radheef.info
ރަދީފު


ފަދަ
އ (1) ކަހަލަ (2) ގޮތް
ބާދަނޑި
ނ (1) މީހުންނަށް ހާނިއްކަ ދިނުމުގެގޮތުން ދެއަތްދަމައިފައި އަތުގައި ބަންނަ ދަނޑި ގަނޑު (2) އަރާދަނޑި (3) ކުދިންކުޅޭއިރު ކަނބިލި ފަދަ ދޫނީގެ ދެފިޔަ ދެފަރާތަށް ދަމައިފައި ދެފިޔައިގެ ދެކޮޅު ހިފަހައްޓަން ހުންނަ ދަނޑިގަނޑު
ބާލިސްލެއްވުން
މ އޮޑިދޯނިފަދަ ތަކެތީގެ ފަށަށް ބިންމަތިން ހިއްލައިލުމަށްޓަކައި އޮޑިގަނޑުގެ ދެފަރާތުގައި ހަތަރެސްކަން ހަމަވާގޮތަށް ރުއްގުޅިލެއްވުން
ބާލީސް ފިލާ
ނ މަޢުލޫދު ހަރުގެ ފަދަ ތަންތާނގައި ލެނގިލުމަށް ބިތުކައިރީގައި އަރިޔަށް ޖަހައިފައި ހުންނަ ފިލާ
ބިހަލަ
ނ (1) އަލައާއި ހިތްތަލަފަދަ ގޮނޑިފައިބާ އެއްޗެތީގެ ކާންކަމުނުދާހައި ކުދި އެއްޗެތި (2) ބިސުލަ
ބިހި
ނ (1) ގައިގެހަމުން އުފުލޭ ކުދިކުދި ތަންތަންކޮޅު މީގެ އެތައްވައްތަރެއް ހުރެއެވެ. މިސާލު: ދާބިހި ފެންބިހި ހަރުބިހި އުން. (2) ރޯގާގެ ގޮތުގައި ފެތުރޭ )ގައިގެހަމުންނަގާ( ބަލިބަލި. މިސާލު: ހިމަބިހި ފާނަބަސަންދު ކަށިވިދުރި (3) މޫނުގައި ޖަހާ އޮށާޅަ (4) ގަސްގަހުގެ ފަތުގެ ދަށުގައި ހުންނަ އެތިއެތިކޮޅު (5) ބައެއްތަކެތި ފެނުކެއްކީމާ ނުވަތަ ހޫނުކުރީމާ އުފުލޭ ކުދިކުދި ތަންކޮޅުކޮޅު (6) ޒިންކާއި އެލްމެނިޔަމް ފަދަ ތަކެއްޗަށް ލޮނުގެ އަސަރުކުރުމުން އުފުލިފައި ހުންނަ ހަރު ތަންކޮޅުކޮޅު
ބިހުރަ
ނ ނައިކަލީ ދަމާފޮތިގަނޑާއި ކީމަކޮޅުފަދަ ތަކެތީގެ ދެހިރު ދޭތެރޭ ހުންނަ ކުރެހުން
ބިހުރައެޅުން
މ ދަމާފޮތިގަނޑާއި ކީމަކޮޅުފަދަ އެއްޗެހީގައި ބިހުރަ ހަރުކުރުން
ބިނދެލުން
މ (1) ގަސްގަހުން މާ ނުވަތަ މޭވާފަދަތަކެތި ބިނުން (2) މިބަސްލުއިކޮށް ބުނާގޮތް (3) ކާށިފަދަ ތަކެތި ހަރުއެއްޗަކުން ޖަހައި ހުރަހަށް ދެކިބަކޮށްލުން (4) )ސ ( އެއްޗެއްގެ އެއްކޮޅުގައި ނުވަތަ ދެކޮޅުގައި ހިފައި ލަނބައި މެދުން މުގުރައިލުން
ބިނުން
