radheef.info
ރަދީފު


ދޫ
ނ (1) އިންސާނުންގެ އަނގައިގެ ތެރޭގައިވާ ވާހަކަދެއްކުމަށް އެހީވެދޭ ގުނަވަން. (2) ރަހަބެލުމުގެ ގުނަވަން. (3) ގޮނޑި އަލަމާރި މޭޒު ދޮރު ދޮރުފަތްފަދަ ތެދުއުއިވަޑާމުގެ ތަކެތި ހެދުމުގައި އެއްބައި އަނެއް ބަޔަށް މެހުމަށް ވަށައިގެން ކަނޑައި ކޮޅުން ނެރެފައި ހުންނަ ތަންކޮޅު. (4) ތަޅުލުމަށާއި ހުޅުވުމަށް ތަޅާއި ތަޅުދަނޑީގައި ހުންނަ ތަންކޮޅު. (5) ވައިޖަހާ އެއްޗިއްސަށް ވައިވައްދަން ހުންނަ ތަންކޮޅު. (6) ބާރު މިބަހުގެ ހަތަރުވަނަ މާނައިގެ އިދިކޮޅު (7) ވާން މިބަހުގެ އިދިކޮޅު (8) ފަލިތަންޑުގެ ކޮޅުގައި ފެނުގައި އެޅުވުމަށް ހަރުކޮފައި ހުންނަ ފިލާކޮޅު (9) ރަށް
ކުޅަނދުރު
ނ އުދުހިއުޅޭ ކަށިޖަހާސޫތްޕެއް. މިހުންނަނީ ރީނދޫ ކުލައިގައެވެ. މިއުޅެނީ އަމިއްލައަށް ހަތާހަދައިގެންނެވެ. މީގެތެރެއިން މާމުއިކުޅަނދުރަކީ މާމަލުންފޮނި ބޮއިގެން މާމުއި އުފައްދާ ސޫތްޕެކެވެ
ކުޅީކުކުޅު
ނ އެއްގަމު ދޫނީގެ ބާވަތެއް. މިއީ ވަލުގައި އުޅޭ ދޫންޏެކެވެ. މިދޫނީގެ ސިފަ އެންމެ ވައްތަރީ ދިވެހި ކަނބިއްޔާއެވެ. ދޫނީގެ ކުލައަކީ ދޮން ރީނދޫކުލައެވެ. ދޫނީގެ ފަތް ހުންނަ ކުލައާއި ކުރެހުން ސިފަކޮށްދައްކަނީ "ދޮންމިރުސް ކުކުޅާ" އެއްކަހަލަ ގޮތަކަށެވެ. ތުނބާއި ފައި ހުންނަނީ ދޮންކުލައިގައެވެ. ބައެއް ކުކުޅު ހާލުގައި ހުންނަ "ގޮށްކެޔޮފޮތި" ކަހަލަ ތަންކޮޅެއް ތުނބުގެ މަތީކޮޅުގައި ހުރެއެވެ
ކުކުން
ނ ކުޑަވަރެއްގެ ގަހެއްގައި އަޅާ މީރުވަސް ދުވާ މަލެއްގެ ކަރުގަނޑު. މިހިއްކީމާ ހުންނާނީ ރަތް ރީނދޫ ކުލައެއްގައެވެ. މިއީ ކާއެއްޗިއްސަށް ލާށާއި ބޭހަށް ބޭނުންކުރާ އެއްޗެކެވެ
ކުކުޅު
ނ (1) މަހާ ބިހުގެ ބޭނުމުގައި އޮޅު ކޮށްގެން ގެންގުޅޭ ދޫންޏެއް (2) ހާލުގެ އަންހެން އެތި
ކުކުޅުމާދޫނި
ނ ކަނޑުމަތީ ދޫންޏެއް މިއި ސިނައަސްދޫންޏާއި ވައްތަރުގޮތަކަށް ހަށިގަނޑު ފަލަކޮށް ގަދަފަދަކޮށް ހުންނަ ދޫންޏެކެވެ މީގެ ތުން ހުންނަނީ ބޮޑު ހޯގުޅާގެ ތުންހެން ކުރީކޮޅު ލެނބިފައެވެ މިދޫނީގެ ދެފިޔަ ހުޅުވައިލުމުން ވަރަފަތްބައިގެ މެދުތެރެއިން ހުދު ފަތްބަރިއެއް ފެނެއެވެ ބިސްއަޅާ އުމުރުގެ ދޫނީގެ ކުލައަކީ ގަދަދިހުން މުށިކުލައެވެ ބޮޑެތި ނުވާއިރު ކުލައަކީ ގަދަ އަޅިކުލައެވެ
ކުކުޅުފައިފިލާ
ނ ބޭހަށް ބޭނުންކުރާ ފަތްޕިލާވެލީގެ ބާވަތެއް މިއީ އެއްތަންޑުގަނޑަކަށް ހެދޭ ގަހެކެވެ މީގައި އަޅަނީ ރީނދޫކުލައިގެ މަލެކެވެ މިގަހުގެ ފަތުގައި ކެހެރި ގޮތެއް ހުންނާނެއެވެ ފަތް ހުންނަނީ ފަސްތުނޑަކަށް ކުކުޅުފަޔާއި ވައްތަރު ގޮތަކަށެވެ
