radheef.info
ރަދީފު


ޖ
އ ތާނައިގެ ތޭވީސްސވަނަ އަކުރު
މާވަށި
ނ މާބޮނޑި ނުވަތަ މާކޯޅިތަކެއް ޖަހާފައި ހުންނަ ވަށި
މާވަޑިޔާ
ނ (1) ވަޑާމަށް މޮޅު މީހާ (2) ކިއްސަރު ވަޑާންކުރާ ބައެއްގެތެރޭގައި ހުންނަ އިސްމީހާ (3) މަޖާޒު: ކަމެއްގެ ފާޑުވެރިޔާ
މާވާކިލެގެ
ނ ހަތްދޮށު ކޮލީގެ "މާވާ" ކަމުގެ ދަރަޖަ ދެއްވައިފައިވާ މީހާ
މާމަސް
ނ އިރުވައިގެ މެދުތެރެ. )ހުވަން ދިނަށައިގެ ދުވަސްވަރު( މިސާލު: މާމަހުގެ މެދުދުވަހެކެވެ އުޑުތާކު ވިލާރޮއްޖެއްނެތެވެ
މާމާވުން
މ (1) މާމައަކަށްވުން )އަންހެނެއްގެ ދަރިއަކަށް ދަރިއެއް ލިބުން( މަޖާޒު: ދުވަސްވެ މުސްކުޅިވުން
މާމުއި
ނ (1) މާމުއި ކުޅަނދުރު ޖަމާކުރާ ހަކުރު. (2) ކެއުމަށާއި ބޭހަށް ބޭނުންކޮށް އުޅޭ އޮލަފޮނި އެއްޗެއް
މާމުގުންނިމުން
މ )ސ ( އޮޑި ބަންނައިރު މަޑޫތައް ޖަހާ ނިމުން
މާމުގުރު
ނ (1) ފުރާދުއްވާ އެއްޗެހި ބަންނައިރު މާޅިސްލައިފައި އިންދަން ޖަހާ މުގުރު (2) ވަޑާން ކުރަން ގެންގުޅޭ އެންމެ ބޮޑެތިމުގުރު
މާމުގުރުމޫދަށްލުން
މ އޮޑިދޯނިފަހަރު ބަންނައިރު މަތިކަން އަޅާ ނިމުނީމާ ފަށްގަނޑު ނުޖަހަނީސް ރަށުގެ އަންހެނުންގެ ބަޔަކު ނުކުމެ މުގުރުގެންގޮސް މޫދަށް އެއްލާފައި އިރުކޮޅަކަށްފަހު ގެނެސް ދޮވެ އަތަރު ލައްވައިގެން ގެންގޮސް ހަރުގޭގައި ބޭއްވުން މިދޮވުމަށް ކިޔަނީ ފެންވެރުވުމެވެ މިއީ އިހުގައި ކުރާ ކަމެކެވެ
މާމޫލު
ނ ރާއްޖެއަށް އެތެރެކުރާ މުދަލުން ސަރުކާރަށް ނަގާ ބައި ނުވަތަ މިފަދަ މުދަލުން ސަރުކާރަށް ނަގާ ފައިސާ
މާމޫލުނެގުން
މ ރާއްޖެއަށް އެތެރެ ކުރާ މުދަލުން ސަރުކާރަށް ނަގާބައި ނުވަތަ ނަގާ ފައިސާ ނެގުން
މާމޫލުމީހުން
ނ (1) މާމޫލަށް ނަގަންޖެހޭ ތަކެތި ހިސާބު ކުރާމީހުން (2) އިހުގައި މާމޫލަށް ނަގާތަކެތި ބަނޑޭރިގެއަށް ގެންދާން ލައްވަފައި ތިބޭ މަސައްކަތު މީހުން
މާމެލާމެލި
ނ ހުރިހާ ވައްތަރެއްގެ މަލަށް ޖުމުލަކޮށް ކިޔާނަން
މާފަތޭރި
ނ މާބޮޑަށް ބަރާކޮށް ދަތުރުކުރާއިރު އޮޑިދޯނިފަހަރުގެ ފަށް ގަނޑުގެ އެތެރޭން އޭގެމައްޗަށް ހުންނަގޮތަށް ފަނުންޖަހާ ފަށްގަނޑު މިއޮންނާނީ އެއްފަށްގަނޑު ޖައްސާ ވަރަށް ގަދަޔަށް ހަރުކުރެވިފައެވެ މިފަށްގަނޑު ޖެހުމުގެ ބޭނުމަކީ ރާޅު އެރިޔަނުދިނުމެވެ
މާފަތް
ނ ކޮލިލެވޭ ދަރަޖައެއް
މާފަތްކަން
ނ (1) ކޮލިލެވޭ ދަރަޖައެއްގެ ނަން މިކޮލިލެއްވީމާ މަނިކު ކިޔާ މީހެއްނަމަ ކިޔާނީ މިދަރަޖައިގެ ފަހަތަށް ތަކުރުފާނު އިތުރުކޮށްގެންނެވެ ފުޅު ނުވަތަ އެއަށްވުރެ ދަށްމީހެއްނަމަ ކަލޭގެފާނު އިތުރުކޮށް ގެންނެވެ (2) ބޮޑުމުސްކުޅިން
މާފު
ނ (1) އަނެކަކު ބުނާ ބަހެއްގެ ނުވަތަ ކުރާ ކަމެއްގެ ސަބަބުން ތިމާގެ ހިތުގައި އުފެދުނު ނުރުހުން ފުހެލާ ފުހެލުން (2) އަދަބެއްގައި ހުއްޓާ މިނިވަންކުރުމުން އޭނާގެ އަދަބުން މިންޖުވާ މިންޖުވުން (3) ދައްކަންޖެހިފައި އޮތް ފައިސާއެއް ނުދެއްކިޔަސް އެންމެ ރަގަޅުކަމަށް ހަމަޖެހޭ ހަމަޖެހުން (4) ކުށެއްކުރުމުން އަދަބަކާ ހަމައަށް ނުގެންގޮސް ދޫކޮށްލުމުން އެކުށަށް ލިބެންވާ އަދަބުން ސަލާމަތްވާ ސަލާމަތްވުން
މާފުށް
ނ (1) ބިންބި މާލައްވައިގެން ނުވަތަ މާޖައްސައިގެން މުގުރާފައި ހުންނަ ފުށް (2) މިފުށުގައި ލޮނުކޮންނާއި ފޮނިކޮށް މޮޑެފައި ހުންނަ ކާއެއްޗެއް
މާފުކުރުން
މ (1) އަނެކަކު ބުނާބަހެއް. ނުވަތަ ކުރިކަމެއްގެ ސަބަބުން ތިމާގެ ހިތުގައި އުފެދުނު ނުރުހުމެއް ފެހެލުން. (2) އަދަބެއްގައި ހުއްޓާ މިނިވަންކޮށް އަދަބުން ސަލާމަތްކުރުން. (3) ދައްކަން ޖެހިފައިއޮތް ފައިސާއެއް ނުދެއްކިއަސް އެންމެރަގަޅު ކަމަށް ހަމަޖެއްސުން. (4) ކުރެވުނު ކުށަކަށް އަދަބަކާ ހަމައަށް ނުގެންގޮސް ސަލާމަތްކަން ދިނުން
މާފޮޅުވުން
ނ މަޖާޒު: ހިތާވެގެންއުޅޭ ދުވަސްވަރު އެކަކު އަނެކަކު ގާތުގައި ފޮނިވާހަކަ ދެއްކުން