radheef.info
ރަދީފު


ލުމަ
ނ (1) އުއިކޮށާ ނުވަތަ ރޮދިއޮޅާ ސަރަކައިގެ ފޯއްޔެއް ނއ (2) ތެދަށްހުރި އެއްޗެއްކަން އަންގައިދިނުމަށް ބުނާ ބަހެއް މިސާލު: )ހ( ތެދުލުމައެއް ހެން ހުރި ރުކެއް )ށ( އޭނާގެ ހަށިގަނޑު ހީވަނީ ތެދުލުމައެއްހެންނެވެ
ގިސް
ނ (1) ހިތްދަތިވުމުން ނުވަތަ ރޮވުމުން ނޭވާލުމަށް ދަތިވެގެން ވާގޮތަކުން އިވޭ އަޑު މިސާލު: އެކޮއި ގިސްލަގިސްލައިފައި އެހެރަ ރޮނީއެވެ (2) )ސ ( ގަސް
ގިސްލުން
ނ މާބޮޑަށް ހިތްދަތިވުމުން ނުވަތަ މާ ބޮޑަށް ރޮވުމުން ނޭވާ ލުމަށްދަތިވެގެން ވާގޮތަކުން ކުރުކޮށް ނޭވާލެވޭއިރު ގޮއްވޭ އަޑުއިއްވުން
ގުނަގެއްލުން
ނ ގުނަކުރުމާއި ގެއްލުމަށް އެއްކޮށް ބުނާގޮތް
ގުރުއަތު
ނ (1) ކަމަކަށް އިސްވާނެ ފަރާތެއް ބެލުމަށް ކުރާކަމެއް (2) މީހުންތަކެއްގެ ނުވަތަ ބައިތަކެއްގެ ތެރެއިން އިސްކަންދޭންވީ ތަރުތީބު ބެލުމަށް ކުރާކަމެއް
ގުލާބުޖާން
ނ ފޮނި ހެދިކާއެއް. މިއީ ގޮދަންފުށް ނުވަތަ މުގުރައިފައިހުންނަ ކަނަމަދު ނުވަތަ މަޑުކޮށްފައި ހުންނަ އަލުވި ހިކިކިރާ އެއްކޮށް ގިތެޔޮ ލައިގެން މޮޑެ ގުޅަވަށައި ތެލުލުމަށްފަހު ފޮނިތޮށި ކާފޫރުތޮޅި ލައިގެން ފޮނި ގަދަކޮށް ކައްކައިފައި ހުންނަ ފަންޏަށް ލައިފައި ހުންނަ އެއްޗެކެވެ
ގުޑި
ނ (1) އޮނު ނުވަތަ އިލޮށިން މައިގަނޑެއް ހަދައި އޭގައި ކަރުދާސް ތަތްކޮށް ވަޔަށް އެއްލުމަށް ހަދާ އެއްޗެއް. (2) ދިވެހި ރުކުގެ ރާ ބޭލުމަށް ހަދައިފައި ހުންނަ އެއްޗެއް. މި ހަދައިފައި ހުންނާނީ އުނބު ރީތިކޮށް މަށައި އެކަތި އަނެކައްޗާ ގުޅުވައިގެންނެވެ (3) މާމުޔާއި ހަކުރުފަދަ ތަކެތި ވާ ކަނި
ގުޑިލުން
މ (1) ރާބޭލުމަށްޓަކައި ދިވެހިރުކުގެ އެތުގައި ގުޑި ހަރުކުރުން (2) ހެލިލުން (3) ހަރަކާތްވެލުން
ގޫރަކިވުން
މ ރަކިވުން މިބަސް ގަދަކޮށްލުމަށް ބުނާގޮތް
ގެރިގާ
ނ މެދުންގުޅިފައި ހުންނަ ހަތަރުފައި ހިމެނޭ ސިމެންތި ގަލެއް. މިއީ ތޮށިލުމަށާއި ގޮނޑުދޮށް ޙިމާޔަތް ކުރުމަށް ބަހައްޓަން ހަދައިފައި ހުންނަ ވަރަށް ބޮޑު ގަލެކެވެ
ގެއްލެވޭ
ނ ގެލަހަރަކުން ގެއްލުމަށް ބޭނުންކުރެވޭ ޢަދަދު
ގޮށް
