radheef.info
ރަދީފު


އެ
ނ ދުރަށް އިޝާރަތްކުރާ ނަމެއް. މިސާލު: އެތަން އެގެ އެމީހާ
ކަށްބަކަސަލަ
ނ )ބދ ( އެއްވެސް ބުރަކަމެއްނެތް ލުއިމަސައްކަތް
ކަށްވަސް
ނ ކެލާއަތަރާ ހުދު ކާފޫރު އެކުވީމާ ދުވާވަސް
ކަށްޑަނަ
ނ (1) މައްޔިތާ ގެންދާ އަށިގަނޑު (2) ޚިޔާލީ ފުރޭތައެއް މިހުންނަނީ ސަންދޯކެއްގެ ސިފައިގައިކަމުގައި ބުނެވެއެވެ
ކަށްޑަނަޖެހުން
މ މީހުން ގިނައިން މަރުވާ ދުވަސްވަރަށް ގަބުރަސްތާނުގެ ތެރެއިން ރޭގަނޑު އިވޭކަމަށް ބުނާ ނާމާން އަޑު އިވުން މިއަޑަކީ ފިލާތަކެއް އޮއްސާލީމާ އިވޭ ކަހަލަ އަޑެއްކަމަށް ބުނެވެއެވެ
ކަށްޑެވި
ނ (1) ފޮއްސިވާ ބައްޔެއް ޖައްސާކަމަށް ހީކުރާ ޚިޔާލީ ފުރޭތައެއް މިއުޅޭކަމަށް ބުނެވެނީ ޤަބުރުސްތާނުގައެވެ (2) ގަބުރުސްތާނު ތެރޭގައި އުޅޭކަމަށް ފަންޑިތަވެރިން ބުނާ ދެތްވެއް
ކަށްޑެވިމުޅަދެވި
(1) ބައްޔެއްގެ ނަން މިބަލީގައިވާ ގޮތެއްކަމަށް ބުނަނީ ބަނޑުބޮޑުވެ މީހާ ފޮއްސިވުމެވެ މިއީ ޚިޔާލީ ދެ ދެވިކަމަށް ބުނާ ކަށްޑެތްވާއި މުޅަދެވީގެ ސަބަބުން ޖެހޭ ބައްޔެއްކަމަށް ބުނެވެއެވެ (2) ޚިޔާލީ ދެ ދެވި
ކަނބައިދިކިލެގެ
ނ ކަބައިދިކިލެގެ ކަމަށް ކޮލިލައްވާފައިވާ އަންހެނާ. މިއީ ރާއްޖޭގެ އިހުގެ އާދަކާދައިގެ ކަންކަމުގައްޔާއި ރަސްކަމުގެ ޢިއްޒަތުގެ ކަންތަކުގައި ލަފާހޯއްދަވައި އަދި ޢިއްޒަތުގެ ބައެއް ކަންކަމުގައި ބޭނުން ހިއްޕަވާ އަންހެން ތިންކިލެގެއިން ތެރެއިން އެއް ކިލެގެއެވެ
ކަނބިލި
ނ އެއްގަމު ދޫނީގެ ބާވަތެއް މިއީ ވަލުތެރޭގައި އުޅޭ ދޫންޏެކެވެ. މިދޫނީގެ ބަނޑުދަށާއި ކަރުދޮށާއި މޫނުމަތި ހުންނަނީ ހުދުކުލައިގައެވެ. ބުރިކަށިމަތި ހުންނަނީ ކަޅުއަޅި ކުލައެއްގައެވެ. ތުނބާއި ފައިގައި ހުންނަނީ ދޮންފެހިކުލައެވެ. ވަކި ޢުމުރަކަށް ދިއުމުން ރަތްރީނދޫ ކުލައަކަށް ފައިގެ ކުލަ ބަދަލުވެއެވެ. ތުނބުގެ މަތީކޮޅުގައި ރަތްކުލައެއް ހުރެއެވެ. ކާ ވަގުތާއި ސިހުން ލިބޭ ވަގުތުގައި ބޮލާއި ފިނދުފަތް ނަގައި ތަޅުވައި ތިރިކޮށް ހަރަކާތް ކުރުމަކީ ކަނބިލީގެ ޚާއްޞަ ސިފައެކެވެ މީހެއްގެ ނުވަތަ އެއްޗެއްގެ ހިލަމެއްވުމުން އަވަހަށް ފިލައި ބޮނދައެވެ
ކަނބުލޭގެފާނު
ނ އަންހެނުން މަޖިލީހަށް އެރީމާދީ އުޅޭ ލަގަބު
ކަނބޯ
ނ ހިއްތަލަ ގަހުގެވައް މިހުންނާނީ ދިގުމާގަނޑެއްގެ ކޮޅުގައި އެލިފައެވެ
ކަނދި
ނ އުފުލިލައިގެން އޮލައަޅައިގެން ކައްކާ ފޮނިބުއިމެއް މި ކިތައްމެ ބާވަތަކަށް ކިތައްމެ އެއްޗެއްގައި ކައްކައެވެ
ކަނދިކަމަނާމަސްތެލުލުން
