radheef.info
ރަދީފު


ޖ
އ ތާނައިގެ ތޭވީސްސވަނަ އަކުރު
މަގުކޮށުން
މ (1) ވަލުތެރޭގައި ހުންނަ މަގުތައް ވާވެ ގަސްތައް ބޯވާން ފެށީމާ ކޮށައި ސާފުކުރުން (2) މަގުމަތި ބެދޭނެ ފަދަ ގޮތަކަށް ހުންނަ ގަސްތައް ކޮށައި ސާފުކުރުން (3) މަޖާޒު: ކަމެއް ކުރިއަށް ގެންދާނެގޮތް ރާވައި ފަހިކުރުން
މަގުއަމާންވުން
މ (1) މަގުމަތީގައި އެއްވެސް ނުރައްކަލެއް ނެތުން (2) މަޖާޒު: ކުރަން އުޅޭ ކަންތަކަށް އެޅިފައި ހުންނަ ބައެއްޒާތުގެ ހުރަސްތައް ފިލުން
މަގުއޮޅުން
މ (1) ހިގުމުގައި ނުވަތަ ދަތުރުކުރުމުގައި ދާންވީގޮތް އޮޅުން (2) ދެވޭނުދެވޭތަނެއް ނޭނގުން (3) މަޖާޒު: ތިމާގެ މަޤާމު ތިމާއަށް އޮޅުން (4) ހެޔޮކަމަކަށް ނުބައިކަމެކޭ ހީވުން ނުވަތަ ނުބައި ކަމަކަށް ހެޔޮކަމެކޭ ހީވުން
މަގުފަހިވުން
މ މަޖާޒު: ކަމެއް ކުރެވޭނެގޮތްތައް މެދުވެރިވުން
މަގުފިރުމުން
މ މަޖާޒު: ހިރެމުން ހިރެމުންދާގޮތަށް މަގުމަތީގައި ހިނގުން
މަގުފުރެއްދުން
މ (1) ތެދުމަގުން އެއްކިބާ ކުރުވުން (2) މަޖާޒު: މީހަކަށް ނުބައި ނަޞޭޙަތާއި ވަސްވާސް ދީގެން ހެއްލުންތެރިކުރުވުން
މަގުފުރެދުން
މ (1) ތެދުމަގުން އެއްކިބާވުން (2) މަޖާޒު: މީހެއްގެ ނުބައި ނަޞޭޙަތަށް ހެއްލުންތެރިވުން
މަގުފުޅައްފޭލިދެމުން
މ ރަސްމީގޮތުން އެކިއެކި ޢިއްޒަތްތެރީން މާލެވަޑައިގަންނަވާއިރު މަގުގެ ދެފަރާތުގައި ފަތްދަނޑިޖަހައި އެއިން ކޮންމެ ދަނޑިއެއްގައި ދިދަނަގައި އެދަނޑިތަކުގެ ތިރީގައި ހުދުފޮތި ފާޓުގެ ފުޅާމިނަށް ދެމުން
މަގުފޭލިދެމުން
މ މަގުގެ ދެފަރާތުގައި ހުދުފޮތި ދެމުން މިއީމަތީ ދަރަޖައިގެ ބޭފުޅުންނަށް ޢިއްޒަތްތެރިކޮށް ހިތުމުގެ ގޮތުން އިހުގައި ކުރާ ކަމެކެވެ
މަގުތަނަވަސްކުރުން
މ މަޖާޒު: (1) ކަމެއްވެވޭނެގޮތް ހެދުން (2) ބަޔަކު ނުވަތަ މީހަކު ކުރާ ނުވަތަ ކުރަން އުޅޭ ކަމަކަށް ހުރަހެއް ނޭޅޭނެގޮތް ހަދައިދިނުން
މަގުލަސް
ނ ނަނު ރޯނު ފަދަތަކެތިން ދެމަޅިލައްވައިގެން ޖަހާގޮށެއް
މަގުލަސްބެއްދުން
މ މަގުލަސްޖެހުން
މަގުގެއްލިފައިވުން
މ (1) ދާނެމަގެއް ނޭނގިފައިވުން (2) މަޖާޒު: އެއްކައުވަންތަކަން ޤަބޫލުނުކުރުން (3) ކަލަކު ވޮޑިގެންވާކަން ޤަބޫލުނުކުރުން
މަގުގެއްލުން
މ (1) މަގު އޮޅުން (2) މަޖާޒު: އުޅެންވީގޮތް ނޭގުން
މަސައްކަތް
ނ (1) ކުރާކަންތައް (2) ޢަމަލު (3) ނަތީޖާއެއް ނެރުމަށްޓަކައި އުފުލާ ބުރަ (4) ކަމެއް ކުރުމަށް ކުރާ ޙަރަކާތް (5) އާމްދަނީއެއް ލިބޭނޭކަމެއް
މަސައްކަތްކުރުން
މ (1) ނަތީޖާއެއް ނެރުމަށް ނުވަތަ ހޯދުމަށް ބުރަ އުފުލުން (2) ޢަމަލުކުރުން (3) އާމްދަނީއެއް ލިބޭނެކަމެއް ކުރުން
މަސަލަސް
ނ (1) މަސްލަޙަތު. (2) ކުޑަކުއްޖަކު ރުއިން ހުއްޓިގެންވާ މައިތިރި. (3) ބެރުފަށާ ލަވަބައިގެ ފުރަތަމަ ލަވަ ނުވަތަ ބެރުހުއްޓާ ލަވައިގެ ހަތަރުވަނަ ލަވަ އަދި ކުއްލާބުގޭގައި ބެރުކޮޅު ޖައްސަވާއިރު ފައްޓާލަވަ ނުވަތަ ކުޅިހުއްޓޭރޭވެސް ޖަހާލަވަ އެކަމަކު އެރޭގެ މަސަލަސް ތަފާތު ވާނެއެވެ (4) ކުޅިހުއްޓޭރޭ ބަންޑާރަ ކޮށީ މީހުން ޖަހާކުޅިއެއް
މަސަލަސްވުން
މ (1) ޞުލްޙަވުން (2) ކުޑަކުއްޖަކު ރުއިން ހުއްޓި މައިތިރިވުން
މަސަލަސްޖެހުން
މ (1) ވަކި ވަގުތުތަކެއްގައި ވަކިހަމައެއްގެ މަތީން ޖަހާ ރަސްމީ ބެރެއް ޖެހުން (2) ކުޅިހުއްޓާރޭ ބަންޑާރަކޮށީ މީހުން ޖަހާ ކުޅިއެއްޖެހުން
މަސާނާ
ނ ކުޑަކަމުދާ އެއްޗެހި ހަށިގަނޑުގެ ތެރޭގައި ޖަމާވާ ކޮތަޅު