radheef.info
ރަދީފު


ލީ
ނ (1) އުކުނުގެ ބިސް (2) ލުން މިބަހުގެ ނިމި ނިމުނުކަން
ކަފަ
ނ (1) ގަހެއްގައިއަޅާ ވަކެއްގެތެރޭގައި ހުންނަ ކެހެރިވައްތަރުގެ ހުދުކުލައިގެ ހާވިޔާއެއްޗެއް. މީގެ ދެވައްތަރެއްހުރެއެވެ. އެއްވައްތަރު ބޭނުންކުރަނީ ފޭރާން ވިޔުމަށާއި ރޮދިއުފެއްދުމަށެވެ. އަނެއްވައްތަރެއް ބޭނުންކުރަނީ ބާލީހަށާއި ގޮދަޑިފަދަތަކެއްޗަށް ލެއްވުމަށެވެ. (2) ބައެއްމޭވާ ފީވެގެންޖަހާ ކަފަހެން ހުންނަފޫ (3) ދަންޑެހެލު ބޭކަލުންނަށް ވީއްލިފައި ހުންނަ ކަލާސީމީހާ (4) ހަވަރުގެ އެކިއެކި މަސައްކަތް ކުރަންވީމާ ދޮށިމޭނާބޭކަލަކު ބޮޑުބޭކަލުންނަށް އަންގާ ފޮނުއްވުމަށް ހުންނަމީހާ (5) މަޖާޒު: ޖަމާޢަތެއްގެ ނުވަތަ ގެއެއްގެ މީހުންކުރެ އެންމެ ބަސްނުވިކޭމީހާ
ކަފަލުން
މ (1) ކަންނޭލާއި ބާލީހާއި ގޮދަޑިފަދަ އެއްޗެއްސަށް ކަފަގެންނެވުން (2) މައްޔިތާގެ ގައިގައި ކަފައޮޅުން
ކަފުލޯއަޑު
ނ (1) ކަފުލޯގަނޑެއްގައި ޖަހައިލީމާ ނުކުންނައަޑު. (2) ހިމަ ރީތި ތޫނު އަޑު
ކަދާ
ނ (1) ފެން ބޯން ގެންގުޅޭ ލޯވަށި (2) ފޫލީ ބޯތަށްޓެއްގެ ސިފައިގައި ކަފުލޯއިން ހަދައިފައި ހުންނަކަންވާރެއް
ކަދާކެނޑުން
މ ދެތުންފަތް އެތެރެއަށް މަޅާލައިގެން ޖައްސައި ބާރުކޮށްފައި ނައްޓައިލީމާ އެއިވޭ އަޑު އިއްވުން
ކަތިރިނދަލި
ނ ރިނދަލީގެ ބާވަތެއް މިއީއާދައިގެ ރިނދައްޔަށްވުރެ ހިމަދިގުކޮށްހުންނަ ރިނދައްޔެކެވެ މީގެ އެއްކޮޅުއޮންނާނީ ފަޅިބުރެއްގޮތަށެވެ އަނެއްކޮޅު ކުޑަކޮށް ތޫރިވާނެއެވެ މީގެދެފަޅިވަރު ހުޅުވައިލީމައި ފެންނާނީ ކޮކާހުންނަ ބައްޓަމަށްވުރެ ދިގުބައްޓަމެއްގެ ކޮކާލެއް ގޮތަށެވެ
ކަތުރު
ނ ދެފައިކަށިލީ ތޫނު ހަތިޔާރެއް މިއީ ބައެއްތަކެތި ކޮށާށާއި ކަފަން ގެންގުޅޭ އެއްޗެކެވެ މީގެ ތަފާތު ބާވައްތައް ހުރެއެވެ
ކަލޭގެފާނު
ނ (1) އިހުގައި މަޖިލީހަށް އެރީމާ ލިބޭ ލަޤަބު ލިބިފައިވާ މީހާ. (2) މާތްކުރުމުގެ ގޮތުން ނަބިއްޔުންނަށާއި ވަލިއްޔުންނަށާއި ޢާލިމުންނަށާއި އެދުރުންނަށް ކިޔާގޮތް
ކަލޯ
