radheef.info
ރަދީފު


ކުރާ
ނ (1) ބިންބިއާއި އުރައާއި ކުދިބަތްފަދަ ގަސްގަހާއި އަދި މިގޮތަށް ހެދޭ ބައެއް ވިނަގަސްގަހުގެ އޮށް ހުންނަ މާގަނޑު (2) މިސްކިތު ލާގެ ފަދަ ތަންތާނގައި ނަމޫނާ ކުރައެއްގެ ސިފައިގައި ވައްގަޑު ނެތި ލިޔެފައި ހުންނަ ކުޑަ ތަނބެއް (3) ވައްގަޑުން އެއްޗެހި އޮއްސާން ހަދައިފައި ހުންނަ ބާވަތް ބާވަތުގެ ކަންވާރު މިސާލު: )ހ( ނަމޫނާކުރާ )ށ( ސައިކުރާ
ނިވާފަތް
ނ (1) ތަޅުދަނޑިވަޅު ފޮރުވާން ތަޅުވަޅުމަތީގައި ހަރުކޮށްފައި ހުންނަ އެތިކޮޅު (2) ދޮރުފަތް ލެއްޕީމައި ދެދޮރުފަތް ދެމެދުން ހާއަޅާތަން ނިވާކުރުމަށް އެއްދޮރުފަތުގައި ހަރުކުރާ ފަތިގަނޑު މިފަދަ ބޭނުމަށްޓަކައި ހަރުކުރާ ކޮންމެ އެއްޗަކަށްވެސް މިނަމުން ކިޔައެވެ
ނިމަ
ނ (1) ރަށްރަށުގެ ރައްޔިތުންކުރާ ދަތުރުތަކުގައި ރައިވެރިންނަށް ނުދެވޭތީ އެމީހުން އަތުން ނަގައި އުޅުނު ހަކުރު ނުވަތަ ތަކެތި (2) ދަތުރުވެރިންނަށް ބައެއް ރަށްރަށުން ހަދިޔާއަށް ދީއުޅުނު ތަކެތި މިތަކެތިދީ އުޅުނީ އެރަށްރަށުގެ ފަޅަށް ދަތުރުދޯނި ވަނީމައެވެ
ނިފާޅަ
ނ )ޅ ( ފަތްޕިލާވެއްޔެއް މިއީ ބިލެތް އަރާހެން ރުއްރުކަށާ ގަސްގަހަށް އަރާ ވެލެކެވެ މިވެލުގެ ފަތްތައް ހުންނާނީ ބިލެތާ އެއްފާޑަކަށް އެއަށްވުރެ ބޮޑެތިކޮށެވެ މިއީ ވަރަށް ގިނައިން ދިވެހި ބޭހަށް ބޭނުންކުރާ ފަތެކެވެ
ނިދަނި
ނ (1) އެތެރެ ކަލިވަތް ކަލިވަތަށް ހުންނަ ބޯގޮދަޑިއެއް (2) ނިދުން- މިބަހުގެ އަމުރަށް ބޭނުންކުރާގޮތެއް (3) )މަލިކު( ގޮދަޑީގެ ދަށުގައި އަޅާއެތި
ނިލަގަނޑު
ނ (1) ނިލަފަންގެ. (2) އޮޑިދޯނި ފަހަރުގެ ކުޑަ ހިޔާ ހަދަން ބޭނުންކުރާ ފަންގެ. މިއީ އޮޑިދޯނި ބައްތެލި ފަހަރުގެ ފަންހިޔަލުގެ ފުރާޅުމަތީގައި ފެތުރުމަށްޓަކާ ކަށިކޭލު ހޮޅުގެ ފަތިން ދެފަތިގަނޑު ދޭތެރޭގައި ކައިވަތެއްހާ ދުރުމިން ހުންނަވަރަށް ބަނޑުވަރުތަކެއްގައި އައްސައިއަމުނައިފައި އޮންނަ ފަތިތަކެކެވެ
ނިގާރަން
ނ (1) ކަނޑު ދަތުރުފަތުރުކުރާ ބައެއް އުޅަނދު ދުއްވުމަށްޓަކައި ކޮންމެހެން ބޭނުންވާބަރު މަޖާޒް: (2) ހެނދުނު ފުރަތަމަ ބަނޑައްލާ އެތިކޮޅު (3) މީހުންގައި ހުންނަ ހަރުދަނާކަން
