radheef.info
ރަދީފު


ޔ
ނ ތާނައިގެ އެކާވީސް ވަނައަކުރު
އޮނުފަޅާއަޑު
ނ (1) އޮނުގަނޑެއް ފަޅައިލާއިރު ގޮވާއަޑު މަޖާޒު: (2) އަޑުހުތުރު މީހުން ބާރަށް އެއްޗެތި ކިޔާއިރު ނުކުންނައަޑު
އޮނުފަތިރާރާ
ނ ވޮއްޑުންޏެއްގެ ސިފައިގައި ލަނބައިފައި އޮންނަ އޮނުފަތި ކޮޅެއްގައި ކަށިކެޔޮ ގަހު ހިކިފަތުގެ ވަރުފަށެއް ނުވަތަ އެކަހަލަ ކޮންމެވެސް އެއްޗެއް ހަރުކޮށްގެން ހަދާއެއްޗެއް. މިއީ އެއްލާމަޑި ވައު ކޮކާފަދަ އެއްޗެތީގެ މައި ދުނީގެ މަތީކޮޅުގައި ހަރުކޮށްގެން ކައްޗާ ދުއްވާއިރު ވަރަށް ރީތި އަޑެއް ގޮވާއެއްޗެކެވެ
އޮނުގަނޑު
ނ (1) އޮނުބުރިއެއް (2) ކުޅިޖަހާން ދަސްކުރާމީހުންގެ ހަށިގަނޑު ހޭނުމަށް އުނަގަނޑުމަތީ އަޅުވާން ލިޔެފައި އޮންނަ ފަލަ ދަނޑިބުރި (3) އުނދުނަށް ފުމޭން ގެންގުޅޭ އޮނުބަދަ ނުވަތަ ހޮޅިބުރި
އޮނުގަނޑުއެޅުން
މ ކުޅިޖަހާން ދަސްކުރާ މީހުންގެ ހަށިގނަޑު ހާނުވާން އުނަގަނޑުމަތީގައި އޮނުގަނޑު އަޅުވައި ދެއަތުގެ އުނޅަބޮށީހުޅުގެ އެތެރެފަތާރް އޮނުގަނޑުގެ ދެކޮޅުގައި އަޅުވައި ދެއަތްގެނެސް ބަނޑާއިދިމާއިން ބައްދައިގެން ތިރިވެ އޮވެގެން ބާވަތަކަށް ފައިކުރިޔަށްގެންގޮސް ފަހަތަށް ގެނެސް ހެދުން
އޮރިބޮލި
ނ )ހ ( ބުރިކަށިމަތީ ވަށައިގެން ރީނދޫ ރޮނގެއް ހުންނަ ބޮއްޔެއް
އޮރިޔާންބުޑު
ނ އޮރިޔާމުން ތިބޭ ކުޑަކުދިން
އޮރިޔާންބުޑު ނައްކަވާރު
ނ އޮރިޔާންބުޑު
އޮރިޔާންކާޑު
ނ މީހުން އޮރިޔާމުން ކުރެހިފައި ހުންނަކާޑު
އޮރިޔާންކުރުން
މ އޮރިޔާން ފެންނަގޮތްހެދުން
އޮރުވާ
ނ އޮޅުދޫ ކަރައިގެ މީހުން މަހަށްދާން ގެންގުޅޭ ބަރާދޯނި މީގެ ދެކޮޅު ހުންނާނީ އެއްގޮތަށެވެ އަނގަމަތީގެ ފުޅައުމިންވާނީ ރިޔަނެއްހައި ވަރެވެ
އޮރުދާ
ނ ދިޔަދޮވިން ފެންފައިބާ ތަން
އޮރުދޫބަސް
ނ އިންޑިޔާއާއި ޕާކިސްތާނުގެ މީހުން ވާހަކަދައްކާ އުޅޭބަހެއް
އޮބައިގަތުން
