radheef.info
ރަދީފު


ކޮށް
ނ (1) މާކަނައާއި ރާބޮނދި ފަދަ ތަކެތި ކުއްލިއަކަށް ކޮށައިގަންނަ ގޮތަށް ކިޔާނަން (2) )މަލިކު( އ ކުރެން
ގަނޑު
ނ (1) އެއްޗެއް ދެރަކޮށްލުމުގެ ގޮތުން ބުނާބަހެއް. މިސާލު: މުންޑުގަނޑު. (2) މުޅި އެތިކަން އެންގުމަށް ބުނާ ބަހެއް. މިސާލު: ކެޔޮގަނޑު. (3) އަންހެނުންނާއި ޅަދަރިންނަށް ލޯބިން ވަކިނަމަކާ ގުޅުވައިގެން ކިޔާ ނަމެއް. މިސާލު: )ހ( ލޯބިގަނޑު. )ށ( ކުއްޖާގަނޑު. (4) ހަށިގަނޑުގެ ލޭ ނުބައިވުމުގެ ސަބަބުން ދުޅަވާ މުލިހި ފާޑުގެ ތަނެއް. މިސާލު: އޭނާގެ އުކުޅުވަޅުގައި ގަނޑެއް ނަގައިފިއެވެ. (5) ލަކުޑިން ހަދައިފައިވާ އެއްޗެއް މަރާމާތު ކުރުމަށާއި އަދި މިނޫންވެސް ގޮތަކުން ލަކުޑިގަނޑަކަށް ގުޅާލާ ލަކުޑީގެ ބައި. (6) ވަކި ސަރަހައްދެއް ކަނޑަ އެޅުމުގެ ގޮތުން ބުނާ ބަހެއް. މިސާލު: ތަންގަނޑު މީހުން. (7) އެއްޗެއްގެ ބައެއްކަން ދޭހަކޮށްދިނުމަށް ބުނާ ބަހެއް. މިސާލު: މަސްގަނޑު. (8) ތަގަރި. (9) ފިނިވެގެން ގޮސް ވާހަރު. )01( ގަނޑުފިއްލާ ކުޅޭއިރު ފިލުވައި ނިވާކޮށްފައި އޮންނަމީހާ (11) ބައެއް ކުޅިވަރު ކުޅުމަށް ބުނެއުޅޭ ބަހެއް މިސާލު: )ހ( ރާޒުވާ ގަނޑެއް ޖަހައިލުން )ށ( ތާސްގަނޑެއް ޖަހައިލުން (21) ކަރުދާސްއަރި މިސާލު: ކަރުދާސްގަނޑު
ގަނޑުރަބަރު
ނ އެއްކޮށް ހުންނަ ބޮޑެތި ރަބަރު ގަނޑުގަނޑު
ގަނޑުކާގަނޑު
ނ (1) އެއްވައްތަރެއްގެ ތަކެތީގެ ތެރެއިން ހޮވައިވަކި ކުރުމެއްނެތި (2) ހުރިހާ ބާވަތެއްގެ ތަކެތި އެއްކޮށް މިސާލު: ހުރިހާ ފިޔާތައް ގަނޑުކާގަނޑު އެއްކޮށްނެގީ ދޮންމަނިކެވެ
ގަނޑުފިއްލާކުޅުން
މ "ގަނޑުފިއްލާ" އޭ ކިޔާ ކުޅިވަރު ކުޅުން. މި ކުޅިވަރު ކުޅޭ ގޮތަކީ ކުޅޭ މީހުން ދެބަޔަކަށް ބަހައި ކުރިން ގަނޑުއަޅަން ދާމީހުންގެ ތެރެއިން އެކަކު ގަނޑަކަށް ހަދަން ކަންނެޔޮތަކާ ބާލީސްތައް އޭނާގެ ގައިމަތީ ބަހައްޓައި އެއްޗަކުން ނިވާކޮށް އެބައިގެ އެހެން އެންމެން ފިލާ ތިބެފައި އަތްތިލަބަޑި ޖެހީމާ އަނެއްބައިގެ މީހުން އައިސް ގަނޑަށް ގޮވައި މިވެނި މީހަކު ތެދުވާށޭ ބުނުމުން ދިމާވެއްޖެނަމަ ތެދުވަނީއެވެ ދިމާ ނުވެއްޖެނަމަ ލަނޑެއް ދެވުނީއެވެ
ގަނޑުދުވަނި
ނ އާދަޔާ ޚިލާފަށް މާބޮޑެތިކޮށް ނަގާ ދުވަނި
ގަނޑުތޮށަލިޖެހުން
މ )ޏ ( ތޮށަލިން ހިޔާކޮށްފައިވާ ފުރާޅެއް ބާވެގެން ވާރޭ ވެހެން ފެށުމުން އެތަން ތަނަށް ތޮށަލިލެއްވުން
