radheef.info
ރަދީފު


ވަރަ
ނ (1) އުދުހޭ އެއްޗެތީގެ ފިޔަ (2) ކެޔޮގަހު ބަނޑުފަތާއި ކަށިކެޔޮފަތް ފަދަ އެއްޗެތީގައި ހުންނަ ތުނިފަށްފަށް (3) މުއިރު (4) ދުނިދަނޑި ލަނބަންޖަހައިފައި ހުންނަ ފަށް (5) މަޑައިގައިޖަހާ އެތިފަށް (6) ފިޔަ
ކަނޑުކުކުޅު
ނ ކަނޑުމަހުގައި ކައްކާ ރިހައެއް. މީގެމަސް ހުންނާނީ ގަނޑަށް ކަނޑައި ދެއިންޗިހާވަރަށް ބުރިކޮށް ހޮޅިކޮށް ކަފައި ހަވާދުހާކައިފައި އޮޅައިލައި ފަންވަތެއްގެ ފަށަކުން ނުވަތަ ރާނބާފަތުގެ ފަށަކުން ބަނދެފައެވެ ކައްކާނީ ހަވާދާއި ކިރާ އަޅައިގެންނެވެ
ކަނޑުކޮއްޓި
ނ ކަނޑުމަތީދޫންޏެއް މިއީ ކަޅުކުލައިގެ ކުޑަވަރަކު ދޫންޏެކެވެ މި އުދުހޭނީ ތިރިތިރިން ކަނޑުގައިޖެހޭ ހިސާބުންނެވެ މަޑުއިރަށް ކަނޑަށް ފީނައިވެސް އުޅެއެވެ
ކަނޑުގެރި
ނ ވާލަންމަސް ޢާއިލާގެމަހެއް. މިމަހުގެ ސިފައާއި އުޅުން ވާލަންމަހާއި ވަރަށް ވައްތަރުވާނެއެވެ. މިބާވަތުގެ ފިރިހެންމަހުގެ ނިތްމަތިން މަހުގެ ކުރިއަށްވާ ގޮތަށް ދަޅެއް ފަޅާފައިހުރެއެވެ. އަންހެންމަހުގެ ނިތްމަތި ހުންނަނީ ގޮތްބެއްހެން އުސްވެފައެވެ. މަހުގެ މަތީބައިގެ ކުލައަކީ ގަދައަޅިކުލައެވެ ބަނޑުދަށްފަރާތް ހުންނަނީ ފަނޑުހުދު ކުލައެއްގައެވެ މަހުގެ އަނގަ ކުޑަވާނެއެވެ ހަންގަނޑު ބޯވެފައި ކުދިކުދި ހުޅުނބުތަކެއް ހުރެއެވެ
ކަނޑޫ
ނ (1) ޗަސްބިމުގައި ތެދަށް ހެދޭގަހެއް. މިއީ އެއްވަރަކަށް ގޮފިލަމުން ހެދޭގަހެކެވެ. (2) ކަނޑޫގަހުގެ ލަކުޑި. މިއީ ވަރަށް މޮޅު ލަކުޑިއެކެވެ. އޮޑިދޯނިފަހަރުގެ ފަށަންލުމަށް ބޭނުންކުރަނީ މިލަކުޑިއެވެ. (3) ކަނޑޫގަހުގެ ވައް. މިވަކަކީ މަލުން ނުކުންނަ ހިމަދިގުކޮށް ދެކޮޅަށްތޫރިކޮށް ހުންނަ ތޮޅިއެކެވެ. މިވައް ދޮންނުވާއިރު ހުންނަނީ ފެހިކުލައިގައެވެ. ދޮންވުމުން ރަތްފެހިކުލައަކަށް ބަދަލުވެއެވެ. މިވަކަކީ ފަލަމަޑީގެ ގޮތުގައި ކެއުމަށްވެސް ބޭނުންކޮށްއުޅޭ އެއްޗެކެވެ
ކަނި
ނ (1) އަލިފާނުން ބުރައިގެންދާ ކުދިކުދި އަލިފާންކޮޅު. (2) އަލިފާނުގެ ތެރެއިން ވަރަށް ކުޑަމިން ވަރެއް. (3) ދެއެއްޗެއް ޖެހިގެން ނުވަތަ ކޭރުވިގެން އުފެދޭ އަލިފާންކޮޅު. (4) ލޮލަށް ލިބޭ ހާނީއްކައަކުން ނުވަތަ ކުރި ބާރަކުން ފެންނަހެން ހީވާ އަލިއަލިކޮޅު. (5) އެންމެ ހިމަފޮދު ވާރޭގެތިކި. (6) ބައްތިއާއި ވޮށްފަދަ ދިއްލާ އެއްޗެހީގެ ފީތާ އަނދާފައިހުންނަ ދެލިކޮޅު. (7) އެކިއެކި