radheef.info
ރަދީފު


ބ
އ ތާނައިގެ ފަސްވަނަ އަކުރު
ބަނގަލާބޯޓު
ނ މުދާ އުފުލުމަށް ބޭނުންކުރެވޭ އުޅަނދެއް މިއީ ކަތިރިޔަލުގައި ކަނޑު ދަތުރުކުރާ އެއްޗެކެވެ މިބޯޓުގައި ގެހަދައިފައި ހުންނަނީ ކޮޅުފަސްކޮޅުގައެވެ މި އުޅަނދު ގެންނަނީ ރާއްޖޭން ބޭރުންނެވެ
ބަނގަލާތެރެ
ނ ގަނޑުވަރު ތެރޭގައި ހުރި މަތިގޭ ތިރީބުރީގެ އިރުމަތީ ދޮރުން ވަދެ އިށީނދެ ތިބޭތަން
ބަނގުރޫޓު
ނ ހުރިމުދަލަށްވުރެ ދަރަނިބޮޑުވެގެން ހުރިހާ މުދާ ވިއްކަންޖެހޭ ޖެހުން
ބަނގުރޫޓުވުން
މ އަތުގައިހުރި މުދަލަށްވުރެ ދަރަނިބޮޑުވެގެން ހުރިހާ މުދާ ނީލަން ކިޔާން ޖެހުން
ބަނގުއާވި
ބަނގުރާގައި ހުންނަ މަސްތުވާބައި މިއީ ކުލައެއްނެތް އަވަހަށް އަލިފާން ހިފާ ސާފު އެއްޗެކެވެ
ބަނގުއާވި
ނ އަލިފާން ހިފާ ކުލައެއްނެތް ސާފު ދިޔާ އެއްޗެއް. މޭވާދިޔައާއި ގޮވާންފަދަ އެއްޗެހި ކަމީރުކޮށްގެންވެސް މިނަގައެވެ. ބަނގުރާއާއި ސެންޓާއި ބައެއްކަހަލަ ދިޔާބޭސް ބޭނުންކުރުމުގައި މި ބޭނުން ކުރެއެވެ
ބަނގުފިލާ
ނ (1) ގަންޖާ (2) މަރުވާނާ މީގެ ގަސްހެދެނީ 4 ފޫޓާއި 6 ފޫޓަށެވެ ބައެއް ގަސް މިއަށްވުރެ ދިގުކޮށްވެސް ހެދިފައި ހުރެއެވެ ފަތް ހުންނާނީ ދަނޑި އަލުވިފަތްހެން 6 ބަޔަށެވެ
ބަނގެރާ
ނ ބަނގުރާ
ބަނޑަ
)ސ ( ބަނޑު
ބަނޑަހަ
ނ (1) ވިޔަފާރިކުރާން ވަގުތީ ގޮތުން ހަދައިފައި ހުންނަ ތަންތަން (2) މަހަށްދާންގޮސް ތިބޭން ރަށްރަށުގައި އަޅާ ވަގުތީގެ (3) ބަނޑަހަގެ
ބަނޑަހަގެ
ނ ގޭގެ ކާޑުގެ ތަކެއްޗާއި ދުންބޮއި ދުފާ ހެދުމަށް ބޭނުންކުރާ ތަކެއްޗާއި އާއްމުކޮށް ގެއަށް ބޭނުންވާތަކެތި ރައްކާކުރާ ގުދަން އިހުގައި މިތަން ހުންނާނީ ގެއާ ވަކިންނެވެ
ބަނޑަށް މަރުވުން
މ ކާންނުލިބިގެން މަރުވުން
ބަނޑަށްވަނުން
މ މަޖާޒު: މަކަރުވެރިގޮތުން ތިމާގެބަސް އަނެކަކު ޤަބޫލުކުރާނެގޮތް ހެދުން
ބަނޑަށްދެމުން
މ (1) ވިއްސާރައިގެ ދެވިލާގަނޑު ދޭތެރޭމަޑުވުން (2) ދެރާޅުބާނި ދޭތެރޭ ތަންވަޅު ލިބުން
ބަނޑަރުއްފަށަ
ނ )ސ ( ބަނޑުރުއްފަށް
ބަނޑަބޮޑަވުން
މ )ލ ( ބަނޑުބޮޑުވުން
ބަނޑަކެކުން
މ )ސ ( ބަނޑުކެކުން
ބަނޑައިދޫ
ނ (1) މަހުގެ ބަނޑުފުށުން ބަނޑަށްވީ ހިސާބުގައި ތުނިކޮށް ހުންނަ މަސްފަށް (2) ދިވެހިން ޢާއްމުކޮށް މަސްކަނޑާ ގޮތަށް މަސްކަނޑާއިރު މަހުގެ ބަނޑަށްވީ ހިސާބުން ކަނޑައިގެން ނަގާބައެއް
ބަނޑަވަރަ
ނ )ސ ( ބަނޑަވަރު
ބަނޑަވަރަފަށް
ނ )ސ ( ބަނޑަވަރުގެ ބަދަލުގައި އަޅާ ފަށެއް