radheef.info
ރަދީފު


ކޮށް
ނ (1) މާކަނައާއި ރާބޮނދި ފަދަ ތަކެތި ކުއްލިއަކަށް ކޮށައިގަންނަ ގޮތަށް ކިޔާނަން (2) )މަލިކު( އ ކުރެން
ގިތިލީބަތް
ނ ޅަ ބަނބުކެޔޮ ވަރަށް ކުދިކޮށް ކޮށައިގެން ހަނޑުލާ އެއްކޮށްގެން ކައްކާ ބަތެއް
ގިތެޔޮ
ނ (1) ގެރިބަކަރި ފަދަ ޖަނަވާރުގެ ކިރުންނާއި ތަރުކާރީގެ ބާވަތްތަކުން އުފައްދައި ގަނޑުކޮށްފައި ހުންނަތެލެއް (2) ބަކަރީގެ ފިރިހެން އެތި (3) މަޖާޒު: ޖިންސީ އެދުން ޙައްދު ފަހަނަޅައިފައިވާ ފިރިހެނުންނަށް ކިޔާނަމެއް
ގިތެޔޮބޯކިބާ
ނ ގިތެލުގައި ފިޔާރަތްކޮށްގެން ފޮނިތޮށި ކާފޫރުތޮޅި ކަނަމަދު އަޅައިގެން ހަނޑުލުފުށުގައި އަޅާ ބޯކިބަލެއް
ގިތެޔޮކޯޅި
ނ ފަތްޕިލާވެލީގެ ބާވަތެއް މިއީ ތިރިކޮށް ހެދޭ ގަހެކެވެ ދިވެހި ބޭހަށް ބޭނުންކުރާ އެއްޗެކެވެ
ގިތެޔޮއެޅިގުޅިއަކުންވަހެއްނުފިލާނެ
)މުސްކުޅިބަހެއް( ތިމާ ކުރަމުން އައި ކަމެއް ކުރުން ހުއްޓާލިޔަސް އެކަމަކަށް ބޭނުންކުރި ތަކެތި ކޮންމެވެސް ވަރަކަށް ހުންނާނެކަން އެންގުމަށްޓަކައި ބުނެއުޅޭ ބަހެއް މިސާލަކަށް: ރީތިކޮށް ލިޔާމީހަކު ލިއުން ހުއްޓާލިއަސް އޭނާގެ އަތުގައި ގަލަމެއް ޖަހާނެ އޮނުކޮޅެއް އޮތުން އެއްތެޔޮ ފުރާމީހަކު އެމަސައްކަތް ހުއްޓާލިޔަސް އޭނާގެ އަތުގައި އެއްތެޔޮ ކޮޅެއް އޮތުން
ގިތްގަޅުވައިލުން
މ (1) ދެކޮޅުވެރި ކަމެއްގެ ތެރޭގައި އަނެކަކު ކޮއްޕައި ވަކިގޮތަކަށް އިނދަ ޖައްސައިލުން (2) މަޖާޒު: އަނެކަކު މާބޮޑަށް ދެރަކޮށްލުން
ގިލިކެހޮވުން
މ )ޏ ( ގިލިގިލި ކޮށްޓުން
ގިލިގިލިކޮށްޓުން
މ ހީލިހުންނަ ތަންތާގައި ކޮށްޓައި ހެދުން
ގިލިސްރީނު އުނގުރި
ނ ބަނޑުހިކިގެން ބޮޑުކަމު ނުދެވުން ފަދަ ކަންތައް ދިމާވެގެން އެކަމުގެ ފަރުވާއަށް ފުރަގަސް ފަރާތަށް ޖަހަން ތައްޔާރު ކޮށްފައި ހުންނަ އުނގުރިއެއް
ގިސްކެޑެވުން
މ )ބ ( އުކުނޑިކޮށްޓުން
ގިސްލައިރުއިން
މ ކަމަކާ މާބޮޑަށް ދެރަވެގެން ރޯއިރު ކުރުކޮށް ނޭވާލެވި ކުކުރާގޮތަށް އަޑުގޮއްވާ ރޯރުއިން
ގިސްލުން
ނ މާބޮޑަށް ހިތްދަތިވުމުން ނުވަތަ މާ ބޮޑަށް ރޮވުމުން ނޭވާ ލުމަށްދަތިވެގެން ވާގޮތަކުން ކުރުކޮށް ނޭވާލެވޭއިރު ގޮއްވޭ އަޑުއިއްވުން
ގިޔަރަށްލުން
މ ގިޔަރު ބޭނުންކޮށްގެން އިންޖީނުގެ ހިނގުމާއި ފުރޮޅު ނުވަތަ ބުރަފައްޗާ ގުޅައިލުން
ގިޔަރު
ނ އެކިބާވަތުގެ އިންޖީނުގައި ހުންނަ އިންޖީނުގެ ހިނގުމާއި ފުރޮޅު ނުވަތަ ބުރަފައްޗާ ގުޅުވައިދޭ އެއްޗެހި މިބޭނުންކޮށްއުޅެނީ އިންޖީނުގެ ހިނގުމާއި އެއިންޖީނާއި ގުޅިފައި ހުންނަ ފުރޮޅު ނުވަތަ ބުރަފަތި ފަދަ އެއްޗެހީގެ ހިނގުމުގެ އަވަސް ލަސްކަމަށް ބަދަލު ގެނައުމަށެވެ
ގިޔަރުކަނޑައިލުން
މ ގިޔަރު ބޭނުންކޮށްގެން އިންޖީނުގެ ހިނގުމާއި ފުރޮޅު ނުވަތަ ބުރަފައްޗާ ގުޅުން ކަނޑައިލުން
ގިޔުޅު
ނ ބޮނޑިމަސްކޮށް ދިގުކޮށް ހުޅުނބު ބޮޑެތިކޮށް ހުންނަ ފަރުމަހެއް
ގީކޮއްޓެއި
ނ )ގ ( ކުނާވިޔަން ވަކަތައްޔާރުކޮށްފައި ބާކީވެގެން އުކާލާ ބޮނޑިވަރު
ގުނގުރުފަތި
ނ ގުނގުރުތަކެއް އެއްކޮށްގެން ފައިގައި އައްސާ ގޮތަށް ހަދައިފައި އޮންނަ އެއްޗެއް މިއީ ނަށާ މީހުންގެ ފައިގައި އަޅާ އެއްޗެކެވެ
ގުނަގެއްލުން
ނ ގުނަކުރުމާއި ގެއްލުމަށް އެއްކޮށް ބުނާގޮތް
ގުންޑޮޅި
ނ (1) ވަޅުގަނޑެއްގެ ނުވަތަ ފެންގަނޑެއްގެ އަރިމަތީ ފަސްގަނޑު. (2) ރާޅުޖަހައިގެން ގިރަމުންދާ ތަނެއްގެ ކައިރިފަށުގައި އުސްކޮށް އޮންނަ ފަސްގަނޑު (3) މަޖާޒު: އިސްމަތީގެ ކަށިގަނޑު