radheef.info
ރަދީފު


ހުން
ނ (1) ހަށިގަނޑު ހޫނުވާ ބައްޔެއް މިބަލީގެ ކިތަންމެ ބާވަތެއް ހުރެއެވެ (2) )އ ކ ( ބަރުއެއްޗެހި ނަގާއިރު ބާރުލާން ބުނާބަހެއް (3) ތިމާޔާ ޒުވާބުކުރާ މީހަކު ދެރަކޮށްލާން އިއްވާއަޑެއް
އޮރިޔާންކާޑު
ނ މީހުން އޮރިޔާމުން ކުރެހިފައި ހުންނަކާޑު
އޮރުވާ
ނ އޮޅުދޫ ކަރައިގެ މީހުން މަހަށްދާން ގެންގުޅޭ ބަރާދޯނި މީގެ ދެކޮޅު ހުންނާނީ އެއްގޮތަށެވެ އަނގަމަތީގެ ފުޅައުމިންވާނީ ރިޔަނެއްހައި ވަރެވެ
އޮރުދޫބަސް
ނ އިންޑިޔާއާއި ޕާކިސްތާނުގެ މީހުން ވާހަކަދައްކާ އުޅޭބަހެއް
އޮބި
ނ (1) މަހެއްގެ ސިފައިގައި ދެފައިކަށްޓަށް ލަކުޑިން ހަދައިފައި އޮންނަ ދައްޗެއް. މިގިނައިން ގެންގުޅެނީ ތެޔޮހާނާއިރު ކައްކައިފައި ހުންނަ ކުނޑި ގަނޑުފެލާށެވެ. (2) ފަންދަމާ ބިތުގައި ބޭރުން ފަންތަކުގެ ދިގަށް އަޅާފަތިގަނޑު. (3) ބައެއް ތަންތަން އޮއްބައި ހިފެހެއްޓުމަށްޓަކައި އަޅާފަތިގަނޑު ނުވަތަ ދަނޑިގަނޑު
އޮބިގަނޑުމަތީފެންފުހުން
މ އޮބިގަނޑުމަތީ އަޅާބޭސް އަޅައިފައި އޮއްވައި ވުޟޫކުރާން ވީމާއޭގެ މަތީފެން ފުހުން
އޮޅި
ނ (1) ދޮރުދޮރުގެ މައްޗާއި ތިރީގައި ހުންނަހުރަސް (2) އަށިއަށީގެ ދެފަރާތުގައްޔާއި ދެކޮޅާއި މެދުގައި ހުންނަފަތް (3) ބައަކު މީހުން (4) ޤަވާޢިދެއްގެ މައްޗަށް އެކުލެވިގެންވާ ބައަކުމީހުން
އޮޅިމެދުރަށް
ނ އެކިއެކި އޮޅިމެދަށް މުސާރައެއްގެގޮތުން ދެއްވައިފައި ހުންނަރަށްރަށް
އޮޅިފޭލި
ނ ރޯލަށް އޮޅައިފައި ހުންނަ ދެފުށް ދެކަހަލަ ސާޓަނެއް
އޮޅު
ނ (1) ބޭރުރަށްރަށުގައި އޮޑިދޯނި ފަހަރަށް ވަދެވޭނޭހެން ހުންނަ ފުންތަންތަން. (2) ފަޅުތެރޭގައި އުނިޔަވައްދާން ފުންކޮށްފައި ހުންނަ ވަޅު. (3) ބޮނބިފައުކުރާން އެއްގަމުގައި ހަދައިފައިހުންނަ ތަންތަން. (4) އަލަ އިންދުމަށްޓަކާ އަޑިކޮށް ހަދައިފައި ހުންނަބިން. (5) ދެއެއްޗެއްކައިރި ކުރުމަށްޓަކައި ބާރުލާން ދަނޑިގަނޑެއްލައްވައިގެން އަނބުރައި ބާރުކޮށްފައި ހުންނަ ރޯނުގަނޑު ނުވަތަ މާރުގަނޑު (6) ވަގުކަމާއި ސިހުންފިލައި ގާތްވެފައިވުން
