radheef.info
ރަދީފު


ބަ
އ އައްބަ
އަރާރުން
ނ (1) އަރައިރުން (2) ޚިލާފު (3) ގަޑުބަޑު (4) ދެކޮޅުވެރިކަމުގައި ކުރާ ޒުވާބު
އަރާރޫޓް
ނ ކުޑަކުދީންނަށާއި ބަލިމީހުންނަށް ދޭން ގެންގުޅޭ މަޝްހޫރު ފުށެއް މިއީ ގަހެއްގެ ގޮނޑިންނަގާ ފުށެކެވެ
އަރާބެއްދުން
މ ތެލަބަގުޑި ކުޅޭއިރު ބައިބަލާ އަރާމީހާ އަތުލާން އެއްފަރާތުން އަރައިގެންގޮސް ބެއްދުން
އަރާމުކުރުން
މ ހަށިގަނޑަށް ހަމަހިމޭންކަމާއި ފަސޭހަކަން ލިއްބައިދިނުން
އަރާފައިބާވައި
މ އުރަވަޅީވައި މިބަލީގައި ވާގޮތަކީ އުރަވަޅިއަށާއި އެއްކޮށް ދަށްބަނޑަށް ތަދުވަނީއެވެ ބައެއް ފަހަރު އުރަވަޅި ބޮޑުވެސްވެއެވެ
އަރި
ނ (1) ކެޔޮގަނޑުގެ ވައްތައް ހިމެނިފައި ހުންނަ ބައިބައި. (2) ފިރިހެނުންލާ މުސްކުޅި ލިބާހާއި އަންހެނުންލާ ބޯވަޅުއަޅާ ލިބާހުގެ ދެބަދަންނޫން ދެފަރާތުގައި މަތިހަނިކޮށް ތިރިފުޅައުކޮށް އޮންނަ ފޮތިގަނޑު (3) ބައެއްތަކެތީގެ އެއްފަޅި (4) އެއްބައި ނުކައްކައި އޮންނަ ކަނޑުމަސްގަނޑެއް (5) ފޮތުގެ ޞަފުޙާ (6) ކުރިމައްޗާއި ފުރަގަސްހުރި އެއްޗެއް އެނޫން ފަރާތަކަށް ޖެހިފައިވާ ޖެހުން (7) ބިލެތާއި އަދިވެސް ބައެއް ފަތުގެ ދެފަޅިކޮށް އެއްފަޅި (8) ނއ ތެދުނޫން (9) ސީދާނޫން
އަރިހުބޭކަނބަލުން
ނ މަހު އެއްޗެތިކޮޅު ދެއްވައިފައި ތިއްބަވާ ގަނޑުވަރުތެރޭ އަންހެން ބޭފުޅުން އަރިހުގައި އުޅޭ އަންހެނުން
އަރިހުބޭކަލުން
މ މަހުއެއްޗެތިކޮޅު ދެއްވާފައި ތިއްބަވާ ގަނޑުވަރުތެރޭ ފިރިހެން ބޭފުޅުންގެ އަރިހުގައި އުޅޭ ފިރިހެނުން
އަރިނެގުން
މ (1) ހިނަވާއިރު މައްޔިތާ އަރިޔަށް ޖެހުން (2) އުދުހޭ އެއްޗެހީގެ ފިޔައިގެ ފަތުގެ ކުރީން ތަންކޮޅެއް ބަހައްޓައިފައި ދެން ހުރިބައި ނޮޅައިލުން (3) އެއްފަޅިނެގުން
އަރިބަގުޑި
ނ ހިފުމުގެ އިޞްޠިލާޙުގައި އަރިމަތީން ބައްދާ ބެއްދުމެއް
އަރިކެނޑި
ނ ކާށިއަޅާއިރު ކުނޑި ހިކުނުތޯ ބަލާން ބޮނބިގަނޑުން ތަންކޮޅެއް ކަނޑައިލައިފައި އޮންނަ ކާށި
އަރިކެނޑުން
މ ކާށީގެ ކުނޑި ހިކުނުތޯ ބަލާން ބޮނބިގަނޑުން ތަންކޮޅެއް ކެނޑުން
އަރިވުން
މ (1) ތެދަށް ހުންނަންވާ އެއްޗެއް އޮލަނބަށް ނެތުން )މިސާލު: އެމުޑި އެހުރީ އަރިއަށެވެ ( (2) ތެދަށް އޮންނަންވާ އެއްޗެއް ރަހައަށް ނެތުން )މިސާލު: އެފާރުއެއޮތީ އަރިއަށެވެ
އަރިޖެހުން
މ )ސ ( (1) އެއްފަރާތަށް އަރިވުން (2) އަރިޔަށް ކޮނޑުންކޮއްޕުން (3) ބަނބުކެޔޮ ކަހަލަ އެއްޗެއް ފަޅައިލައިފައި ފޮތި ފޮއްޗަށް ކެފުން
އަރުނުދަޅު
ނ (1) ޙައިވާނެއްގެ ދަޅެއް މިއީ ބޭހަށް ގެންގުޅޭ އެއްޗެކެވެ (2) "އަރުނު" ބަލާ!
އަރުވައިލުން
މ ކުރާބައެއް ބާވަތުގެ ކުށަށް ޝަރީޢަތުގެ ފަރާތުން ނުވަތަ ސިޔާސަތުގެ ފަރާތުން އެކުށް ކުރި މީހާގެ ވަޒަން ނޫން ރަށަކަށް ފޮނުވައިލުން އަރުވައިލުން ހުންނަނީ ކިތަންމެ ދަރަޖައަކަށެވެ
އަރުވާހިފުން
މ (1) ހިފުމުގައި ބައްދާފައި ހުރިތަނުން ކުރިޔަށްގެންގޮސް ހިފުން (2) ތިމާގެ ބާރުގަދަ ކުރަމުން ކުރިއަރުވަމުން ގެންދިއުން (3) ބައްޔެއް ފަދަ ކަމެއް ފެތުރެމުން ދިއުން
އަރުމާދު
ނ ރަދުން ރާއްޖެތެރެއަށް ކުރައްވާ ދަތުރުފުޅު މިދަތުރުފުޅުގައި ދައުލަތުގެ ވަރަށް ގިނަ އުޅަނދުތަކާއި ދައުލަތުގެ ވަރަށް ގިނަ ބޮޑުން ބައިވެރިވެވަޑައިގަނެއެވެ
އަރުމާޒުލަވަ
ނ ބޭފުޅުން ކަނޑުބޭރުފުޅުކުރާ ދުވަސްދުވަހު ނުވަތަ ބޭފުޅަކު ޢިއްޒަތުގައި ދަތުރަށް ނުވަތަ ދަތުރުން އަރާވަޑައިގަންނަވާ ދުވަހު އޮޑިކޮޅުގައި ފުމޭ ލަވަތަކެއް މިލަވަތައް ފުމޭނީ ކަނޑިންމައާއި ބަނދަރާއި ދޭތެރޭ އޮޑިކޮޅު ޖަހައި ހަތްހޭރިޔާއިން ކޮންމެ ދެހޭރިޔާ ދޭތެރޭ " ހޭރިޔާ" އެވެ ކިޔާ ލަވައަކަށް ފަހުގައެވެ
އަރުގަ
ނ ބަހާފައިވާ ބައެއްގެ ދެބައިކުޅައެއްބައި