radheef.info
ރަދީފު


އެ
ނ ދުރަށް އިޝާރަތްކުރާ ނަމެއް. މިސާލު: އެތަން އެގެ އެމީހާ
ކަނޑުވަނުން
މ (1) ތޮށިނެތިފަޅު ތެރެއަށް ކަނޑުއައިސްވަދެފައިވުން (2) މަޖާޒު: ވަކިމިންވަރެއްނެތި އެއްޗެހިލިބޭގޮތް މެދުވެރިވުން
ކަނޑުވުން
މ ފުރައިގެންދާ އެތިގަނޑު ކަނޑަށްފެތުން ނުވަތަ މީހާ ކަނޑަށްވެއްޓުން
ކަނޑުމަތި
ނ (1) ކަނޑުގެފެންމަތި (2) ކަނޑުގެތެރޭން އެކިސިފަސިފައިގައި ރޭގަނޑަށްފެންނަ ރެދަންލާ މާއްދާއެއް ބައެއްފަހަރަށް އޮޑިދޯނި ފަހަރުގެ ކުނބާއި ވާވެލާވެލި ފަދަ ތަންތަނުންވެސް މިރެދަން ފާޅުވެއެވެ މިއީ ޖައްވުގައިހުންނަ ހަކަތައިގެބާރުން ދިއްލޭ ދިއްލުން ތަކެކެވެ
ކަނޑުފެއްތުން
މ (1) ކަނޑުލައި މެރުން (2) މައްޗަށްނާރާނޭހެން ކަނޑުއަޑިޔަށް އެއްޗެއް ގެންބުން
ކަނޑުފޭރުން
މ ކަނޑުދަތުރުކުރާ އުޅަނދުފަހަރަށް ގަދަކަމުން އަރައި އޭގައިހުންނަތަކެއްޗާއި މުދަލާއި އަދި ބައެއްފަހަރަށް އުޅަނދުވެސް އަތުލައިގަތުން
ކަނޑުދެވި
ނ ފަންޑިތަވެރިންގެ ޚިޔާލީ ދެތްވެއް މިއީ މަސްވެރިކަމާގުޅޭ ދެތްވެއްކަމަށް ބުނެއުޅެއެވެ
ކަނޑުތުރަފަތް
ނ (1) މަސާރީ (2) އެނދުވަށައިގެން ދަމާ ފޮތިގަނޑު
ކަނޑުލަނޑާ
ނ )އ ( ކަޅުނޫކުލައެއް ބުރިކަށީގައިހުންނަ ބަނޑުދޮށް ހުދުލަނޑައެއް މިލަނޑާ ގިނައިން އުޅެނީ ފުއްޓަރުގެ ރާޅު ބިންދާ ތާނގައެވެ
ކަނޑުލަބަރި
ނ ޚިޔާލީ ފުރޭތައެއް މިފުރޭތައަކީ މީހަކު ބުނާހައި އެއްޗެއް ފަހަތުން ބުނާ އެއްޗެއް ކަމަށް ބުނެވެއެވެ
ކަނޑުލަބަރިހެދުން
މ މީހަކުބުނާ ހައި އެއްޗެއް އެމީހާއާއި ދިމާޔަށް ބުނުން
ކަނޑުލޮނު
ނ (އ) ކަނޑުގައި ވަށްކޮށް ބިއްލޫރި ކޮޅެއްހެން ހުންނަ އެއްޗެއް މިއީ ފިރުޢައުނު މުދަލުގެ ބާވަތެކެވެ.
