radheef.info
ރަދީފު


ހުން
ނ (1) ހަށިގަނޑު ހޫނުވާ ބައްޔެއް މިބަލީގެ ކިތަންމެ ބާވަތެއް ހުރެއެވެ (2) )އ ކ ( ބަރުއެއްޗެހި ނަގާއިރު ބާރުލާން ބުނާބަހެއް (3) ތިމާޔާ ޒުވާބުކުރާ މީހަކު ދެރަކޮށްލާން އިއްވާއަޑެއް
އޮޑިހަރުގެ
ނ ފުރާދުއްވާ ތަކެތި އެހިލުމަށް އަޅައިފައި ހުންނަ ހަރުގެ
އޮޑިމަތީއޮޑި
ނ (1) އޮޑިކޮޅު ތަންތަނަށް ދާއިރު އެއާއެކު ދިއުމަށް އޮންނަ އޮޑި މަޖާޒު: (2) މީހެއްގެ ބަދަލުގައި ހުންނަމީހާ
އޮޑިމޯ
ނ (1) ވަޑާންކުރާއިރު ގެންގުޅޭ އާލާތެއް. މޮހޮރުނަގަން ބޭނުންކުރާ ތަނަކާއި މޮހޮރުޖަހަން ބޭނުންކުރާ ތަނަކާއި އެއްޗެތިފަޅަން ބޭނުންކުރާތަނެއް މީގައި ހުންނާނެއެވެ. މ. މަޖާޒު: (2) އެދުންވެރިކަމުގެގޮތުން ވަކިޖިންސަކަށް ބެލުމެއްނެތި ދެޖިންސާވެސް ގުޅުންބަހައްޓާ މީހުން
އޮޑިފަހަރު
ނ ރިޔާނަގަން ހަދައިފައި ހުންނަ ފުރާދުއްވާ އެއްޗެތި
އޮޑިފަތި
ނ ކުޑަކުދިން ކުޅެންގެންގުޅޭ އެއްޗެއް މިހުންނާނީ އެނބުރިއެނބުރި ހުންނަ އޮޑިތަކެއްހެނެވެ
އޮޑިދޮށް
ނ ފުރާދުއްވާ އެއްޗެތީގެ ކައިރި މިބަހުގެ ބަދަލުގައި ބައެއްމީހުން އޮޑިދަށްވެސް ކިޔައެވެ
އޮޑިތާންކަލޭގެ
ނ އިހުގައި އުޅުނުކަމަށް ބުނާމީހެއް. މީނާއަކީ ފަންޑިތަވެރިއެއްކަމަށާ ރައިވަރުހަދާ މީހެއްކަމަށް ބުނެއެވެ މީނާގެ ރައިވަރު ހުންނާނީ ބަނޑުވައް އަކުރުވެސް އަދި ނިމޭ އަކުރުވެސް ރައިވަރުގެ ޤަވާއިދުން އެއްގޮތް ނުވެއެވެ
އޮޑިތާންކަލޭގެރައިވަރު
ނ (1) އޮޑިތާންކަލޭގެ ހަދައިފައިހުރި ކަމަށްބުނާ ރައިވަރު މަޖާޒު: (2) ބަނޑުވައް އަކުރުވެސް އަދި ނިމޭ އަކުރުވެސް އެއްގޮތްނުކޮށް ހަދާފައި ހުންނަ ރައިވަރާއި ޅެން
އޮޓޯސައިކަލް
ނ (1) އިށީނުމަށް އެއްސީޓް ހުންނަ މޮޓޯސައިކަލްގެ ކުދިބާވަތެއް. (2) އިންޖީނުންނާއި ފައިން އަނބުރައިގެންނާއި ދެގޮތަށް ދުއްވެން ހުންނަ ބައިސިކަލް
އޯބަތް
ނ މިނާބޭހުގެ ބާވަތެއް މިއީ ފެނަށްއެޅީމާ މަސްލާ ކުދިއޮށެކެވެ ބައެއް މީހުން ރިހައަށްވެސް ލައި އުޅެއެވެ
އޯގާ
ނ މީހުންނާއި ޖަނަވާރުގެ މައްޗަށް ހިތުގައި އުހެދޭ ރަޙުމް
އޯގާވެރި
ނއ (1) މީހުންނަށްހެޔޮ (2) ރަޙުމްވެރި
އޯގާވެރިވުން
މ (1) މީހުންނަށް ހެޔޮވުން (2) ރަޙުމުވެރިވުން
އޯޑި
ނ )ޏ ( ބޮޑެތިއުނބުން ހަދައިފައިހުންނަ ނާށިގަނޑު
ވަހާރެހި
ނ )ޏ ( މޭދަށުން ފެށިގެން ނިވާމަގުގެ އިސްތަށިފެޅި ހިސާބަށް ބަނޑުގެ މެދުގައި ހުންނަ ރޮނގު
ވަހުތާން
ނ ފޮތީގައި ލިޔެ ގިއުގަނޑެއްގައި ފަހައި ވަޔާ އެނބުރޭގޮތަށް ދަނޑިއަކަށްޖަހައި އުސް ތަންތަނަށް ނަގައިފައި ހުންނަ ތަވީދު. )ގޭގޭގެ ތެރޭގައިވެސް ވަހުތާން ހަރުކޮށް އުޅެއެވެ. ބައެއް ފަހަރަށް ރަންރިހިންނާއި އެކިކަހަލަ މަޢުދަނީ އެއްޗިހިން ތުނިކޮށް ތަޅައިފައި ހުންނަ ފަތްގަނޑުގަނޑުގައިވެސް މި ތަވީދު ލިޔެއެވެ
ވަހުތާންޖެހުން
މ ވަހުތާންލައިފައި ހުންނަ ދަނޑި ރުކެއްގައި ނުވަތަ ތަނެއްގައި އެއްސުން ނުވަތަ ބިމަށް ޖެހުން
ވަހުތޮނަ
ނ (1) ވަސްކަނި (2) ފުރާޅުގެ ވަސް ބާއްވަން ތާވަކަރަށް ނުވަތަ ހުރަސް ބެރިއަށް ޖަހައިފައި ހުންނަ އެއްޗެތި
ވަހެއް ދުވުން
މ (1) ކޮންމެވެސް ވަހެއް ނޭފަތަށް އިޙުސާސްވުން މަޖާޒު: (2) ކަމެއް ހިނގާކަން ތިމާއަށް އެނގިގެން އެހެން މީހުންނަށް އެންގުމަށްޓަކައި އިޝާރާތަކަށް ބުނެއުޅޭ ބަހެއް (3) ކަމަކާ ދޭތެރޭ ގޮތަކަށް ހީވުން
ވަށައިތުނބުޅި
ނ އެއްކަންހުޅިން އަނެއްކަންހުޅިއަށް ބަހައްޓައިފައި ހުންނަ ތުނބުޅި