radheef.info
ރަދީފު


ކޮން
އ (1) އޮޅުން ފިލުވުމަށް ކުރާ ސުވާލުގެ ކުރިއަށް ގެންނަ ލަފުޒެއް މިސާލު: )ހ( ކޮންބައެއް )ށ( ކޮންތާކަށް )ނ( ކޮންއިރަކު (2) ނ ކަނބޯ
ފަރުޟުރޯދަ
ނ (1) މުސްލިމުންނަށް ކޮންމެ އަހަރަކު ރަމަޟާންމަހު ހިފުން ވާޖިބު ކުރައްވައިފައިވާ ރޯދަ (2) ހިފުން ވާޖިބު ރޯދަ
ފައްސިޔަކޮށްލުން
މ މަޖާޒު: (1) ކޮންމެގޮތެއް ވަރިހަމަ ކޮށްލުން (2) ދީލައިލުން
ފަލިވަޅު
ނ ފަލިޖެހުމުގައި ފަލިދޫފެނުގައި ޖައްސައި ދަމާލާކޮންމެ ފަހަރެއް
ފަސޭހައުޅުން
މ މަޖާޒު: (1) ކޮންމެ ގޮތެއް ވަރިހަމަކޮށްލައިގެން އުޅުން. (2) ދިމާވީ ތަނަކުން ކައިގެން ޖެހުނު ތަނެއްގައި ނިދާފައި ފަސޭހަތާކުން ފެންވަރައިގެން އުޅުން
ފަސްގަނޑުކަނޑައިލުން
މ (1) ކޮންނަމުން ދާ ވަޅެއްގެ ކައިރިފަށް އުދަލިން ކަފައިލުން (2) ވެލިފުންޏެއް ނަގަމުން ދާއިރު ވެލި ފުނީގައި ގުޅިފައި ހުންނަބައި އުދަލިން ކަފައިލުން
)މިސާލުބަހެއް( މީހާކޮންމެ ތަނެއްގައި ހުއްޓަސް އެމީހާ މަރުވާން އިރާދަ ކުރައްވާ ތަނަކަށް ގެންދަވާނެކަން ބަޔާން ކުރުމަށް ބުނެއުޅޭ ބަހެއް ފަސްގަނޑެއް ނުދާނެއެވެ ދާނީ މީހާއެވެ
ފާރުހިއްކުން
މ ހަށިގަނޑުގައި ފާރުހުރި ތަނެއް ކޮންމެވެސް ބޭހަކުން ފަސޭހަކޮށްލުން
ތޮނގި
ނ ފުޅަފުގައި ފުޅަލި ހަރުކުރަން ހުންނަދަނޑި މިދަނޑިހުންނާނީ ފުޅަލީގެ އެހެން ދަނޑިތަކަށްވުރެ ތަންކޮޅެއް ދިގުކޮންނެވެ މިދަނޑީގެ ތިރީކޮޅު ހުންނަނީ ފުޅިއެއްގެފޫ ނުވަތަ ނާއްޓެއް ފަދަ އެއްޗެއްގައި ޖައްސައިފައެވެ މަތީ ކޮޅުގައި ފުޅަފުގެ މުޑިޔާއެއްކޮށް ކުސަގަނޑެއ ފުރައިފައެވެ
ފިތް
ނ (1) އާދަމުގެ ދަރިންނާ ކުކުޅުހާފަދަ ބައެއް އެއްޗެހީގެ އެތެރެ ހަށީގައި އޮންނަ ވަރަށް ކުޑަ ގުނަވަނެއް. މިއީ ހަޖަމު ކުރުމުގެ ދިޔަ އުފައްދާ ގުނަވަނެވެ. (2) ބައެއް ތަކެތި ހަދައިފައި ހުންނައިރު އެއްސިފަޔަށް އުފުލިފައި ހުންނަހެން ހަދައިފައި ހުންނަ ތަންތަން. މިސާލު: ގޯނބިލިފުޅީގެ ފިތް. (3) ކެވޭ އެއްޗަކުން ނުވަތަ އެހެންވެސް ގޮތަކުން ގައިގެ ތަންތަނުން އުފުލޭ ތަންތަން. (4) ލުނބޯ ފޮނިލުނބޯ ފަދަ އެއްޗެހީގެ އެތެރޭގައި ބައިބައި ވަކިކޮށް ނެގެން ހުންނަ ބައިތަކުން ބައެއް. (5) މިޔުޒިކް ކުޅެން ގެންގުޅޭ ބައެއް އެއްޗެހީގައްޔާއި ރޭޑިޔޯގައި ހުންނަ ބައިތަކުން ބައެއް. (6) ބައިސްކަލް ޗޭނާއި ގަޑީ ޗޭނާއި ކަމަރުފަދަ ތަކެތީގެ ބަދައެއް. (7) ފިތްޖެހި ތެލީގައި ހުންނަ ކޮންމެ އަޑިތަނެއް. (8) ފުމެން ގެންގުޅޭ ދުންމާރީގެ ކޮޅަށް ފަނުން ނުވަތަ އެނޫންވެސް އެއްޗަކުން ހަދައިގެން ޖަހައިފައި ހުންނަ އެތިކޮޅު
