radheef.info
ރަދީފު


ޔ
ނ ތާނައިގެ އެކާވީސް ވަނައަކުރު
އެއްބަނޑުއެއްބަފާ
ނއ (1) މަންމަޔާ ބައްޕައެކަކަށްވާ (2) އެކެއްގެ ބަނޑުން އެކަކަށް އުފަންވި (3) އެއްބަފަޔަށް އެއްމަޔަކުވިހޭ
އެއްކަށިވީރު
ނ (1) ކަށިފަލަ ވަރުގަދަމީހާ (2) ބޯދާޚިޔާލުގައި އަތްދަނޑީގެ ކަށި އެއްވެފައި އަދި އަރިކަށީގެ ކަށިތައްވެސް އެއްވެފައިވާމީހާ
އެއްކަލަ
ނއ ތިމާޔަށާއި އަނެކަކަށް ކުރީން އެނގިފައިވާ އެއްޗަކަށް އިޝާރާތް ކުރާން ބުނާ ބަހެއް
އެއްކަލަކަލަ
ނ އެއެއްޗެއްގެ ނަމުން ނުކިޔައި ކުރީން އެއެއްޗެކަމާމެދު ވާހަކަ ދެކެވިފައިވާ އެއްޗެއްގެ ވާހަކަ ބުނާ ގޮތެއް
އެއްކުރާނަވަތަ
ނ ހިސާބު ދަސްކުރާ ކުދިންނަށް އެއްކުރާން ކިޔާގޮތް ދަސްކޮށްދޭން ހަދާފައި އޮންނަ ނަވަތަ
އެއްކުލަކުރުން
މ އެއްކުލަޔަކަށް ހެދުން
)މިސާލުބަހެއް( ކަމަކާމެދު އެއްވަރަށް އިޚުތިޔާރު ލިބިފައިވާ ދެމީހަކަށް އެކަމެއް ރަނގަޅަކަށް ނުހިންގޭނެއެވެ އެއްއުރާގައިދެކަނޑިޔަކަށްނޯވެވޭނެއެވެ
އެއްވަނަބުއްދި
ނ މީހުންގެ ލަފާ ޤަބޫލުނުކުރާ މޮޔަ ބުއްދި
އެއްވަރެއްވެސް ނުވުން
މ (1) ކުރަން އުޅޭ ކަމެއްވާނެ އެއްގޮތެއްވެސް ނުވުން (2) މުޅިން ނާކާމިޔާބުވުން
އެއްމެދު
ނއ ދެމީހަކަށް ނުވަތަ އެއަށްވުރެ ގިނަ ބަޔަކަށް އެއްވަރަށް ބެހޭންވާ. މިބަސް ގިނައިން ބުނެއުޅެނީ އަނބިމީހާވެސް އެއްޗެހި ހޯދުމަށް މަސައްކަތްކޮށް ތަކެތި ހޯދުމުގެ ސަބަބުން ދެމަފިރީންނަށް އެއްވަރަށް ބެހޭ މުދަލާ މެދުގައެވެ
އެއްމެދުވުން
މ ދެމީހަކު ނުވަތަ އެއަށްވުރެ ގިނަ ބަޔަކު މަސައްކަތް ކޮށްގެން ހޯދުނު މުދަލަކަށް ވުމުގެ ސަބަބުން މުދައު އެމީހުންނަށް ހަމަހަމައަށް ބެހޭގޮތްވުން
އެއްމެދުމުދައު
ނ ދެމީހަކު ނުވަތަ އެއަށްވުރެ ގިނަ ބަޔަކު މަސައްކަތްކޮށްގެން ހޯދި މުދަލަކަށް ވުމުގެ ސަބަބުން އެއެންމެންގެ މެދުގައި ހަމައަށް ބެހޭންވެފައިވާ މުދައު
އެއްފަރާތަށްލުން
މ ނުރައްކާތެރި ބައްޔެއްގެ ސަބަބުން އެހެން މީހުންނާ ވަކިކުރުން
އެއްފިނދުންގުއިރުން
މ ދެމީހަކު ދެމެދުގައި އެކުވެރިކަން ބޮޑުވެގެންގޮސް ޙައްދަށް ދިޔައިމާ ދީއުޅޭ މިސާލެއް
އެއްތެޔޮ
ނ ވައުކޮށް ވެލަށް ހެދޭ ގަހެއް. މީގެ ގަސްގަނޑު ހުންނާނީ ދުރުދުރުގައި ބަދަ ޖަހައިފައެވެ. މިއީ ވަރަށް ދިގުވާ މަޑު އެއްޗެކެވެ އަދި ވަރަށް ތަތްކޮށް ހުންނަ ގަދަ އެއްޗެކެވެ އެއްތެޔޮވަށި ހަދައި ގޮނޑީގައި އެއްތޮޔަ ފުރާ ހަދަނީ މިއިންނެވެ މީގެ އެތެރޭގައި ބަނބުކެޔޮ މުލުގައި ހުންނަހެން ލޯވަޅު ހުންނާނެއެވެ
އެއްތެޔޮކަހާވަޅި
ނ އެއްތެޔޮ ކަހާން ގެންގުޅޭ ބާވަތެއްގެ ވަޅިއެއް މިއީ އެއްދާރައަށް ހަނުލާފައި އޮންނަ ތިން އަރިފީރެކެވެ
އެއްގަމުއަރުމާޒު
