radheef.info
ރަދީފު


ބޭރު
ނ (1) އެތެރެޔަށް ނުވާތަން. މިސާލު: ގެއިންބޭރު. ބޭރުމަތި. (2) ވަތްހޭލާ ހިސާބު. (3) ގަނޑުވަރުތެރޭ ބޭފުޅުން ތިއްބަވާ ތަންތާނގައި ބޭރުން އަންނަ ޚާއްޞަ ރައްޓެހިފުޅު މީހުންނަށް ކައްކާބަތް. (4) ނއ. އެކަމެއްގެ އެތަނެއްގެ އެއްޗެއްގެ އެބައެއްގެ ތެރޭގައި ނުހިމެނޭ
މުތާމުދަގަނޑު
ނ ނަވުގެ ބޯރުދޫ ބޭރުގައި ކުނބާ ހަމަތާގައި ކުނބުގެ ވާ ހިފުމަށް ހަރުކޮށްފައި ހުންނަ ފަލަ ދަގަނޑު
މުޑި
ނ (1) ދަނޑިފަނުން ގެދޮރުފަދަ ތަންތަނާއި ފުޅައްއަޅާއިރު އެތަން ހިފެހެއްޓުމަށް އެކި ހިސާބުން ބިމަށްޖަހާފަލަ ދަނޑި ނުވަތަ ހޮޅު (2) އޮޑި ދޯނިފަހަރު އެހެލައިފައި ހުންނައިރު އޭގެ ދެފަރާތުން ވިއްދައިފައި ހުންނަ ފަލަ ލަކުޑި ބުރިތައް (3) ފާލަން ހިފެހެއްޓުމަށްޓަކައި ބިމަށްޖަހާ ރުއްގުޅި ފަދަތަކެތި ނުވަތަ ކޮންކްރީޓް ތަނބު (4) ކާށީގެ އެތެރޭގައިހެދޭ މަޑުކަމެއް ހުންނަ ބޭރު މަޑުރީދޫކޮށް އޮންނަ އެތެރެ ހުދު މީރު ފޮނި އެއްޗެއް
މުޑުވައްކުދީން
ނ (1) ޓެސްޓްޓިއުބްގައި އަށަގަންނުވާކުދީން (2) ފިރިހެނެއްގެ މަންޏާއި އަންހެނެއްގެ ދަރިއަށަގަންނަ ބިސްނަގައި ހަށިގަނޑުން ބޭރުގައި ގަނރުބަ ގަންނަގޮތް ހެދުމަށްފަހު ކޮންމެވެސް އަންހެނެއްގެ ރަޙިމުގެ ތެރޭގައި އެބިސް އިންދުމުން އާދައިގެ ގޮތުގައި ބަނޑުބޮޑުވެ ވިހާ ކުދިން
މޫދުމާގަނޑު
ނ ފަރުފަރުގެ ބޭރުމަތީގައްޔާއި ފަޅުފަޅުގައި މާގަނޑެއްހެން ހުންނަ މުރަކަ ޢާއިލާގެ އެއްޗެއް ޚައްޠު އިސްތަވާގެ ކަނޑުތަކުގައި ހުންނަ މިބާވަތުގެ ބޮޑެތި މާކަނޑުގައި މާގަނޑުމަސް ނުވަތަ ސައިބޯނިމަސް ދިރިއުޅެއެވެ
މެށުން
މ (1) ލަކުޑިފަދަ އެއްޗެއްގެ ބޭރު ތޫނު އެއްޗަކުން ތުނިކޮށް ކޮށުން (2) މޭވާފަދަ ތަކެތީގެ ބޭރުތޮށި ތޫނު އެއްޗަކުން އެއާ ވަކިކުރުން (3) ވެއްޓިގެން ނުވަތަ ތަނެއްގައި ޖެހިގެން ހަށިގަނޑުގެ ތަނަކުން ލޭގެ އަސަރު ފެންނަވަރަށް ހަންދިއުން (4) )ބދ ( އޮޑައު
މެދު
ނ (1) ދިމާމެދު (2) ވައްބުރެއްގެ އެތެރެއިން ފެށިގެން ބޭރުރޮނގާ ހަމަޔަށް ދަމާލެވޭ ހުރިހާ ރޮނގުތަކެއް އެއްވަރުވާ ނުކުތާ (3) އެއްޗެއް އޫކޮށް ހުރިއެއްޗެއްގެ މަތީގައި ބާއްވައިފިނަމަ އެއެއްޗެއް ހުރިހާ ފަރާތަކަށް އެއްވަރުވާ ނުކުތާ (4) އެއްޗެއް ދެބައިކޮށްލާއިރު ދެފަރާތަށް އެއްވަރުވާ ނުކުތާ (5) ކަމެއްގެ ފެށުމާއި ނިމުމާ ދޭތެރެ (6) ބެހޭ މިސާލު: އެފޮތާމެދު (7) ފުޅަފުގައި ނުވަތަ ފުރާޅުގައި ފަންލާއިރު ނުވަތަ ދަމާއިރު ފަންގަނޑު އެއްވަރަށް ބެހެއްޓުމަށްޓަކައި ތަންތަންކޮޅުން އައްސާއެތިފަށް