ފުށަވެރިއިހާ
ނ )ށ ( (1) ރުކުގެ ކޮންމެ އިހަލަކާއި ދިމާއަށް މައްޗަށް އޮންނަ އިހާ (2) ފުރަވެރި އިހާ
ފުރަގަސްދިނުން
މ (1) މީހަކަށް ނުވަތަ އެއްޗަކަށް ބުރަކަށި ދިމާވާގޮތަށް އެނބުރުން (2) މަޖާޒު: ކުރަން ޖެހިފައިވާ ކަމެއް ކޮންމެވެސް ސަބަބަކާއި ހުރެ ނުރުހިގެން ނުކޮށް ދޫކޮށްލުން
ފުރާ
ނ (1) އުމުރުގެ ދައުރެއް. މިސާލު: ޅަފުރާ މުސްކުޅިފުރާ (2) އމ "ފުރުން" މިބަހުގެ އަމުރު މިސާލު: މިރުނބާ އަބަހަށް ފުރާށެވެ (3) ވކ "ފުރުން" މިބަހުގެ ވާކަން މިސާލު: ކޮންމެ ދުވަހަކު އޭނާ މަހަށް ފުރައެވެ (4) )ބދ ( ހިސާބު
ފުޅިމަދު އުނގުރި
ނ މަޖާޒު: ކޮންމެ ކަމަކަށް ހެޔޮވަރު މީހުންނަށް ބުނެއުޅޭ ބަހެއް
ފުއްކަށި
ނ މައުދަނާއި ކޮންކްރީޓް ފަދަ ހަރު އެއްޗެހި ކަނޑަން އެކަތައިން ހަދައިފައި ހުންނަ އާލަތެއް މިހުންނާނީ އެއްކޮޅު ފަތިކޮށް ތޫނުކޮށްފައެވެ
ފުލައިވީލް
ނ އިންޖީނެއްގެ ހިނގުން ކޮންޓްރޯލް ކުރުމުގެ ގޮތުން އިންޖީނުގައި ހަރުކޮށްފައިވާ ބޮޑު ބުރެއް
ފޫ
ނ (1) ބައެއް ކަހަލަ ކާއެއްޗެހި ގިނަ ދުވަސްވެ ހަލާކުވެގެން ނުވަތަ ވައި ބަންދުވެ ދުވަސްވެގެން އޭގައިޖަހާ ކަފަގޮތަށް ނުވަތަ ކެހެރި ފާޑަށް ހުންނަ އެއްޗެއް. މިއީ ދިރުން ހުންނަ ހުދުކުލައަކަށްދާ އެއްޗެކެވެ. ދުވަސް ވީވީހެން ކުލަ ބަދަލުވަމުންގޮސް ކަޅުކުލައަށް ބަދަލުވެއެވެ. (2) ދާ ހިއްލާ ހިކުނީމާ ގައިގަޔާއި ފޭރާމުގައި ހުންނަ ހިކިފައިވާ ލޮނު. (3) ޖަންބާއި ޖަނބުރޯލުފަދަ ތަކެތީގެ މަލުގެ ފިޔަ ވެރުނީމާ މޭވާއަކަށްވުމުގެ ކުރީގައި ހުންނަބައި. (4) އެއްޗެހި ހަރުލާގޮތަށް ހުންނަ ކޮންމެ އެއްޗެއްގެ އަޑީގެ ދެފަރާތް. މިސާލު: ތެލި ވަޅު ތާނގީ ދަޅުފަދަ އެއްޗެހީގެ ފޫ (5) މަސްއަރީގެ ނިމޭކޮޅު (6) ދަނޑި ނުވަތަ ރިތް ފަދަ ތަކެތީގެ ފަލަކޮޅު (7) ފިނދުމަސްގަނޑު (8) މޭވާއާއި ތަރުކާރީފަދަ ތަކެތީގެ ތަނޑު ހުންނަކޮޅު ނޫން އަނެއް ކޮޅު
ފެށުން
މ (1) އަޒަލު (2) ކަމެއްގެ ޙަރަކާތް ހިނގައިގަތުން (3) "ނިމުން" މިބަހުގެ އިދިކޮޅު (4) ކަމަކަށް އިސްނެގުން (5) ޖަލްސާ ކޮންފަރެންސް ފަދަ ތަންތަން ހުޅުވުން (6) މަޒުމޫނު ބަޔާން ފަދަ ތަކެތީގެ ތަޢާރުފު
ފެނާޖެހުން
މ ވަޅުކޮންނަމުންގޮސް ފެން ހުންނަ ހިސާބާ ހަމައަށް ކޮނެވުން
ފެންފުޅި
ނ (1) ބައެއްކަހަލަ އިންޖެކްޝަން ޖަހާއިރު ބޭނުންކުރަންޖެހޭ ފެން ހުންނަފުޅި (2) ފެންއަޅައިފައި ހުރި ކޮންމެ ފުޅިއެއް
ފެންފޮޅިތާނަ
ނ އިހުގައި ތާނަ ލިޔެއުޅުނު ގޮތެއް މިލިޔުމުގައި ކޮންމެ އަކުރެއް އަޅައިފައި އެއަކުރާ ގުޅިގެން އެއަކުރެއްގެ ވަށައިގެން ބޮޅުތަކެއް އަޅައެވެ