ކުއްތާ
ނ (1) ބަޅު. (2) ހަތަރެސްފައި ޖަހައިގެން އުޅޭ ނަގޫ އިދިފުށަށް ގުދުކޮށް އޮންނަ ވައްވައްޖަހާ ޙައިވާނެއް. މި ގިނައިރަށް އޮންނަނީ އަނގަހުޅުވައިގެން ދޫނެރެގެން ޒާތަކަށް ނޭވާ ލައިލައެވެ މީވަރަށް ވިސްނުން ތޫނު ހުޝިޔާރު އެއްޗެކެވެ އަދި އޮޅުވާ ވަފާތެރި ޙައިވާނެކެވެ
ކުލަކޮކާމަސް
ނ ކޮކާމަހުގެ ބާވަތެއް. މިއީ ފަރުފަޅުތަކުގެ ބޭރުމަތީގައްޔާއި ގުންޑޮޅިތަކާ ފަރުގައި އުފެދިފައިހުންނަ ހޮހަޅުތަކުގައި ދިރިއުޅޭމަހެކެވެ. މުޅިމަހުގެ ހުރަހަށްވާގޮތަށް ދޮންނާރިނގުކުލައާއި ހުދުކުލައާއި ނޫކުލައިގެ ރޮނގުތަކެއް ހުރެއެވެ މަހުގެ ނިގޫ ފަތާއި ކުޑަ ކޮތަރިބައިގެ ކުލައަކީ ރީނދޫ ކުލައެވެ
ކުޑަލަގަނާ
ނ ލަގަނާދޫންޏާ ވައްތަރު ކުޑަ ދޫންޏެއް މިދޫނީގެ ތުނބާއި ފައި ކަޅުވާނެއެވެ ބިސްއަޅާ މޫސުމުގައި ބޮލުގެ ތަލަމަތިން ދެރާވަޅި ފަތް ހެންހުދުދިގު ދެފަތްފަޅައި ކަނދުރާ މައްޗާއި ހަމަޔަށް އެޅިފައި އޮވެއެވެ
ކެހުން
ނ (1) ނ. ގައިގެ ހަމުގައި އުފެދޭ ހިރުވުމެއް. (2) ހިރުވުން ފިލުވުމަށް އިނގިލިތަކުގެ ކޮޅުން ނުވަތަ އެހެންވެސް އެއްޗަކުން ގައިގެ ހަމުގައި ކޭއްތުން (3) ރާޅު އެއްޗަކުން ތަނެއްގައި ކޭއްތުން. (4) ތޫނު އެއްޗަކުން އެއްޗެއްގައި ކާއްތައިގެން ކުނޑި ނެގުން ނުވަތަ އުނިކުރުން. މިސާލު: )ހ( ކެލާކެހުން. )ށ( އުނބުކެހުން. (5) ފާރުގައި ސިމެންތި ޖަހާއިރުގައްޔާއި ތަޅުން އަޅަމުންދާއިރު އެއްވަރު ކުރުމަށް ސިމެންތިގަނޑު ފަތިގަނޑަކުން ކާއްތައި ހަމަކުރުން (6) އިލޮށި ފައްޗާއި ފިހިގަނޑު ފަދަތަކެތީން ކުނި އެއްކޮށް ސާފުކުރުން މިސާލު: ކުނިކެހުން. (7) ލޮލުގައި ހުންނަ ވަކި ވައްތަރެއްގެ ބައްޔެއް ބޭސްއަޅައިގެން ފިލުވުން. މިސާލު: ފުސްކެހުން. (8) އުޔާއި ބަރަންޏާއި ނަނު ފަދަ ތަކެތި އަތަށް ނުވަތަ އެއްޗަކަށް ދޫދޫކޮށް އޮޅުން. (9) ތަނެއްގައި ހުރި އެއްޗެހިތަކެއް އެއްފަހަރާ ގިނައިން ގެންދެވޭގޮތަށް އަތުން ނުވަތަ އެއްޗަކުން ފަރާތަކަށް ޖައްސައިލުން. )01( ދަމާފޮތިގަނޑެއް ނުވަތަ ފަރުދާއެއްފަދަ އެއްޗެއް މައްޗާއެކު އެއްފަރާތްކޮށްލުން. (11) އެއްޗެއްގެ މަތީ ތޮށި ތޫނު އެއްޗެއް ކާއްތައިގެން ފިލުވުން މިސާލު: ކަނޑޫކެހުން. (21) ނަގިލި ހިލިގެން ދެމެމުން ދިޔުން. މިސާލު: ނަގިލިކެހުން. )31( ހިފައިފައި ހުންނަންވާ އެއްޗެއް ނުހިފައި ކެހެމުން ދިއުން. މިސާލު: )ހ( ފުރޮޅުކެހުން. )ށ.