radheef.info
ރަދީފު


ކައި
ނ )ބދ ( އަތްތިލަ
ބިލެތްކެފުން
މ ބިލެތްގަނޑުގެ ސިފަ ރީތިކުރުމަށް ކައިރިފަށް ކަފައި ނެގުން
ބިލެތްދަޅި
ނ ހަލާކުނުވެ ގިނަދުވަހު ހުންނާނެހެން ބެހެއްޓުމަށްޓަކައި ބިލެތް އަޅައިފައި އޮންނަ ކެޔޮ ދަޅިގަނޑު
ބިސީ
ނ (1) ދަތުރުމަތީގައި އެކުގައި ކާން އުޅޭ ބައިގަނޑު (2) އެކުގައި ކައިބޮއި އުޅޭ ބައިގަނޑު
ބިސްލަވަ
ނ ކުކުޅު ބިސްއަޅާން ކައިރިވީމާ ކިޔާލަވަ ނުވަތަ ލަވާކާކާ
ބިޑި
ނ (1) ކުށްވެރިންގެ އަތްފައިގައި އަޅާ ކަސްތޮޅު. (2) ދުންފަތުގެ އިސްތިޢުމާލު ކުރުމަށްޓަކައި އެތެރެއަށް ދުންފަތް އަޅައިގެން ފަތުގައި ނުވަތަ ކަރުދާހުގައި އަނބުރާ އެއްޗެއް (3) ދަގަނޑު ހޮޅިފަދަ އެއްޗެހި އެއްކޮށް ހަރުކުރުމަށް އަޅުވާ ތަޅެއް
ބީމަހީމަ
ނ "ބީވަރ" ކިޔާ ޖަނަވާރެއްގެ އުރަވަޅިން ނެގޭ އެއްޗެއް. މިއީ ބޭހަށް ބޭނުންކުރާ މަޑު މީރުވަހެއް ދުވާ އެއްޗެކެވެ މިޖަނަވާރު ދިރިއުޅެނީ ފެނުގައެވެ މީގެ އުރަވަޅީގައި މާމުއި ކަހަލަ ތެތްކަމެއް ހުރެއެވެ އުރަވަޅި ދުލިގަނޑާއެކު ނަގައިގެން ހިއްކައިގެން ބޭހަށް ބޭނުން ކުރެއެވެ
ބުހިލުން
މ )ސ ( ކުޑަކުދިން އެކުދިންގެ އަމުރަށްވުރެ ދޮށި މީހުން ދައްކާ ވާހަކަ ދައްކައި އުޅުން
ބުންކުރަ
ނ )ބދ ( ކައިތުވައްބަޑި
ބުރިބުރިވުން
މ (1) ދިގުއެއްޗެއް ހުރަހަށް ބައިބައިވުން (2) ތޫނު ހަތިޔާރަކުން ނުވަތަ ތޫނު އެއްޗެއް ކައިގެން ނުވަތަ ތޫނު އެއްޗެއް ބޮއިގެން ހަށިގަނޑުގެ ގުނަވަނެއް ތަނަކުން ކަނޑަ ކަނޑައިގެން ދިއުން
ބުރިކުރުން
މ (1) ދިގު އެއްޗެއްގެ ބައެއް ތޫނު އެއްޗަކުން ހުރަހަށް ވަކިކުރުން (2) ތޫނު އެއްޗަކުން ކޮޅަށް ހުރި ގަހެއް ނުވަތަ ދަނޑިއެއްފަދަ އެއްޗެއް ކެނޑުން (3) މޫދުމަސް ބޭނުމަކަށްޓަކައި ފަޅައި ކޮށުން
ބުރުން
މ (1) އެއްޗެހިތަކަކުން އެތިއެތިކޮޅު ކުއްލިއަކަށް ވިހުރުވުން މިސާލު: )ހ( ކުނޑިބުރުން )ށ( ހިރަފުސްބުރުން (2) ވައިގެތެރެއަށް އެއްޗެއްގެ އަސަރު ފެތުރިގެންދިއުން މިސާލު: )ހ( ހިރަފުސްބުރުން )ށ( ދުންބުރުން (3) މެހިމާބުރުފަދަ ތަކެތި އެއްޗެއްގެ ވަށައިގެން ނުވަތަ އެއްޗެއްގެ ކައިރީގައި އުދުހުން މިސާލަކަށް: މެހިބުރުން
