radheef.info
ރަދީފު


ކުރަ
ނ (1) ދިރޭ އެއްޗެހީގެ ހަމުގައި ބޯކޮށް ރާޅުކޮށް ހެދިފައި ހުންނަ ތަންތަން (2) ބައެއް މޭވާއާއި ތަރުކާރީގެ ބޭރުގައި ބޯކޮށް ހަރުކޮށް ހުންނަ ތަންތަން (3) ގަސްގަހުގެ ތޮށީގައި ބޯކޮށް ހަރުކޮށް ހުންނަ ތަންތަން (4) )ސ( ވައްގަނޑުން އެއްޗެތި އޮއްސާން ހަދައިފައި ހުންނަ ބާވަތް ބާވަތުގެ ކަންވާރު (5) )ބދ ( ފުށަތް
ކޭސް
ނ ވަކިވަރަކަށް މުދާ ބަންދުކުރަން ހަދައިފައި ހުންނަ ފޮށި ނުވަތަ އޭގައި ހުންނަން ކަނޑައެޅިފައިވާ ޢަދަދު
ކޮށިބިއްލޫރި
ނ ގޮތްގޮތަށް ކޮށައިފައި ހުންނަހެން ފެންނަގޮތަށް ހަދައިފައި ހުންނަ ބިއްލޫރިއާއި ބިންވަޅުނަގައި ކުރަހައިފައި ހުންނަ ބިއްލޫރި
ކޮށު
އ (1) އިހުގައި ވެރިކަމުގެ ފަރާތުން ކަމަކަށް ކުރައްވާ އަމުރު ގަދަކުރުމަށް ޖުމުލަ ނިންމާ އަކުރު މިއަކުރު ބޭނުންކުރަނީ ހަމައެކަނި ލިޔުމުގައެވެ މިސާލު: )ހ( ދީފަނީކޮށު )ށ( މިވެނި ކަމެއްނުކުރަނީކޮށު
ކޮންނަބޯޓު
ނ ތަންތަންކޮނެ ފުންކުރަން ބޭނުންކުރާ މެޝީން ހަރުކޮށްފައި ހުންނަ އުޅަނދު
ކޮންކޮން
ނ (1) ބެރުގެ ހަންބާރުކުރަން ވޮށީގައި ތަޅަންގެންގުޅޭ މުގުރު. މިއީ ދެކޮޅަށް ހިމަ ފޯލިކޮށް އޮންނަ ގުދު އެއްޗެކެވެ. (2) " ކޮން" ބަލާ!
ކޮންތާކު
އ (1) ހުރިތަނެއް އޮޅުން ފިލުވުމުގެ ގޮތުން ސުވާލުކުރަން ބޭނުންކުރާ އަކުރު (2) ތިމާ ދެނަހުރި ކަމެއްގެ ވާހަކަ އަނެކަކު ބުނީމާ އެކަން އެނގިހުރެ އެކަން ގަދަކޮށްލުމަށް ހަމަތިޔަހެންހޭ ބުނުމުގެ ބަދަލުގައި ބުނެއުޅޭ ބަހެއް (3) ތިޔައީ ދޮގެކޭ ބުނުމުގެ ބަދަލުގައިވެސް ހަމަ މިބަސް ބުނެއުޅެއެވެ މިސާލު: މިހާރު ތިޔައުޅެނީ މީހަކާ އިންނަންދޯއޭ ބުނުމުން ކޮންތާކު މީހަކާއި އިންނާކަށް ނޫޅެން
ކޮރޮފި
ނ )ޏ ސ ( ކުރަފި
ކޮރޮފިރޮނޑޮ
ނ )ޏ ( ރޮނޑުގެ ބާވަތެއް މިވައްތަރުގެ ރޮނޑުގެ ކަރުތާފަތްގަނޑުގެ ތެރޭގައި ކުރަތްޕެއް ކަހަލަ ކުދިކުދި ދިރޭ އެއްޗެހިތަކެއް ހުރެއެވެ ބާނާއިރު ބައެއް އެއްޗެހީގެ ކަރުތާފަތްގަނޑުން ބޭރުގައި މަރުވެގެން ތަތްވެފައިވެސް ހުރެއެވެ ކުލައަކީ ކަޅުކުލައެވެ ވައްތަރުވާނީ ކަޅު ރޮނޑާއެވެ
ކޮމާކޯޅި
ނ ލިޔުމުގައި ބޭނުންކުރާ ނިޝާނެއް މިނިޝާން ވައްތަރުވާނީ ޖެހިޖެހިގެން ޖަހާ ދެކޮމާއާއެވެ މިނިޝާން ބޭނުންކުރަނީ އެހެން މީހެއްގެ ޢިބާރާތެއް އޭނާ ބޭނުންކޮށްފައިވާ ގޮތަށް ލިޔުމުގެ ތެރޭގައި ބޭނުން ކުރާއިރުއާއި ލަފުޒަކުން ދޭހަވާމާނަނޫން މާނައެއްގައި އެލަފުޒު ބޭނުން ކުރާއިރު އެ ޢިބާރާތެއްގެ ނުވަތަ އެލަފުޒެއްގެ ފެށޭތަނުގައާއި ނިމޭ ތަނުގައެވެ
