radheef.info
ރަދީފު


ޖ
އ ތާނައިގެ ތޭވީސްސވަނަ އަކުރު
ހިރިގައު
ނ މުރަކައިގެ ބާވަތެއް. މިއީ ގޮފިނުވާގޮތަށް އެކަތިގަނޑަކަށް ހެދިފައި ހުންނަ އެއްޗެކެވެ. މިއީ ރާއްޖޭގައި އުފެދޭކަމަށް ބުނެވޭ އެންމެ މޮޅު ގަލެވެ. އިހުގެ ދިވެހިން ވަޅުވަޅާއި ޢިމާރާތްފަދަ ތަންތަނާއި މަހާނަގާފަދަ ތަކެތި ހެދުމަށް މިގާ ބޭނުންކުރިއެވެ ހިރިގަލުގައި ބިންވަޅުނަގައި ކުރެހުމަކީ ދިވެހީންގެ ވަރަށް ޚާއްޞަ ފަންނީ މަސައްކަތެކެވެ
ހިރިޔާމާލަން
ނ ވައިގެބަނދަރާއި ޖަލްސާކުރާ މާލަންފަދަ ތަންތަނުގައި ޚާއްޞަ ބޭބޭފުޅުންނަށް ކަނޑައަޅައިފައި ހުންނަ އިންތިޒާރު ކޮޓަރި
ހިރުނދު
ނ (1) ހިރުނދުގަހުގެ ވަކި (2) ގޮފިގިނަކޮށް ފެތުރިހެދޭ ހިޔާބޮޑުގަހެއް (3) ރާއްޖޭގައި ހެދޭ ލަކުޑީގެ ތެރެއިން އެންމެ މޮޅު އެއްލަކުޑި މިއީ އޮޑިދޯނި ފަހަރު ބަނުމަށާއި ފަރުނީޗަރު ޖެހުމަށް ބޭނުންކުރާ ކީލި ހިމުން ލަކުޑިއެކެވެ
ހިރުނދުދޫނި
ނ ހިރުނދުގަހުގައި އުޅޭ ސޫތްޕެއް މީގައި ހުންނާނީ ކަޅުތިކިތަކެއް ޖަހައިފައެވެ މި އެންމެ ވައްތަރުވާނީ މާމަކުނަކާއެވެ މީގައި ހަފައި ހުރެއެވެ ފައިގެމަތީ ބަޔާއި ފިޔަހުންނާނީ ރަތްރީނދޫ ކުލައިގައެވެ
ހިރުކެނޑި
ނ ލިޔެލާ ޖަހާމީހުން ދެފަށްޖަހާއިރު އެލާޖަހާ އެތީގައި ރޮނގުޖަހާން ގެންގުޅޭ ކުރެދިކަށި
ހިރުވުން
މ (1) ކެހުންފަށެއް އައުން. (2) ކުދިކުދި ފަނި މަކުނުފަދަ ތަކެތި ގައިގައި ދުވާން ފެށީމާ އެކަމުގެ އިޙްސާސުވުން (3) ފަތްތަކެއް ނުވަތަ ކުނިތަކެއްގެ ތެރޭގައި ދިރޭ އެއްޗެއް އޮވެގެން އަޑުއިވޭގޮތަށް ނުވަތަ ހެލޭގޮތަށް އުޅުން (4) މަޖާޒު: ޝަހްވާނީ އެދުން އުފެދުން
ހިރުމާރު
ނ (1) އޮޑިދޯނިފަހަރުގެ ދެއިހިގަނޑު ދޭތެރޭގައި އަރިއަށް ޖަހައިފައި ހުންނަ ފިލާ (2) ހިރުއްދަފިލާ
ހިރުމާޖެހުން
ނ ހިރުގަނޑަށްޖެހޭ ބައްޔެއް މިބަލިޖެހުމުން ހިރުގަނޑުގައި ބިހިތަކެއް ނަގައިފައި އެބިހިތައް ދޮސްގަންނަނީއެވެ
ހިބަންމަސް
