radheef.info
ރަދީފު


މީ
އ )މިއީ( ކައިރީގައިވާ އެއްޗަކީ ކޮން އެއްޗެއްކަން ބުނެދިނުމުގެ ގޮތުން ބޭނުންކުރާ ބަހެއް މިސާލު: މީ އަހަރެންގެ ޤަލަމެކެވެ
ތަންޑިޔާ
ނ ބަރުތަކެތި އެއްތަނުން އަނެއްތަނަށް ގެންދިއުމަށް އެއްޗެއްގައި ވާޖަހައި އައްސައިގެން މީހުންގެ ކޮނޑުމަތީ އުފުލުމަށް ބޭނުންކުރާ ފަލަދަނޑިއެއް
ތަރަތަރަ
ނއ (1) ކެކިއެރުން މިސާލު: )ހ( ތެޔޮތާހަށް ފެންޖެހީމާ ދިޔައީ ތަރަތަރަ ޖަހައިގެންނެވެ )ށ( އެއްވެފައިވާ މީހުންތައް ރުޅިއައިސްގެން ތަރަތަރަ ލަނީއެވެ (2) އެއްޗެއްގައި ހުންނަ ދަޅައިގެ ސަބަބުން ނުވަތަ ގަދަ އައްޔެއްގެ ސަބަބުން ބަލަން ނުކެރޭ ނުކެރުން (3) ރުޅިއައިސްގެން ލާ ހަޅޭއް
ތަރި
ނ (1) ޖައްވުގައިވާ އެތިކޮޅުތައް އެއްވެގެން އުފެދިފައިވާ ބޮޑުއެއްޗެއް މީގައި އަމިއްލަޔަށް ދިއްލޭފަދަ ގޭސްތަކެއް އެކުލެވިފައިވެއެވެ މީގެބައެއް އެއްޗެހި ދުނިޔެއަށްވުރެ ބޮޑެއްޗެވެ އަނެއްބައި އެއްޗެހި ދުނިޔެ ދަތުރުކުރާ ބުރަށްވުރެވެސް ބޮޑެއްޗެވެ މީގެސިފައަކީ ޢާއްމުކޮށް ވަށް ބޯޅައެއްގެ ސިފައެވެ މިއީ ރޭގަނޑު އުޑުން ފިޔަޖަހައި އަލިކަން ފޯރުވާ އެއްޗެކެވެ (2) ފަސްފިޔަ ނުވަތަ ހަފިޔަހުންނަގޮތަށް ހަދައިފައިވާ ނުވަތަ ކުރަހައިފައި ހުންނަ އެއްޗެއް (3) އިއްޒަތުގެ ނިޝާނެއްގެ ގޮތުން ކޮނޑަށް ނުވަތަ މޭ މައްޗަށް އަރާ ނިޝާނެއް މަޖާޒު: (4) ކަމަކުން މަޝްހޫރުވެފައިވާ މީހާ (5) ތަމްސީލުގައި ނުވަތަ ފިލްމުގައި މައިގަނޑު ބައިތައް ކުޅޭމީހުން
ތަރިބޭލުން
މ މަޖާޒު: ހިތާވެގެން އުޅޭ މީހެއްގެ ގާތުގައި ފިރިހެނަކު ދައްކާ ފޮނި ވާހަކަތައް ދެއްކުން
ތަރިކަ
ނ (1) މަރުވެފައިވާ މީހާގެ މުދާ (2) ކާބަފައިން ދޫކޮށްފައިވާ ތަކެތި
ތަރިއޮއްސުން
މ (1) ގިނިހިލައިގައި ރޯވެގެންގޮސް ހުލިވުން (2) ތަރިނިވުން މަޖާޒު: (3) ކަމަކަށް މަޝްހޫރުމީހަކު މަރުވުން (4) މަޝްހޫރުކަން ދިއުން ނުވަތަ ލިބިލިބިހުރި ރަނގަޅެއް ހުއްޓުމަކަށް އައުން (5) ނަސީބުދަށަށް ދިއުން
ތަރުޖަމާނު
ނ (1) ތަރުޖަމާކުރާމީހާ (2) ރަސްމީ ދާއިރާއަކުން ނުވަތަ ނުރަސްމީ ފަރާތަކުން ކަމެއް ކުރިގޮތުގެ ތަފްސީލު ދޭން ހުންނަމީހާ
ތަރުޖަމާނުން
މ (1) އެއްބަހަކުން ލިޔެފައި ހުންނަ އެއްޗެއް އަނެއް ބަހަކަށް ބަދަލުކުރާ މީހުންނާއި އެއްބަހަކުން ދައްކާ ވާހަކަ އަނެއް ބަހަކަށް ބަދަލު ކުރާމީހުން (2) ރަސްމީދާއިރާ އަކުން ނުވަތަ ނުރަސްމީ ފަރާތަކުން ކަމެއް ކުރިގޮތުގެ ތަފްޞީލުދޭން ތިބޭމީހުން
ތަރުޖަމާނުކަން
ނއނ ތަރުޖަމާކުރާ މީހާގެ ވަޒީފާ
ތަބުލާ
ނ މިޔުޒިކުކުޅޭއިރު ބެރުޖަހާގޮތަށް ޖަހަން ގެންގުޅޭ އެއްޗެއް މިޖަހާއިރު ގެންގުޅެނީ މީގެދޭއްޗެވެ މިހުންނަނީ ބޮޑު އުނބެއްގެ ސިފައިގައެވެ މަތީގައި ހަންއަޅައިފައެވެ ތަބުލާޖޯޑުގެ ދޭތީގެ ސިފަ ތަފާތެވެ