ބޭނުމަށް ގެންގުޅޭ ކޮޅު ދެކަތްޕަށް ހުންނަ ދަނޑި. (8) ބައެއްޒާތުގެ މަސްބާނަން އަރާން މޫދުގައި ޖަހާ ދުނބުރި ކަފިގަނޑު. (9) އަންނައެއްޗެހީގެ ކަށިފަތީގެ އެއްމެކައިރިފަށް. )01( ދޮރުގެ ދެފަރާތުގެ ދެގަނޑެތި. (11) ގޭގެ މަތިވަޑާންގަނޑުގައި ގޮތްގޮތަށް ވިއްދައިފައި ހުންނަ އެއްޗެހި. (21) ހަތަރެސްކަން ރިޔަލުގެ ތިރީކޮޅުގެ ދެކަން. )31( މާމުޔާއި ހަކުރު ފަދަ ތަކެތި ހިސާބަކަށް ވާނުބައި )41( ދިއްލައިފައި ހުންނަ ބައެއް އެއްޗެއްހީގެ ހުޅުގަނޑުވާ ކުޑަ
ކަންބަޅި
ނ (1) ބަކަރީގެ ބާވަތެއް މިއީ އޭގެ ކެހެރިޔާ މަހުގެ ބޭނުމުގައި ގެންގުޅޭ އެއްޗެކެވެ މީގެ ކެހެރި ހުންނާނީ ވަރަށް ބޯކޮށެވެ (2) ފުރާދުއްވާ އެއްޗެހީގައި ލޯޖަހާއިރު ބަތާނައަކަށްލާ ތަރުފާލު
ކަރަންކާ
ނ ކަފުރުތޮޅި ގަސްހެން އެއްތަނޑިޔަށް ހެދޭގަހެއް. މިގަހުގެ ފަތް ހުންނާނީ ހިމަދިގުކޮށެވެ. މީގައި ނިކުންނާނީ މާގަނޑެކެވެ. މަލުގައި ހުންނާނީ 5 ފިޔަޔެވެ ތަނޑިދިގުވާނެއެވެ މިއީ ވަރަށް މީރުވަސްދުވާ ހުދު މަލެކެވެ މިގަސްހެދޭނީ ތެތް ބިމުގައެވެ މިގަހުގެ ބުޑުން ނިރުތައް ނިކުމެ ވަރަށް އަވަހަށް ގިނަވާނެއެވެ
ކަރުފަތުވިހަ
ނ (1) ކަރުގެ ބައްޔެއް މިއީކަރާއި ކަތުރު ކަށިގަނޑަށްވީ ހިސާބު ދުޅަވާ ބައްޔެކެވެ މި ބަލިޖެހުމުން ވަރަށް ގަދައަށް ކަރުގައި ރިއްސާނެއެވެ ބައެއް ފަހަރު ކަރުތެރެ ބެދޭގޮތްވެއެވެ (2) ތާފަތުވިހަ (3) ކަރުތާ ފަތުވިހަ (4) ކަށު ފަތުވިހަ
ކަރުފޮޅު
ނ ކަރުގެ ބައްޔެއް މިއީ ކުއްލިއަކަށް ނަގާ ފޮޅެކެވެ މިއީ ވަރަށް ނުރައްކާތެރި ބައްޔެކެވެ
ކަޅަހަނދި
ނ ހަނދީގެ ބާވަތެއް. މިމަހުގެ ކުލައަކީ ވަރަށް ގަދަ އަޅިކުލައަކަށްދާ ކަޅު ކުލައެކެވެ. މަހުގެ ކަރުތާފަތްގަނޑުގެ މަތީ ކައިރީގައި ކަޅުކުލައިގެ ލަފެއް ހުރެއެވެ އަނގައިގެ މަތީ ތަލީގައި ދެބަރިއަކަށް ދަތް ހުރެއެވެ
ކަޅުހުއްތުމޭވާ
ނ މޭވާގެ ބާވަތެއް މިއީ ވަރަށް ފޮނި މީރު މޭވާއެކެވެ މިމޭވާގައި ކާން ބޭނުންކުރަނީ އެތެރޭގައި އޮންނަ އޮށްތަކުގެ ބޭރުގައި އޮންނަބައެވެ މިގިނައިން ބޭނުންކޮށް އުޅެނީ ފަނި ގިރުމަށެވެ
ކަޅުރޮނޑު
ނ ރޮނޑުގެ ބާވަތެއް މި މަހުގެ ކުލައަކީ ކަޅުކުލައެވެ މިބާވަތުގެ ބައެއް މަސްމަހުގައި ފެހިކުލައެކުވެފައި ހުންނަ ގަދަ ނޫކުލަވެސް ހުރެއެވެ މަޑުކޮތަރިބައިގެ ކައިރީގައި ހުދާއި ނޫކުލައިގެ ރޮނގުތަކެއް ހުރެއެވެ ނިގޫފަތުގެ ކައިރިފަށް ހުންނަނީ ވަށްކޮށް އެއްވަރަކަށް ކަނޑައިލައިފައި ހުންނަ ކަހަލަ ގޮތަކަށެވެ