ނ (1) ފިރިހެނެއްކަން ދަލީލުކުރާނަމެއް (2) ތިމާޔަށްވުރެ ހަގު ގާތްތިމާގެ ފިރިހެނުންނަށް ލޯބިން ކިޔާނަމެއް (3) ދެރަކޮށް ނިކަމަތިކޮށްލުމަށް ފިރިހެނުންނާ ދިމާއަށް ބުނާގޮތް (4) މުސްކުޅިބަހުގައި މާތް ފިރިހެނުންނަށް ކިޔާގޮތެއް (5) ބައެއް ކަހަލަ ޖަނަވާރާއި ދޫނިސޫފާސޫފީގެ ނަމުގެ ފަހަތަށް ގެންނަބަހެއް މިސާލު: )ހ( ބުޅާކަލޯ )ށ( މާކަނާކަލޯ
ކަސް
ނ (1) ހަމުގެ ބައްޔެއް. މިބަލީގައި ގައިކެހުމާއި ހިރުވުމާއި ބިހިނެގުން ހުރެއެވެ (2) ދިއްގާގަހުގެ ފަތުގައި ހެދޭ ބަލިކަމެއް (3) އަތްތެރި މަސައްކަތާއި އަތު މަސައްކަތުގެ ބައެއްތަކެތީގައި ހުންނަންވާ އޮމާންކަން ނެތޭނެތުން
ކަސްބީބަލި
ނ ކިހުނުބަލީގެ އެންމެ ނުރައްކާތެރި ދަރަޖަ
ކަސްމަތިން ދިނުން
މ (1) މަތީކަނާއި ހަމައިން ނަގިލީގެ ވައު ކަނޑައިލުން (2) މަޖާޒު: ކުއްލިއަކަށް އަންހެނުން ވަރިކުރުން
ކަސްމަތިން ދިއުން
މ (1) މަތިކަނާއި ހަމައިން ނަގިލީގެ ވައު ކަނޑައިގެން ދިއުން (2) މަޖާޒު: ކުއްލިއަކަށް އަންހެނުން ވަރިވުން
ކަޓާރިބޮލި
ނ )މ ( ބޮލީގެބާވަތެއް މީގެތުންފަތުގެ އެތެރެކައިރި ހުންނާނީ ކަޅުކޮށްނެވެ ދެފަރާތުގެ އަރިމަތީގައި ކުރެހުމެއްހުރެއެވެ ބޮޑުމިނަކީ ގާތްގަނޑަކަށް 3 އިންޗި ނުވަތަ 2/1 2 އިންޗިއެވެ
ކާންނާ
ނ ކަންގަތިކޮލީގެ ނަމެއް
ކާންނާކަން
ނ ކަންގަތި ކޮލީގެ ނަމެއް
ކާރު
ނ ދުއްވާމީހާގެ އިތުރަށް ދެތިން ހަތަރުމީހަކަށް އިށީނދެތިބެގެން ދުއްވާ ގޮތަށް ހަދައިފައި ހުންނަ ހަތަރުފުރޮޅުލީ އިންޖީނުލީ އެއްޗެއް
ކާޅުމުގޯލި
ނ ފުންނާބާއި ބޮޑުވާއިނގިލީގެ ކުރި ޖައްސައިގެން އަޅާމުގޯލި
ކިހިލިޖެހުން
މ (1) އުކުޅުގައި ކުއްޖަކު ބޭންދުން (2) އުފުލުމަށްޓަކައި އެއްޗެއް ކިހިލީގައިލުން
ކިރު
ނ (1) ބަނޑުއަޅާ ވިހާ ހައިވާނުގެ ދަރިންނަށްޓަކައި އުރަމައްޗަށް އެރޭހުދު ކުލައިގެ އޮލަދިޔަ (2) އުރަމަތި (3) ބައެއްގަސްގަހާއި މޭވާގެ ތެރޭން ނުކުންނަދިޔަ (4) ގޮދަނުންނެގޭ ތަތް މާއްދާއެއް (5) ކާއްޓާއި ބަދަންފަދަ ބައެއްތަކެތި ފެލީމާ ނުކުންނަ ހުދުކުލައިގެ ދިޔަ (6) ފުށާއި ހަކުރާއި ކާށިކިރާއި އަޅައިގެން ކައްކާ ފޮނިކާ އެއްޗެއް (7) ބައެއް މޭވާއާއި ތަރުކާރީގެ ތެރޭގައި ހުންނަ ތަތްލަވާ އޮލަމާއްދާއެއް