ގަންހިންގުން
މ އިހުގައި ބޮޑެތި ބައެއްކުށް ކުށުގެ އަދަބަކަށް ކޮލިހިނގާމަގުގައި ކުށްވެރިޔާ ހިންގުން މިކަންކުރަނީ ބުރަކަށީގައި ފަނެއްބަނދެ މޫނުގައި އަޅިދެލި ކުރަހައި އުނަގަނޑުގައި ދެވާ ޖަހައިގެންނެވެ ކޮންމެ ހަތަރު އަނގޮޅި އެއްގައި މަޑުކޮށް އެމީހާގެ ކުށް ބަޔާންކުރާ ޢިބާރާތް ކިއުމަށްފަހު "އަދަބުން އަދަބޯތް" މިހެން ގޮވައިލައި ތަޢުޒީރުކުރާނެއެވެ މިމީހާގެ ފަހަތުން ވަރަށް ގިނަމީހުންނާއި ތެއުޅުވާ ކުދިން ދާނެއެވެ
ގަންނަވައިއެޅުން
މ އެއްޗަކަށް އެއްޗެއް އެޅުމުގައި ބާރުކޮށް އެތެރެއަށް ކޮއްޕައިއެޅުން
ގަންދިނުން
މ ވަކިފަރާތެއް ހެކިކޮށް ހުވާކުރުން
ގަންދީބުނުން
މ ހުވާގެ ދަރަޖައަށް ފަރާތެއް ހެކިކޮށް ވާހަކައެއް ބުނުން
ގަންޖާ
ނ ހިމަކޮށް ވާކޮށް ހެދޭ ގަހެއްގެ މާގަނޑާއެކު ހިއްކައިފައި ހުންނަ ފަތް. މިބޭނުންކުރަނީ މަސްތުވުމަށްޓަކައި ސިނގިރޭޓުގެ ގޮތުގައި ބުއިމަށެވެ
ގަރަހިތަ
ނ ސިފަ ހޯނާ ވައްތަރު ހަލުއިކޮށް ދުވާ ސޫތްޕެއް މިއީ ގަދަ ކުލަތަކެއް އަރުވާ އެއްޗެކެވެ އަދި ގަދަ އޮފެއް ހުންނަ އެއްޗެކެވެ
ގަރަހިތަފަނި
ނ މެދުރާއްޖެތެރެއިން ހިފާ އެމެއް މިއެން ހުންނާނީ ވަރަށް ހިމަހިމަކޮށް ބޯކޮޅަށް ތަންކޮޅެއް ބޮޑުކޮށެވެ މިއެމުގެ ކުލައަކީ ދަނބުކުލައެވެ
ގަރަނބުކުރުން
މ (1) ކިލަނބުކޮށްލުން (2) ހޫނުކުރުން
ގަރަޑަމާ
ނ (1) ނުބައިވަހެއްދުވާ ކިލާކުލައިގައި ކިސުޑިގޮތަށް ހުންނަ މަލެއް އާއްމުގޮތެއްގައި މީގެގަސް ހުންނަނީ ރަށްރަށުގެ ވަލުތެރޭގައެވެ (2) މަޖާޒު: މީހަކު ނުވަތަ އެއްޗެއް ކަމުނުދާކަން ދެއްކުމަށް ނުވަތަ ދެރަކޮށްލުމަށް ބުނެއުޅޭބަހެއް މިސާލު: ހައްތާވެސް ގަރަޑަމަލެވެ
ގަރާޖު
ނ (1) އެއްގަމުގައި ދުއްވާ އެއްޗެހި މަރާމާތު ކުރުމަށް ވައްދާ ތަން (2) އެއްގަމުގައި ދުއްވާ އެއްޗެހި ހިޔާކޮށްފައި ބާއްވަން ހަދައިފައިވާ ތަން
ގަރުދިޔަ
ނ ފެނުތެރެއަށް މަސްއަޅައި ލޮނުހެޔޮވަރުކޮށްގެން ކައްކައިފައި ހުންނަ ލައިގެންކާއެއްޗެއް
ގަބުރުބެހެއްޓުން
މ ކަނޑުމަތީގައި މަރުވާމީހާ ހިނަވާ ކަފުންކޮށްފައި އަޑިޔަށް ދާގޮތަށް ކަނޑުގައި ބޭއްވުން
ގަބުރުސްތާނު
ނ މީހުން ވަޅުލުމަށް ޚާއްޞަކޮށްފައިވާ ތަން
ގަބުޅިކާށި
ނ (1) ޅަކާށި (2) ގަބުޅިއާއި ކާއްޓަށްއެއްކޮށް ކިޔާގޮތް