ނިޔާމަދަތުރު
ނ (1) ފަހިދަތުރު (2) ފަސޭހަކަމާ އަރާމާއެކު ކުރާ ދަތުރު
ނީލަން
ނ (1) އެކަކަށްވުރެ އަނެކަކު މައްޗަށް އަގު ކިޔަމުން ގޮސް އެންމެ މައްޗަށް ކީ މީހަކު ގަތުން މަޖުބޫރުކުރާ ވިޔަފާރިއެއް (2) ނީލަމް
ނުނިޔަތް
ނ (1) ހަސަދަ (2) ހިތުގައިހިނގާ ނުރުހުން (3) އަނެކާއަށް ދެރައެއް ދިނުމަށް ގަސްދުކުރާ ކުރުން
ނުބީހެންޏާކަނޑާހަމަ
(މުސްކުޅިބަހެއް) (1) ކަމެއްވުން ކިތަންމެ ކައިރިވިޔަސް އެކަމެއް ނުވަންޏާ ފަރުވާލެއް ނެތޭ ބުނުމަށް ބުނެއުޅޭބަހެއް (2) ފާޅުނުވަންޏާ ނުކުރާ ކަމެކޭ އެއްފަދައޭ ބުނުމަށް ބުނެއުޅޭބަހެއް
ނުކިޔަމަންތެރި
ނއ (1) ބޯނުލަނބާ (2) ބަސްނާހާ (3) ގޮތްދޫނުކުރާ
ނުކިޔަމަންތެރިން
ނ (1) ބޯނުލަނބާ މީހުން (2) ބަސްނާހާ މީހުން (3) ގޮތްދޫނުކުރާ މީހުން
ނުކިޔަމަންތެރިކަން
ނއނ (1) ބޯނުލަނބާކަން (2) ބަސްނާހާކަން (3) ގޮތްދޫނުކުރާކަން
ނުއަތުރޯޅި
ނ (1) ވައިޖެހޭ ފަރާތްނޫން އަނެއް ފަރާތުން އަންނަރޯޅި. (2) ފުށަތުރޯޅި. (3) ވެރިޔަކު އޭނާގެ ދަށުން ހުންނަ މީހަކާމެދު އޭނާގެ ކުށެއްނެތި ކަމަކާނުލައި ރުޅިއައިސްގެން ކުރާކަންތައް
ނުވެސް
އ ނުކުރާނެ ކަމުގެ މައްޗަށް ގަދަކުރާން ބުނާބަހެއް
ނުމޮށޭގުރާ ބާރަށްދައިގަންނާނެ
(މުސްކުޅިބަހެއް) މިހެން ބުނެއުޅެނީ ބަސްމަދުކޮށް ހެޔޮލަފާކޮށް ތިބޭކަމަށް ހީވާމީހުން ކުރާ މާބޮޑެތި ނުބައި ކަންތައްތަކާ މެދުގައެވެ
ނުފޯރާފޮތިން ފޫގެޅުން
މ މަޖާޒު: ކުޅަދާނަކަންނެތް މިންވަރަށް ކަންތައް ކުރާން އުޅުން
ނުގަންނާން ހުންނަ ދޮނގެއްހެން
(މިސާލުބަހެއް) މީހަކު ކަމެއް ކުރާން ނުކުރާން ހުންނަ ހުރުމަށް ބުނެއުޅޭ ބަހެއް
ނުސީދާހިލޭ ޖެހުން
މ ފުޓުބޯޅައާއި ހޮކީފަދަ ކުޅިވަރުގައި ކުށްކުރާ ބަޔާ އިދިކޮޅަށްދޭ ޖެހުން މިޖެހުމުގައި އެހެން ކުޅުން ތެރިއެއްގެ ގައިގައި ނުޖެހި ސީދާ ގޯލަށް ވަނަސް ލަނޑަކަށް ނުވާނެއެވެ
ނޫހިލަފާޖާރު
ނ ހިލަ ބިންބިމުގެ އާނުފަށަލައިން ނެގޭ މަޑުނޫކުލައިގެ މަޑު މަޢުދަނެއް ހިލައަށްވުރެ މީގެކީލި ހިމުންވާނެއެވެ މިއީ ވިހައިގެ ބޭހަށް ބޭނުންކުރާ އެއްޗެކެވެ