radheef.info
ރަދީފު


ފަށް
ނ (1) ރޮދި ރޯނު ކަންވާރުފަދަ އެއްޗެއްގެ ދިގު އެތިކޮޅެއް (2) ކަރުގައި އަޅަން މަޢުދަނީ ތަކެތިން ހަދައިފައި ހުންނަ ފަށްވަރު (3) ތަކުރާރުވާގޮތަށް ހިނގާ ކޮންމެ ކަމެއްގެ ފަހަރެއް (4) ފޮތި ފަދަ އެއްޗެހި މަޅައިފައި ހުންނައިރު އެއިން ބައެއް (5) ތަންތަނުގައި ނުވަތަ އެއްޗެހީގައި ތަފާތު ކުލައަކުން ހިމަދިގުކޮށް ފަވައިފައި ހުންނަ ފެވުން (6) އުޅި
ފަށްއެޅުން
މ (1) ކަރުގައި ފަށް އެޅުން (2) ހެދުމުގައި ތަފާތު ކުލަޔަކުން ހަނި ފޮތިފަށެއް ހަރުކުރުން (3) ފޮތި ބޯވަޅުފަދަ ތަކެތީގެ ކައިރިފަށުގައި ހަނިހަނިކޮށް ފޮތިފަށެއް އެޅުން
ފަށްވަރު
ނ (1) ފަށްޓަރު ބައިން ވަކިކޮށްފައިވާ ފަށެއް (2) ފަށެއްގެ ބައެއް
ފަށްވުން
މ (1) ވިދިވިދިގެން ކަމެއްވުން (2) ފަށްކޮށްލުން މިބަހުގެ (1) ވަނަ މާނަ ބަލާ!
ފަށްފަށްޖެހުން
މ (1) ފަށްފަށަށް ހުންނާނޭގޮތަށް އެއްޗެއް މެޅުން (2) ޖަސްތުފަދަ އެއްޗަކުން ހަދައިފައިވާ އެއްޗެއް ބަނޑިބަނޑިވެ ރޫޖެހުން
ފަށްފިލުވުން
މ ފަށްކެނޑުން
ފަށްދަނޑި
ނ މަސްއޮޑިފަހަރުގެ ބޭރުގައި ދަމާ ފަށެއް މިފަށް ދަމައިފައި ހުންނަނީ ދިރުނބާކޮޅުގެ ކުރަފަތްފިލާގެ ދަށުގެ ކައިރީންނެވެ
ފަށްގަނޑު
ނ އޮޑިދޯނިފަހަރުގެ މަތިކަންމަތީ ލަކުޑިން ޖަހާފަށް
ފަށްޖެހުން
މ ފަށްފަށަށް ލެނބުން. މިސާލު: ފޭރާން ރިޔާ ކުނާފަދަ ތަކެތި ފަށްޖެހުން
ފަނިވަރަ
ނ )ސ.( (1) ރާވެރިންގެ ބަދީގެ ދެބައިއެއްކުރާއިރު ދެއުނބު ދެމެދުގައި އޮޅާފަށް (2) މަސް އައިނުގައި އުޅޭ އެއްފަނި
ފަންތޮށިދަޅު
ނ ތާރުކު ފަންތޮށިން ހަދައިފައި ހުންނަދަޅު. މީގައި ހުންނަނީ ލާޖަހައިފައެވެ. މިއީ އިހުގައި އިންޑިޔާއިން ގެންނަ ދަޅެކެވެ. ގިނައިން ހުންނަނީ ދެފަށް ލާޖަހައި ކުރަހައިފައެވެ
ފަންގަނޑުތޮޅި
ނ ފަތިކޮށް ދިގުކޮށް ހުންނަ މަހެއް. މިއީ ތޮޅީގެ ބާވަތެކެވެ. މިއީ އެހެން މަސްމަހާ ޚިލާފަށް ބަނޑުދަށް ފަރާތުގެ ކޮތަރި ބައިނަގޫފަތާ ވަރަށް ކައިރީގައި ހުންނަ އަދި ކަންފަތްވެސް ބަނޑުދަށް ފަރާތުގައި ހުންނަ މަހެކެވެ މިމަސް މާކަނޑުތަކުގައި އުޅޭތީ މަދު ފަހަރެއްގައި ނޫނީ ނުބޭނެއެވެ
ފަންގިވިނުން
މ ތިން އިލީގައި ތިން ފަށް ރޯނު ގުޅައިގެން ވަކި ދުރުމިނެއްގައި ބަހައްޓައިގެން ފަންވަތްތަކެއް ވަކިގޮތަކަށް އެމުނުން
(2) ފައިބަރު ގުލާސް މިބަހުގެ ދެވަނަ މާނަ ބަލާ! ފައިބަރު
ނ (1) އެއްޗެއްގައި ރޮދި ގޮތަށް ހުންނަ ފަށްތައް
ފައްތުފިލާ
ނ އޮޑިދޯނި ފަހަރުގެ ބޮޑު ފަށްގަނޑުގެ ފަހަތު ކޮޅުގައި އަރިބިތަށް ހުރަހަށް ހަރުކުރާ ފިލާ މި ފިލާ ހުންނާނީ ހީރާންސި ފިލާގެ ދަށުގައެވެ
ފައްޓަރު
ނ އުނަގަނޑުގައި ނުވަތަ ކަރުގައި އަޅަން ރަންރިހި ފަދަ މަޢުދަނީ އެއްޗަކުން ފަށް ގަތައިގެން ހަދައިފައިވާ އެއްޗެއް
ފައްޓަރުބައި
ނ އަންހެނުން ކަރުގައި އަޅަން ރަންރިހިން ނުވަތަ ލޮއިން ހަދައިފައި ހުންނަ ގަހަނާއެއް. މި އެކުލެވިގެންވަނީ ފަށްތަކަކާއި ދެމައްސާއި ފޮތިތަކަކާއި ބޮޑު ފޮއްޗަކުންނެވެ
ފައްޓަރުފަށް
ނ (1) ފައްޓަރު ބައިގެ ފަށެއް (2) ކުދިންގެ ކަރުގައިއަޅާ ފައްޓަރުގެ އެއްފަށް
ފަތްޖެހުން
މ ފަށްޖެހުން
ފަލަސްކުރުން
މ (1) ދެވަލުގެ ދެކޮޅު ނުވަތަ ވަލެއްގެ ދެކޮޅު ގުޅުވުމަށްޓަކައި ދެކޮޅުގެ އުޅިތައް ނިއުޅައިލައި އެއްކޮޅުގެ އުޅިތައް އަނެއް ކޮޅުގެ ތެރެއަށް ލައްވައިގެން ގަތައިލުން މިހެން ހަދަނީ ގޮށްނުޖަހައި ގޮށެއްގެ ބާރު ގެނައުމަށްޓަކައެވެ (2) ކޮޅު ހިމަކުރުމަށްޓަކައި ނުވަތަ އުޅިތައް ނިއުޅުނަ ނުދިނުމަށްޓަކައި އުޅިތަކުން ނަރުދަމައި ހިމަކޮށް ފަށްގެތުން
ފަސްދަމާތޮރުފުން
މ (1) ދޯނީގެ ކިއްސަރަށް ވާގޮތަށް ފޮނުމަތުން ތޮރުފުން މިގޮތަށް ތޮރުފާނީ ފޮނުމަތުގެ ދަރު އިއްޗަށް ހިފަމުން ކުނޑިތައް ނެރެމުންނެވެ (2) ދެފަށް ކުނޑިޔަށް ތޮރުފުން