މ (1) ގަސްގަހުން މާ މޭވާ ފަތް ފަދަތަކެތި އުފުރުން (2) ކާށި ފަދަ ނާށިހަރު ތަކެތި މުގުރުގަނޑެއް ފަދަ އެއްޗަކުން ޖަހައި ދެކިބަކޮށްލުން (3) )ހ ( އަންހެނުން ދަރުކޮށުން (4) ކަނަމަދާއި ކަށިކެޔޮއޮށް ފެޅުން
ބިންބިތެޅުން
މ މޯފަދަ އެއްޗަކުން ތަޅައިގެން ބިންބިން ތޮށި ފިލުވުން
ބިންވަޅު ނެގުން
މ (1) ގަލުގައްޔާއި ލަކުޑިފަދަ ތަކެތީގައި އުފުލިފައި ހުންނާނޭގޮތަށް ކުރެހުން ގަނޑުގަނޑާއި ލިޔުން ގަނޑުގަނޑު ކަނޑައިނެގުން (2) މަޖާޒު: ނުފިލާގޮތަށް ހިތުގައި ކަމެއް ހަރުލުން
ބިންވަޅު ކެނޑުން
މ ގަލުގައްޔާއި ލަކުޑިފަދަ ތަކެތީގައި ކުރެހުމާއި ލިޔުން އަޑިކޮށް ހުންނާނެގޮތަށް ކަނޑައި ނެގުން
ބިންދުން
(1) ދަނޑިއާއި ފިލާ ފަދަ ހަރުތަކެތި މުގުރުން (2) ރާޅުބީހިގެން މުގުރުން (3) މުގުރުން މިބަހުގެ 2 ވަނަ މާނަ!
ބިއްތެރި
ނ ބައިމަތިފުލާ ހަށިގަނޑުބިޔަ މީހުންނާއި މިފަދަ ދެޔޯ އިފުރީތު ފަދަ އެއްޗިއްސަށް ބުނެއުޅޭ ބަހެއް
ބިމުކަންތައް
ނ ދަދުނެގުން ފެތުރިނެގުން ފަދަ ކަންކަމަށާއި ކަންފަތު މަތީކައިރިޔާއި ކަރުދޮށުގެ ރޮނގުތައް ކެނޑިފާރުވުމަށް ކިޔާނަމެއް
ބިތްގަނޑު
ނ ތަނެއް ބައިކުރުމަށް ފިލާ ފަދަ އެއްޗަކުން ހަދާ ވަގުތީ ފާރު
ބިލެތްގަސް
ނ އައްޑުހު ދުޢާފަދަ ބައެއްރަސްމީ ކެއުމުގައި ކޭން ކާމީހުންނަށް ލިބޭ ބިލެތްތަކުން އެމީހުންގެ ގޭގެޔަށް ފޮނުވުމަށް މަލެއްގެ ސިފައިގައި ރާވައިފައި ހުންނަ އެއްޗެއް
ބިލެތްގޮށި
ނ (1) ބޮންތިފަނުން ބިލެތް އަޅާން ހަތްފޫ ލައިގެން ވިޔާ ކުޑަގޮނެއް (2) ހަދިޔާއަށްދޭ ބިލެތްއަޅަން ކަށިކެޔޮފަތުން މައްޗަށް ހިމަކޮށް ހަދާ ބާވަތެއްގެ ގޮއްޓެއް (3) ބިލެތް އަޅާން ކަރުދާސްފަދަ ތަކެތިން ހަދާގޮށި
ބިލެތްޖެހުން
މ ދަތްޕާއި ބިލެތް މަލާފަތް ފަދަ ތަކެތީގައި ތަރުތީބުކޮށް ކެފިބިލެތް އެތުރުން. މިގޮތަށް ބިލެތް ޖަހައިފައި ހުންނައިރު ހުންނާނީ ބިލެތުގެ ހުނގޫތައް ބޭރަށެވެ
ބިސްވަޅު
ނ (1) ވެލާއާއި ކަހަނބު ފަދަ ތަކެތި ބިސްއަޅައިފައި ހުންނަ ތަންތަން (2) މަޖާޒު: ފަރުޖު