މ )މިސާލުބަހެއް( ތިމާކުރާން އުޅޭ މަސައްކަތުގެ ގިނަބައި ތިމާއިންތާ އިނދެގެން އެހެން މީހުންލައްވައި ކުރުވައިފައި މިކުރިކަމެއް ރަނގަޅުވެއްޖެއްޔާ ތިމާ ކުރިކަމެއް ކަމުގައި ހަދައި ނުބައި ވެއްޖިއްޔާ އެހެންމީހުން މަތީއެޅުވީމާ ދީ އުޅޭ މިސާލެއް
ކަނދިމަސް
ނ މުޙައްރަމް މަސް. މިމަހަށް އެނަން ކިޔުނީ މިމަހު ނުވަނަދުވަހާއި ދިހަވަނަދުވަހު ކަނދިކައްކައިގެން ޞަލަވާތް ކިޔަވައި ކުދިން ކިރައި ހަދާތީއެވެ
ކަނދިދުވަސް
ނ މުޙައްރަމް މަހުގެ ނުވަވަނަ ދުވަހާއި ދިހަވަނަ ދުވަސް މިދެދުވަހަށް ކަނދިދުވަހޭ ކިޔުނީ މިދެދުވަހު ކަނދިކައްކައިގެން ގޭގޭގައި ޞަލަވާތްކިޔަވައި އަދި އެކަންޖާއަޅައި ކުދިން ކިރައި ހަދާތީއެވެ
ކަނދިލި
ނ (1) އެތެރެއަށް ތަށިލައިގެން ދިއްލާ ލޯބަންދުތަކަކުން ޖަބުރޯލެއްގެ ބައްޓަމުގައި ހަދައިފައިހުންނަ ފާނޫޒު ފާޑުގެ އެއްޗެއް. އިހުގައި މިދިއްލައި އުޅެނީ ދަމުއަށީގައެވެ. (2) ހަތްތުތިމަހާއި ތުތިމަސް ބުރިތަކެއް ބޭރުން ފެންނާނޭގޮތަށް ކަންކަނަށް ބަނދެ ބޭރުގައި ތުނިފޮތިޖަހައި ކަރުދާސް ހިއްޕައިގެން ދިއްލާ ފޫނޫޒެއް ކަހަލަ އެއްޗެއް މިއީ ރަށްމާލުދުރޭ ަރަދުން މާލޫދު ހަރުގެއަށް ވަޑައިގަންނަވާ މަގުމަތީގައި ދިއްލާން ކުދިބޭކަލުން ހަދާ އެއްޗެކެވެ (3) އަންނާރުފަތް ފާޑަށް ފަތްހުންނަ ތިރިކޮށްހެދޭ ފަތްޕިލާވެއްޔެއް މީގެ ކިތަންމެ ބާވަތެއް ހުރެއެވެ
ކަނދިލިކެޔޮ
ނ މިއީ ފަތްކޭލުގެ ބާވަތެއް. މިއީ ބޮންތިރަތްކެޔޮ ފާޑަށްހުންނަ އެއަށްވުރެ ވަކުގެ އެތެރެހުދު ފަތްކޭލެއް މީގެ ގަހުގެ ދަޅިވެސް ހުދުވާނެއެވެ
ކަނދިލިމައު
ނ ކަނދިލީގައި ޖަހާން ކަޅުކުލައިގެ އޮފު ކަރުދާހުންކަފާ މަލެއް މިމާ ކަފަނީ ބިންވަޅުލައި ފައެވެ
ކަނދު
ނ (1) ތެދަށްހެދޭ ބިޔަވާގަހެއް. (2) ކަނދުގަހުގެލަކުޑި. މިއީ އާރުނުލާ ލުއިލަކުޑިއެކެވެ. މިލަކުޑީގައި ފެނު ބާރުގަދަ ވާނެއެވެ. މީގެ ދެވައްތަރެއް ހުރެއެވެ. (3) ކަނދުފަތި ފަހާށާއި އެހެނިހެން ބޭނުމަށްޓަކައި އޭގެ ކޮޅު ނަރުވިލިކޮށް ބޯކޮށް ހަދައިފައި ހުންނަފިލާ. މިގިނައިން ހަދަނީ ކަނދުގަހުގެ ލަކުޑިންނެވެ. (4) އޮޑިދޯނިފަހަރު އެހެލައި ބަލާއިރު ފަށަން ދޮށަށްލައްވާ ލަކުޑިބުރި. (5) ފެނަށްތިރިކުރާ މަތިންދާބޯޓުގެ ދެފަރާތު ފިޔަފަތުގެ ދަށުގައި ފެނުބާރުހިފާން ހުންނަ ބަރާ. (6) ރާޅާ އެޅުމަށާއި މޫދުގެ ކުޅިވަރުތައް ކުޅުމަށް ގެންގުޅޭ ފެނުބާރު ހިފާގޮތަށް ހުންނަ އެއްޗިހި
ކަނދުއެޅުން
މ އޮޑިދޯނިފަހަރު އެހެލައި ބާލާއިރު ފަށަން ދޮށަށް ވާނޭހެން ލަކުޑި ބެހެއްޓުން
ކަނދުވަލުދޫނި
ނ ބައިބަޔަށް އުދުހޭ ކިރުދޫނި ފާޑުގެ ދޫންޏެއް މިއީ ކަނޑާއި އެއްގަމުގައި އުޅޭ ދޫންޏެކެވެ ބިސްއަޅަނީ ކަނދުގަހުގަ އެވެ