ކަޅުކަނދު
ނ ކަނދުގެ ބާވަތެއް މިކަނދު ހުންނަނީ ކަޅުކުލައިގައެވެ މިއީ ވަރަށް މަޑު ލަކުޑިއެކެވެ ފަތުރުވެރިންނަށް ވިއްކުމަށްޓަކައި މިކަހަލަ ލަކުޑިން ކުދި ދޯނިފަހަރު ހަދައި އުޅެއެވެ
ކަޅުކައްޅަ
ނ ޅަނދޮޅުކޮށް ހެދޭ ދުރުދުރުގައި ފަތް ހުންނަ ގަހެއް މިގަހުގެ ފަތް އެތުރިފައި ހުންނަނީ ގޮފީގެ ދެފަރާތުގައި އެއްފަތް އަނެއްފަތާ ދިމާވާގޮތަށެވެ މިއީ ބޯކޮށް ހުންނަ އާވިރަހަލާ ފަތެކެވެ ފަތުގައި ހުންނަނީ ގަދަ ފެހިކުލައެވެ މިގަހުގެ ގަސްގަނޑުގެ ކުލައަކީވެސް ގަދަފެހިކުލައެވެ މިއީ ވަރަށް ކިރު ގިނަ ގަހެކެވެ
ކަޅުކޮތަރިރައިވެރިމަސް
ނ ރައިވެރިމަހުގެ ބާވަތެއް. މިމަހުގެ ކަރުތާފަތުގެ ކުރީބައިގެ ތރީގައި ވަރަށް ތޫނު ހަރުކައްޓެއް ހުރެއެވެ. މަހުގެ ތިރީތުން މަތީ ތުނބަށްވުރެ ދިގުވާނެއެވެ މަހުގެ ހުޅުނބުތަކުގެ މެދު ހުންނަނީ މަޑުރަތްކުލައެއްގައެވެ ބުރަކަށިމަތީގެ ކޮތަރިބައިގެ ހަރުކަށިތަކުގެ މަތީ ބަޔާއި ތިރީބައި ފިޔަވައި މުޅި ކޮތަރިބައި ހުންނަނީ ކަޅުކުލައިގައެވެ
ކަޅުއޮށް
ނ ފަރުމަހުގެ ބާވަތެއް މިމަހުގެ ކުލައަކީ ކަޅުރަތްކުލައެވެ ބަޑުދަށް ފަރާތުގައި މިކުލަ ހުންނަނީ ވަރަށް ފަނޑުކޮށްނެވެ މަހުގެ ތުނބުން ފެށިގެން ލޯހުރަސްކޮށް ދެވަނަ ކޮތަރިބައި ނިމިފައިވާ ހިސާބަށް ކަޅުކުލައިގެ ރޮނގެއް ހުރެއެވެ މިރޮނގުގެ ފަހަތުން މަހުގެ ނަގޫކޮޅުގައި ކަޅުކުލައިގެ ލަފެއް ހުރެއެވެ މަހުގެ ތުނބުގައި ދެނަރުވާ ހުންނާނެއެވެ
ކަޅުއޮށްފުންމިއަށް ކާފަރުން އަރާ އޮތްހެން
)މިސާލުބަހެއް( އެތަނަކަށް ނުވަތަ އެއްޗަކަށް ނުކުޅަދާނަ ވަރަށް މީހުން އަރައި ތިބުމަށް ބުނާ ބަހެއް
ކަޅުވަކަރު
ނ ލަކުޑީގެ ބާވަތެއް މިއީ ކަޅުކުލަގަދަ ކީލި ވަރަށް ހިމުން ލަކުޑިއެކެވެ
ކަޅުވެން
ނ ވެނުގެ ބާވަތެއް މިއީ އެންމެބިޔަވާ ވައްތަރުގެ ވެނެވެ މިވެން ގާތްގަނޑަކަށް 2 2 މީޓަރަށް ބޮޑުވެއެވެ ދަތްތައް ހުންނާނީ ވައްކޮށް ވަރަށް ވަރުގަދަކޮށެވެ މިބާވަތުގެވެން އިންސާނުންނަށް ނުރައްކާތެރި ހަމަލަދީ އުޅެއެވެ މިވައްތަރުގެ ވެނުގެ ކުލަ ހުންނާނީ ކަޅުކުލައަކާއި ގަދަމުށި ނުވަތަ ކަޅުރަތް ކުލައަކަށެވެ
ކަޅުތިލަ
ނ ގައިގެ ހަމުގައި ފާޅުވާގޮތަށް ހުންނަ ކުޑަކުޑަ ކަޅުތިއްކެއް މިހުންނާނީ ހަމާއި އެއްވަރަށެވެ