ނ (1) ގަމީސް ލިބާސް ފަދަ އެއްޗެހީގައި ލުމަށް ތަފާތު އެއްޗެހިން ތަފާތު ގޮތްގޮތަށް ހަދައިފައި ހުންނަ އެއްޗެއް. (2) ގައިގެ އެކި ތަންތަނުން ފުއްޕާ ހަރު ތަންތަންކޮޅު. (3) ބައެއްކަހަލަ އެއްޗެހީގައި އުފުލިފައި ހުންނަ ހަރުތަންތަންކޮޅު. މިސާލު: ގަސްގަހުގައި ހުންނަގޮށް. (4) ލަކުޑި ކީހައިފައި ހުންނައިރު އާރުގެ މެދުގައި ހުންނަ ހަރުތަންތަންކޮޅު. (5) ހަށިގަނޑުގެ ބައެއް ނިޒާމު ހަމަޖެއްސުމަށްޓަކައި އިންސާނުންނާއި ބައެއްޙައިވާނުގެ ހަށިގަނޑުގެ ބައެއް ތަންތަނުގައި ގޮށްގޮށް ހެންހުންނަ ގުނަވަނެއް މިއީ ހަށިގަނޑަށް ބޭނުންވާ ބައެއް އެއްޗެހި އުފައްދައި ބޭނުންނުވާ ބައެއްޗެހި ނައްތައިލާ ގުނަވަނެއް މިސާލު: ކުޅުއުފައްދާގޮށް (6) ފަށެއްގެ ދެކޮޅު ހުޅުވުމަށް ބާރުކޮށް ޖަހާމަޅި މިސާލު: )ހ( ވަގޮށް )ށ( ދަމާގޮށް
ގޮށްބައި
ނ ފިރިހެނުންގެ ލިބާހުގެ ގޮށްފޮތީގައިލުމަށް ހަދައިފައިހުންނަ އެއްވައްތަރުގެ 6 ގޮށް މިގޮށްތައް ހުންނާނީ އެއްގޮށް އަނެއްގޮށާ ގުޅައިފައެވެ
ސަންބޯކު
ނ މުދާ ބޭލުމަށާއި މީހުން އެއްތަނުން އަނެއް ތަނަށް ގެންދިއުމަށް ބޭނުން ކުރާ ބޮޑެތި ބައްތެލި
ސަންޖާބު
ނ ހަރުވާޅުގެ ފައިކުރި ވީދިދާނެތީ ބޯކޮށްލުމަށް ދަށުގައިލާ ބަތާނަފަށް
ސާވޭ
ނ ކަންހުރި ނެތްގޮތާއި ޙާލާތު ހުރި ނެތްގޮތް ރަނގަޅަށް ބެލުމަށް މީހުން ގޮސްގެން ހޯދައި ބަލާބެލުން
ސާވޭކުރުން
މ ކަންހުރިނެތް ގޮތާއި ޙާލާތު ހުރިނެތްގޮތް ރަނގަޅަށް ބެލުމަށް މީހުންގޮސް ހޯދައި ބެލުން
ސިއްރުސިއްރުން
ކއ (1) ވަގުވަގަށް (2) ސިއްރު މިބަސް ގަދަކޮށްލުމަށް ބުނާ ގޮތް
ސިޓީއުރަ
ނ ސިޓީފަދަ ތަކެތި ލުމަށް ހަދައިފައި ހުންނަ އުރަ
ސުލައިޑު
ނ (1) ފޮޓޯނަގާގޮތަށް ނަގައި ފިލްމު ސާފުކުރުމަށްފަހު އަލި އަޅުވައިލީމައި ފޮޓޯ ގޮތަށް ފެންނަ ފިލްމު. (2) ލޭފަދަ އެއްޗެހި މައިކްރޮސް ކޯޕުން ބެލުމަށްޓަކައި މައިކްރޮސްކޯޕަށް ލައްވާ ބިއްލޫރިކޮޅު
ޑަމްޕަރު
ނ އެއްޗެހި އުފުލުމަށްޓަކައި ކުރީކޮޅު ނަގައި ވެއްޓޭ ގޮތަށް ހަދައިފައި ހުންނަ އެއްޗެއް މިއީ އެއްގަމުގައި ދުއްވާ އިންޖީނުލީ އެއްޗެކެވެ