ކަނޑުގައި އަޅާރޮނގެކޭ އެއްފަދަ
)މިސާލުބަހެއް( ބުނެދޭ އެއްޗެއް ނުވަތަ ދަސްކުރާ އެއްޗެއް އަވަހަށް ހަނދާން ނެތުނީމާ ދީއުޅޭ މިސާލެއް
ކަނޑުގައިހުއްޓައިއަގުކިޔުން
މ މަޖާޒު: ކަމެއް ނުވެއޮއްވާ އެކަމާދޭތެރޭ ހަދާނެގޮތް ކިޔުން
ކަނޑުގުރުވަ
ނ ގުރުވައިގެ ބާވަތެއް. މިއީ ކުދިކުދި ހުޅުނބުތަކެއް ހުންނަ ހަންގަނޑުބޯ ރީތި މަހެކެވެ. މަހުގެ ދިގަށް ކަޅު ނުވަތަ ގަދަމުށި ކުލައިގެ ފުޅާ ރޮނގުތަކެއް ހުރެއެވެ. ތުނބާއި ކޮތަރިތަކާއި މަހުގެ މަތީބައި ހުންނަނީ ދޮންރީނދޫ ކުލައިގައެވެ. ކޮތަރިތަކާއި ނިގޫފަތުގައި ކަޅުކުލައިގެ ލައްތަކެއް ހުރެއެވެ މަހުގެ ބަނޑުދަށް ފަރާތުގައި ހުންނަނީ ރިހި ހުދުކުލައެވެ
ކަނޑުގެރި
ނ ވާލަންމަސް ޢާއިލާގެމަހެއް. މިމަހުގެ ސިފައާއި އުޅުން ވާލަންމަހާއި ވަރަށް ވައްތަރުވާނެއެވެ. މިބާވަތުގެ ފިރިހެންމަހުގެ ނިތްމަތިން މަހުގެ ކުރިއަށްވާ ގޮތަށް ދަޅެއް ފަޅާފައިހުރެއެވެ. އަންހެންމަހުގެ ނިތްމަތި ހުންނަނީ ގޮތްބެއްހެން އުސްވެފައެވެ. މަހުގެ މަތީބައިގެ ކުލައަކީ ގަދައަޅިކުލައެވެ ބަނޑުދަށްފަރާތް ހުންނަނީ ފަނޑުހުދު ކުލައެއްގައެވެ މަހުގެ އަނގަ ކުޑަވާނެއެވެ ހަންގަނޑު ބޯވެފައި ކުދިކުދި ހުޅުނބުތަކެއް ހުރެއެވެ
ކަނޑޫ
ނ (1) ޗަސްބިމުގައި ތެދަށް ހެދޭގަހެއް. މިއީ އެއްވަރަކަށް ގޮފިލަމުން ހެދޭގަހެކެވެ. (2) ކަނޑޫގަހުގެ ލަކުޑި. މިއީ ވަރަށް މޮޅު ލަކުޑިއެކެވެ. އޮޑިދޯނިފަހަރުގެ ފަށަންލުމަށް ބޭނުންކުރަނީ މިލަކުޑިއެވެ. (3) ކަނޑޫގަހުގެ ވައް. މިވަކަކީ މަލުން ނުކުންނަ ހިމަދިގުކޮށް ދެކޮޅަށްތޫރިކޮށް ހުންނަ ތޮޅިއެކެވެ. މިވައް ދޮންނުވާއިރު ހުންނަނީ ފެހިކުލައިގައެވެ. ދޮންވުމުން ރަތްފެހިކުލައަކަށް ބަދަލުވެއެވެ. މިވަކަކީ ފަލަމަޑީގެ ގޮތުގައި ކެއުމަށްވެސް ބޭނުންކޮށްއުޅޭ އެއްޗެކެވެ
ކަނޑޫވަޅި
ނ ކަނޑޫކަހާން ހަދައިފައިހުންނަ ޚާއްސަވަޅި މިވަޅި ހުންނާނީ ހަނުލައިފައި މިޔައިގެ އެއްފަރާތަށް ދާރައަޅާފައެވެ
ކަނޑޮހޮޅި
ނ މާކަނާ ތަޅުދަނޑިފާޑުގެ އެއަށްވުރެ ފަލަ ހުދުކުލައެއްގައި ހުންނަ ހޮޅިއެއް މީގެ ބައެއް އެއްޗެހީގެ ބޭރު ކަޅުކުލައެއްގައިވެސް ހުރެއެވެ މިހުންނަނީ މޫދުގައި ހުންނަ ގައުކޮޅުކޮޅުގައި ތަތްވެފައެވެ މިއީ ބޭހަށް ބޭނުންކުރާ އެއްޗެކެވެ
ކަނޓަ
ނ )ގ ( (1) މޫދުގައި ހުންނަ ތިލޯށި (2) އެއްގަމުގައި ޖަހާ ކަޑަ
ކަނަހަނދުން
ނ ބޭހަށް ބޭނުން ކުރަން ގެންގުޅޭ ލަކުޑިއެއް މި އެންމެ ވައްތަރުވާނީ ރަތްބަބުރު ކެލައާއެވެ