( ރޯލުކެހުން. )41( އެމަށް ފައްތައިފައި އޮތް ދަލެއް އަތްމައްޗަށް ދެމުން މިސާލު: ދާކެހުން )51( ވިލާތައް ފަރާތްފަރާތަށް ޖެހުން މިސާލު: ވިލާކެހުން )61( ކުރުނބާއިން ހެވާ ނެގުން )71( އުސްކޮށް ހުންނަ ފަސްތައް ފަތުރައި އެއްވަރުކުރުން މިސާލު: ފަސްކެހުން )81( ރިޔާ ފަރުމާނު މައްޗަށް ބޮނޑިކުރުން މިސާލު: ރިޔާ ކެހުން )91( )ޏ ސ( ފުނާ އެޅުން މިސާލު: ބޯކެހުން )02( މަޖާޒު: ތުނބުޅި ބޭލުން
ކެނެރީ
ނ ނުހަނު ރީތި އަޑުއަޑުންގޮވާ ރީނދޫކުލައިގެ ކުޑަދޫންޏެއް
ކެރެޓު
ނ ބިމަށް ފައިބާ ތަރުކާރީގެ ގޮނޑިއެއް މީގެ ކުލައަކީ ރަތް ރީނދޫކުލައެކެވެ
ކެކުރި
ނ (1) ކަރުގަނޑުގައި ކުދިކުދި އޮށްތަކެއް ހުންނަ ކުދި މޭވާއެއް މިމޭވާ އަޅަނީ ވެލެއްގައެވެ މިމޭވާ ހުންނާނީ ރީނދޫކުލައިގައެވެ (2) )ހ ( ހުދުކުލައިގެ ރޮނގު ހުންނަ މުގުރާން
ކެކޭލޮނު
ނ ބަނޑުދޫކުރުމަށާއި ހަށިގަނޑުގެ ތެރޭގެ ހޫނު މަޑުކުޅައުމަށް ގެންގުޅޭ ބޭހެއް
ކޭކުލި
ނ ދޫނި ސޫފާސޫފީގެ ކާތަކެތި ފުރަތަމަ އެޅޭ ގުނަވަން
ކޮށިގަނޑު
ނ (1) އެކިއެކި ބޭނުމަށްޓަކައި ކޮށި އެޅުމަށް އެކިގޮތްގޮތަށް ގަތާފައި ހުންނަ ބިތްތައް. (2) އިހުގައި ކުކުޅު ހިފާން ބަނދެފައި ހުންނަ ކޮށި. (3) ރޮދުލާ މަސް ވެއްދުމަށް ކޮށިއަޅާން ގެންގުޅޭ އޮޅައިލެވޭނޭހެން ގަތައިފައި އޮންނަ ބިތް. (4) އެން ދިރުވައިފައި ބަހައްޓާން އޮނުން ބަނދެފައި ހުންނަ ކޮށި. (5) ފައިސާ ބަލައިގަތުމަށާއި މުދާ ދޫކުރުމަށާއި މަޢުލޫމާތު ދިނުމަށާއި މީހުން ބަލައިގަތުމަށް ހޮޓާހޮޓަލާއި ފިހާރަފިހާރައިގައި ހުންނަ ތަން
ކޮށުން
މ (1) ވަޅި އާއި ފުރޯ ފަދަ އެއްޗަކުން އެއްޗެއް ކުދިކޮށް ކަނޑައި އުނިކުރުން. މިސާލު: )ހ( ފޯއްކޮށުން. )ށ( ދަރުކޮށުން. )ނ( ވަކަރުކޮށުން. (2) ދޫނި ސޫފާސޫތްޕާއި މަސްމަހާމެހި އެއްޗެހީގައި ތުން ތެޅުން ނުވަތަ ތުނބުގެކުރިން ކުއްލިޔަކަށް ހިފުން (3) )ޏ ސ( ވިކައިގަތުން
ކޮބަޑި
ނ ދަތްސާފު ނުކުރުމުން ދަތުގައި ހެދޭ ރީނދޫ ކުލައިގެ ހަޑިއެއްޗެއް މިއެންމެ ބޮޑަށް އުފެދެނީ ދަތުގެ ބުޑުދޮށުގައެވެ
ކޮޅުމުގުލަށް އެރުން
މ (1) ވަލުގެ ކޮޅަށް ދިއުން (2) ދޫކުރާނެ ތަންހުސްވުން (3) ކޮޅުންލުން (4) މައްސަލައެއް ނުވަތަ ކަމެއް އެންމެ މައްޗަށް ދިއުން (5) މަޖާޒު: ހަދާނެ އެއްވެސް ގޮތެއް ނެތުން
ކޮކަ
ނ )ސ ( މިރިހިދޫނި