ބުރުމާކަށި
ނ ތޮރުފުމަށްޓަކައި ބުރުމާގައި ޖަހަން ހަދައިފައި ހުންނަކަށި
ބުރުޖެހުން
މ (1) ދައުރުވުން ނުވަތަ ދައުރުކުރުން. (2) ގެއެއްގެ ދޮށުން ނުވަތަ ތަނެއްގެ ކައިރިން ސައިކަލެއް ފަދަ އެއްޗެއްގައި ގިނަގިނައިން ދުއްވުން ނުވަތަ ހިނގުން. (3) އެންމެން ހިމެނޭގޮތަށް ފަހަރަކު މީހަކަށް ޖެހޭގޮތަކަށް ކަމެއް ހިނގަމުން ދިއުން. (4) މުނިފޫހި ފިލުވުމުގެ ގޮތުން ނުވަތަ ވަކިކަމަކު ރަށުތެރޭގައި ދުއްވައިލުން ނުވަތަ ހިނގައިލުން
ބުރެވި
ނ ކަނޑޫގަހާ ވައްތަރުގަހެއް. މިއީ އުސްކޮށްހެދޭ ލަކުޑިހަރު ގަހެކެވެ. ފަލަމިނަކީ ދެކައިވަތްހައި ވަރެވެ. ގިނައިން މިގަސް ހެދިފައި ހުންނަނީ ކަނޑޫ ފާކައިރީގައެވެ
ބުޅަދެލި
ނ )އ.( ފަޅުބޭރު ތޮށިމަތީގައި އުޅޭ ލަނޑާވައްތަރުގެ މަހެއް. މިއީ މަޑުފެހިކުލައެއްގައި ހުންނަ ލޮނދި މަހެކެވެ. އެންމެ ބޮޑެތިކޮށް ހުންނަނީ ގާތްގަނޑަކަށް ކައިވަތެއް ވަރަށެވެ
ބުޅާހައްޖުވުން
މ )މިސާލުބަހެއް( ތިމާކޮށްކޮށްހުރި ނުބައިކަމެއް ދެން ނުކުރާނޭސިފަތައް ދައްކައިގެން އުޅޭމީހުނާ މެދުގައި ބުނެއުޅޭގޮތެއް
ބުޅާއަޑު
ނ ތިމާގެއަޑު ނޭންގުމަށްޓަކައި ބުޅާގޮވާހެން ނެރޭއަޑު
ބުޅިތުނބި
ނ ގޮނޑުދޮށު ދޫނީގެ ބާވަތެއް މިއީ އޮޅުކޮށްގެން ގޯތިތެރޭގައި ގެންގުޅޭ އުމުރު ދިގު ދޫންޏެކެވެ މީގެ ދެތިން ވައްތަރެއް އުޅެއެވެ މިދޫނީގެ ތުން ހުންނަނީ ދިގުކޮށް ގުދުކޮށްނެވެ ފައިދިގުވާނެއެވެ ފަތްތަކުގައި ދޮން ކުލައަކާއި ގަދަ މުށިކުލައަކުން ދެފަތް ކިރުޅިވެފައި ހުރެއެވެ ބަނޑުދަށް ފަރާތް ހުންނަނީ ހުދުކުލައެއްގައެވެ މިއީ ބައެއް ދުވަސްވަރަށް ގިނަގިނައިން ގޮވާލަގޮވާލާ އިންނަ ދޫންޏެކެވެ އެގޮތަށް ގޮވަން ފެށީމާ ވިއްސާރަ މޫސުން ކައިރިވަނީކަމަށް ލަފާކޮށް "ފެނަށްގޮވަނީއޭ" ދިވެހިން ކިޔައިއުޅެއެވެ
ބުޅިޖެހުން
މ (1) މަސްބާނާ ބުޅިހެދުން (2) ދޮށީގެ މިޔަވާލީގައި ލައިފައި އޮންނަބުޅި މަސްބޭނުމަށްޓަކައި ހޫރައިފައި ކަނޑަށްޖެހުން
ބުލޫކިޔާ
ނ ފަތް ހިމަދިގު ކޮށް ކައިރީގައި ތުނޑު ތުނޑު ލައިފައި ހުންނަ ވައިފިލާޒާތުގެ ތޮޅިއެއް މިއީ ވާކޮށްހެދޭ ކުޑަގަހެކެވެ