ކޮލިކަލޭގެ
ނ ކޮލިލާން ދައުލަތުން ޚާއްޞަކުރައްވައިފައި ހުންނަ މީހާ
ކޮލިލުން
މ އިހުގައި ރަސްމީ ބައެއް ލަޤަބާއި ރަސްމީ ބައެއް ޚާއްޞަ ކަންތައްތައް އިޢުލާން ކުރުން. މިކަންކުރާގޮތަކީ މިކަމަށް ޚާއްޞަވެފައިވާ މީހަކު ފުޅިދޮށުއަށީގެ ލޯގަނޑު ހިފައިގެން ކޮލިކިޔަން ކަނޑައެޅިފައިވާ ތަންތަނަށް ހުއްޓި ކޮލީގެ ޢިބާރާތްކިޔައި ޤަވާޢިދެއްގެ މަތިން ލޯގަނޑުގައި ޖަހަމުން ކޮލި ހިނގާމަގު ވަށައި ހިނގަނީއެވެ މިކަންކުރަނީ ކޮލިކަލޭގެއެވެ
އަނބިހި
ނ ވަރަށްހުތް މަޝްހޫރުމޭވާއެއް މިގިނައިން ބޭނުންކުރަނީ ހިއްކައިގެންނެވެ
އަނދުންވަރުނަ
ނ އަނދުން އެޅީމާ ފެންނަ ގޮތަށް ހުންނަ މިބަސްބޭނުންކުރަނީ ރަސޫލުﷲ ޞައްލައްﷲ ޢަލައިހިވަސައްލަމައާ ނިސްބަތްކޮށެވެ
އަނގަބެދުން
ނ (1) ދެމީހަކު ކުރާޒުވާބެއްގައި އެތަނުން އެކަކަށް ބުނާނެއެއްޗެއް ނޭނގުން (2) ޒުވާބުކުރަމުންގޮސް އަނެކެއްގެ ސުވާލަށް ދޭނޭ ޖަވާބެއް ނޭނގުން
އަނަ
ނ (1) އެކިއެކި ބޭނުމުގައި ދަނޑިއެއްގެ ކުރީގައި ކަނިފަށެއްހެން ބަންނަ ދަނޑިކޮޅު (2) ފަންޑިތަވެރިންކުރަހާ ވަކިވައްތަރެއްގެ އަޒީމަ
އަނާ
ނ (1) އަހަރެންނޭ ބުނާބަސް މިބަސް ބޭނުންކުރަނީ ޅެމުގައެވެ (2) އިންޑިއާގެ ސިއްކައެއް އެއީ ރުފިޔާއެއްގެ ސޯޅަބައިކުޅައެއްބައެވެ
އަނެއް
ނއ ތިޔަނޫން. މިބަސްބޭނުންކުރަނީ އެނގިފައިވާ އެހެން އެއްޗަކަށް ނުވަތަ އެހެން ކަމަކަށް އިޝާރާތްކުރުމަށެވެ. މިސާލު: އަނެއްފޮތް އަނެއް ފަހަރު
އަންބަލަން
ނ (1) ރޯދަމަހު ހިފައި އޮޅުލައި އުޅުނު ޒަމާނުގައި އެކަމަށްޖަހާ ވެލިފުނި މިހުންނާނީ ދޮންވެލީން ނުރޫޅޭ ވަރަށް ހަރުކޮށްފައި ބާވަތްބާވަތުގެ މޭވާ އާއި މައުމެލާމެލީން ކުރަހައިފައެވެ މިތަން ރޫޅަނީ ރޯދަޔަށް ހަނދުފެނުނީމައެވެ ރޫޅައި ލުމަށްފަހުވެސް މިތަނަށް ކިޔަނީ އަންބަލަމެވެ (2) ހަތަރު ކައިރީގައިލަކުޑި އަޅައިފައި މެދަށް ދޮންވެލި އަޅައިގެން ހިފާންތައްޔާރުކުރާ ތަން (3) ކިޔެވެލި ކިޔަވާއިރު ތަނބެއްގައި ކަށިމަލު ފިޔައިން ހަތަރު ކައިރިހަދައިފައި އެތެރެއަށް މައުއަޅައިގެން ހަދާތަން
އަރަބިތަމަޅަ
ނ ޢަރަބި އަކުރަށް ނުކުތާ އިތުރުކޮށްގެން ތަމަޅަބަސް ލިޔެ އުޅޭ އަކުރެއް
އަރުވާހިފުން
މ (1) ހިފުމުގައި ބައްދާފައި ހުރިތަނުން ކުރިޔަށްގެންގޮސް ހިފުން (2) ތިމާގެ ބާރުގަދަ ކުރަމުން ކުރިއަރުވަމުން ގެންދިއުން (3) ބައްޔެއް ފަދަ ކަމެއް ފެތުރެމުން ދިއުން