ތަޅައިބުރުއްސުން
މ (1) ކުކުޅުހާފަދަ ތަކެތިގޭދޮށަށް ނާންނަގޮތަށް ފައްސައި ދުރަށްލުން (2) މަޖާޒު: ވަކިހަމައެއްނެތި ބޭކާރުގޮތުއި ފައިސާ ނުވަތަ މުދާ ހޭދަކުރަމުން ގެންދިއުން (3) އެއްވެފައިވާ މީހުންތަކެއް ވިއްސިވިހާލިކުރުން
ތަޅައިގެންނެވުން
މ (1) ގޯންޏެއްފަދަ އެއްޗަކަށް އެއްޗެއް ބާރުކޮށް އެޅުން (2) ބައިބޯތަނެއްގައި މީހުން ކޮށްޕައި ދުރުކުރުން
ތަޅާލުން
މ (1) ފުނޑުފުނޑުވާގޮތަށް މުގުރޭގޮތަށް ހުރިއެއްޗެއް ނުވަތަ ތަނެއްހަލާކުކޮށްލުން (2) މީހަކަށް ވަރަށް ބޮޑަށް ހާނީއްކަކުރުން (3) މަޖާޒު: އަންހެނަކާ ނަހަމަގޮތުން ޖިންސީގުޅުން ހިންގުން
ތަޅުވައިލުން
މ (1) ހަލުވައިލުން (2) ގުޑުވައިލުން މަޖާޒު: (3) ވާހަކައެއް ފަތުރައިލުން (4) މީހެއްގެ ކިބައިން ވަކިވާހަކައެއް ހޯދަންވެގެން އޭނާލައްވައި ވާހަކަދެއްކުވުން
ތަކާވަރު
ނ (1) ޖާގައޮތްވަރު (2) ތަނަކަށް މީހުންތަކެއް ނުވަތަ އެއްޗެހިތަކެއް ވެއްދޭވަރު
ތަކުރުހެއްދުން
މ ބޮޑެތިމީހުން އަޅާ ޒާތްޒާތުގެ ހެދުން އަޅުވައިގެން ކުޑަކުދިންގެންގުޅުން
ތަކުރުފާނު
ނ (1) ފިރިހެނުންނަށް ކިޔައިއުޅޭ ނަމެއް (2) ތަކުރު މިބަހުގެ މާތްގޮތް (3) މަނިކު ކިޔާމީހަކަށް ކޮއްޔެއްލުމުން ނުވަތަ މަޖިލީހަށް އެރުވުމުން ނުވަތަ ޒިކުރަށް އެރުވުމުން ކިޔާގޮތް
ތައްކަށިރުއް
ނ ތައްކަށްޓަށް ނަގާރުއް. ރަށްރަށުގައި މީހުން އިންދައިފައި ހުންނަ ރުއްރުކުގައި ތައްޖަހައި ބަންޑާރަ ބަޔާއި އަމިއްލަބައި ވަކިކުރުމުގައި އެކެއްގެ ފަންސަވީސް ރުކުން އެއްރުއް ތައްކަށީގެ ނަމުގައި ބަންޑާރަޔަށް ނަގައެވެ މިރުކުގައި ހުންނާނީ ތިންތައްޖަހައިފައެވެ މިއީ ގޮއިފާލައްބައިގެ ތެރޭގައި ހިމެނޭ ވަކިން ވަރުވާކޮށް ލިއެދެއްވާ ބައެކެވެ
ތައްގަނޑު
ނ (1) އެއްޗެއްގެ އަސްލާއެއްގޮތަށް އެއްޗެއް ހެދުމަށް ނުވަތަ ކުރެހުމަށް ބޭނުންކުރާ އެއްޗެއް މިސާލު: )ހ( މެޓާ އޮބާ ތައްގަނޑު )ށ( ހުންގާނުގެ މާދާފަދަ ތަކެތި ހެދުމަށް ވިރުވާ އަޅާތައްގަނޑު )ނ( ގަސްމުށި ފަދަތަކެތި ހެދުމަށް ސިމެންތި ފަދަ ތަކެތި ގަށައިގެންއަޅާ ތައްގަނޑު )ރ( ރަސްމީ ނުވަތަ އަމިއްލަ ނިޝާންޖަހާ ތައްގަނޑު (2) ކަނޑައި ނަގައިފައި ހުންނަ ނަމޫނާ (3) ގޮންގްރެޓް ކުރާ އިރު ގޮންގްރެޓް އެޅުމަށް ލަކުޑިން ނުވަތަ ދަނގަނޑުން ތައްޔާރުކުރާ އެތި (4) ތަނެއްގެ ނުވަތަ މީހެއްގެ ނަމާއި ނިޝާން އެކުލެވިގެންވާ ގޮތުން ތައްޔާރުކުރާ ސިއްކަ
ތައްގަނޑުޖެހުން
މ (1) ކަނޑައި ނަގައިފައި އޮންނަ މާދިރީ އެއްގެސިފަ އެއްޗަކަށް ނަގުލުކުރުން މިސާލު: ގަންޖުފަރާހުގައި ތައްގަނޑުޖެހުން (2) ތަނެއްގެ ނުވަތަ މީހެއްގެ ނަމާއި ނިޝާން އެކުލެވިގެންވާގޮތަށް ތައްޔާރުކުރާ ސިއްކައެއް އޮބުން