތެރޭގައި ދިޔައެއް މެދުގައި ލޯވަޅެއް ނުހުންނާނެއެވެ
އޮނުފަޅާއަޑު
ނ (1) އޮނުގަނޑެއް ފަޅައިލާއިރު ގޮވާއަޑު މަޖާޒު: (2) އަޑުހުތުރު މީހުން ބާރަށް އެއްޗެތި ކިޔާއިރު ނުކުންނައަޑު
އޮނުފަޅިފީރު
ނ އޮނުފަޅި ބުރަށް ހުންނަފީރު
އޮނުތުންމަސް
ނ ތުންހިމަ ދިގުކޮށް ހުންނަ ކޯމަސް
އޮނުގަނޑު
ނ (1) އޮނުބުރިއެއް (2) ކުޅިޖަހާން ދަސްކުރާމީހުންގެ ހަށިގަނޑު ހޭނުމަށް އުނަގަނޑުމަތީ އަޅުވާން ލިޔެފައި އޮންނަ ފަލަ ދަނޑިބުރި (3) އުނދުނަށް ފުމޭން ގެންގުޅޭ އޮނުބަދަ ނުވަތަ ހޮޅިބުރި
އޮނުގަނޑުއެޅުން
މ ކުޅިޖަހާން ދަސްކުރާ މީހުންގެ ހަށިގނަޑު ހާނުވާން އުނަގަނޑުމަތީގައި އޮނުގަނޑު އަޅުވައި ދެއަތުގެ އުނޅަބޮށީހުޅުގެ އެތެރެފަތާރް އޮނުގަނޑުގެ ދެކޮޅުގައި އަޅުވައި ދެއަތްގެނެސް ބަނޑާއިދިމާއިން ބައްދައިގެން ތިރިވެ އޮވެގެން ބާވަތަކަށް ފައިކުރިޔަށްގެންގޮސް ފަހަތަށް ގެނެސް ހެދުން
އޮރި
ނ (1) ގަދަ ނުބައި ވަހެއް ހުންނަ މަސްމީރު ކުޑަވަރެއްގެ ފަޅުމަހެއް މީގައި ވަރަށް ވިހަގަދަކަށްޓެއް ހުރެއެވެ (2) ނއ ފަތިއެއްޗެއްގެ ދެކޮޅު ދެއަތަށް އެނބުރިފައިވާ
އޮރިބޮލި
ނ )ހ ( ބުރިކަށިމަތީ ވަށައިގެން ރީނދޫ ރޮނގެއް ހުންނަ ބޮއްޔެއް
އޮރިޔާންކާޑު
ނ މީހުން އޮރިޔާމުން ކުރެހިފައި ހުންނަކާޑު
އޮރުވާ
ނ އޮޅުދޫ ކަރައިގެ މީހުން މަހަށްދާން ގެންގުޅޭ ބަރާދޯނި މީގެ ދެކޮޅު ހުންނާނީ އެއްގޮތަށެވެ އަނގަމަތީގެ ފުޅައުމިންވާނީ ރިޔަނެއްހައި ވަރެވެ
އޮރުދޫބަސް
ނ އިންޑިޔާއާއި ޕާކިސްތާނުގެ މީހުން ވާހަކަދައްކާ އުޅޭބަހެއް
އޮބި
ނ (1) މަހެއްގެ ސިފައިގައި ދެފައިކަށްޓަށް ލަކުޑިން ހަދައިފައި އޮންނަ ދައްޗެއް. މިގިނައިން ގެންގުޅެނީ ތެޔޮހާނާއިރު ކައްކައިފައި ހުންނަ ކުނޑި ގަނޑުފެލާށެވެ. (2) ފަންދަމާ ބިތުގައި ބޭރުން ފަންތަކުގެ ދިގަށް އަޅާފަތިގަނޑު. (3) ބައެއް ތަންތަން އޮއްބައި ހިފެހެއްޓުމަށްޓަކައި އަޅާފަތިގަނޑު ނުވަތަ ދަނޑިގަނޑު
އޮބިގަނޑުމަތީފެންފުހުން
މ އޮބިގަނޑުމަތީ އަޅާބޭސް އަޅައިފައި އޮއްވައި ވުޟޫކުރާން ވީމާއޭގެ މަތީފެން ފުހުން
އޮޅި
ނ (1) ދޮރުދޮރުގެ މައްޗާއި ތިރީގައި ހުންނަހުރަސް (2) އަށިއަށީގެ ދެފަރާތުގައްޔާއި ދެކޮޅާއި މެދުގައި ހުންނަފަތް (3) ބައަކު މީހުން (4) ޤަވާޢިދެއްގެ މައްޗަށް އެކުލެވިގެންވާ ބައަކުމީހުން
އޮޅިމެދުރަށް
ނ އެކިއެކި އޮޅިމެދަށް މުސާރައެއްގެގޮތުން ދެއްވައިފައި ހުންނަރަށްރަށް