radheef.info
ރަދީފު


މާތް
ނއ (1) މަތިވެރި (2) ބަރަކާތްތެރި (3) އަޚްލާޤު ރަގަޅު
ތަޤުވާވެރިން
ނ މާތްﷲގެ ކޯފާއަށް ބިރުވެތިވެ އެކަލާނގެ އަމުރުކުރެއްވި ކަންތައްކޮށް ނަހީކުރެއްވި ކަންތަކުން އެއްކިބާވާމީހުން
ތަޤުވާވެރިކަން
ނއ މާތްﷲގެ ކޯފާއަށް ބިރުވެތިވެ އެކަލާނގެ އަމުރުކުރެއްވި ކަންތައްކޮށް ނަހީކުރެއްވިކަންތަކުން ދުރުހެލިވާކަން
ތަޤުވާވެރިވުން
މ މާތްﷲގެ ކޯފާއަށް ބިރުވެތިވެ އެކަލާންގެ އަމުރުކުރެއްވި ކަންތައްކުރުމާއި ނަހީކުރެއްވިކަންތަކުން ދުރުހެލިވުން
ތާޅަފިލިފުންމެވުން
މ ތާޅަފިލިފުމުމަށް މާތްކޮށްކިޔާގޮތް
ތާޖުކޮޅު
ނ ތާޖަށް އެންމެމާތްކޮށް ކިޔާގޮތް
ތިމަންކަލޭފާނު
ނ ބުނިބަސް އަންގައި ދިނުމުގެ ގޮތުން ބުނެއުޅޭ އަހަރެން )ތިމާ( މިބަހުގެ ބަދަލުގައި މާތްބަހުން ބުނާގޮތް )މިބަސް ބޭނުންކުރަނީ މަލާއިކަތުންނާއި ނަބީންނާ ރަސޫލުންނާ އަޞްޙާބު ބޭކަލުންނާމެދުގައެވެ
ތިމާ
ނ (1) ބުނިބަސް އަންގައިދޭގޮތަށް އަހަންނަށްބުނާ ބަހެއް (2) )ސ ( ކަލޭ މިބަހުގެ މާތްގޮތް
ތުރުކުރެއްވުން
މ (1) ލުން މިބަހަށް އެންމެ މާތްކޮށް ބުނާގޮތް މިސާލު: )ހ( ހެދުންކޮޅު ތުރުކުރެއްވުން )ށ( އަތަރު ފޮދު ތުރުކުރެއްވުން (2) ބޯކޮށުން ތުނބުޅި ބޭލުން ފަދަނަކް ކަމަށް އެންމެ މާތްކޮށް ބުނާގޮތް މިސާލު: )ހ( އިސްތަށިފުޅު ތުރުކުރެއްވުން )ށ( ތުނބުޅިފުޅު ތުރުކުރެއްވުން (3) ވެށުން ނުވަތަ ހިއްޕުމަށް އެންމެމާތްކޮށް ކިޔާގޮތް މިސާލު: )ހ( ތެޔޮފޮދު ތުރު ކުރެއްވުން )ށ( ބޭސްކޮޅު ތުރުކުރެއްވުން
ތުއްޕުޅު
ނ އުމުރުން ހަގު މިބަހުގެ އެންމެ މާތްގޮތް
ތުއްޕުޅުބޭފުޅުން
ނ ކުޑަކުދިންނަށް އެންމެމާތް ބަހުން ކިޔާގޮތް
ތުއްޕުޅުކަން
ނއނ އުމުރުން ހަގުކަން މިބަހުގެ އެންމެމާތްގޮތް
ތެދުވެވަޑައިގަތުން
މ ތެދުވުން މިބަސް އެންމެ މާތްކޮށް ބުނާގޮތް
ތެޔޮފެންފޮދުތުރުކުރެއްވުން
މ ތެޔޮފެންލުމަށް އެންމެމާތްކޮށް ކިޔާގޮތް
ތޯ
އ (1) ތ. މިސުވާލު އަކުރު މާތްކުރަން ބޭނުންކުރާގޮތް (2) އޮޅުން ފިލުވުމުގެ މާނައިގާ ބޭނުންކުރާ އަކުރެއް މިސާލު: )ހ( ދެވިދާނެތޯ )ށ( ވަގުތުއެބައޮތްތޯ (3) )ގ ( ކަލޭ
ލައުޙު
ނ (1) އާލަމްތަކުގައި ހިނގާނެ ހުރިހާ ކަމަކާ ހުރިހާ އެއްޗެއް ފެށުނީއްސުރެ ނިޔަލަށް މާތް ﷲ މިންވަރު ކުރައްވައި ލިއުއްވައިފައިވާ ފިލާ (2) ލައުޙުލް މަޙްފޫޡު
ލައްބަ
އ މާތްބަހުން އާނއެކޭ ބުނާގޮތް
ލައްބަދުރުވުން
ނ ދިވެހި ބަހުން ވާހަކަ ދެއްކުމުގެ މާތްގޮތަށް ކިޔާނަމެއް
ލައްލައް އެޑުން
މ )ޏ ( އެކަކު އަނެކަކު ދެރަކޮށްލުމުގެ ގޮތުން މަލާމާތްކޮށް އެއްޗެހި ކިޔައި އަނގައިން އަޑުލައްވައި ވައްތަރުޖެއްސުން
ލަދު
ނ (1) އަބުރު ގެއްލޭފަދަ ކަމެއް ކުރުމަށް ޖެހިލުންވާ ޖެހިލުންވުން. (2) ތިމާގެ ކުށް ނުވަތަ ނުފުދޭކަން އިޙްސާސްވާހިނދު މަލާމާތް ލިބިދާނެތީ ޖެހިލުންވެގެން ކަމެއްކުރަން ނުކެރޭ ނުކެރުން. (3) އެހެން މީހުންނަށް ފާޅުކުރަން ނުކެރޭ ވަކިސިފައެއް ވަކި ކަމެއް އެހެން މީހުންނަށް ފެނިދާނެތީ ޖެހިލުންވާ ޖެހިލުންވުން
ލަދުވެތި
ނއ (1) އަބުރު ގެއްލޭފަދަ ކަމެއް ކުރުމަށް ޖެހިލުންވާ (2) ތިމާގެ ކުށް ނުވަތަ ނުފުދޭކަން އިޙުސާސް ވާހިނދު މަލާމާތް ލިބިދާނެތީ ޖެހިލުންވާ (3) އެހެން މީހުންނަށް ފާޅުކުރަން ނުކެރޭ ވަކި ސިފައެއް ވަކިކަމެއް އެހެން މީހުންނަށް ފެނިދާނެތީ ޖެހިލުންވާ