ނ އައްސުލްޠާންއަލްމުޡައްފަރު މުޙަންމަދު ޢިމާދުއްދީން އުތުރު އަރުމާޒަށް ވަޑައިގަންނަވާންވެގެން އެރަދުންގެ ދަރިކަލުންނަށް އެއްގަމުގައި ހައްދަވައިދެއްވި އަރުމާޒެއް. މިއަރުމާޒު ހެއްދެވިގޮތަކީ ފުރޮޅުލާފައި އެއްގަމުގައި ދުއްވޭނޭހެން އެގާރަ ގުރާބު ތައްޔާރުކުރައްވައި އެގުރާބު ދަމާ ކަލާސީންނާއި ދަންޑަހެލު ބޭކަލުން ލައްވައި އެމީހުންގެ ވެރިޔަކު ލައްވައި އެމީހަކަށް ރަނަހަމާންތި ކަމަށް ކޮލިލައްވައި ގުރާބުތަކަށް އެއްގަމު އަރުމާޒު ބަޑިލައްވައި އެގުރާބުތަކަށް ރަސްމީ އުޅަނދުތަކަށް ހުންނަހައި ކަމެއް ހަމަކުރެއްވިއެވެ. އަރުމާޒު ކަލާސީންނާއި ދަންޑަހެލުންނާއި ރަނަހަމައިދި ބޭކަލަކު އޭގެ ކުރިއަކު ނުތިއްބަވައެވެ. ރަދުންގެ އަރުމާޒު ފުރާވަޑައިގަތުމަށްފަހު އެއްގަމު އަރުމާޒު ފުރާވަޑައިގަތީ މެދުޒިޔާރަތް މަގުން އިރުމައްޗަށެވެ. މިހެން ގޮސް އެކިއެކި ތަންތާ ރޭކުރައްވައި ކުޅިވަރު ކުޅުއްވައި ހައްދަވައެވެ. ދުވާލު ކަލާސީން ލައްވައި ރަށުތެރެ ތާހިރުކުރައްވައި މިބާވަތުގެ ކަންތައް ކުރައްވަމުން ވަޑައިގެން ރަދުންގެ އަރުމާޒު މާލެ ވަޑައިގަތް ދުވަހު އެއްގަމު އަރުމާޒުވެސް ގަނޑުވަރަށް ވަޑައިގަތީއެވެ. އޭގެ ފަހުގައި ކަލާސީންނާއި ދަންޑަހެލުން ހަވަރަށް ބައިކުރައްވާ އެމީހުންގެ ޚާއްޞަ މަސައްކަތަކީ ބަނޑުދިނުންކަމުގައި ހައްދަވައި މިއަރުމާޒުގެ ބަނޑޭރިން މިނާ މީހުން ކަމުގައި ހެއްދެވީއެވެ ދެފޮއިގައި ބަނޑުދޭން ފެށީ މީގެ ފަހުގައެވެ ކުރީގައި ބަނޑުދޭ ގޮތަކީ މަހަކު އެއްފަހަރު ކޮށާރު ދޮށަށް ބަލައިދިޔައިމާ ދެއްވަނީއެވެ މިއަރުމާޒަށް ވަޑައިގަތް ބޭފުޅަކީ ތާރީޚުގައި މަޝްހޫރު އިބްރާހީމް ރަސްގެފާނެވެ
އެއްގަލަށްއެރުން
މ މަޖާޒު: (1) ދެމީހުންގެ ރައުޔުގައި އެއްގޮތްވުން (2) އެކުވެރިވުން
އެއްޗަކަށްހެދުން
މ (1) އެއްވެސް ކަމަކަށް ބޭނުން ނުހިފޭނޭހެން ހީވާ އެއްޗަކުން ބޭނުން ހިފާކަހަލަ އެއްޗެއް ހެދުން (2) އެއްވެސް ތަރުބިއްޔަތެއް ނެތި ހުރި މީހަކު ކޮންމެވެސް ކަމެއްގައި ބޭނުން ހިފޭނެގޮތް ހެދުން (3) ބޭނުމެއް ނުހިފިފައި ހުރި މީހަކު ކަމެއްގެ ތެރޭގައި ގެންގުޅޭން ފެށުން (4) މީހަކު އެއްވެސް މަޤްޞަދެއްނެތި ބުނެލި ބަހަކުން ނުވަތަ ކުރިކަމަކުން ރަނގަޅުގޮތުގައި ނުވަތަ ނުބައިގޮތުގައި އަނެކަކު އޭގެ ނަތީޖާ ނެރުން ނުވަތަ ނެރޭން އުޅުން
އެއްޗަކަށްވުން
މ (1) ބޭނުން ނުހިފޭކަހަލަ އެއްޗެއް ބޭނުން ހިފޭގޮތްވުން (2) ތަރުބިއްޔަތު ނުވެވޭނޭހެން ހީވާ މީހަކު ކަމެއްގައި ބޭނުން ހިފޭގޮތްވުން (3) ކަމުދިއުން (4) ކުޅަސަމާސާއެއް ވިހަވުން (5) މަޤްޞަދެއްނެތި ކުޅަކަމަކުން އޭގެ ފޮނި ނުވަތަ ހިތި ނަތީޖާ ފެނުން