އޮޅުންސުވާލި
ނ (1) ބޭހުގެ ބާވަތެއް މިއީ ވަކިފޫފާޑަށް އެޔަށްވުރެ ތަންކޮޅެއް ދިގުކޮށް ދަށްފަށަށް އޮޅިފައި ހުންނަ ތޮޅިއެއް (2) އޮޅުން ސުވާލީގެ ސިފައިގައި ފުށުންހަދައި ތެލުލައިފައި ހުންނަފޮނިކާއެއްޗެއް
އޮޅުކުރުން
މ (1) ވަގުކަމާއި ސިހުން ކެނޑުވުން (2) ދޯޅުކުރުން
އޮޅުމަސް
ނ ބާވަތެއްގެ ލަނޑައެއް މިހުންނާނީ ނޫލަނޑައަށްވުރެ ބޮޑެތިކޮށް ފުޅައުކޮށް ކަޅުކޮށެވެ މީގެނަގޫފަތުގެ ރާވަޅި ތަންކޮޅެއް ދިގުވާނެއެވެ މީގެބޯ ވަށްވެފައި ބޮލާއި ހަށިގަނޑާ ބެދުނު ހިސާބުން ބުރިކަށިމަތީގައި ގޮން ގަނޑެއް އޮންނާނެއެވެ މިއަށް މިނަން ކިޔުނީ ތަންތާނގައި ބިތްޖެހިފައި ގިނައިން އިންނާތީއެވެ
އޮޅުފަތި
ނ ބާވަތެއްގެ މިޔަރެއް. މީގެ ބުރަކަށިމަތީގައި ތިން އުރަހަ ހުންނާނެއެވެ. މީގެ ބަނޑުދޮށުގައި ހުންނަ ދެފިޔަފަތުން މިދާނޭމަގު ކޮނެފުން ކުރަމުންދުވެއެވެ. މީގެ ބޯ ތަންކޮޅެއް ދިގުވާނެއެވެ. މިއީ ދޯނިފަހަރާއި މީހުންގައިގައި ދަތް އަޅާއި އުނދަގޫދޭ ނުބައި މިޔަރެކެވެ
އޮޅުފަސް
ނ އާނުގެ ދަށުގައި ހުންނަފަސް
އޮއިނާށި
ނ މޫދުގައި އޮވެ މޫދުގެވަސް ހިފާފައި ހުންނަނާށި
އޮއިކާށި
ނ މޫދުގައި ގިނަދުވަސް ވާންދެން އޮވެ ފަރުވަސް ހިފައިފައި ހުންނަކާށި
އޮއިއަސްދަނޑި
(1) ކަނޑުއޮޅީ އޮޔާއި ކަނޑުގެ އޮޔާ ބެދުނުތާނގައި ކުދިރާޅު ހެދިފައި އޮންނަ އަސްދަނޑި (2) ކަނޑުއަޑީގައި ހުންނަ އުސް ގައުގަލަށ އޮއިވަރު ހިފީމާ އެމައްޗަށް އަރާ ދަމާލާފައި އޮންނަ ފަށް މިފަށް އޮންނާނީ އޮމާންކޮށެވެ
އޮއިވަސް
ނ މޫދުގައި ނުވަތަ ކަނޑުގައި އެއްޗެއް ގިނަދުވަހު އޮތީމާ ހިފައިފައި ހުންނަ ފަރުވަސް
އޮއިވާލިމިޔަރު
ނ އިރުވައިގެ އޮޔާއެކު އަންނަ ކުނިކުނި ކޮޅުގައި އަޅާފައި ހުންނަ މިޔަރު
އޮއިދުނި
ނ ކަނޑުތެރޭ އޮއި ދެމިފައި ހުންނަ ރޮނގުރޮނގު