ނ (1) މާވިހަގަދަ ކައްޓެއް ހުންނަ ލަނޑާ ޒާތުގެ މަހެއް (2) ފަސްގަނޑުގައި އުޅޭ ވަޅުޖަހާ މަހެއް
ހިކަ
ނ ކުޑަކުދީން ކުޅޭ ކުޅިވަރެއް. މިއީ ކުޑަކުދީން ހިކަކީ ކުއްޖާ އަތުލާން ދުވެދުވެފައި ކުޅޭކުޅިވަރެކެވެ ހިކަކީ ކުއްޖާ އަތުލައިފިނަމަ އެއަތުލީ ކުއްޖަކަށް ހިކަލިބުނީއެވެ މިކުޅިވަރު މޫދުގަވެސް އެއްގަމުގައިވެސް ކިތަންމެ ގޮތަކަށް ކުޅެއެވެ
ހިކަނދިވަކަރު
ނ (1) މެއްލަޖަހައިގެން އަޅާގޭގޭގެ ބޮޑުއަށީ ބިތްދޮށުގައި މެއްލަތަކަށް ކަނޑައިފައި އަޅާފަތިވަކަރު (2) ގެދޮރު އެޅުމުގައި މެއްލަ ޖެހުމަށްޓަކައި ގާފޮޅުމަތީ ބާއްވައިފައި އޮންނަ ފަތިވަކަރު
ހިކަރި
ނ )ސ ( (1) ތެމިގެންވާފޯ މިސާލު: "ތެމިހިކަރިވެގެ" މިބަހީތެމިފޯވެއްޖެ (2) އޮށްވަޅު ކުޅޭއިރު އެއްފަރާތުގެ ހުރިހާ ވަޅެއް ކަނުވާ ކަނުވުން
ހިކަރިކުރުން
މ ފެންޖަހައި ތެންމައި ފޯކުރުން
ހިކަރިވުން
މ )ސ ( (1) ތެމިފޯވުން (2) އޮށްވަޅު ކުޅޭއިރު ކުޅުންތެރިޔަކަށް ވަޅަކަށް ލާންޖެހޭ ވަރަށް ފުއް ނުލިބި ބަލިވުން
ހިކާދުރުކުރި
ނ (1) އެންދަމާއިރު ހިކާތައް އައިސް އުނދަގޫ ކުރަން ފެށީމާ އެހިކާތައް ދުރުކުރަން ދުރަށްޖަހާ ފިލިގަނޑު މަޖާޒު: (2) ގޭގެއަށް ވަދެއުޅޭ ބޭނުމެއްނެތް މީހުން އަވަހަށް ފޮނުވައި ލުމަށްޓަކައި ދީއުޅޭ ކާބޯއެތިކޮޅު (3) ހިތުގައި އަގުނެތް މީހުންނަށް ދީއުޅޭ ކާބޯއެތިކޮޅު
ހިކިބިލަމަގު
ނ (1) ހިކިފައިހުންނަ ބިލަމަގު (2) މަޖާޒު: ފުރިހަމަ ބައްޓަން ނުލިބޭ ވަރަށް ހިކިކޮށްތިބޭ އަންހެނުން
ހިކިކުރޮޅިވުން
މ (1) ހިކިގެންގޮސް ފެންހިނދުން (2) މަޖާޒު: އެއްގޮތަކަށްވެސް ތެތްކަމެއްނެތުން
)ހަރުބަހެއް( ތާކުންތާކުނުޖެހޭ ކަންތައް ނުކުރުމަށް ނަސޭހަތްތެރިވުމުގެ ގޮތުން ބުނެއުޅޭ ބަހެއް ހިކިފަސްތާ ބަކަނާޅާށެވެ
ހިކިފަސްތާބަކަތެޅުން
މ މަޖާޒު: ނަތީޖާއެއްނެތް ބޭކާރު މަސައްކަތް ކުރުން
ހިއްކަށް ދިނުން
މަޖާޒު: ކާންދިނުމުގެ ބަދަލުގައި ފައިސާދިނުން