މ (1) ބާރަށް އޮބުން (2) އެއްޗެއްދިޔަނުދީ ހިފެހެއްޓުން (3) ގޮސްގޮސް އޮތްއެއްޗެއް އަތުލައިގަތުން (4) ފުރާދުއްވާ އެއްޗެތި ދުއްވާއިރު ގަދަވެގެން ގޮސް ދިރުނބާކޮޅު އަޑިއަށްދިޔުން (5) މަޖާޒު: މާބޮޑަށް ބަލިވުން
އޮބި
ނ (1) މަހެއްގެ ސިފައިގައި ދެފައިކަށްޓަށް ލަކުޑިން ހަދައިފައި އޮންނަ ދައްޗެއް. މިގިނައިން ގެންގުޅެނީ ތެޔޮހާނާއިރު ކައްކައިފައި ހުންނަ ކުނޑި ގަނޑުފެލާށެވެ. (2) ފަންދަމާ ބިތުގައި ބޭރުން ފަންތަކުގެ ދިގަށް އަޅާފަތިގަނޑު. (3) ބައެއް ތަންތަން އޮއްބައި ހިފެހެއްޓުމަށްޓަކައި އަޅާފަތިގަނޑު ނުވަތަ ދަނޑިގަނޑު
އޮބިއެޅުން
މ (1) ތެޔޮފެލާއިރު އޮބީން ފިއްތުން (2) ފަންޖަހާ ބިތުގެފަންތައްއޮއްބައި ހިފަހައްޓާން ފަތިގަނޑެއް ނުވަތަ ދަނޑިގަނޑެއްއެޅުން
އޮބެހެއްޓުން
މ (1) ހިފެހެއްޓުން (2) އިންތިޒާމު ހަމަޖެއްސުން (3) ކަމެއް އެގޮތް މިގޮތްވެގެން ދިޔަނުދިނުން
އޮޅި
ނ (1) ދޮރުދޮރުގެ މައްޗާއި ތިރީގައި ހުންނަހުރަސް (2) އަށިއަށީގެ ދެފަރާތުގައްޔާއި ދެކޮޅާއި މެދުގައި ހުންނަފަތް (3) ބައަކު މީހުން (4) ޤަވާޢިދެއްގެ މައްޗަށް އެކުލެވިގެންވާ ބައަކުމީހުން
އޮޅު
ނ (1) ބޭރުރަށްރަށުގައި އޮޑިދޯނި ފަހަރަށް ވަދެވޭނޭހެން ހުންނަ ފުންތަންތަން. (2) ފަޅުތެރޭގައި އުނިޔަވައްދާން ފުންކޮށްފައި ހުންނަ ވަޅު. (3) ބޮނބިފައުކުރާން އެއްގަމުގައި ހަދައިފައިހުންނަ ތަންތަން. (4) އަލަ އިންދުމަށްޓަކާ އަޑިކޮށް ހަދައިފައި ހުންނަބިން. (5) ދެއެއްޗެއްކައިރި ކުރުމަށްޓަކައި ބާރުލާން ދަނޑިގަނޑެއްލައްވައިގެން އަނބުރައި ބާރުކޮށްފައި ހުންނަ ރޯނުގަނޑު ނުވަތަ މާރުގަނޑު (6) ވަގުކަމާއި ސިހުންފިލައި ގާތްވެފައިވުން
އޮޅުންއެރުން
މ ހިނގަހިނގާހުރި ކަމެއްގައި ދެން ކުރިޔަށް ދާންވީގޮތެއް ނުފިލާ ގޮތްވުން
އޮޅުންސުވާލި
ނ (1) ބޭހުގެ ބާވަތެއް މިއީ ވަކިފޫފާޑަށް އެޔަށްވުރެ ތަންކޮޅެއް ދިގުކޮށް ދަށްފަށަށް އޮޅިފައި ހުންނަ ތޮޅިއެއް (2) އޮޅުން ސުވާލީގެ ސިފައިގައި ފުށުންހަދައި ތެލުލައިފައި ހުންނަފޮނިކާއެއްޗެއް