radheef.info
ރަދީފު


މީ
އ )މިއީ( ކައިރީގައިވާ އެއްޗަކީ ކޮން އެއްޗެއްކަން ބުނެދިނުމުގެ ގޮތުން ބޭނުންކުރާ ބަހެއް މިސާލު: މީ އަހަރެންގެ ޤަލަމެކެވެ
ދުޢާވެރިކަންކިޔެވުން
މ (1) އިހުގައި ދުޢާވެރިކަން ކިޔަވާ މީހުން ރޭގަނޑު ނުވައެއް ޖަހާއިރުގައްޔާއި އެގާރަޖަހާއިރު މެދުޒިޔާރަތްދޮށުގައި ޞަލަވާތް ފާތިޙާ ކިޔަވައި ދުޢާކުރުން (2) ރޯދިބަރަކާތަށް ކިޔަވާ ކިޔެވެލި ކިޔެވުން
ދޫހިމެރި
ނ ވެލަށްދުވާ ފިލާވެއްޔެއް މީގެފަތް ހުންނާނީ އެއްތަނޑުގައި ތިންފަތް ހުންނަގޮތަށެވެ
ދޫނި
ނ (1) ކަށިން އުފެދިފައިވާ ހަށިގަނޑެއްގައި ފަތްފަޅައިފައި ހުންނަ އުދުހޭސޫފި )މީގެހަށިގަނޑުގައި ލޭހުންނާނެއެވެ ( (2) މަޖާޒު: ކުޑަކުދިންނާއި އަންހެނުންނަށް ލޯބިން ކިޔާނަމެއް
ދޫނިގަނޑު
ނ މަޖާޒު: މީހުންނަށް ލޯބިން ކިޔައިއުލޭ ނަމެއް
ދޫނުކުރުން
މ (1) އެކިއެކިކަންކަމުގައި ތިމާއަށް ފެންނަގޮތުގައި ހިފެހެއްޓުން (2) ބަނދެފައި ބަހައްޓާ ދިރޭއެއްޗެއް މޮހައިނުލައި ބެހެއްޓުން (3) ހައްޔަރުކޮށްފައިތިބޭ މީހުން ހައްޔަރުކޮށްފައި ބައިތިއްބުން (4) އަތުގައިއޮތް އެއްޗެއް އަތުން ދިޔަނުދިނުން (5) ބާރުގެ ދަށުގައި ހުރިއެއްޗެއް ނުދީ ހިފެހެއްޓުން
ދޫންޏަކަށް ފިޔަމަޅާލަންވެސްނުކެރޭ
މިސާލު: ތަނެއްގެ ހައިބަތު ބޮޑުކަމާ ހުރެ އެތަނަށް މީހަކަށް ކުޑަބޭރުއަރަންވެސް ނުކެރޭކަން ދެއްކުމުގެ ގޮތުން ބުނެއުޅޭ ބަހެއް މިސާލު: އެގަނޑުވަރުގެ މަތިން ދޫންޏަކަށް ފިޔަމަޅާލަންވެސް ނުކެރޭނެއެވެ
ދޫކުރުން
މ (1) ބަންދެއްގައިވާ މީހަކު މިނިވަންކުރުން (2) ވީއްލުން މިސާލު: ވީއްލުން (3) ކަމަކުން އެއްކިބާވުން މިސާލު: ދުންފަތުގެ އިސްތިޢުމާލު ކުރުން ހުއްޓާލުން (4) ދިނުން މިސާލު: ޕާސްޕޯޓް ދޫކުރުން (5) އަތުގެ ތެރެއިން ފިރުއްކުން މިސާލު: ނަނު ދޫކުރުން (6) ލުޔެއްދިނުން (7) ވާންކަން ކަނޑުވައިލުން (8) ހިފެހެއްޓުމުގެ އިދިކޮޅު (9) ދެކޮޅު ނެހެދުން މިސާލު: ކަލޭ ޖެހޭނީ ބޮޑެތި މީހުންނަށް ދޫކުރާށެވެ
ދޫކޮށްލުން
