radheef.info
ރަދީފު


ލުން
މ (1) އެއްޗެއްގެ ތެރެއަށް އެއްޗެއް ވެއްދުން ނުވަތަ އެއްޗެއްގެ ތެރެއަށް އެއްޗެއް ވައްޓައިލުން (2) ވަކިކަހަލަ މަސައްކަތެއް ކުރުމަށް ބުނެއުޅޭ ގޮތެއް މިސާލު: )ހ( ކަރަންޓުލުން )ށ( ފާޚާނާލުން )ނ( ބޯފެންލުން )ރ( ފަންގިލުން )ބ( ދަވާދުލުން (3) ގަޔަށްމެހުން މިސާލު: )ހ( ގަމީސްލުން )ށ( ގަންޖުފަރާސްލުން (4) ބައެއްކަހަލަ ކަންތައް ކުރުމުގެ މާނައިގައި ބުނެއުޅޭ ގޮތެއް މިސާލު: )ހ( ދޫލުން )ށ( ތަޅުލުން )ނ( އަޑުލުން (5) މަޖާޒު: ޖިމާޢުވުން
ރައްދުވުން
މ (1) މީހަކު މީހަކަށް ދިންއެއްޗެއް އެ މީހަކަށް ލިބުން (2) މަޖާޒު: ޒިނޭކުރުން (3) )ސ ( އަތުންހެލުން
ރައްތޮށިލުން
މ )ސ ( ރަތްތޮށިލުން
ރަމަންނެގުން
މ (1) ބިރުގަނެގެން ނުވަތަ ދެހާ ތަޅައިގެން ބަލިވާ ހައު ކެޔޮފޮތީގެ ފަހަތުގައި ހުންނަ ފަތްކޮޅު އުފުލުން އެހެންވެސް ޖަނަވާރު އެއަށްވުރެ ގަދައެއްޗެއް ފެނުނީމާ ބިރުން ދިއުމަށްވެސް ކިޔަނީ މިހެންނެވެ (2) މަޖާޒު: މީހަކު މާމޮޅު މީހަކަށް ހެދިގެން އުޅެނިކޮށް މޮޅުމީހަކު އައީމާ ހެދިގެން އުޅޭ މީހާ ދެރަވުން
ރަތްބޯ
ނ )ސ ( ހިކާގެ ބާވަތެއް މިހިކައިގެ ބޮލުން ފެށިގެން ނަގުލާ ހަމައަށް މަހުގެ ދެފަރާތުގައި ކަޅުރަތް ކުލައިގެ ދެރޮނގު ހުރެއެވެ މަހުގެ ކުލައަކީ މަޑުފިޔާތޮށި ކުލައެވެ ލޮލުގެ ކައިރި ހުންނަނީ ރީނދޫ ކުލައިގައެވެ ވަދުމަސްވެރިކަން ކުރާއިރު މިހިކާ އެމަށްވެސް ބޭނުންކޮށް އުޅެއެވެ
ރަތްކޮށްލުން
މ (1) ތެލުގައި ނުވަތަ ގިތެލުގައި ފިޔާކޮޅު ރޯފިލަންދެން ހޫނުކޮށްލުން (2) މާޖާޒު: ރުޅިއަރުވާލުން
ރަސޫލުން
ނ ރަސޫލު ބޭކަލުން
ރަސޫލުބޭކަލުން
ނ މާތް ﷲ ގެ ހަޟުރަތުން ޝަރީއަތަކާއި ފޮތެއް ބާވައިލެއްވި ބޭކަލުން
ރަސްރަނި
ނ (1) ރަސްރަސްކަލުންނާއި ރަނިކަނބަލުންނަށް ކުރުކޮށް ކިޔާގޮތް (2) މަޖާޒު: ރީތި އަންހެނުން
ރަސްކައުކަލުން
ނ ރަސްރަސްކަލުން
ރަސްކަލުން
ނ (1) "ރަސްކަލާ" މިބަސް ގިނަ ކުރުމަށް ބުނާގޮތް (2) ރަސްރަސްކަލުން (3) "ރަސްގެފާނު" މިބަހުގެ ގިނަގޮތް
ރަސްފަރި
ނ (1) ރަސްކަމަށް ކޮލިލާ ދުވަހު އައްޑަނަ ކޮއްޓާ ދަނޑި ކޮއްޓާ ދެކޮށީން ދެއެދުރު ބޭކަލުން ނުވަތަ އެފަދަ އެހެން ދެމީހަކު ނުކުމެ ގުޅަކުޅޭ ފަސްގަނޑުގައި އަޅާފަރިއެއް (2) ކ އަތޮޅުގެ ފަޅުރަށެއް
ރަޓުވައިލުން
މ (1) ހައްދާލުން (2) ދޮގުތާރީފުކޮށްގެން މީހަކު ހައްލާލުން
ރާހިބެލުން
މ އުފަންވީރާހި ހޯދައިގެން ނަސީބު ހުރިނެތްގޮތް ބެލުން
ރާނީ
ނ ރަސްކަނބަލުން ނުވަތަ ރަސްކަލުންގެ އަނބިކަނބަލުން
ރާޅުނެގުން
މ ރާޅުއުފުލުން
ރާޑި
ނ (1) އޮށްވަޅާއި ޖޯޑުބިޖޯޑާއި ބޮލިގަނޑުފަދަ ކުޅިވަރުގައި އަތް ހުސްވެގެންވާދެރަ (2) ކުރަން އުޅޭ ބައެއް ކަންތަކުގައި ކާމިޔާބު ނުވެގެންވާ ދެރަ (3) މީހަކާ ދިމާކޮށްލައިގެން އުޅެއުޅެފައި ގޮތެއް ނުވެގެންވާ ދެރަ (4) މީހަކަށް ނަސޭހަތްދީދީ ނާހައިގެން ދެން އަލުން ދޭނޭ ނަސޭހަތެއް ނެތުނީމާވާ ދެރައާއި ފޫހި
ރިހިލުން
މ (1) ރިހިން ގިރިޓީ ކުރުން (2) )ދ ( ރެދަންލުން
ރިސާލަތު
ނ (1) ﷲ ސުބުޙާނަހޫ ވަތަޢާލާ ރަސޫލު ބޭކަލުންނަށް ބާވާލެއްވި ޝަރީޢަތް (2) ރަސޫލުކަން
ރިޔަންކޮޅުއެޅުން
މ (1) ސަރުކާރުގެ ފަރާތުން ގޯތިގޯތީގެ ބޮޑުމިންބަލާ އިންފާހަގަ ކުރުން. މި މިންބަލާ އުޅުނީ ތިންރިޔަން އަށަނގޫ ބަމައިންނެވެ. (2) އިސްކަންދަރު މަހާރަދުން ހެއްދެވި ރިޔަންކޮޅުން ތަނެއްގައި ރިޔަން ހުރިވަރު ބެލުން. މިރިޔަނުގައި ދެއަނގުލާއި އެއްއުނގޫ އިތުރުވާނެއެވެ. އުނގުލަކީ ބައި އަނގުލެވެ
ރިޔަންކޮޅުލުން
ގޭގެ އަޅާއިރު ނުވަތަ އޮޑިދޯނިފަހަރު ބަންނައިރު ރިޔަން އަޅައި ހަމަކޮށްފައި އެއްއަނގޫ ނުވަތަ ތިން ހަތަރު އަނގޫ ކަނޑައިލުން. މިއީ އިރުވަރާއި ކުރާކަމަކާއި ގަސްދުކުރާގޮތަކާއި ދިމާވާގޮތުން ނަކަތްތެރިން ކޮން އުޅޭކަމެކެވެ