މެދުހިނޮޅި
ނ )ލ ( ގޭގެ މެދު އޮޅި )ބޭރުގެއިން އެތެރެއަށް ވަންނަން ހުންނަ ދޮރުގެ އޮޅި
މެދުބިތް
ނ (1) އިހުގެ ގޭގޭގައި މެދުއެތެރެގެއާ ބޭރުގެއާ ދެމެދުގައި ހުންނަ ބިތް (2) ގޭގެ ކޮންމެ ދެބައެއް ވަކި ކުރުމަށްޓަކައި ހުންނަ ފާރު ނުވަތަ ބިތް
މެދުއެތެރެގެ
ނ އިހުގެ ބައެއް ގޭގޭގައި ބޭރުގެޔާ އެތެރެގެޔާ ދެމެދުގައިވާ ބައި
މެދުއޮޅި
ނ (1) އިހުގެ ބައެއްގޭގޭގައި ބޭރުގެއިން މެދު އެތެރެގެއަށް ވަންނަން ހުންނަ ދޮރުގެ އޮޅި (2) އޮޑިދޯނިފަހަރުގެ މަތިމަޅާދަށްމަޅާ ދޭތެރޭ އިންނަފަތްމަތީގާ އަޅާ އޮޅި
މެދުދޮރު
ނ އިހުގެ ގޭގޭގައި ބޭރުގެ ތެރެއިން މެދުއެތެރެގެއަށް ވަންނަން ހުންނަ ދޮރު
މެދުގެ
ނ (1) ބޭރުގެ ތެރޭގައި ހުހަށް އޮންނަތަން (2) ގޭތެރޭގެ ބިންމަތި (3) ބޭރުގެ
ފަހުރުއްދަނޑި
ނ ޖަހާ ދޯނިކޮޅުގައި ދަމައިފައި ހުންނަ ރިއްސެއު ފަށެއް މިފަށް ހުންނާނީ މަތިކަނުގެ ބޭރުފަރާތުގައި އަޑިކޮށް ނަގައިފައި ހުންނަ ފަށެއްގެ ތެރޭގައެވެ
ފަހުބަސް
ނ (1) ނަސޭހަތްދީދީ ގަބޫލުނުކޮށްގެން ދެން އިތުރަށް އެއްޗެއް ނުބުނަން ގަސްދުކޮށް ބުނާ އެންމެފަހު ޢިބާރާތް (2) މަރަށް ޙާޟިރުވެފައި އޮންނަ ވަގުތު އަނގައިން ބޭރުވާ ބަހެއް ނުވަތަ ކުރެވޭ ވަޞިއްޔަތެއް
ފަށަލަ
ނ (1) އެއްޗެއްގެ ނުވަތަ ތަނެއްގެ ބޭރުގައި ނުވަތަ މަތީގައި ނުވަތަ އަޑީގައި ހުންނަ ހަނި ދިގު ޅިޔަ ނުވަތަ އެގޮތަށް ހުންނަ އުފުލުން (2) އެއްޗެއް އުފެއްދުމުގައި ނުވަތަ އުފެދުމުގައި މިގޮތަށް ހުންނަ ފަށްތަކުން ފަށެއް (3) ފަށްފަށަށް ހުންނަ ހުރުން
ފަށްދަނޑި
ނ މަސްއޮޑިފަހަރުގެ ބޭރުގައި ދަމާ ފަށެއް މިފަށް ދަމައިފައި ހުންނަނީ ދިރުނބާކޮޅުގެ ކުރަފަތްފިލާގެ ދަށުގެ ކައިރީންނެވެ
ފަންސުރުމަސް
ނ ފުންނަ ޢާއިލާގެ މަހެއް. މިއީ ފަޅުފަޅުގެ ބޭރުތޮށީގައްޔާއި ގަލާއި މުރަކަތަކުގެ ތެރޭގައި ދިރިއުޅޭ މަހެކެވެ. އެން ހިފާއިރު މަދުމަދުން މިމަސް ހިފައެވެ
ގެސްޓުން
ނ (1) ޓޫރިސްޓުން (2) ރިސޯޓުތަކަށް އައިސް އުޅޭ ބޭރުމީހުން
ގޭހާގެއަށްގަދަވާނެ
)މުސްކުޅިބަހެއް( ބޭރުން އަންނަ ބަޔަކަށްވުރެއެތަނެއްގައި އުޅޭ ބަޔަކަށް އެތަނެއްގައި އުޅޭނެގޮތާއި ފިލޭނެ ތަންތަން އެނގުމާ މިކަހަލަ ގޮތްގޮތުން އެތަނަކަށް މާފަރިތަވާނެކަން އެންގުމަށް ބުނެއުޅޭ ބަހެއް
ފަރަންސާ
ނ ފުރާދުއްވާ ތަކެތީގެ ބޭރުގައި ކުރަންޖެހޭ މަރާމާތު ފަދަ ކަންތައް ކުރުމަށްޓަކައި އަރައިތިބުމަށް ބޭރުގައި އެލުވާ ފިލާ ނުވަތަ ޖާލިގަނޑު