މ (1) ވީއްލުން މިސާލު: )ހ( ރޯދަ ވީއްލުން )ށ( ބަންދެއްގައިވާ މީހަކު ދޫކޮށްލުން (2) ގުޅުން ކަނޑައިލުން (3) ކަމަކުން އެއްކިބާވުން މިސާލު: ދުންފަތުގެ އިސްތިޢުމާލު ކުރުން ދޫކޮށްލުން (4) ދުރުހެލިވުން މިސާލު: ނުބައި ޢަމަލެއް ދޫކޮށްލުން (5) ހުއްދަކުރުން މިސާލު: މަނާވެފައި ނުވަތަ ހިފެހެއްޓިފައި އޮތްކަމެއް ދޫކޮށްލުން (6) ލުޔެއްދިނުން (7) ވާންކަން ކަނޑުވައިލުން (8) ހިފެހެއްޓުމުގެ އިދިކޮޅު (9) މިނިވަންކުރުން
ދޫވެރިހިކަނދާ
ނ މަޖާޒު: )ސ ( (1) ކަނދުފަތި ކަނބާމީހާ (2) އަންހެނުންނާ ފިރިހެނުންނާ ދެމެދު ގުޅުވައިދޭ މީހާ
ދޫވެރިކަން
ނ )ޏ ( ދެމީހެއްގެ ދެމެދުގައި ކަނދުފަތިކަނބާ ކެނބުން
ދޫފަސޭހަމީހާ
ނ ވާހަކަދައްކަން ފަރިތަވެފައި އެކަމަށް ކުޅަދާނަމީހާ
ދެހަށިދެތަންވުން
މ މަޖާޒު: މައިމީހާގެ ބަނޑުން ދަރިފުޅު ބޭރުވުން
ދެނަހުރިބައި
ނ އިހުގައި ވިޔަފާރީގައި ކޮންމެވެސް ގޯހެއް ހަދާއިރު އެކަންދެނަހުރިމީހަކު އެކަން ފާޅުނުކުރޭތޯ އެކަންތައް ހިންގާ ބަޔަކު އެމީހާއަށް އަޅާބައި
ދެބަންދިހާރު
ނ (1) ގަމާރު (2) ކުރެވޭ ނުކުރެވޭކަންތައް ނޭނގޭ މީހާ
ދެބަރުއުފުލުން
މ ބޮޑުބުރައެއް އުފުލަންޖެހިފައި އޮއްވައި އެފަދަ އެހެން ބުރައެއް އުފުލަން ޖެހުން މިހެން ބުނެއުޅެނީ ތިމާގެ ކުޑަކުއްޖަކު އޮއްވައި އެހެން މީހެއްގެ ކުޑަކުއްޖަކު ބަލަން ޖެހުމުންނެވެ
ދެބައިވަގު
ނ ދެކޮޅުވެރިކަން އުފެދިފައިވާ ދެބައެއްގެ ދޭތެރޭގައި ކޮންމެ ބަޔަކަށްވެސް ހެޔޮމީސްވެގެން އެބައެއްގެ އަޑިކޮނެގެން އަނެއް ބަޔަކަށް ގެންގޮސްދޭ މީހާ
ދެބައިލޮނި
ނ )ޅ ( ބައިބަހައިގެންކުޅެވޭ ކުޅިވަރުތަކުގައި ދެބަޔަށް ކުޅެވޭ ގޮތަށް ހުންނަމީހާ
ދެބެންގެދެދަރި
ނ (1) އެއްބަނޑުއެއްބަފާ ނުވަތަ އެއްބަފާ ނުވަތަ އެއްބަނޑު ދެމީހުންގެ ދެދަރި (2) )ޏ ސ ( އެއްބަނޑު އެއްބަފާ ނުވަތައެއްބަފާ ނުވަތަ އެއްބަނޑު ދެފިރިހެނުންގެ ދެދަރި
ދެބެއިން
ނ (1) އެއްބަނޑު އެއްބަފާ ނުވަތަ އެއްބަނޑު ނުވަތަ އެއްބަފާ ނުވަތަ ގާތްތިމާގެ ދެމީހުން ނުވަތަ ދެކުދިން (2) )ޏ ސ ( އެއްބަނޑު އެއްބަފާ ނުވަތަ އެއްބަނޑު ނުވަތަ އެއްބަފާ ނުވަތަ ގާތްތިމާގެ ދެފިރިހެނުން ނުވަތަ ދެފިރިހެން ކުދިން
ދެބެއިންގެދެދަރި
ނ (1) އެއްބަޑުއެއްބަފާ ނުވަތަ އެއްބަފާ ނުވަތަ އެއްބަނޑު ދެމީހުންގެ ދެކުދިން. (2) )ޏ.ސ.( އެއްބަނޑުއެއްބަފާ ނުވަތަ އެއްބަފާ ނުވަތަ އެއްބަނޑު ދެފިރިހެނުންގެ ދެކުދިން