radheef.info
ރަދީފު


ޔ
ނ ތާނައިގެ އެކާވީސް ވަނައަކުރު
އެއްޗެހިކިޔުން
މ (1) ހިތާނުވާ ވާހަކަދެއްކުން (2) ހިތާނުވެގެން ވާހަކަދެއްކުން (3) މަލާމާތްކުރުން (4) ޅެން ފަރިހި ފަދަ ތަކެތި ރާގުގައި ކިޔުން
އެވަރުވުން
މ (1) އެގޮތްވުން (2) އެހިސާބަށް ކަން ކުރެވުން މިސާލު: މީހަކު ތާކަށްގޮސް އުޅެއުޅެ އެއްކަމެއްވެސް ނުވެގެން އައިމާ އޭނާ ދެރަކޮށްލުމުގެ ގޮތުން "މަދިޔަނަމަވެސް އެވަރުވެއްޖައިހޭ" ބުނެއުޅެއެވެ ދެމީހަކު ދޫނުކޮށް ހިފަމުންގޮސް މާބޮޑަށް ވަރުބަލިވީމާ "އެވަރުވީއިރުވެސް ދުލެއް ނުކުރެއޭ" ބުނެއުޅެއެވެ
އެވްރޭޖް
ނ (1) އެކިވަރަށްހުރި އަދަދުތަކެއް އެއްކޮށް އެއްކުރި އަދަދުތަކުގެ އަދަދުން ގެއްލީމާ ނިކުންނަ އަދަދު. މިސާލު: ދިހަޔަކާ ނުވަޔަކާ ދޭކާ މިތިން އަދަދު އެއްކޮށްލީމާ އަންނަ ޖުމްލައަކީ އެކާވީހެވެ މިއެއްކުރެވުނީ ތިން އަދަދެވެ ވީމާމިޖުމްލަ ގެއްލާންވީ ތިނަކުންނެވެ ތިނަކުން ގެއްލީމާ ނިކުންނާނީ އެތިންއަދަދުގެ އެވްރޭޖެވެ އެއީ ހަތެކެވެ (2) މެދުމިން
އެމުނި
ނ (1) ދޮރުފޮތިގަނޑުފަދަ އެއްޗެހީގެ ކައިރިއަށް ނަނުލައްވާން މަޅައިފައި އޮންނަތަން (2) ރިޔަލުގެ ކައިރި މަޅައި އޭގެ ތެރެއަށް ލައްވައިފައި އޮންނަ ނަނުފަށް
އެމުނިއެކުލެވުން
މ (1) ގައިގޯޅިވެ އެކުލެވުން ނ (2) ލިޔެފައިވާ އެއްޗެއްގެ ބަސްތަކުގެ ތަރުތީބުކަމާއި އެތުރިފައިވާގޮތް (3) މަޖާޒު: ކަމެއް އިންތިޒާމް ވެގެންވުން
އެމެރިކާނު
ނ (1) އެމެރިކާ (2) ދުނިޔޭގެ ބައްރުތަކުގެ ތެރެއިން 5/2 މިއީ އެތައް ދައުލަތެއް އެކުލެވިގެންވާ ބޮޑު ދައުލަތެކެވެ
އެމްބާސަޑަރް
ނ ދައުލަތުގެ ވެރިޔާގެފަރާތުން އަނެއް ދައުލަތަށް ފޮނުވައިފައި ހުންނަ ސަފީރު
އެފަދަވަރު
ނ އެހެންވިއްޔާ
އެފުޅު
ނ އަނބިމީހާއަށް ކިޔާގޮތެއް މިހެންކިޔަނީ މަނިކެޔަށްވުރެ ދަށުދަރަޖައިގެ މީހުންނަށެވެ
އެދުން
ނ (1) ކަމަކަށް ހިތުގައި އުފެދޭ ބޭނުން މ (2) ހިތްކިޔުން
އެދުރު
ނ (1) އުގަންނައިދޭ މީހާ. (2) ބައެއްކަންތަކުގެ ވެރިޔާ. (3) ވިހޭގޭތެރޭގައި އިރުވަރު ބަލައި އުޅޭމީހާ. (4) ފަންޑިތަވެރި މީހާ. (5) ފަންޑިތަހަދާ. މިސާލު: )ހ( ޖަމާޢަތްތެރި އެދުރު )ށ( ތާޅަފިލި އެދުރު )ނ( ޚިތާންކުރާ އެދުރު (6) މަޖާޒު: ޒަކަރު
އެދުރުބޭ
ނ ޤުރުއާން ކިޔަވައިދޭ ފިރިހެންމީހާ
އެދުރުބޭކަލުން
ނ (1) އެދުރުންނަށް މާތްކޮށް ކިޔާގޮތް ޚާއްޞަކޮށް މިހެންކިޔައިއުޅެނީ ކޮށިކޮށީގެ އެދުރުންނާ މެދުގައެވެ (2) ކަންތަކަށް ކުޅަދާނަމީހާ
އެދުރުކަލޭގެފާނު
ނ އެދުރަކު މަޖިލީހަށް އެރީމާ ކިޔާނަން މިބަސް މާތްކުރުމަށްވެސް ބައެއްގޮތުގައި ކިޔައިއުޅެއެވެ
އެދުރުދައިތަ
ނ ޤުރުއާން ކިޔަވައިދޭ އަންހެންމީހާ
އެދުރުލަވަ
ނ (1) ފަސްފިޔަވަޅު ބެރާއި ސަމާގައި ޖަހާ ލަވައެވެ (2) ސަމާތާރަ ފަށާން ޖަހާލަވަ ސަމާތާރައިގައި ދަންފަޅި ބަލައިގަންނަ މީހުން އައިސް ފުރަތަމަ ޖަހާނީވެސް މިލަވައެވެ
އެތި
ނ (1) ޖިސްމާނީ ތަކެތި (2) ނަންނޭގޭ (3) އިންސާނުން ފިޔަވާދެން ހެއްދެވިހައި ތަކެތީގެ ތެރެއިން ކޮންމެ ވައްތަރަކަށް އޭގެ ނަމުން ނުބުނެ ކިޔާގޮތެއް
އެތިފަހަރުއުކުން
މ ހަނގުރާމާގައްޔާއި ހެވިކަމުގައި އަނެކަކުގައިގާ ޖަހާން ހަތިޔާރު އުކުން
އެތިފަހަރުއެއްލުން
މ ޙަމަލާދީގެން އޮންނަ މީހާގައިގައި ޖަހާން މަޅައިގަންނަ ހަތިޔާރު ދޫކޮށްލުން
އެތިފޮދު
ނ ދިޔާއެއްޗެއްގެ މަދުމިންވަރު