radheef.info
ރަދީފު


ބަ
އ އައްބަ
އަމާނާތް
ނ (1) މީހުންގެ އަތުގައި ދުވަސްކޮޅަކު ރައްކައުކޮށްފައި ބެހެއްޓުމަށްޓަކައި މީހުން ބަހައްޓާ ތަކެތި (2) ޚިޔާނާތުގެ އިދިކޮޅު
އަމާންކުރުން
ނ (1) ނާމާން ބޭފުޅުން ތިއްބަވާ ތަންތަނަށް ވަނުމުގެ ހުއްދަދިނުން (2) ބިރުވެރިކަން ފިލުވުން
އަމާންވުން
މ (1) ނުރައްކައުތެރިކަމެއް ނެތުން (2) ނާމާން ބޭފުޅުން ތިއްބަވާ ތަންތަނަށް ވަނުން ހުއްދަވުން
އަމާންދިނުން
(1) ހަނގުރާމަކުރާއިރު އެއްބަޔަކު ބަލިވީކަން ޤަބޫލުކޮށް އަނެއްބަޔަކަށް ކިޔަމަން ވީކަން އެނގުން (2) މިކަމުގެ ނިޝާނަކަށް ދިދައެއްނެގުން (3) ހަތިޔާރު ބެހެއްޓުން
އަމާންދިދަ
ނ (1) އިހުގައި ރަދުންނާއި ގަނޑުވަރުތެރޭ ހަތްކޮޅުނަގާ ބޭފުޅުން ޢިއްޒަތަށް ވަޑައިގަންނަވާއިރު ކުރީގައި ޖަޑިބު ހިފައިގެން ހުންނަ ބޮޑު ދިދަ މިހާރު އެދިދައިގެ ބަދަލުގައި ހުންނަނީ ޤައުމީ ދިދައެވެ މިހިފަނީ އެކަމަށް ޚާއްޞަ ކުރައްވައިފައި ހުންނަ މީހެކެވެ (2) އަމާން ދިންކަމުގެ ނިޝާން
އަމާކީތީ ފަރަށްދިއުން
)މިސާލުބަހެއް( (1) ބުނާލަފުޒުން ދޭހަވާ ކަމެއްގެ ބޭރު ކަމެއް ނުކުރީމާ ދޭ މިސާލެއް އެއީ ބެބުރުފުތުގެ އަމާފަރަށްދާން ބުނެގެން ބެބުރުފުތު ފަރަށް ގޮއްސްފައި ބޮލިނުހިލާ އައިމާ އޭގެ ފަހުން ޖެހުނު މިސާލެއް ކަމަށް ބުނެއެވެ (2) ބުނާކަންތައް ފަރުވާ ކުޑަކޮށް ކުރުން
އަމާޒުހިފުން
ނ އެއްލާއެއްޗެއް ވަކިތަނަކާ ދިމާކުރުން މިސާލު: ދުންޏެއް ނުވަތަ ބަޑިއެއް ވަކިތަނަކާ ދިމާކުރުން
އަމާޒުބަޑި
ނ (1) އަމާޒަށް ޖަހާބަޑި (2) ކައިތުވައްބަޑި
އަމާޒުކުރުން
މ (1) ޚާއްޞަތާކަށް ދިމާކުރުން (2) އެއްލާ އެއްޗިއްސާއި ޖަހާ ބަޑި ގަސްތުކުޅަ ތަނާ ސީދާކުރުން
އަމާޒުފަތްގަނޑު
ނ (1) ބަޑި ނުވަތަ ދުނި އަމާޒަށް ޖަހާން ފަރިތަކުރާއިރު އެދިމާގައި ބަހައްޓައިފައި ހުންނަ ފިލާގަނޑު މީގައި ހުންނާނީ ފާހަގައެއް ލައިފައެވެ މަޖާޒު: (2) ކަމެއްކުރާން ގަސްދުކޮށްފައިވާގޮތް (3) ތިމާ ނުހަނު ބޮޑަށް އެދޭކަމަކާއިމެދު މަސައްކަތްކޮށްގެން ލިބޭން އަންނަފޮނި ނަތީޖާ
އަމިއްލައަމިއްލަޔަށް
ކއ އަނެކަކު ނުބައްސާ
އަމުދުން
ކއ (1) ގަސްތުގައި (2) އެނގިހުރެގެން (3) އެއްގޮތަކަށްވެސް (4) މުޅީންއަނެކާ ހީކުރާގޮތަށް ނޫންކަން އެންގުމަށްބުނާ ބަހެއް މިސާލު: އެތާހުރީ އަމުދުން މަށެއްނޫނެވެ
އަމޭ
ނ "އަން" މިބަސް ތަކުރާރުކޮށް ބުނާގޮތް
އަދަރަކީ ދަގަނޑު
ނ ބަޑިކުޅިހަދާން ގެންގުޅޭ ދަގަނޑެއް. މިއޮންނާނީ އިނގުރުގަނޑެއްގެސިފައިގައެވެ. މީގެ ދަގަނޑު ތާސްދަގަނޑަށްވުރެ ބަޑިކުޅިޔަށް އަޅަންރަނގަޅެވެ
އަދަބު
ނ (1) އިޙްތިރާމް ކުރުމާއި ކިޔަމަންތެރިވާ (2) ކިޔަމަންތެރިވުން (3) އަޚްލާޤް ރަނގަޅުކަން (4) ޢުޤޫބާތް (5) ބަހުގެ ޢިލްމު
އަދަބުވުން
މ (1) ބޯލަނބައި ކިޔަމަންތެރިވުން (2) އިޙްތިރާމްކުރުން
އަދަބުވެރި
ނއ (1) ބޯލަނބައި ކިޔަމަންތެރިވާ (2) އިޙްތިރާމްކުރާ
އަދަދެއްނެތުން
މ (1) ކަމެއް ހިސާބަށްވުރެ ގިނަވުން (2) މިންވަރެއްނެތުން
އަދާރަސަމް
ނ ބަންގާޅުން ގެންނަ އަންހެނުންލާ ޚާއްޞަ ފޭރާމެއް މިވިޔެފައި ހުންނަނީ އުޔާފަށުޔާ ދެބައިންނެވެ
އަދާމަﷲ
ރަދުން ހަވަރަށް އެއްޗެއް އެންގެވީމާ ނުވަތަ ސަލާމުގެ ބަސްފުޅު އިއްވެވީމާ އޭގެ ޖަވާބުގައި ދަންނަވާގޮތް