radheef.info
ރަދީފު


ޖ
އ ތާނައިގެ ތޭވީސްސވަނަ އަކުރު
މަސް
ނ (1) ފެނުގައި ދިރިއުޅޭ ކޮތަރިއާއި ނަގޫފަތް ހުންނަ ދިރޭ އެއްޗެއް. )މީގެގިނަ ބާވަތްތަކަކީ ކާންބޭނުންކުރާ އެއްޗެއްސެވެ.( (2) އިންސާނުންނާއި ޖަނަވާރާއި މަސްމަހާމެއްސާއި. ދޫނިސޫފާސޫފީގެ ހަށިގަނޑުގައި ހަމާ ކައްޓާ ދެމެދުގައި ހުންނަބައި. (3) އިހި ބޮލި ރާކަނި ފަދަތަކެތީގެ އެތެރޭގައި އޮންނަބައި (4) އަހަރެއްގެ ބާރަބައި ކުޅަ އެއްބައި (5) ދޫމިޖަހާހެން ބިލެތުގައި ޖަހާ އެއްޗެއް (6) އިންސާނުންނާއި އެނޫންވެސް ބަނޑުއަޅާ ވިހާ އެއްޗެހީގެ ދަރިންގެ ފޫޅު ދަނޑިއާ ގުޅިފައި އޮންނަ އެއްޗެއް
މަސްހުނިކުރުން
މ މަޖާޒު: (1) ތަފާތު އެއްޗެހިތަކެއް އެއްކޮށްލުން (2) ތަފާތު މީހުންތަކެއް އެއްކޮށްލުން
މަސްހުނިވުން
މ މަޖާޒު: (1) ބައެއްކަހަލަ އެއްޗެހި ތަކެއް އެކުވުން (2) ވަކިތަރުތީބަކުން ހުންނަންވީ އެއްޗެހިތަކެއްގެ ތަރުތީބު ގެއްލި އެގޮތްމިގޮތްވުން (3) ތަފާތު މީހުންތަކެއް އެކުވުން
މަސްރަޙް
ނ (1) ކުޅިވަރު ކުޅެން އުސްކޮށް ހަދާފައި ހުންނަ ތަންތަން. (2) މަޖާޒު: ގަސްދުކުރެވޭ މަޢުނަވީ ދާއިރާއެއް. މިސާލު: ސިޔާސީ މަސްރަޙު ކުޅިވަރުގެ މަސްރަޙް
މަސްކަނދުގަނޑު
ނ ބޮޑުވަތާ ކުނބުވަތާއި ދެމެދުގައި އޮންނަ އިންނަފަތް މަތީގައި ނަގައި އެޅޭގޮތަށް ބާއްވާ ހުރަސްބެރިއެއް. މިއީ މަސްބާނާއިރު އޭގައި މަސް ޖެއްސުމަށްޓަކައި ބާއްވާ ބެރިއެކެވެ
މަސްކޮށި
ނ (1) މަސްލައިފައި ބައިތިއްބުމަށްޓަކައި ފަޅުތެރޭގައި ދަނޑި ނުވަތަ އެނޫންވެސް އެއްޗަކުން ހަދައިފައި ހުންނަ ކޮށި (2) މަސްގެންގުޅޭން ބިއްލޫރި ޖަހައިގެން ހަދައިފައިހުންނަ ކޮށި (3) މަސްހިފުމަށްޓަކައި ކަނޑަށް ފައްތަން ހަދައިފައިހުންނަ ކޮށި
މަސްއޫލިއްޔަތު
ނ (1) ކަމެއްގެ ޒިންމާ (2) ކަމެއް ބޮލުގައި އަޅަންޖެހޭ ޖެހުން
މަސްއޫލުވެރިޔާ
ނ ޒިންމާ ބޮލުގައި އަޅަންޖެހޭ މީހާ
މަސްވަރުލައިގަތުން
މ ޙައިޟުގެ ކަންތައްޖެހުން
މަސްވަޅިލުން
މ މަޖާޒު: ފިރިހެނަކު އޭނާ ހިތާވެގެން އުޅޭ އަންހެނެއްގެ ގެޔަށް ގޮސްފައި އެބުރި އަންނަމުން ހަނދާން ނެތުނީކަމަށް ހަދައިފައި އެގޭގައި އެއްޗެއް ބޭއްވުން
މަސްމުޑުކާ
ނ ލޮނުމަސް އަޅަން ބޭނުންކުރާ ޖާޑިކަހަލަ އެއްޗެހި
މަސްފަތަފޮޅި
ނ މަސް ބޯކިބަލާ އެއްގޮތަށް ފުށްގަނޑު މޮޑެގެން ބަނަސް ހުންނަ ސިފަޔާ ދާދި އެއްގޮތަކަށް ފަތުގައިޖަހައި މަތި އަންދައި ފިހާ ހެދިކާ އެއްޗެއް
މަސްފެން
ނ މަހާއި ހުންޏާއި ލުނބޮޔާއި މިރުހާއި ފިޔައާ އެއްކޮށް ލޮނުޖަހައިގެން މޮޑެ ކާށިކިރު ނުވަތަ ފެން އަޅައިގެން ތައްޔާރުކުރާ ލައިގެންކާ ދިޔާ އެއްޗެއް
މަސްދަތްމަރަވަޅި
ނ މަސްދަތުން އުށް ޖަހައިފައި ހުންނަ މަރަވަޅި
މަސްދުމަށި
ނ މަސްދިލަ ޖެއްސުމަށްޓަކައި ތައްޔާރުކުކޮށްފައި ހުންނަ އަށިގަނޑު
މަސްތުރަވުން
މ ކުއްޖާ ދުނިޔެއަށް އަންނައިރު ކުއްޖާގެ ފޫޅުދަނޑިއާ ގުޅިފައިވާބައި މައިމީހާގެ ބަނޑުން ބޭރުވުން
މަސްތެޅުން
މ މަޖާޒު: ޖިމާޢުވުން
މަސްޖެހުން
މ (1) ހަށިގަނޑު ފަލަވުން. (2) ދުމަށި ނުވަތަ ފައްލަވަ ނުވަތަ ވަށިފަދަ ތަކެތީގައި ވަކި ތަރުތީބަކުން މަސްއެތުރުން (3) ބިލެތުގައި ލައްޖެހުން (4) މަސްއައިނުން މަސްފުމުން (5) ވަދުގައި މަސްގަތުން
މަޑަ
ނ (1) ބޮޑެތި މަހަށް ޖަހަން ދޮއްދަނޑީގެ ކޮޅުގައި ހަރުކޮށްފައި ހުންނަ ކަނިފަށްލީ ދަގަނޑު އާލަތެއް (2) )ބދ ( އުރަމަތި
މަޑަލަ
ނ )ރ.( ފަނިހަނދީގެ ބާވަތެއް. )އާދައިގެ ފަނިހަންޖަށްވުރެ ކަންފަތްގަނޑު ދިގު ބުރަކަށި ފަރާތުގެ ކުލަކަޅު ބޯ ވަށްމަހެއް